Post: #1
Title: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 06-15-2005, 06:46 AM
Parent: #0
الإخوة الأحباب
السلام عليكم ورحمة الله
سمعت أمس من بعد غيبة طويلة الأستاذة حنان النيل وهي تشدو من ألحان السني الضوي أغنية خسارة يا قلبي الحنين
رجعت لي زمن أخضر ولي دنيا ندية ولي ذكري أصحاب ملأوا حياتي ألق ونور وسماحة
لكني وقفت طويلة مع مقطع
يا قلبي سامح فى المحبة فى الدنيا مافي محبتين
ودارت بذهني عدة أسئلة:
1- السماح فى المحبة لي ياتو مدي؟
2- السماح مهما تكون غلطة الطرف التاني؟
3- السماح عشان السماح فى حد ذاتو ولا عشان فى الدنيا مافي محبتين؟
4- هل فعلاً فى الدنيا ما في محبتين؟ وطيب وين مقولة لا يمحو الحب القديم إلا حب جديد؟
ملاحظة:
السؤال 3 بيذكرني لأغنية عثمان حسين البقول فيها برضو سامحتك لأجلي ما لأجلك ، للمعاني العشتا أنظم فيها حولك ، أصلي بعدك ما هويت ولا حتي قبلك
ولكم خالص ودي
|
Post: #2
Title: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 06-16-2005, 01:50 AM
Parent: #1
ما في خبير يفتينا؟
|
Post: #3
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: نادر
Date: 06-16-2005, 04:12 AM
Parent: #1
| Quote: 1- السماح فى المحبة لي ياتو مدي؟ |
تسامح سماح الحب وبقين العشق مافي مدى محدد للسماح حساب مفتوح على نبض القلب ومسام الإلفة
| Quote: 2- السماح مهما تكون غلطة الطرف التاني؟ |
أيوة مهما تكون غلطة الطرف التاني .. حُسن النية مطية الحب ... الثقة مهد المحبة
| Quote: 3- السماح عشان السماح فى حد ذاتو ولا عشان فى الدنيا مافي محبتين؟ |
عشان الدنيا ما فيها محبتين
| Quote: 4- هل فعلاً فى الدنيا ما في محبتين؟ وطيب وين مقولة لا يمحو الحب القديم إلا حب جديد؟ |
المقولة دي أول مرة أسمع بيها ... الإنسان يعشق إمرأة واحدة ويحب كيفما شاء الهوى ... العشق لا يتكرر وفرق بين العشق والحب بالنسبة لي
ولا كيف؟؟
|
Post: #4
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 06-16-2005, 05:10 AM
Parent: #1
الأخ نادر
السلام عليكم ورحمة الله
هناك اجوبة تدعو للتفكير أكثر من الأسئلة التي طرحت.
وأجوبتك من ذاك النوع
صدقني وقفت كثيراً عند إفاداتك الرائعة مثل:
السماح حساب مفتوح علي نبض القلب ومسام الإلفة
حسن النية مطية الحب والثقة مهد المحبة
الإنسان يعشق إمرأة واحدة ويحب كيفما يشاء الهوي
كنت آمل أن أهتدي إلي إجابات فإذا بك تفتح الباب علي أسئلة لا نهاية لها من خلال أجابات لها طعم الشهد وتأثيره إذ تزيدك عطشاً كلما شربت منها.
عزيزي نادر أعد التفكير فى أسئلتي مرة أخري وأنا متأكد بأن ستخلص إلي إجابات أخري
ولكن أرجو أن أسأل سؤال من وحي إجاباتك عن الفرق بين الحب ، الهوي و العشق
ولك مني إهداء خاص وهو بإختصار قصة الرجل الذي وعد إبنته بأنه سيكف عن تعاطي العشق وسيكف لسانه عن ترداد سيرة الحب والمحبين والتأسي بحالهم ، غير أنها وجدته ذات مرة فى حالة ذوبان مع إحدي الإغنيات الشجية ولما ذكرته بوعده قال لها:
وذو العشق القديم وإن تعزي مشوق حين يلقي العاشقينا
لذالك تراني كما أراك مشوق حتي الثمالة
|
Post: #5
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: نادر
Date: 06-16-2005, 10:40 AM
Parent: #1
فاضل الفاضل
يا زول فتحت لينا سفراً طويل خلاص ... أقوليك كدي أنت خلال الويك إند ده قزقز في بوستك ده لغاية ما أجيك السبت ... أنا بأجز من العالم ده نهاية الأسبوع وبعيش في عالم خاص فيهو توكنلوجيا بس لضروريات المرحلة ... عارفك ما فهمتني بس خليها كده لما يجي آخرها ... أها في الفترة دي بوصي ليك زول ينزل ليك أغنية وما بقصر معاك ...
بعدين أنا ما خبير يا الفاضل ولا شيتين والله زول ساي كده مرة تهبب معاي ومرات أهبب ليها (الدنيا دي)
تحياتي أيها الشفيف ...
|
Post: #6
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: 3mk-Tango
Date: 06-16-2005, 11:49 AM
Parent: #1
| Quote: هل فعلاً فى الدنيا ما في محبتين؟ وطيب وين مقولة لا يمحو الحب القديم إلا حب جديد؟ |
_ "احبك اكثر "
_ " انا لست شيئا الا بك "
صدقيني يا مريم ، ان في حماقات المرء اليومية ، المتعددة ، تبقي هناك امرأة واحدة ، يعبدها الي أقصي درجات العبادة وهي الملجأ الوحيد لحظة الحزن المدمر ، أمرأة واحدة ووحيده ، لا تتركنا لمجرد نزوة بئيسة او لمجرد غلطه لو اتركبناها امام عقليه الجدة لغفرت الخطيئة .
_ " هربت معك الي النار حباً وهذا يكفي "
_ " وانا احسد هذه النار التي تاكل رداءة حماقاتي "
د. واسيني الاعرج .. مصرع احلام مريم الوديعة
الاخوان فضل كرار ونادر .. بجيكم تاني بس انتو واصلو بالطريقة دي ... لمن تجيبو خبرنا
|
Post: #7
Title: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 06-18-2005, 06:42 AM
Parent: #1
العزيز عمك تنقو
أسعدني جداً مرورك علي هذا البوست ومساهمتك فيهو
ودي فرصة عشان أشكرك علي لحن الخميس الذي كنت تنزله فى الماضي
أياما ديك أنا كنت فى دبي وبعدها القاهرة وكان لحن الخميس وتر مشدود بين ذكرياتي فى السودان وبين حاضري فى الغربة لذلك تشكر يا باشا
أما خوفك من أن نجيب خبرك فيا عزيزي إنشاء الله يوم شكرك ( خبرك ) ما يجي ومافي زول خبرو بجي قبل يومو بس أسأل الله لك ولنا العافية.
عزيزي نادر
هابي ويك إند محل ما تكون
شكلي كدا براي بجيب الهواء لي نفسي وبفتح فى دروب بتدور ، الله يستر
تعرف يا نادر في مقولة مأثرة فى الواحد تأثير قوي جداً عشان سببين: 1- الزول القالها 2- قوة معناها
المقولة قالها أحمد زكي ربنا يرحمو ويحسن إليه ، قالها عن علاقتو وزواجو وطلاقو من المرحومة هالة فؤاد
طبعا أحمد زكي إنت عارفو وعارف تأثيرو فى معظم السودانيين
أما مقولوتو فهي ( فى حاجة إسمها الغباء فى الحب ) وهو كان ندمان أشد الندم علي تفريطو فى هالة فؤاد لدرجة إنو من سنة 91 ولحدي ما مات ما إتزوج وأكتر من كدا كان ساكن فى فندق ، تخيل 14 سنة فى فندق هرباً من ذكرياته وندماً علي تفريطه.
يا زول الله يديك العافية
وأنا منتظر
|
Post: #8
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: بلدى يا حبوب
Date: 06-18-2005, 08:12 AM
Parent: #1
بالله ايه الروعه ده والشعور والاحاسيس الجميلة ده يا مرهف
وعمنا تنقو كمل الناقصة
حقيقة اغنية تحمل مضامين حروف مثقلة بانات وعذاب الحب
قصة بفصولها عبر كلماتها ولا اجد غير ان ارخى مسامعى واحساسيى واسافر فى نفاثة الطرب الوجدانى .....عبر صوت حنان النيل الدافىء
شكرا لهذه الاستراحة الرومانسية
يا قلبى سامح فى المحبة فى الدنيا مافى محبتين
قمة الاخلاص
والقالوا ليك عن الفراق انشاءالله ما تشوفى عين
ويتداعى الوفاء
ويقولواعنا ظالمين يا حللنا نحن المخلصين
وتنداح المحبة وينكشف معدن القلب فى دنيا الحب
تحياتى
Quote: يا خسارة يا قلبى الحنين
هجرونا احباب السنين
من غير سبب ظلموا الغرام
الكان حلو والكان امين
ويقولوا عننا ظالمين
يا حليلنا يا حليلننا
حليلنا نحن المخلصين
يا خسارة يا لحنى الفريد
....................
واه حرى من هجر البريده
وقسوةالزول البريد
ابكيك وين القى الدموع
يا ريت من بعدك تفيد
يا قلبى انت الفى هوال
دايمن وفىء ودايمن امين
اشقاقك أحب الناس اليك
رغم الحنين الطال سنين
يا قلبى سامح فى المحبه
فى الدنيا مافى محبتين
والقالوا ليك عن الفراق
انشاء الله يوم ما تشوفوا عين
ويقولوا عنا ظالمين ياحلينا نحن المخلصين |
|
Post: #9
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: faisal44
Date: 06-18-2005, 08:29 AM
Parent: #8
العزيز فاضل
نحن فى زمن قل فيهو الحب ودايما ياتى الحب من طرفا واحد وعشان كدا بقول ليك زى ما قال الشاعر :-
اذا المرء لايرعاك الا تكلفا
فدعه ولا تكثر عليه التاسفا
ففى الناس ابدال وفى الترك راحة
وفى القلب صبر للحبيب ولو جفا
فما كل من تهواه يهواك قلبه
ولاكل من صافيته لك قد صفا
اذا لم يكن صفو الوداد طبيعة
فلا خير فى ود يجى تكلفا
وزى ماقالوا الجماعه من عفص ليك اعفصصصصصصصصصصصص ليهو
وجاتك فى مالك سامحتك............
|
Post: #10
Title: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 06-18-2005, 09:08 AM
Parent: #1
العزيز بلدي يا حبوب
يا سلام عليك يا رائع
وأزيد عليهاالمقطع القالو سيد أحمد الحردلو فى مصطفي سيد أحمد
يا سلام عليك لمن تكون زولا عزيز عند ناس عزاز
لأننا نحن السودانيين أعز ناس حتي لو ما كنا عارفين
وحبنا أصدق حب حتي لو كنا غافلين
وشعرنا أجمل شعر تغني به الفنانون
وإنت أكيد واحد عزيز من بلد عزيز وحبوب يا بلدي يا حبوب
العزيز فيصل 44
صدقا لي كلامك ومن نفس القصيدة
ولا خير فى خل يخون خليله ويلقاه من بعد المودة بالجفا
وينكر عيشاقد تقادم عهده ويظهر سرا كان بالأمس قد خفا
طبعا دا علي الإطار النظري
لكن تعال للواقع وشوف الحالة
والله يصبرنا
|
Post: #11
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 06-19-2005, 01:12 AM
Parent: #1
العزيز نادر
عساك بخير
|
Post: #12
Title: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 06-22-2005, 02:54 AM
Parent: #1
هل من مزيد
ولسه يا ما الجراب يا حاوي
|
Post: #13
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: نادر
Date: 10-30-2005, 02:29 AM
Parent: #12
*
|
Post: #14
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 10-30-2005, 05:09 AM
Parent: #13
لا حول ولا قوة إلا بالله العلي العظيم
البوست دا نكتو من وين؟
دي شكلها بشائر العيد
الأخ نادر
العيد الجاب الناس لينا جابك
يا مراحب
وشيل شيلتك لأنو البال رائق علي الآخر
علي كل سلاماتي
|
Post: #15
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: ناصر محمد خليل
Date: 10-30-2005, 05:43 AM
Parent: #1
تحياتي أخ فضل
بوست جميل جدا وأطرب لتلك الاغنية الرائعة حصوصا يصوت الفنان جمال فرفور ..
هل هناك إمكانية لإنزال الأغنية ...
|
Post: #16
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: ناصر محمد خليل
Date: 10-30-2005, 05:43 AM
Parent: #1
تحياتي أخ فضل
بوست جميل جدا وأطرب لتلك الاغنية الرائعة حصوصا يصوت الفنان جمال فرفور ..
هل هناك إمكانية لإنزال الأغنية ...
|
Post: #17
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 10-30-2005, 06:13 AM
Parent: #16
الأخ ناصر
فعلاً هي أغنية طرب عالي المستوي
وأكثر من ذلك أنها تجعلك تفكر بقلبك وتحس بعقلك عن مكامن الإنسان واحاسيسه
يا ريت لو كان عندي الأغنية علي الجهاز أو علي أي وسيلة حفظ
خلينا نفتش سوا
لك مودتي
|
Post: #18
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: عبد الناصر الخطيب
Date: 10-30-2005, 01:48 PM
Parent: #1
يا قلبى انت الفى هواك
دايمن وفىء ودايمن امين
اشقاقك أحب الناس اليك
رغم الحنين الطال سنين
******************************************************
* هل فعلاً فى الدنيا ما في محبتين؟ وطيب وين مقولة لا يمحو الحب القديم إلا حب جديد؟
من الاخر لايمحو حب قديم ألا حب جديد
وبالتجربة الشخصية والتجربة المسموعة أو المعايشة لدي أخرون يمكن في الدنيا تكون محبتين وتلاته
والزول الزمان بتاع نقل فؤدك ؟؟؟
ماظن اصاب الحقيقة أو شي لها قريب
والزول بتاع لايمحو حب قديم ألا حب جديد
بتفق معه لحد ما لانو مرات ياحبيب حتمر بحالة تتصور معاها خلاص لحدي هنا وأى شي خلص
حتمر الايام وتلقي نفسك في حالة تانية
لما تتذكر حالتك ديك !!!
والله تستغرب من نفسك
******************************
بالجد حتي لو مافي محبتين في محبة صادقة لما تصادفه أى حب قبالة وتجربه مرت بيك حتحمد ربك انها أنتهت
مدام في الاخر وصلتك للحته الانتا فيها دي
( حتشكر الظروف )
********************
وياقلب انا كنت قايلك تبته من تعب السفر
من مبارات القمارى ومن شراب موية الطر
والله يديك العافية
|
Post: #19
Title: Re: يا قلبي سامح فى المحبة فى الدنيا ما في محبتين ؟؟؟؟؟؟
Author: Fadl Karrar
Date: 10-31-2005, 06:39 AM
الأخ عبد الناصر الخطيب
سلم وكل عان وأنت بخير
( بتفق معه لحد ما لانو مرات ياحبيب حتمر بحالة تتصور معاها خلاص لحدي هنا وأى شي خلص
حتمر الايام وتلقي نفسك في حالة تانية
لما تتذكر حالتك ديك !!!
والله تستغرب من نفسك )
كلامك دا شفتو عند ناس كتار جداً
وهو كلام فيه دلالات نفسية وحقائق إنسانية مؤكدة
تخليك تعرف فعلاً إنو النسيان ومرور الومن نعمة كبيرة تنسيك أصعب لحظات مرت عليك فى حياتك وما كنت متخيل إنها ح تعدي
الله يديك العافية مرتين
|
|