Post: #1
Title: منبر تتلبده السكينة والغباء ولفتات الوداع
Author: اساسي
Date: 06-07-2005, 03:57 PM
Parent: #0
غابت الدهشة ... العادية تسود المكان ... المنتدي اصبح يقوم مقام الجوابات والتلفونات وايضا الاميلات ..الموضوعات ( تطرح في شكل حمام ميت) لا يكتب له الطيران ... غاب صقور المنبر ... او غُيبوا.. لا يهم فسيان الامر ... اذا كانت النتيجة واحدة ...حصة الانشاء ( السخيفة ) اكتب عن الربيع : هو فصل جميل ياتي كل عام فتزهر الورود وتخضر الاوراق نقطة سطر جديد ويكون النسيم عليلا ... النتيجة اربعة من عشرة انتبه لعلامات الترغيم او الترقيم ولا تكتب اقل من مائتي كلمة ...الحوار
ما هو الحوار ..!! النقاش ؟؟ الكل متربص .. قد يجوز .. موضوعا ناريا يغير شكل المنبر يخرج الي السطح كتابا جدد ذوي مواهب كامنة .. اراء حادة ..مفاجئة .. مواقف صلبة صامدة علي المبدأ والروي ... هذا من الذكريات ..
الركوض ... المنظر هو نفس المنظر .. كانه ديكور استديو برنامج الرياضة الذي لم يتغير منذ ان كان يقدمها طه حمدتو .. افتح الصفحة الاولي .. الموضوع الوحيد الذي يشدك عنوانه وكاتبه هو ( المتواجدون الآن) وثلاثة تحديثات للمنتدي وبعدها الانتقال الي منبر اخر او الي جريدة سيارة كتب لها ان تكون اثيرية .. او الي مراجعة الاميل بعد ان كان يقوم المنتدي مقام قهوة الصباح وكوب شاي اللبن المقنن .. وللِكيفة سجارة الصباح ...
موضوع دارفور هو موضوع دارفور قتل حوارا الي ان (انسحك) وهدأ وصار اغبشا والنتيجة النهائية عدآت شخصية وبضع مرافيد وما يزال البعض يكتب عن دارفور ولكن الموضوع لا يشد كاتبه ... رحم الله الخاتم وكتابه ..
الرائع الي الفاتيكان .. المبدع كتبت له السلامة بعد نجاته ..سلامات صديقنا..مرحبا بالعزيز ..الميدان بتقراها؟؟ الميدان الشرقي لجامعة الخرطوم؟؟؟ ولا قصدك شنو؟
عاجل وجدا وجدا هام بخصوصنا ..مدرستي يا مدرستي اشيل فطوري واجري اجري تحت الكبري القديمة المؤتمر الشعبية الجديدة الاهلية والشارع فاتح في بيت ست الكسرة ..
المنبر العام .. كان حر لمن مر .. بقي عام ..عام ساكت ..
المنبر نشف .. يبس .. تك حيتكسر ..
دايرين زول شوات وفنان في الضفاري ... يخت الرحمن في قلبه ويصرجها لينا ..
وبسم الله ..
|
Post: #2
Title: Re: منبر تتلبده السكينة والغباء ولفتات الوداع
Author: خضر حسين خليل
Date: 06-07-2005, 07:13 PM
Parent: #1
أساسي
المستنير المحبط
أذيك
وعملاً بقولك
| Quote: دايرين زول شوات وفنان في الضفاري ... يخت الرحمن في قلبه ويصرجها لينا .. |
صرجت ( الثلاثة حروف الاولي تقرأ مضمومة ) خذ بالك ياصديقي
|
Post: #3
Title: Re: منبر تتلبده السكينة والغباء ولفتات الوداع
Author: Kostawi
Date: 06-07-2005, 07:40 PM
Parent: #2
| Quote: رحم الله الخاتم وكتابه |
منتظرين شيكك...
ولكن
Never mind
Keep it
for
something else
أموت أنا لو كتاب الشهيد بقى أسطورة....
و لعب عيال
Just wait and see
|
Post: #4
Title: Re: منبر تتلبده السكينة والغباء ولفتات الوداع
Author: Mohamed Suleiman
Date: 06-07-2005, 10:24 PM
Parent: #3
أساسي
و أنت بتقيف لحدي ما يحاوروك؟؟!!
أنت من بوستاتك تقوم جاري لما الحوار يسخن.
بالمناسبة .. ليس كل ما لا يروق لك ... لا يروق لغيرك
Quote: موضوع دارفور هو موضوع دارفور قتل حوارا الي ان (انسحك) وهدأ وصار اغبشا والنتيجة النهائية عدآت شخصية وبضع مرافيد وما يزال البعض يكتب عن دارفور ولكن الموضوع لا يشد كاتبه ...
|
ده مناك
You wish if it can just go away
فالموضوع شد لاهاي و حوش ود بانقا .... فلا عجب أن لم يرق لك.
و ستصاب بطمام أكثر أن أتتك أخبار أبوجا بما لا تهوي نفسك.
و .. بالمناسبة ... الترابي و البشير و الصادق .. كلهم ممكن تاخدهم مجانا FREE
و ليتفتق ذهنك عن فرية أخري .. الشعبي و رجع ليكم .. ما رأيك في .. النازي؟؟
و... غيب و تعال ...
x
|
Post: #5
Title: Re: منبر تتلبده السكينة والغباء ولفتات الوداع
Author: shammashi
Date: 06-07-2005, 10:39 PM
Parent: #4
Quote: والنتيجة النهائية عدآت شخصية وبضع مرافيد وما يزال البعض يكتب عن دارفور ولكن الموضوع لا يشد كاتبه ... رحم الله الخاتم وكتابه ..
x |
يا خي أنا زمان قلت ليك لو رجعت ليك زولك دا بتدفع كم؟ وإنت ما هببتو لي.
بطريقتك
عندك خيارين
الأول : إنك تمسح لي شنبي وأرجع ليك الزول دا عشان تضقلوا مع بعض وتباصوها وان تو في خط ستة يا مقددنها.
الثاني : إنو تشتروا مني النك نيم والباص وورد حقاتي ويخش بيهو فردتك داك. نأنو أنا عايز أبيع الكمبيوتر حقي.
أها قصرت معاك؟؟؟
ويتبعني سنور الكيمياء
|
Post: #6
Title: Re: منبر تتلبده السكينة والغباء ولفتات الوداع
Author: حمد فتح الرحمن
Date: 06-08-2005, 02:01 AM
Parent: #5
العزيز : اساسي
لك التحية و التقدير ،،،
لم تجافي الحقيقة في شئ ، بل و اصبحت بعض البوستات تاخذ طابع الشللية في رأيي .
و لكن ليس من الخطأ ان يتكرر طرح الموضوع ، الخطأ هو ان يطرح بدون اضافة يستفيد منها القارئ .
لك الشكر عزيزي ،،،
|
Post: #9
Title: Re: منبر تتلبده السكينة والغباء ولفتات الوداع
Author: حيدر حماد
Date: 06-09-2005, 11:48 AM
Parent: #4
الآخ محمد سليمان
ده مش ياهو الزول الداير يفصل الشمالية ؟؟؟
أها وصل وين انشاء الله ؟؟؟ وليه دايما بزوغ من أفكاره و مناقشتها؟؟؟
هل هو فارغ لهذه الدرجة ؟؟؟
|
Post: #7
Title: Re: منبر تتلبده السكينة والغباء ولفتات الوداع
Author: waleedi399
Date: 06-08-2005, 03:28 AM
Parent: #1
اساسـي هـذه واحـدة ..
| Quote: غاب صقور المنبر ... او غُيبوا.. |
أمـأ الاخـــرى ..
| Quote: دايرين زول شوات وفنان في الضفاري ... يخت الرحمن في قلبه ويصرجها لينا .. |
طيب يا اساسي ما كان عندكم لاعبين محترفين ومعروفين لدى الجميع ..
الصريج حقهم والضفاري لا اله الا الله .. ضفر شديد ..
ومعرفة الوصول لشباك الخصم تخصصهم في ثواني تلقاهم جابوها في التمنيات ..
عموماً ضاعـوا .. او ضيعــوا ثم طالهم الشطب ..
هسع بقى يدوروا في الهواة .. والكورة الان في ملعب بكــري .. ماذا سيقرر؟؟؟
|
Post: #8
Title: Re: منبر تتلبده السكينة والغباء ولفتات الوداع
Author: waleedi399
Date: 06-09-2005, 06:52 AM
Parent: #1
فوق
|
Post: #10
Title: Re: منبر تتلبده السكينة والغباء ولفتات الوداع
Author: عبد الحميد البرنس
Date: 06-09-2005, 06:36 PM
Parent: #8
شقيقي أساسي:
أتيت إلى هنا فقط لأقول سلاما لشخصك الكريم.
| Quote: اراء حادة ..مفاجئة |
|
Post: #11
Title: Re: منبر تتلبده السكينة والغباء ولفتات الوداع
Author: Mohamed Suleiman
Date: 06-09-2005, 08:57 PM
Parent: #10
| Quote: ده مش ياهو الزول الداير يفصل الشمالية ؟؟؟ |
يا هو زاتو!!!
و في رواية أخري: ياهو دي!!!!!
ألأخ حيدر حماد
الشمالية ستنفصل By default
................
and no one will shed any tears
|
Post: #12
Title: Re: منبر تتلبده السكينة والغباء ولفتات الوداع
Author: معتز تروتسكى
Date: 06-10-2005, 00:32 AM
اساسى ازيك
عجبنى عنوان بوستك ده بدون ما اعرف محتواه..
| Quote: منبر تتلبده السكينة والغباء ولفتات الوداع |
لكن بعد ماخشيت عجبنى اكتر صمتك
يازول خليك فى معايشك وخلينا ننضم برانا.  .
|
Post: #13
Title: Re: منبر تتلبده السكينة والغباء ولفتات الوداع
Author: ترهاقا
Date: 06-10-2005, 02:43 AM
Parent: #12
Quote: ألأخ حيدر حماد
الشمالية ستنفصل By default
................
and no one will shed any tears |
ياخرابىىىىىىىىىىىىىىىى ده احنا رحنا فى داهية
|
Post: #14
Title: Re: منبر تتلبده السكينة والغباء ولفتات الوداع
Author: حيدر حماد
Date: 06-10-2005, 03:55 AM
Parent: #13
و دى عايزة كلام بأه ؟
|
|