Post: #1
Title: نحنحه الاشواق
Author: توما
Date: 06-08-2005, 02:15 PM
Parent: #0
إتمنيت لو
أنتمي ليك
أو
لفكرتك
لضحكتك
لقدرتك
أو حتي بس
لـ هم جواك
أو
أُمنيه..
لو بس تشوفني في اغنيه
او حتي
في خاطر حبيب
فارق حبيبه قلبو هســا
ومشتهيها
في بت بتملص ريدها
في مسكه ايديك
بينات ايديها
والدنيا جد كتمه
وضلمه
ومتعبه
وما هامي بيها
مشتهيه نقطع شارع الكبري الجميل
مرات سوا
والدنيا نيل
واقول حليل القمرا
وتقول ما انتي القمرا
و
نقعد نشاكس الليل
الرملا صاحبتنا
والشاطئ ود النيل
والنيل حبيبي عديل
وتغني بصوت حب
أجمل اغانيهو
واشيل معاك
الحب
والهم
وستر الحال
والكون ده بـ الفيهو
|
Post: #2
Title: Re: نحنحه الاشواق
Author: Ehab Eltayeb
Date: 06-08-2005, 02:41 PM
Parent: #1
Quote: لو بس تشوفني في اغنيه
او حت ...في خاطر حبيب
فارق حبيبه قلبو هســا
ومشتهيها..
في بت بتملص ريدها
في مسكه ايديك ..بينات ايديها...
والدنيا جد كتمه..وضلمه..ومتعبه
وما هامي بيها,, |
العزيزة توما:
شكرا لهذا الابداع...
والمشاعر المتدفقه في كبري النيل...
|
Post: #9
Title: Re: نحنحه الاشواق
Author: توما
Date: 06-21-2005, 10:30 AM
Parent: #2
ايهاب ازيك
وآسفه جدا ليك ولبقيه اصدقاء الكتابه لتاخيري في الرد كعاده غير محببه لدي
وشكرا لحضورك الدائم الجميل
|
Post: #3
Title: Re: نحنحه الاشواق
Author: بدرالدين شنا
Date: 06-09-2005, 00:00 AM
Parent: #1
العفيفة توما
سلامي الحااااااااااااااار
Quote: نقعد نشاكس الليل
الرملا صاحبتنا
والشاطئ ود النيل
والنيل حبيبي عديل |
أنا شايف حروف متحركة وصور معبرة وخيال خصب
إنتي ما بتوبي من الإبداع دا؟؟؟
|
Post: #5
Title: Re: نحنحه الاشواق
Author: abuguta
Date: 06-09-2005, 00:29 AM
Parent: #3
Quote: نقعد نشاكس الليل
الرملا صاحبتنا
والشاطئ ود النيل
والنيل حبيبي عديل |
رملة يشيلها السيل
سمكة زهجانه من روحة
جاية شايلة سكينة
النار جمرها موقد
دى ما شية راسها عديل..
وشايف البحر دافر
وتمساحا نابو كاسر
والقمر محارب الليل...
توما فاتحة البوست
وفرح عامل هوست
ايهاب عليها داخل
والبدر السمح
ينسج فى موج النيل..
عجبتنى لمتكم
وطولت من ونستكم
قلت اقول سلام
واشرب لى فهوة زنجبيل...
عرب جزيرة ناس طيبين
وام درمان مدينة النيل
والسلطنة محتكرة
ناس الابداع
توما وسوما
فرح وبدر وكلنا ابونا النيل..
|
Post: #11
Title: Re: نحنحه الاشواق
Author: توما
Date: 06-21-2005, 10:33 AM
Parent: #5
اب قوته طبعا دي هرجله الاشواق ما بعد الدوام
ونصيحه اعلانيه صر شوقك ده في بقجه وامشي اهلك
|
Post: #10
Title: Re: نحنحه الاشواق
Author: توما
Date: 06-21-2005, 10:31 AM
Parent: #3
يا بدر الدين ازيك كده
وما قلت تاني ما بتغيب
جو تاني ولا شنو؟
|
Post: #4
Title: Re: نحنحه الاشواق
Author: waleedi399
Date: 06-09-2005, 00:13 AM
Parent: #1
العزيزة توما..
تحـيـاتـي ..Quote: والدنيا جد كتمه
وضلمه
ومتعبه
وما هامي بيها |
والغربة مُـرة مظلمة ..
والغربة بالجد موحشه
عفــواً للتخـريـمة ..
ولـيـد
|
Post: #12
Title: Re: نحنحه الاشواق
Author: توما
Date: 06-21-2005, 10:34 AM
Parent: #4
اهلااا يا وليد
ربنا يكفينا ويكفيك شر الغربه قول امين
|
Post: #6
Title: Re: نحنحه الاشواق
Author: طيفور
Date: 06-12-2005, 04:36 PM
Parent: #1
غايتو يا توما قدر ما فتشت في اضابير الذاكرة الهرمة
وبحت في ورقي القديم عن كلام يوازن جمال المكتوب..
ما لقيت غير دي...
حين يشتعل الثلج
ويتصاعد لهب السكون كالضجيج
ويرسم المدى مدارا لإنسان
حين تنبت الأشواك ورودا من واقع الخيال
ويولد طفلٌ من غير جماع
حين يصير الموكب فردا يتظاهر بصخب في سريره
ثم يخلع ثيابه لينام
حين يسكن الوطن النسيان
وتهجرنا الذكرى وتبني قصرا من دخان
في بقعة سوداء
عند إرتطام خيال النهاية
بدمعة طفل يسكن قبرا في الكون
حين أكتب حرفا كان يكتبني
حين كان الحرف آخر نقطة
في إسم لا حرف فيه أو نقطة
**********
أنامل حلمٍ لطيف
تتحري الهلال في عتمة النهار
تحاول رسم الحقيقة علي جدران الغمام
تنقصها الظلال ... فالوقت فلق
وهل عند الفلق يكون الضياء
وهل يستدير الرسم
كقافية صدر لاينتهي الدوران
أم تأتي ملامحه باهتة كشتاءٍ رمادي
يخبئ الحقيقة في إحساسٍ قد "تسرمد"
يخلد في مجرات وراء سكني الخيال
**********
أندهش كل صباح
حين أتحسس وجودي
ولا أجدني
هل المادة تفنى؟
وهل أنا مادة
أم "كتلة" من الإحساس ؟
فقط يهمني أنني أحس
**********
حريقي لازال يشتعل
فوق تل الثلج
خليط الإلفة
في حدق عيون حمراء
كلظى بركان منسى
أدركته غفوة أهل الكهف
نسيَ طريق العودة
موطن أن يهمد
تتسع دائرة إحتراق الثلج
ولازالت
دائرة السمر تتسع
ويسقط القمر في نصفها الصامت
تتشابك أيادي الدائرة
يهيمون في مدارات كهرومغنطيسية
تتسلل خيوط الثلج المحترق
تحيط المكان
تتشكل ثلاث دوائر
دائرة الثلج المحترق
دائرة الأيادي المتشابكة
ودائرة القمر في النصف الصامت
هكذا تجمد المشهد
**********
يومي كأمسي كغدي
كإغتصاب تاريخي المزيف
وسقوط مدينتي في أيادي العبث
كالهرم الغريق في الرمال
ومرقد جدي في – دالة- النهر
أمسي كان مغلف
بورق مستورد
ونشيد صيغ على عجل
وعلم بلا ألوان ترسمني
وهدير مواكب تصرخ
بصوت لاينطقني
وأشجار أقلام تكتبني
بحرف لا أقرأه
وشعر من عصرنا الجاهل
بلالون ولاطعم
يومي كما أمسي
أناس غيرنا تحكمني
تحشد حزن أطفالي
لحرب تبدأ مهزومة
وجيوش اللاة والعزه
تجمهر علمها القاتل
حول ثغورنا الوهن
تروج شائعة السلم
وتؤلب سماحة الوطن
وغدي كجدب صحرائنا الكبري
بلاورد ولاقمح
ولاثوب يغطينا من قسوة البرد
ولاتشريع يوحدنا
ولاجرس ولاقلم
يومي كأمسي كغدي
**********
في إنتظارِ مهدٍ جديد
أفترشه كشفوفِ الإشتهاء
وأنتظرك في تنهُد وسادتي
أتوسلُ الثواني
وخيولَ الزمن
أنْ تختزل المسافة
وتعتق عُصارة الزمن
لعلي أستبيح رشف سلافته
وأُزين مداخل إنتمائي إليك
بسوسن نضر
مقطوف باقٍ
في شرفات جنان العشق
ولآلئ فضة
تناثرت من حُلمك الراقص
ليتك تأتين من منفاك المستعصي
لنستلقي في مهدنا معا
ونرسم أُفقا لاينتمي إلا لنا
**********
ليس للحب موطن وزمان ميلاد
فهو إنبعاث صريخ
كإنفجار السكون
من غياهب شحِ التوافق
وصدى إلتئام حزن الأرواح
فأنتِ والوطن .. كهاتين ..
كخط الإستواء ومدارات المحال
بين آناء المنتهي ومورد الإصطفاء
كإسـتنفار فتنة الخيال
وإستمراء كنه البقاء
الحب مثل نبعٍ مستطاب
يكدره توتر التلوُين المتنافر
وخيوط الشفق الراحلة
فيشيع كمنهلٍ لدفء الشمس
وإرتواء حطِ الرحال
يستبيحه ظمأ الجرح المنكوء
لأنِ النبع بلا غطاء
يستدير خطُ الإستواء
ويصير إلي شكل الوطن
ويحترب مداري والرؤى
وتعود الفكرة منهزمة
تبحث عنكِ في وطني
مواشطها تكاد تنغرس
في أملٍ مصلوبٍ في أفقٍ
يزمَُ بكاء النبع
الحب مواكبٌ من صمت
يرسم إنحناءات الوطن
يلوِن حزنه المتقيح
بفرشاة الفرح المنسي
وهدوء الطيف المولع
بمعنى الإنتباه إليك والوطـــــــن
ومن يغتاب خلوتنا فليعلم
أنَ الخطيئة لم ترتق جمعنا
بل إلتقينا في عزاء الوطن
**********
إنتو ماسمعين ولاماعرفين
الوطن قاعد ينادي
بقول إنتو وين قاعدين
أنتو ماسامعين
كان بنادي من زمن
قال كل الاسامي
كان بيصرخ ياولد
كبف قدرت علي بعادي
كان بيبكي يابنية وينتحب
كان بقول ليك تعالي
***********
هسسسسس دقيقه
أسمع كلام الوطن
أقيف في إحترام
بطل كلام
لابودي ولابقول حقيقة
إنتو ماشايفين
إني ضايق من سنين القوى
مالاقي كتحة دوا
ولاماعارفين
مدفع غضب
زي برقا عجب
في حوشنا الورا
اتحكر هوى
إنتو ماسامعين
أنا كت بنادي من زمن
***********
أرجع ياولد
راجياكا حسرة بلد
خدر سواعدك
وإنتبه
إنك براك
وعازة تخدم في حداك
قادر تقاوم
تديني عافيتك أقيف
وتسقيني من نبعك خريف
ياود اقيف اسمع دقيقة
بطل كلام
لابجيب ولابقول حقيقة
***********
كم أنا مجنون
وحلمي مجنون
أحلم كل ليلة
بغصن ذي لون أزرق
به وردة حمراء
الغصن لايلتصق بشجرة
بل يسبح في الفضاء
والوردة كشفتين
تنثر قبلات في الهواء
والغصن يترنح في هذيان
يرقص علي نغم مفقود
يسكن وراء سمع الإنسان
يدنو الغصن مني ثم يدور
تطارده عيناي
والوردة تعبث برغبتي
في الإدراك
وتطبع قبلا مبللةً
في ذاكرتي
وفي عيناي
الوردة كانت مبتسمة
همست في أذني
بكلمات لم أفهمها
قالت
Je t'adore
ثم تلاشت كنجم آفل
تركتني في حلم مجنون
أبحث في معجم أصفر
عن معنى همس ليلي
في حلم مجنون
***********
إنتمائي إليك ... إستنساخ لألق الحب ... يرسم خيوط الفجر المشرق ... وإنعكاسات ...التلاق ... علي
صدر النهر ...وبحار قواربي فيك ....تلاطف رقة الموج .... فيرحل ...طيفنا منسابا ...إلي وطن .... بشكل
هوية الأحلام ... وتأتي جموع أرواح .... في النيل تغتسل .... وتلبس ثوب فجرنا المشرق ....
هكذا إليك أنتمي ...بكل ألواني وعناصر تكويني
إشتعــــــال الثلــــــــج - عبدالماجد فرح يوسف
واقول ليك ربنا يحفظكم الاتنين
|
Post: #7
Title: Re: نحنحه الاشواق
Author: عبدالماجد فرح يوسف
Date: 06-14-2005, 05:08 PM
Parent: #6
الأخ العزيز طيفور
ياخي جد أدهشتني, وكنت لا أجد ما أقوله للحبيبة توما, ولكنك أشعلت كل الثلج المشتعل فيني
لك ألف شكر ومودة
الأخ أبوقوتا شعرك جميل ومضحك ومبكي بعد مرات لكنه كله عاطفة أخوية نبيلة
وطبعا إنت قايلني من ناس مسقط وأنا مدقسك شفت الشفتنة دي
تسلم ياحبيب
الأخ شنا السمح جدا
ياخي البركة فيكم في الفاضل سعيد وربنا يرحمه ويدخله فسيح جنانه مع الأبرار والصديقيين.. آمين
علي فكرة التيس والغنماية هانوا عليك أول ما جاك القدر الجميل؟؟ تهون عليك العشرة..
سلامي لي ناس عمان وخاصة الحبان سوما ومحمد الفاتح
وكل السلاطين
|
Post: #8
Title: Re: نحنحه الاشواق
Author: إيمان أحمد
Date: 06-14-2005, 06:05 PM
Parent: #7
وثلج من نوع خاص جدا هذه المرة
محبتي يا توما
وسلامي للأخ ماجد
|
Post: #14
Title: Re: نحنحه الاشواق
Author: توما
Date: 06-21-2005, 10:40 AM
Parent: #8
ايمان
صديقتي المؤكده في احتمالات الكتابه والاحساس
وينك إنتي ياخي ؟؟
|
Post: #13
Title: Re: نحنحه الاشواق
Author: توما
Date: 06-21-2005, 10:37 AM
Parent: #6
يا طيفور
رغم غيابك الكتير ده
متذكراك جنس ذكيره في حاجات عاجباني جدا وحكايه قبل النوم
والكتابه الكتيره السمحه
يا حليل زمان
تا را رتا
|
Post: #15
Title: Re: نحنحه الاشواق
Author: بدرالدين شنا
Date: 06-22-2005, 06:09 AM
Parent: #1
Quote: وما قلت تاني ما بتغيب
جو تاني ولا شنو؟ |
دي نحنحة المكاواه ولا شنو؟؟؟
المحبوب ماجد
ربنا يرحم أبونا وأبو المسرح الفاضل سعيد ويجزيك إنت الف خير وتوما 999 خير وأعلى مافي خيرك أركبو
لكما ودي ونحنحتي
|
|