Post: #1
Title: مساهمه اولى... ديون الشعر والفم/ومدّاح نبات الليل
Author: محمد عبيد الفاضلابى
Date: 06-15-2005, 05:39 AM
غصبا عن مشيك بلفاك
وغصبا عن عيونى الشلتها
وعارفاك
بقطع من ولاد الشك
بحرس جيتك النابته
على وعد الصقيع المر
على...
المشدوه
وناصل فيك
على مهل الكرير الشاك
ربى يتولانى من بعدك
ويتولاك
ولسه انت
بتملا جواى الفراغات
وما...
بنسى ليك ابدا جميلك
بقطع من ولاد الشك
اجيلك
ومن زغاريد السبر
افرش ليك من الماضى
ما ... انعدلن عتانيبك
يا وجعى المنوسر طقه تانيبك
غصبا عن ملاوى الريح
بكيلك
وامشى ابكيلك قفاك
صهيلك يبرد الشينه
ونيلك
يمرق الدفاك من بردو
وكفاك...
من الرزمه
من الحزمه ماخساك
ميتيش البيربط صلبو وارم... ومنحجب فى الدم
سالم ومنغمس فى الزم
من نقّّّط كرش غيرك
نقّط فينى تمريرك
ولسه...
..............هههجيرك
فينى دافن الريح
|
Post: #2
Title: Re: مساهمه اولى... ديون الشعر والفم/ومدّاح نبات الليل
Author: صديق الموج
Date: 06-15-2005, 06:15 AM
Parent: #1
صاحبى السمح الفاضلابى
والله يا امحمد شوق لما بقى دبرة فى النفس جوة الجوة
اخبارك..امجادك..دكتورتنا ..امك..ناس السودان عموم
فول الواحة..ذاك المكان الذى ضحكنا عنده طويلا
انا...انت..اسماعيل التاج...اخاله الان يخرج لى لسانه
يضحك على..وانا خلفى بحور...لا تستبعد ان احرق السفن
واعبر البحر اليكم...قريبا ان شاء الله
لك منى التحية مجددوالاعجاب بما كتبت وبما سوف تكتب،،
|
Post: #3
Title: Re: مساهمه اولى... ديون الشعر والفم/ومدّاح نبات الليل
Author: almohndis
Date: 06-15-2005, 06:24 AM
Parent: #1
مرحب بيك اخوانا الشاعر
الفاضلابى
|
Post: #4
Title: Re: مساهمه اولى... ديون الشعر والفم/ومدّاح نبات الليل
Author: صديق الموج
Date: 06-15-2005, 06:48 AM
Parent: #1
عثمان الشماتة ما حلوة
|
Post: #5
Title: Re: مساهمه اولى... ديون الشعر والفم/ومدّاح نبات الليل
Author: عبد الرحمن الشبلي
Date: 06-15-2005, 07:36 AM
Parent: #1
يا حوا بتزيدي الحطب
شأن تكوي بالنار الرماد يا حوا بتزيدي الحطب
شأن تكوي بالنار الجمر
يا حوا يا بت الضليل
شن خبرك بيه الهجير
والحر بيعمل بالعرق
قطرة بتسيل..
شاقاها أرصفة الأنوف
بتصارع الخد الندي
شأن تسد الفلجة
في وسط السنون
عابراها ما بتقطع
تذاكر للسان
والطعم جان
لم عسل الدنيا
أتربع علي طعم العرق
شفتيه كيف عرق الغلابة
البمسحوها الدنيا
بي بسمة وخريف
يا حوا أية بتعرفي
عن بلادا
أصلو ما مطريه وين
كايسلها أنا
من سنين
واللأ أوصف لك
طريقا ومشيتا
أمشي الجنوب
تلقيها في نصف المهوقني
لا بسالا ..
توب بابأي
مطرز بالحرير
واللأ أقولك
خليها في حر الجنوب
امشيلا عن موز الشرق
تلقيها تشرب
قهوة البن
المضللة بالجبال
واشربي ما تخجلي
قهوتك مدفوع حسابا
من رصيد توتيل
ملايين الدراهم
والدنانير الحلال
واللا امشيلا
الشمال
تلقيها في الرطب
المكتف ايدو
لا من ولدو عيسي
ومستعد أحميها
ست الناس
إذا ما الناس
تعدو واستعدو وفجأة
قالوه المقال
واللا امشيلا الغرب
يمكن تتوهي عن الدرب
لكن مع الدهباية
ما أظن تلقي خوف
وغوصيها أمواج الرمال
وبرضو ما أظن تلقي ريحتي معاها يا بت الحلال
يا حواء يا بت المواعيد الغلط
يا حوا يا بت
المواعيد البتنزف
دم عبيد الرق
حفيانه
وكتين السياط
مشتاقة لي
وسط الضهير هيمانه
العايمه في نص النهير
نشوانة
القاطعة لي حبل
القلب
الواصلو ديما
هوي الضهير وهوانا
ما بتخجلي ...
ما بتخجلي...
قاطعاه مصراني
الملتق من لحم عضم
النفايات المعتقة
من شهور
وقاعد بفتش
في مثلث خوف كبير
كل البراهين
العرفتها اشتكت مني
استحقت فيني
حق الأمر
يا نص السراب
والعمل
اعمل شنو
قالتلي بي صوتا
خفيض
خت نقطتين
فوق بعض
سك الدروب
عضيها عض
ولما يلفحك البرق
امشيلو ما تخشي
الرعد
وشكرا علي كل
النصيحة الفاضلة
والشاربة من نوحي
وغناي
بس للأسف سافرت
فيك
وقطعت مليون تذكرة
ما فارقه يا ست المواعيد
القبيل لا من
سألتك عن بلادا
اصلو ما مطريه وين
في الحق نسيت آخر وصف
يمكن يساعدك في الزحام
والالتحام
شوفيها في الطير المهاجر
كان تطرز للحبيب أجمل حرير
يا حوا ودعتك الله عليك الله احمدي الله الفارقك قولي وغنائي
وآخر المطاف والانصراف الحق بقولا وبختما
ما بتشبهين ولاني شايف فيك سر سري
المصافح لي حشاي
|
Post: #6
Title: Re: مساهمه اولى... ديون الشعر والفم/ومدّاح نبات الليل
Author: محمد عبيد الفاضلابى
Date: 06-20-2005, 04:18 AM
Parent: #5
صديق الموج الرجل الحميم الانسان الصديق السمح
كيفك ؟شكرا على المرور الرايع
الصحه الاولاد الامور كلها تمام؟ يا خوى هشام شيخ الدين حبيبنا ده قاطع الخبر اديو لذّه شويه
متوقعين قدومك الى الوطن قريب هذا من مصادر خفيه
لك من كل الود.
ولنا عوده..
................عثمان كيفك؟ شكرا
عبد الرحمن الشبلى
شكرا
جميلا على الحركه الجميله (القصيده رايعه شديد)
بس عندى اختراح تنزلها فى الصفحه عشان يستمتعوا بيها الناس كلهم
تحياتى
(b)
|
Post: #7
Title: Re: مساهمه اولى... ديون الشعر والفم/ومدّاح نبات الليل
Author: معتز تروتسكى
Date: 06-23-2005, 07:31 AM
Parent: #6
محمد عبيد الفاضلابى
بالمناسبه الاسم ده ماغريب علي حقيقه يعني
يا الله ااااااااااااااااااااه
مفرط الاحاسيس
ياريت والله اكون شاكر الحضور لحد الدهشه الاولى
واترك لي حق اني اتعبد مسامك واحتويك
انا ماشاقك
جد مشتاقك
فوق الصورة
المنسوخه00
ياعين الزاوية الأخرى
تشابي درجه السلم
نبتت سكه عنيدة
ومشلوخه00
وانا معاي الخلاني صبي .. وكبرفيني الوجع الفات
؟؟ تاكيد ولا نفي
اكيد
| Quote: مساهمه اولى... ديون الشعر والفم/ومدّاح نبات الليل |
نكتب ودايما محرجين/شعر بعنوان....(وادى الطرابيل فى اسرايل)
شواّفات اوكرة الباب
|
|