اين الضمائر واين موباتيل واين الشرطة واين شريحتى 0912285511

قصتى قد تكون غريبة وهى كالاتى :

اشتريت شريحة موبايل رقم 0912285511 شهر اغسطس 2001 تقريبا من احدالمعارف وبحق الزمالة والمعرفة لم نكترس فى نقل الشريحة الى اسمنا وظللنا نعمل بهذه الشريحة طيلة الخمس اعوام وكانت بحوزة اخى الاصغر واحدى عنوان الشركة بالسودان ومطبوع الرقم ومنذ ذاك التاريخ 2001 م فى جميع مطبوعاتنا الخاصة بشركة النورين وكل عملاء الشركة يتعاملون معنا فى السودان عبر هذه الشريحة والى اليوم -
ولظروف عملية جعلت اخى يغيب عن الخرطوم لشهرين تقريبا مما جعل الشريحة مغلقة وعندما عاد وفتح الشريحة وجدها مقطوعة وبسؤاله لموباتيل كانت المفاجاة وهى ان احدا اقسم اى ( قسم مشفوع باليمين عند القاضى ) انه ضيع شريحته وذهب بالاقرار الى موباتيل واستولى على الشريحة وعند اتصالنا بالشريحة وجدنا شخص يدعى (ع) بانه اشترى الشريحة من شخص يدعى (ه) وتنازل له عنها بواسطة محامى فاخبرت الشخص (ع) بان الشريحة ملكى و سلمته بعض مطبوعات الشركة وبها رقم الشريحة وقلت له انها عنوان لدى الشركة فكانت اجابته يعلم ذلك من كثرة اتصالات المتعاملين والسؤال عننا فسألته ما العمل تجاوب فى البداية وطلب مبلغ من المال يقدر 400000 جنيه حتى يتنازل عن الشريحة وبدأ يراوغ لفترة من الزمن لاكثر من اربعة اشهر فبعدها تيقنا بانه ليس بجاد ففتحنا بلاغ بهذا المضمون ولكن ومنذ اكثر من شهرين نحن فى مراجعة لاقسام الشرطة وموباتيل وما زالت الشريحة تعمل لدى من استولى عليها - وعندما راجعنا موباتيل وسالناهم كيف لهم ان يعطوا شريحه لشخص وليست مسجلة باسمه فعلمنا بان الشخص سؤل عن 20 رقم تستقبلها هذه الشريحة فاجاب على ذلك وسجلت له الشريحة وهذا هو معيار التاكد من صاحب الشريحة او عدمه لدى موباتيل فالسؤال هنا ؟

كيف علم هذا الشخص بال 20 رقماالتى تتعامل معنا ؟
كيف علم بأن هذه الشريحة صاحبها لم يستعملها لمدة طويلة ؟
وعند سوالى للمدعو (ع) عن كيف عرف هذا الشخص وكيف تمت المبايعة اخبرنى بان الشخص نفسه يملك اكثر من 38 شريحة بأسمه وهو مشترى منه اكثر من خمسة شرائح مميزة فكيف هذا دلونا ؟

اخلص الى الاتى :
توجد بالسودان عصابات لبيع وشراء الشرائح وفى نظرى تتكون من عناصر اهمها ان يكون يعمل بموباتيل ليراغب الشرائح المميزة كما يسمونها ليخبر بها افراد العصابة للاستيلاء عليها -
وكذلك يوجد مروجون لهذه الشرائح

انتظر منكم تحليلا لما حدث وكظاهرة خطيرة كيف لنا ان نحمى انفسنا من مثل هذه الجرائم ومن هؤلاء؟

ولكم خالص الشكر والتقدير

الاخ الفاضل

على السلام عليكم ورحمة الله تعالى وبركاته

يعوضك الله يا اخى الكريم لان الخطا منك انت انت رجل اعمال كيف لك العمل بشريحة موبايل

دون نقل ملكيتها بدليل قولك( لم نكترس فى نقل ملكية) هذا هو السند القانونى الذى يعطى الحق لصاحب الشريحة الحق بالبيع او التنازل للغير .

الذى اعرفه من التجربة ان موباتل تتعامل بالمستندات ممكن تكون فى عصابات بتعمل بالمتاجرة بالشرائح الموبايل بتنقل الشريحة من شخص الى اخر وانت وقعت فى فخ هذه العصابة
وايضا التقنية وصلت بان تحمى المستخدم فى اعادة الموبايل فى حالة سرقته ان كنت تعرف الرقم التسلسلى للموبايل المفقود وقد حدثت لشقيقى رد له الموبايل خلال اسبوع بعد ان فقد الموبايل بشريحته وعمل بلاغ وشهادة فقدان قدمت مع الرقم التسلسلى للموبايل .

يعوضك الله وانسى هذا الرقم واعمل واحد جديد وادرى فى مجال العمل شويه صعبة
بس ممكن تهدد بالضرر وعرقلة سير عملك لو عاوز محامى كارب قول لى شغل مجانى

بالتوفيق

انتصار

الاخت امنتصار - تحية طيبة وبعد

شكرا جزيلا على المرور

Quote: يعوضك الله يا اخى الكريم لان الخطا منك انت انت رجل اعمال كيف لك العمل بشريحة موبايل دون نقل ملكيتها بدليل قولك( لم نكترس فى نقل ملكية) هذا هو السند القانونى الذى يعطى الحق لصاحب الشريحة الحق بالبيع او التنازل للغير .

اذا تمعنت فى الموضوع ستجدين بأنى اشرت ان هناك عصابة استولت على الشريحة بالنصب والاحتيال وذلك لقيام احدهم باداء القسم بضياع الشريحة عنهم علما بأن الشريحة اصلا لم تكن مسجلة باسمه وحتى عضم الشريحة الاصلى بحوزتى ومنذ تاريخ شراءها 2001 م والى الان.

الموضوع يا استاذة انتصار كيف لموباتيل ان تنشط شريحة لشخص بدعوى انه حلف اليمين بان الشريحة ضاعت منه وهى فى الاصل لم تكن مسجلة باسمه ؟
خالص الشكر والتقدير

Quote: اين الضمائر واين موباتيل واين الشرطة واين شريحتى 0912285511

الاخ علي اسماعيل
الجاتكـ في شريحتكـ سامحتكـ

صديقى العزيز /خدر - خالص التحايا والاحترامات

Quote: الجاتكـ في شريحتكـ سامحتكـ

لن يضيع حقا وراءه مطالب وسترى طال الزمن او قصر سيدفعون الثمن غالى
وستضرب لى قريبا على هذه الشريحة -

السؤال - كيف لموباتيل ان تمنح شخص شريحة ليست بأسمه لمجرد تسريب احد موظفيها الارقام التى اتعامل معها ؟
اليست جريمه هى الاخرى ؟

خالص الود والتقدير

الأخ الحبيب علي إسماعيل
تحياتي
وكم أسفت لتدني الأخلاق في هذا الوطن الحبيب حتى صار الواحد منا يحلف كذباً وزورأ مع سبق الإصرار والترصد
ليستولي على حقوق الأخر بالباطل

Quote: وهى ان احدا اقسم اى ( قسم مشفوع باليمين عند القاضى ) انه ضيع شريحته وذهب بالاقرار الى موباتيل واستولى على الشريحة

ولكن هل تبقى هذه الإجرآت مفتوحة أمام الجميع لإسترجاع شرائحهم؟
إن كان نعم فلم لا تسلك نفس الطريق حتى تسترد هذه الشريحة وأنت صاحب الحق

Quote: كيف علم هذا الشخص بال 20 رقماالتى تتعامل معنا ؟

والإجابة على هذا السؤال جد مهمة وتوضح الكثير ويجب علينا هنا أن لا نلوم سوداتل على تصديقها رواية من أخذ الشريحة لأانه أتي بقسم من القاضي بضياع شريحته واستشهذ بعشرين رقم تستقبلها هذه الشريحة
ولو وكل الأمر لدي لما حكمت بغير ما حكم موظف سوداتل
لابد أن هناك طرق قانونية تستطيع بها استرداد هذه الشريحة التي هي بمثابة رأس مال وأصل من أصول الشركة

ونسأل الله أن ينتقم من الظالمين المعتدين على حقوق وأموال الغير

أخوك كمال

صديقى العزيز / كمال - التحية والاحترام

وين الزمن بيك يا رجل واحشنا والله - ارجو ان تضيفنى على الماسنجر طبعا الايميل بتاعى اتلحس لانى فقدت الباسويرد و الايميل الجديد هو [email protected]

Quote: وكم أسفت لتدني الأخلاق في هذا الوطن الحبيب حتى صار الواحد منا يحلف كذباً وزورأ مع سبق الإصرار والترصد ليستولي على حقوق الأخر بالباطل

انها الماساة يا كمال الم تتطلب منا فتح بوستات لفضح هذه المماراسات والتدنى المروع فى بلادنا والتى تتم على مرئ من الامن والشرطة ؟

اما اجراءات استرجاع الشريحة جارى على قدم وساق وقريبا سيدفعون الثمن غالى - هل تعلم ان هناك من يراغبون شرائح المغتربين بالذات وكم من مغترب ترك شريحته الا و وجدها مستولى عليها من تلك العصابات المتنوعة .
وهذا كوم وكوم الترصد بانتهاء الفترة الزمنية للتجديد كوم آخر فاحذروا اصحاب الشرائح المميزة .
والى ان نلقاك بالماسنجر هناك الكثير لاقوله لك
خالص الشكر والتقدير و البركة فى الشريحة اللمتنا فيك من جديد (ستشرق الشمس من جديديا كيمو

الاخ على اسماعيل

Quote: توجد بالسودان عصابات لبيع وشراء الشرائح وفى نظرى تتكون من عناصر اهمها ان يكون يعمل بموباتيل ليراغب الشرائح المميزة كما يسمونها ليخبر بها افراد العصابة للاستيلاء عليها - وكذلك يوجد مروجون لهذه الشرائح

يمكنك ان تذهب الى منطقة برج البركة بالخرطوم لترى هذه العصابات تمارس النهب والسلب بالقرب من قوام النجده والعمليات بمحلية الخرطوم
ربنا يعوضك واخاف عليك ان تدفع اكثر من 400000 الف مابين موبتل واقسام الشرطة والمحاماه
تحياتى

الاخ على اسماعيل
لقد اخبرتك قبل فترة بان الرقم اتصلت عليه وقال اشترى الشريحة
ولكنك اهملت الحكــــــــــــاية

.............
انا منتظرك على الهاتف

العزيز زهير - تحية واحتراما

اولا الشكر على المرور وبخصوص الوصية انا ما اتجاهلتها ولكن كثرة المشاغل ولكن يا اخى ملحوقة - حاولت الاتصال بيك ولكن ياتينى يا اما مشغول ويا اما مغلق عموما الرجاء ارسل لى هاتفك ك text message وكمان تلفون العريس

خالص الشكر والتقدير

w]drn hgu.d. / fg]n dh pf,f hkj - hgjpdm ,hbpjvhl
,dk; dh hon lk .lhk f,sj

الاخ الصديق / بلدى يا حبوب يا انت - التحايا النواضر
شنو يا اخوى من بوستات الهلال الظلاميين ديييك وعيييك ؟ طبعا الشخبتة الفوق دى اختبار والبحلو لى يطلب العايزو من بلدى يا حبوب

Quote: ربنا يعوضك واخاف عليك ان تدفع اكثر من 400000 الف مابين موبتل واقسام الشرطة والمحاماه

الاجراءات جارية على قدم وركبة و قسما لو ادفع على المبلغ الطالبو ده صفرين زيادة للمحاميين وخلافه ما حأخليها ليهو والينتظر توابعهاوكما بقولوا اخوانا المصريين التقيل وراء وانا ويا هو والزمن طويل وشكرا جزيلا على الطلة
خالص الشكر والتقدير

يا استاذ اسماعيل
محزن أمر فقدك للشريحة بهذه الطريقة
لاكن عندي ليك اقتراح تشفي بيه غليلك على الأقل
تمسك اي زول من شفع الأهل وتمليهم الرقم, وتوصيهم يعملوا ليه زي 50-100 مس كول في اليوم
وأضرب العدده في عدد شفع الأقارب والأصدقاء
أبدا كدي بي 10 شفع وحتدعي لي
طبعا الناس ديل يكونوا من سكان الامارات عشان ما يمسكوهم
وانشاء الله ما يكون عامل خدمة اظهار الرقم عشان ما يعرف البلد المتصلين منها
وهكذا حتى يزهج صاحب الشريحة منها ويخليها
لاكن تدفع ليه؟ محـــــــــــال , ده مالك وده ما بيستاهله

وأهو منها تآدب الزول السرق الشريحة ومنها تملى وقت فراغ الأطفال في الاجازة الصيفية وصدقتني حينبسطوا من اللعبة دي جدا

الدكتورة ايناس / التحايا النواضر

Quote: تمسك اي زول من شفع الأهل وتمليهم الرقم, وتوصيهم يعملوا ليه زي 50-100 مس كول في اليوموأضرب العدده في عدد شفع الأقارب والأصدقاءأبدا كدي بي 10 شفع وحتدعي لي

طيب النبدأ بأعضاء البورد (طبعا ليس بشفع البورد ) عسى ولعل نصيحتك تجيب نتيجة -
لكن يا دكتورة دى غتاتة دكاترة ولا شنو ؟ يعنى لو واحد زى الحرامى بتاعنا ده جاكم مريض
بتعملوا معاهو شنو ده الا تنسو ليهو شاش ولا مقص داخل بطنو وبرضو - وانا كمان كلمت الشفع وكل البعرفهم وحتى البورداب مش يتصلوا بيهو بس يدعوا عليهو وحبسقطوا حجرو-

لكن يا دكتورة الظاهرة الدخلت مجتمعاتنا دى يحلوها كيف ؟

الحبيب علي اسماعيل

ربنا يرجعها ليك بالسلامه

لكن السودانيين بقو يسرقو الفي الخشم خلي البطاقه

ربنا يعوضك

عباس يا سيد الناس
اخبارك يا ابو محمد وين زولك ودالعجب فى انتظار تلفونو ولكن ما اتصل

Quote: لكن السودانيين بقو يسرقو الفي الخشم خلي البطاقه

تعرف يا معتز السرقة دى بقت زى المهنة المحترمة لدى جزء كثير من المثقفاتية تخيل السارق خريج وكمان من جامعة مرموقة وعمل فى سلك التدريس ( تخيل معلم ومربى ) هذا هو السارق - كيف بيكون حال النشئ البيعلمهم ديل والله حيفوتوا مافيات كوبا وكولمبيا وروسيا وجامايكا - الله يستر على اولادكم والجيل القادم انشاء الله من مثل هؤلاء
خالص الشكر والتقدير

تحية طيبة للجميع

لكن الرقم سمح

للاسف الظاهرة دى بقت منتشرة جدا

صديقى ابو الامين / التحية الطيبة

اخبارك يا ود الامين وبوستاتكم الحارة ديك والنجمة الخايف عليها - الهلالاب الزعلانيين

Quote: لكن الرقم سمح

لكن ما بنطرشو ليهو
شكرا على المرور

Quote: طيب النبدأ بأعضاء البورد (طبعا ليس بشفع البورد

يا استاذ اسماعيل, أنا قصدت الشفع عشان لمن يقبضوهم بتهمه الازعاج يلقوهم صغار وما يتسجنوا
ويقولوا أهو شفع وبيلعبوا بالتلفونات
لاكن ناس البورد ديل مصيبتهم مصيبة
بالمناسبة أنا في السليم عشان باكتب باسم رمزي

والله فعلا ظاهرة محزنة والملاحظ أن انعدام الضمير والأخلاق أصبح يتداول الآن كأنه شطارة وفهلوة وفقدنا حتى الاحساس بالخطأ أو العيب
لاكن انت جرب طريقتي لحد ما تنتهي القضية بتكون فشيت خلقك شوية
تحياتي وتقديري وربنا يرجع ليك نمرتك

يا ربي نمرتي الشرط العملتها في السودان بكونوا لطشوها يا شمهروش؟
كانت مطافي بس 000777
طبعا بدون فتح الخط عشان ما يسرقوها هي كمان

Quote: يا ربي نمرتي الشرط العملتها في السودان بكونوا لطشوها يا شمهروش؟ كانت مطافي بس 000777

الدكتورة زولا123
صباحك خير ......
في الحفظ والصون رقم المطافي

الدكتورة العزيزة / زوله 123

التحايا النواضر

Quote: والله فعلا ظاهرة محزنة والملاحظ أن انعدام الضمير والأخلاق أصبح يتداول الآن كأنه شطارة وفهلوة وفقدنا حتى الاحساس بالخطأ أو العيب

وبعدين الحل شنو فى نظرك ؟

Quote: يا ربي نمرتي الشرط العملتها في السودان بكونوا لطشوها يا شمهروش؟ كانت مطافي بس 000777

اما رقمك صديقى شمهروش قال عامل ليهو password والجن الازرق ما حيقدر يلطشو - هو ما كلمنى لكن انا ما سمعت الكلام واها بدفع فى الثمن
خالص التحايا والشكر

أطلب من كافة الخيرين في الخرطوم مساعدتي

حقيقة زى ما بقول المثل ( البشوف بلوة اخوهو بتهون عليهو بلوتو )
شوفوا عضو البورد المسافر الحصل عليهو شنو ؟؟؟؟؟؟؟؟؟؟؟؟؟؟؟

0912285511