Post: #1
Title: وامعتصماه دفع الله - المطر انهمر مديرا
Author: banadieha
Date: 06-15-2005, 01:05 AM
Parent: #0
معتصم دفع الله..طال التواري..ألم تعلم أن أباذر أنتقل من دور إلى دور أعلى وتغيرت تحويلة تلفونه؟..المهم ليس هذا..المهم أن المسمى الوظيفي تتضخم وانتفخت أوداج الحساب وأصبح الجيب خُرجا..وقصر المشوار..فهيا نبارك للمطر الترقية لمنصب مدير القسم.
|
Post: #2
Title: Re: وامعتصماه دفع الله - المطر انهمر مديرا
Author: ابو جهينة
Date: 06-15-2005, 02:20 AM
Parent: #1
بناديها العزيز
تحايا متواصلة و سلام مقيم
أباذر المطر يستاهل كل خير ..
عاوزين يتوسط لينا في شركتو نظام تقسيط مريح 
معتصم : إنت وين ؟
|
Post: #3
Title: Re: وامعتصماه دفع الله - المطر انهمر مديرا
Author: Habib_bldo
Date: 06-15-2005, 02:24 AM
Parent: #2
الف مبروك للمطر وعقبال تترقى مدير عام
|
Post: #4
Title: Re: وامعتصماه دفع الله - المطر انهمر مديرا
Author: Sidig Rahama Elnour
Date: 06-15-2005, 02:39 AM
أبوذر المطر به تزدهي الشاشة وترحل بك أفق كلماته الى مدى جديد
معتصم دفع الله صديق حبيب ، يكرّس في حضوره أدب الجمال وجمال الأدب
بناديها لك تحية وشوق ولكل من مرّ من قبلي من الاخوان أبوجهينة وحبيب بلدو
|
Post: #9
Title: Re: وامعتصماه دفع الله - المطر انهمر مديرا
Author: banadieha
Date: 06-15-2005, 03:20 AM
Parent: #4
الصديق صديق رحمة النور..أنظر كيف عندماتتزامن الردود على ساعة المنبر يحصل التعاقب!!!
قال لي أبوذر المطر أن الغربة أخذت ما أخذت ويجب علينا ألا ندعها تأخذ المزيد والرجل فرحته بالترقية أنها سلاح وقع في يده لقطع دابر الغربة بعد أجل مسمى بإذن الله.
أشكرك ياسيدي على المرور وبارك الله فيك ولك وبك.
|
Post: #5
Title: Re: وامعتصماه دفع الله - المطر انهمر مديرا
Author: banadieha
Date: 06-15-2005, 02:39 AM
المطر شاب لطيف..وصوفي زاهد..فهمت من عبارة أن الترقية من شأنها تقصير المشوار أن الترقية ستنقله لموقع عمل قريب من سكنه..ولكن!..اوضح لي المطر ان العائد المادي سيقابله تقصير لمدة الإغتراب وتيمم شطر الوطن فما سيتم تحقيقه ماديا خلال ثلاث سنوات يمكن الآن تحقيقه في مدة أقل.
أبا جهينة
وحبيب بلدو
بارك الله فيكما ولكما وبكما.
|
Post: #6
Title: Re: وامعتصماه دفع الله - المطر انهمر مديرا
Author: حمزاوي
Date: 06-15-2005, 02:46 AM
Parent: #1
ابوذر ود المطر
بركاتك يا اخوي ضمني ضمن كشف ابوجهينة
مبروك الترقية . . بس بكششنا
معتصم ود دفع الله
تمبس ابو النسب
طال غيابكم طال
بناديها
سأظل اناديك
|
Post: #10
Title: Re: وامعتصماه دفع الله - المطر انهمر مديرا
Author: banadieha
Date: 06-15-2005, 03:24 AM
Parent: #6
ياحمزاوي..نابنا من الترقية الفرحة..وإن مدت اقداح فسيكون ذلك على الكورنيش أو عند مبنى الخطوط السعودية القديمة وعندها علينا أن نضرس وعلى ناس جدة التلذذ...بارك الله فيك وبك ولك.
|
Post: #7
Title: Re: وامعتصماه دفع الله - المطر انهمر مديرا
Author: nadus2000
Date: 06-15-2005, 02:50 AM
Parent: #1
بناديها
تحياتي
وألف ألف مبروووك، وعقبال ما يتعالى مقامك ومقامه.
|
Post: #8
Title: Re: وامعتصماه دفع الله - المطر انهمر مديرا
Author: عبد الحميد البرنس
Date: 06-15-2005, 02:55 AM
Parent: #7
إلى الأمام.. يا شقيقي!.
|
Post: #12
Title: Re: وامعتصماه دفع الله - المطر انهمر مديرا
Author: banadieha
Date: 06-15-2005, 03:28 AM
Parent: #8
البرنس الأمين..الشقيق الحبيب..لم يبقى في الأفق شمالا فهيا خط رجعة ولو لبرهة إلى الجنوب. بارك الله فيك ولك وبك.
|
Post: #11
Title: Re: وامعتصماه دفع الله - المطر انهمر مديرا
Author: banadieha
Date: 06-15-2005, 03:26 AM
Parent: #7
اللهم آمين يانادوس وربنا يرد الغربة لدارا أمان...وبارك الله فيك وبك ولك.
|
Post: #13
Title: Re: وامعتصماه دفع الله - المطر انهمر مديرا
Author: waleedi399
Date: 06-15-2005, 03:58 AM
Parent: #1
الاخ بناديها ..
الف مبروك للاخ ابوذر المطر .. يتعلى ما يتدلى
وكمان يمشي لفوق ازيد وازيد .. نقلوه الدور الكم
قول ليه اذا فيها سلم .. ما يمشي كثير
واذا كان بالاسانسير "المصعد" يطلع ساكت، مافي كهرباء بتقطع 
العزيز معتصم دفع .. مشغول إلى حد النسيان .. ربما تطول الغيبة
نسأل الله ان يعود سليماً .. بعد ان تستقر الاحوال .. خصوصاً هنا
تحياتــي ..
|
Post: #14
Title: Re: وامعتصماه دفع الله - المطر انهمر مديرا
Author: زول ساكت
Date: 06-15-2005, 06:13 AM
Parent: #13
المطر مبروك وتستاهل اكتر
بناديها مشكور جداً
معتصم الشوق فاض بينا
| Quote: نسأل الله ان يعود سليماً .. بعد ان تستقر الاحوال .. خصوصاً هنا |
|
Post: #15
Title: Re: وامعتصماه دفع الله - المطر انهمر مديرا
Author: Frankly
Date: 06-15-2005, 06:24 AM
Parent: #14
الف ألف مبروك أباذر المطر
تستاهل أكثر من ذلك
فرحتنا بك كبيرة ولا توصف وكفى
وتحياتي
أخي بناديها على الخبر السعيد
بعد الدوام سأعلق على مداخلات " معذرة - شتات وريم "ولكن أسمح لي أن أدلكم على هذا المقال البديع للمطر
سنبلةٌ
كمال
|
Post: #16
Title: Re: وامعتصماه دفع الله - المطر انهمر مديرا
Author: THE RAIN
Date: 06-15-2005, 09:01 AM
Parent: #1
العزيز
الصديق الأخضر
بناديها
يمكن وربما من قبيل لقاء الأرواح
إنه الحبيب معتصم دفع الله، عمل لينا صيوان حدادى مدادى فى الضفة التانية من نهر اللقيا
وهسه أنت هنا بنيت لينا تعريشة محبة ولقاء، ونتشارك الفرح الجميل
غايتو يا بناديها حكاية "تقصير المشوار" دى أظنها أهم شى فى الشغلانة كلها، لأنه والله خلاص الفينا كملت، وكل ذرة شوق وحنين للبلد فينا بقت جبل عديل
انشاء الله العقبة للجنيات كلهم
ونتلاقى هناك، فى حضن البلد
حيثُ الأغنيات
مغموسة فى ندى الصباحْ
أو
حين يعطرها
بأنسه المساء
ليفوح أريجُ الوطن
الساكن فينا
فى عشقِنا المباحْ
حيث الأمنيات
مخبأة
بين ضجيج العيونِ
وصمت الجراحْ
وإمتنان كبير، قدر نبل وطيبة الناس العزاز ديل
ليكم جميعا، ويا ريت ينفتح شباك مزخرف بالورد فى الشاشة دى، عشان الزول يخت قلبه فى إيده ويسلم عليكم ويقالدكم
أبو جهينة
حبيب بلده
صديق رحمة
حمزاوى
نادوس 2000
عبد الحميد الأمير
وليد 399
زول ساكت
فرانكلى
وليكم الود والمحبة
|
Post: #19
Title: Re: وامعتصماه دفع الله - المطر انهمر مديرا
Author: معتصم دفع الله
Date: 06-19-2005, 05:00 PM
Parent: #16
وأنا على وعدي يا مطر ..
أشوفك بكرة في الموعد ..
أمانة الصبر ما طيب ..
بالله عليك أسمع الزول الجميل دا ..
محمد الأمين .. أشوفك ..
|
Post: #17
Title: Re: وامعتصماه دفع الله - المطر انهمر مديرا
Author: معتصم دفع الله
Date: 06-18-2005, 04:38 PM
Parent: #1
الحبيب بناديها ..
لم يفارق صوتك أذاني ..
فقد كنت متلفتاً ومنادي ..
وكان لزاماً علىّ الحضور لبلاط جلالكم ..
وأنا أحمل كل هذه الأشواق وكل هذا الحب ..
شكراً أستاذي فقد إستدعيت معي ذاك الزمن الجميل ..
وكل الناس الحلوة فيه ...
مبروك أخي المطر ..
وعقبال ما نشوفك مديراً للشركة الأم ..
وساعتها نجيك نحن شائلين الخرج الكبير ..
ونلم معاك كل الأفراح والقريشات ..
ونعود للوطن ..
ولدفْ الأهل ..
|
Post: #18
Title: Re: وامعتصماه دفع الله - المطر انهمر مديرا
Author: معتصم دفع الله
Date: 06-18-2005, 04:45 PM
Parent: #17
الأحباب
أبوجهينة
حبيب بلدو
صديق رحمة
حمزاوي
نادوس 2000
عبدالحميد البرنس
وليد399
زول ساكت
فرانكلي
شكراً جميلاً أحبتي ..
وعقبال ما نشوفكم في مراتب ومناصب عليا ..
لكم كل التقدير ..
كل الحب ..
|
Post: #20
Title: Re: وامعتصماه دفع الله - المطر انهمر مديرا
Author: THE RAIN
Date: 06-20-2005, 02:15 AM
Parent: #1
معتصم الحبيب
عقبال الفرحة الأكبر
ونتشاوف هناك
فى البلد
ونتلاقى فى نفس موعد المحبة
لامين وتامين انشاء الله
ولو تعرفنى كم بتعب
بعيد عن الحلوين الطيبين
وبتألم
وموعدنا الوطن
|
Post: #21
Title: Re: وامعتصماه دفع الله - المطر انهمر مديرا
Author: A.Razek Althalib
Date: 06-20-2005, 03:12 AM
Parent: #20
بناديها..
.
..
ونسمة همبريب نهديها...
ممزوجة بدعاش شوق الأهل...
تهنئة.. للمطر...
برضو بنهديها...
وربك يحقق الأماني...
وفرح التهاني شوق موصول..
عبر إستنجادنا...
للباهي ..
معتصم ..
دفع الله...
صديق الغربتين...
شامم ريحة تمبس ...
من على البعد..
في دروبنا...
تتقدل جيئة..
ودلال....
|
Post: #22
Title: Re: وامعتصماه دفع الله - المطر انهمر مديرا
Author: banadieha
Date: 06-20-2005, 08:37 AM
Parent: #21
العزيز عبدالرازق الطالب..لن نشكرك على المرور بل نشكرك على الحضور فأنت - اتفقنا أو أختلفنا مع خطك - لك بدرك في سماء البورد وغيابك يفتقد.
ولولا القيل بالإستثمار في رصيد البوستات لكنت أنزلت بوستا أنادي فيه دنقس وزول بن زول وعثمان حمد وسيمباتيكو وكثيرين غيرهم ممن تفتقد كتاباتهم حتى ولو كنت تكتفي بقراءتهم فقط.
|
|