Post: #1
Title: الـوداع ..
Author: waleedi399
Date: 06-07-2005, 12:07 PM
لن ننسى اياماً مضت .. لن ننسى ذكراها
لن ننسى اياماً مضت .. فـرحاً قضيناها
..
.
هذه المقطوعة جميلة جميلة ورائعة بكل ما تحمله من معاني
أعدة سماعها اليوم مراراً وتكراراً .. فاسترجعت تلك الايام الخوالي
اعتقد أن مثلها لن يعود ثانيةً ابداً .. في زمننا الموغل في الوحشة هذا
فذاك زمن لن يجود الزمان به مرة اخرى فولى ..
اعزائي ..
..
عفوا ان قطعت عليكم استرسالكم .. في متابعة اخبار المنبر وقراءة بعض المداخلات المهمة..
وددت أن اقول لكم لقد هاجت الذكرى واتقد الفؤاد بالحنين إلى تلك الايام الخوالـي ..
ووددت هنا ايضاً أن اشرككم معي في هذا الاحساس وهذه المشاعر و ذكريات الزمن السابق الجميلة..
خالص حبي واحترامي لكم ..
وليد
|
Post: #2
Title: Re: الـوداع ..
Author: معتز تروتسكى
Date: 06-07-2005, 12:42 PM
Parent: #1
وليد ؟؟!!!
ها يااااااااااااا اخونا طيب نحن البقدمنا منو؟؟
قايتو الا ناس ملاسى
وليد كدى البوست ده وهمه ولا جد جد؟؟
|
Post: #3
Title: Re: الـوداع ..
Author: waleedi399
Date: 06-08-2005, 00:37 AM
Parent: #2
Quote: ها يااااااااااااا اخونا طيب نحن البقدمنا منو؟؟
قايتو الا ناس ملاسى |
أخـوي تروتسكي ..
شكراً لقدومك والمشاركة في هذه الاحتفالية الخاصة ..
وبعدين انت الخير والبركة أصلاً مافي حاجة عشان زول يقدمك ..
لا ملاســـي، ولاغــيروا 
| Quote: وليد كدى البوست ده وهمه ولا جد جد؟؟ |
شوف يا معتز يا أخوي .. انا ما بتاع وهمات يعني الموضوع زي ما قلت جد جد
ما شايفني بحزم في شنطـتـي وماشي خلاص .. قـال وهمـه قـال  
|
Post: #4
Title: Re: الـوداع ..
Author: waleedi399
Date: 06-08-2005, 03:14 AM
Parent: #1
داوي نــاري ..
والتيـاعــــي
و تمهـل في وداعــي ..
يا حبيب الروح هـب لـي ..
بضـع لحظـات انسراعــي ..
..
.
فاصـــــل
..
.
وقفـــات للتأمـــل 
|
Post: #5
Title: Re: الـوداع ..
Author: waleedi399
Date: 06-08-2005, 12:30 PM
Parent: #1
سأمــدد بعض الشئ
|
Post: #6
Title: Re: الـوداع ..
Author: هشام مدنى
Date: 06-08-2005, 12:30 PM
Parent: #1
عزيزى الفاضل وليد
عــاطر الـتحايا
Quote: لن ننسى اياماً مضت .. لن ننسى ذكراها
لن ننسى اياماً مضت .. فـرحاً قضيناها |
توقفت هنا طويلا وتزكرت ايام جميل قبل الثمانينات
اجــلس لا تذهب
مع فائق تقديرى واحترامى لك
|
Post: #7
Title: Re: الـوداع ..
Author: waleedi399
Date: 06-09-2005, 03:33 AM
Parent: #6
عزيزي الفاضل هشام
خالص الود والاحترام إلى شخصك
مشاركتك لي في هذه الاحتفالية الخاصة اسعدني كثيرا ..
أدام الله الود بيننا أيها الفاضل ..
| Quote: توقفت هنا طويلا وتزكرت ايام جميل قبل الثمانينات |
أعتقد أن تلك الايام لن يجود الزمان بمثلها ابداً ..
محبتي ..
|
Post: #8
Title: Re: الـوداع ..
Author: بلدى يا حبوب
Date: 06-09-2005, 03:54 AM
Parent: #1
وليد
| Quote: اشرككم معي في هذا الاحساس وهذه المشاعر و ذكريات الزمن السابق الجميلة |
شكرا وليد فلقد ايقظت الاحساس ليعيش فى حلم المنبر الحر وان كنت اخاف ان تكون ترمى الى مالا نريده فأنت باقيا بحكم الابام الجميلة وزمالة حوش يكرى التى ضاهت حتى حوش ودبانقا فى كثير من الضروب ان دلفت الى ذالك
وهل يفارق المالك بيته
تحياتى
|
Post: #9
Title: Re: الـوداع ..
Author: Sudany Agouz
Date: 06-09-2005, 07:39 AM
Parent: #8
الأخ وليد ..
أرجو الا يطول غيابكم ..
نحن والمنبر فى انتظاركم ..
باذن الله ..
عمك
أرنست
|
Post: #11
Title: Re: الـوداع ..
Author: waleedi399
Date: 06-11-2005, 03:40 AM
Parent: #9
العم أرنست ..
لك الود
من المؤكد أن غيابي سوف لـن يطــول ..
طالما أن لي عم طيب وكبير القلب مثلك .. ارنست
ادامك الله وابقاءك .. ورد قربتك سالماً غانماً مظفراً ..
بإذن الله ..
وليد
|
Post: #10
Title: Re: الـوداع ..
Author: waleedi399
Date: 06-11-2005, 01:39 AM
Parent: #8
العزيز بلدي يا حبوب ..
وهل يفارق المالك بيته
لك التحية والتقدير على المشاركة لي في هذه الاحتفالية ..
ومبادلتك الاحساس بتلك الكلمات الأخوية الصادقة ..
ادام الله ما بيننا من ود ومحبة .. وها انت قد قلت أنه لا ستطيع المالك أن يغادر بيته ..
وانا لم اكن مالك لهذه الديار يوماً وأنما مجرد عابر سبيل ليس الا ..
تحياتي
|
Post: #12
Title: Re: الـوداع ..
Author: مصدق مصطفى حسين
Date: 06-11-2005, 06:15 AM
Parent: #1
الحبيب وليد
قف تمهل .... فى وداعــــــى .....
الحمدلله ... جات سليمه
كل الشوق ... و الود .
|
Post: #13
Title: Re: الـوداع ..
Author: waleedi399
Date: 06-11-2005, 11:51 AM
Parent: #12
الغالي مصدق حسين
يا حبيب الروح هب لي ... بضع لحظات انسراعي ...
| Quote: الحمدلله ... جات سليمه |
دقت في العراضة ومرقت ....
خالص الود .... والاحترام
|
Post: #14
Title: Re: الـوداع ..
Author: waleedi399
Date: 09-09-2005, 02:28 AM
Parent: #13
عندما تفارق الروح الجسد ...
يردد الكون الحان الوداع!!!
|
Post: #15
Title: Re: الـوداع ..
Author: waleed500
Date: 09-09-2005, 02:45 AM
Parent: #14
انا احسب الوداع وداع محب للمحبوبه
واخاف..اخاف ..اخاف...يكون شاكوش
لاتبعد عزيزى يا دوب اتصلحنا ليك فى القعده
|
Post: #16
Title: Re: الـوداع ..
Author: محمد عبدالرحمن
Date: 09-09-2005, 07:38 AM
Parent: #15
ياوليد
سلام بشبهك ...
صراحة انا مافاهم حاجة ، انت قررت انك تمشى من هنا
ولا الحاصل شنو ؟
على العموم البوست شكلو قديم وحتى لو ماقديم ماعندك
طريقة تمشى من هنا ، هو بالساهل كده ..(جلى الفكرة )
وماتهظر هظار زى ده تانى ..اوكى ..
خالص محبتى ..
|
Post: #17
Title: Re: الـوداع ..
Author: نادية عثمان
Date: 09-09-2005, 09:09 AM
Parent: #16
والله قريت العنوان قلبى وقع فى رجلى !!!
ياوليد مالك هاجمنى ياااااااخ ؟؟
|
Post: #19
Title: Re: الـوداع ..
Author: waleedi399
Date: 09-10-2005, 01:18 AM
Parent: #16
ابو حـميد
سلام زي وجهك الصبوح يا محمد ...Quote: وماتهظر هظار زى ده تانى ..اوكى ..
|
ما تحذري حذار بايخ زي دا المرهوم ذااااتو مرأة من أنا
بصراحة تراودني الفكرة من حين إلى آخر ..
ولكن يدفعني حبكم على الدوام إلى داخل هذا البيت
اتمنى أن تنتظم فيها خطاوي الاخاء والمحبة ..
ولكـــن حالـه في الوضع الراهن اصبح لا يسر عدواً ولا صليح
وقد صدق اذا قلت "هو بالساهل كدا" حقيقة ما بالساهل .....
ولا يهون على فراقكم .. ولكن ستظلون باقين فيَّ ما حييت
لك حبي وتقديري وخالص تحياتي واحتراماتي أخي محمد
وليد
|
Post: #18
Title: Re: الـوداع ..
Author: waleedi399
Date: 09-10-2005, 01:08 AM
Parent: #15
Quote: انا احسب الوداع وداع محب للمحبوبه
واخاف..اخاف ..اخاف...يكون شاكوش
لاتبعد عزيزى يا دوب اتصلحنا ليك فى القعده |
ولللي
داوي ناري..
والتياعي ..
وتمهل في وداعي ..
يا حبيب الروح هب لي بضع لحظات انسراعي
العزيز ولي
لا تخشى الشواكيش على اخوك فعوده صلب لا ينكسر ..
التجارب المريرة أعجمت من عوده
وصقلـته جيداً ..
ويلا خليك متصلح كمان شووووووية
|
Post: #20
Title: Re: الـوداع ..
Author: ودقاسم
Date: 09-10-2005, 01:27 AM
Parent: #1
وليد
الوداع ، كلمة تنتمي إلى فئة الإرهاب اللغوي ... لا أحب هذه الكلمة ، وأعرف أنها كلمة تتبعها الأدمع ، ويزداد لها وجيف القلب ...
إن كنت ستودع حياة الوحدة إلى حياة الرفقة ، فهذا وداع جميل وسأكون حضورا ، وإن كان وداعك وداعا ككل الوداعات اللئيمة فلن أشارك في احتفال يتخلله نحيب ...
|
Post: #22
Title: Re: الـوداع ..
Author: waleedi399
Date: 09-10-2005, 02:44 AM
Parent: #20
الخـال الحبيب
ودقاسم،،
بالفعل قررت أن أودع الوحدة إلى الابد انشاء الله وستسمع عني كل خير خلال هذه الايام ..
اما الوداع الاخر انا كذلك لا احبه،، فهو وداع بلا رجاء ولا امل في العودة حيث تصبح العودة حلماً يراود الغائب ..
والان يا خالي العزيز دعنا ننصب افراحنااحتفالاً بالقادم ولنجعل كل ايامنا عيداً ..
ادامك الله وادام الايام الطيبه،،
|
Post: #21
Title: Re: الـوداع ..
Author: حمزاوي
Date: 09-10-2005, 01:34 AM
Parent: #1
فايت مروح فين
لسع الوقت بدري
قريبي وليد
مسكاقمي
|
Post: #23
Title: Re: الـوداع ..
Author: waleedi399
Date: 09-10-2005, 03:00 AM
Parent: #21
العزيز
حمـزاوي،،
تقول لي ماشي من بكرة
مفارق لي وطن تاني ....
ماشي منك وجاي ليك يا حبيب
مسكاقمي
|
Post: #24
Title: Re: الـوداع ..
Author: Muna Khugali
Date: 09-10-2005, 03:26 AM
Parent: #23
إزيـك ياوليـد..
مـني خـوجـلي
|
Post: #25
Title: Re: الـوداع ..
Author: waleedi399
Date: 09-10-2005, 04:56 AM
Parent: #24
الاستاذة ،،
منى خوجلي
التحية والتقدير والاحترام
شكرا على الطلة البهية والدار منورة بزيارتك
وين الحي بيك زي قطر كريمة تجي يوم......
وتغيبي شهر .. خليك قريب يا منى ..
خالص محبتي،،
|
Post: #26
Title: Re: الـوداع ..
Author: Muna Khugali
Date: 09-10-2005, 05:03 AM
Parent: #25
نـان خييي شـن نسـو فيلميها دايمي دي..تراهـا تخليقلنا في المشغوليات بلا فايدي..
عليي الأيامات دي فضميلكم شـويي
مـني
|
Post: #27
Title: Re: الـوداع ..
Author: waleedi399
Date: 09-10-2005, 05:20 AM
Parent: #26
Quote: نـان خييي شـن نسـو فيلميها دايمي دي..تراهـا تخليقلنا في المشغوليات بلا فايدي..
عليي الأيامات دي فضميلكم شـويي
مـني |
منى الحاصل شنو ما فهمت حاجة
|
Post: #33
Title: Re: الـوداع ..
Author: waleedi399
Date: 09-17-2005, 03:23 AM
Parent: #27
| Quote: منى الحاصل شنو ما فهمت حاجة |
الاخت مـنى؟؟؟؟؟؟
|
Post: #28
Title: Re: الـوداع ..
Author: Abdulla Ageed
Date: 09-10-2005, 05:21 AM
Parent: #1
يا وليد.. ازيك ياخي
فهمت من افتتاحية البوست.. أنك ستودع الأيام الخوالي
وحسب إشارات الخال ود قاسم.. علمت أن الأيام الخوالي
هي أيام (العنقلة) من (عنقالة).. أو أيام العزوبية
من (عزاب)..
هنيئا لك حياة (الازدواجية) من (ازدواج) ونسأل الله
أن يتمم لك فرحتك بلقاء شقك الآخر..
وها هنا.. نحن معك .. حتى النهاية..
وفهمت من ردودك على المتداخلين أنك ربما تنوي
تأخذ (فكّة) من (فيكيشن).. أو إجازة من البورد
وهذه مقبولة بشرط أن تكون لأيام الشهر (إيّاه)
الذي له علاقة ما بالعسل..
وفي غير هذه الظروف .. لا نوافق
لك المحبة
|
Post: #30
Title: Re: الـوداع ..
Author: waleedi399
Date: 09-10-2005, 09:50 AM
Parent: #28
..
.
الرائع
عبد الله عقيد،،
ايامي الخوالي .. شفت الوحشه فيها
اتمنى من كل قلبي أن يودع كل العنقالة
هذه الايام الخوالي .. ويستقبلوا ايام أخرى
ملأها السكينة والاستقرار .....
اذا كانو يقولون أن الزواج شر لابد منه
فالعزوبة أشر من الشر لابد من محاربته بسلاحها
الفتاك الذي هو الزواج والرباط المقدس ...
شكراً لك والتحية على كلماتك الطيبة وشكراً على التهاني
الاخوية الصادقة مقدماً بالـ (الازدواجــية).....
بالفعل سوف اقوم باجازة قصيرة سأغيب فيها عن الاحباب
والاصدقاء ولكن قلبي سيكون معكم هنا يهفو اليكم..
ويزداد حباً .. كلما عز التواصل والمزار بيننا
سأكون حاضراً دوماً معكم اخي عبد الله ....
أما أن أغيب إلى الابد فهذا سوف لن يحدث ولم يكن ..
إلا أن أغـــــيب مــن هــــنــا..
خالص تقديري واحترامي
|
Post: #29
Title: Re: الـوداع ..
Author: almohndis
Date: 09-10-2005, 05:42 AM
Parent: #1
الاخ العزيز
ودقاسم
| Quote: إن كنت ستودع حياة الوحدة إلى حياة الرفقة ، فهذا وداع جميل وسأكون حضورا ، وإن كان وداعك وداعا ككل الوداعات اللئيمة فلن أشارك في احتفال يتخلله نحيب ... |
هذا ما لم يستطع وليد الجهر به
واقوله انا وليد اخ كنت قريب منه
والان انتم الاقرب مني له تركته وديعه
عندكم بنهاية شهر سبتمر ياغادر محطة
الوحدة الي محطة الرفقة
استعصت الدنيا قليلا عليه
ولكن اظانها ستبسم اخيرا له
مع ودى هذه المرة انا مكسر
الثلج حين تاخر متعهديكم
|
Post: #31
Title: Re: الـوداع ..
Author: waleedi399
Date: 09-12-2005, 03:28 AM
Parent: #29
..
.
الحبيب الشقيق
المهندس / عثمان
راجعلك ..
|
Post: #32
Title: Re: الـوداع ..
Author: waleedi399
Date: 09-15-2005, 05:50 AM
Parent: #31
شقيقي الحبيب
عـثمان،،
الان استطيع أن اجهر بالقول على الملأ ..
أني عاجز على أن اجازيك بما فعلته ما اجلي
حفظـك الله لنا ..
فأنت بحر الحب الذي لا ينضب نبعه اخي عثمان
نعم اعلم تماماً أن الايام القادمة ستكون اجمل
اجمل بكم لانك كنت السبب المباشر في ذلك ايضاً
مــن اجـــلي يا أبن امي ... شاكراً لك
كثير عطفك وتحنانك يا شقيقي,,
|
Post: #34
Title: Re: الـوداع ..
Author: فيصل نوبي
Date: 09-18-2005, 03:14 AM
Parent: #1
وليد
دفرتني لمن وقعت هنا
اها ده توقيع مكسب
ربك يهونها و يسهل ليك
|
Post: #35
Title: Re: الـوداع ..
Author: صلاح الدين عبدالله محمد
Date: 09-18-2005, 06:06 AM
Parent: #34
لما دنت ساعة الوداع ماشفتن عينى كيف بكن
مشواره حطم زورقى
فقد الدليل فقد الشراع
انشاءالله ما اخر وداع
تحى وتدوم ياحبنا
انشاءالله ما اخر وداع
انشاءالله ما اخر وداع
انشاءالله ما اخر وداع
انشاءالله ما اخر وداع
تحى وتدوم ياحبنا
تحى وتدوم يااااااااااااااااحبنا
|
Post: #43
Title: Re: الـوداع ..
Author: waleedi399
Date: 09-19-2005, 10:34 AM
Parent: #35
Quote: انشاءالله ما اخر وداع
انشاءالله ما اخر وداع
انشاءالله ما اخر وداع
انشاءالله ما اخر وداع |
انشاء الله يا ابوصلاح يكون اول لقاء وما يكون أخر وداع ...
أبـداً .. ابـداً
وليد
|
Post: #42
Title: Re: الـوداع ..
Author: waleedi399
Date: 09-19-2005, 10:19 AM
Parent: #34
فيصل نوبي .......
يا ريت دفرك يكون زي دفري ..
دفرك دفرني خلاني داير اقطع وش واكسر سنوني
وشوق دافر .. دفار لي شوق باكر ..
خليك تعال ابقى قريب يا أبوها ....
احجز محل زي ما انا ماسك ليك محل
وانشاء الله كل ما تجي يكبر ويزيد المحل
لك خالص تقديري وحبي
|
Post: #36
Title: Re: الـوداع ..
Author: فيصل نوبي
Date: 09-18-2005, 06:43 AM
Parent: #1
Quote: لما دنت ساعة الوداع ماشفتن عينى كيف بكن
مشواره حطم زورقى
فقد الدليل فقد الشراع
انشاءالله ما اخر وداع
تحى وتدوم ياحبنا
انشاءالله ما اخر وداع
انشاءالله ما اخر وداع
انشاءالله ما اخر وداع
انشاءالله ما اخر وداع
تحى وتدوم ياحبنا
تحى وتدوم يااااااااااااااااحبنا |
انت قايلو ماشي وين ؟
تهريجه:
غلبني اهرج هنا ، قرب يقنع الوليد ما يرجع تاني
|
Post: #37
Title: Re: الـوداع ..
Author: صلاح الدين عبدالله محمد
Date: 09-19-2005, 00:14 AM
Parent: #36
فيصل نوبى
| Quote: انت قايلو ماشي وين ؟ |
هو عامل تغيير
من 399 حايبقى
وليد400
|
Post: #51
Title: Re: الـوداع ..
Author: waleedi399
Date: 10-31-2005, 03:45 AM
Parent: #37
Quote: هو عامل تغيير
من 399 حايبقى
وليد400 |
صلاح الدين ما بقينا خلاص واللي كان كان ..
انت قريتها ولا شنوووووووو؟؟؟
|
Post: #38
Title: Re: الـوداع ..
Author: فيصل نوبي
Date: 09-19-2005, 00:30 AM
Parent: #1
Quote: هو عامل تغيير
من 399 حايبقى
وليد400 |
لكن البيزيد 1 بيبكو ليو قدر ده ؟
ما تخاف وليد مربوط في البورد
ولا ما كده يا ولي
في شهر الهناي داك بيجي صاد
نوبي
|
Post: #39
Title: Re: الـوداع ..
Author: waleedi399
Date: 09-19-2005, 00:57 AM
Parent: #38
شباب معاي ضيوف بـرة جاييكم بس دقيقة
ما تمشوا عليكم الله قبل ما تشربوا العصير
|
Post: #40
Title: Re: الـوداع ..
Author: صلاح الدين عبدالله محمد
Date: 09-19-2005, 02:38 AM
Parent: #39
| Quote: لكن البيزيد 1 بيبكو ليو قدر ده ؟ |
الاخ/نوبى
ال 1 حاجه كبير
كم سنه الزول ده(وليد) بيحك عشان يزيد ويصل (للاسكور) 400 اذا اعتيرناه (اسكور)
انت ياوليد
العصير ثلجه كتير خلاص
|
Post: #41
Title: Re: الـوداع ..
Author: mohamed elshiekh
Date: 09-19-2005, 08:45 AM
Parent: #40
وليد .....
ياوليد
انت معتصم وتمبس وين؟؟؟
والى ان تتم ازابت القطب الجنوبى ....
بعدين...
اظنها جابت ليها جفله ولا شنو ؟
تقل الحركه شويه بتصل بسرعه
طن من الود الملخبط بالصندليه والسرتيه والمحلبيه والمجموع
وجردل كسره , وكرتونتين خبيز لى يوم الخميس .....
تحياتى .... وما جاورها
ابو القدح طهر وبطن
|
Post: #48
Title: Re: الـوداع ..
Author: waleedi399
Date: 09-19-2005, 12:18 PM
Parent: #41
الكاردينال
محمد الشيخ سخشيا*
زارتنا البركة يا راجل .. ياأخي والله بوست الوداع منور
تعرف جاتني فكرة اطلق عليه مرافئ اللقـيا..
المرفأ بلم كل الاحباب والاهل ..
والدليل اهو البيت عامر بوجود الحلوين ..
اخبار الكوكيز معاك .. انشاء الله ما (مفرنب) وبطل السردبة
اها بخصوص ناس تمبس ومعتصم شفتهم قبل شويه شايلين ليهم حاجات كدا ما فهمتها شنو
وماشين عند الجيران يظهر عندهم مناسبة والبيبسي بتاعهم مسخن قالو ماشين يبردوا .. لوووووول
حلوة جابت ليها جفلة دي يا ود الشيخ .. ساعمل بالنصيحة الغالية وتقلنا الخطوة كمان رأيك شنو ..
وقفت خطاي في منتصف الطريق إلى القطب الشمالي متحسسه خطى جبل الجليد العالي ..
مشكور على المواد الخام المصاحبة للحضور,,, بس شكلك كدا نسيت الحلو مر والابري الابيض
لك سلام وتحية بجميع الاشكال الهندسية
حاشيه
* سخشياً هذه تعني شخصياًً
|
Post: #44
Title: Re: الـوداع ..
Author: waleedi399
Date: 09-19-2005, 10:42 AM
Parent: #38
Quote: ما تخاف وليد مربوط في البورد
ولا ما كده يا ولي
|
كلامك صاح يا فيصل .. مربوط (بدل فاقد)  
بس لحدي الان مربوط بخـيط يفصل بيني وبين الغد!!
|
Post: #45
Title: Re: الـوداع ..
Author: فيصل نوبي
Date: 09-19-2005, 11:01 AM
Parent: #1
| Quote: بس لحدي الان مربوط بخـيط يفصل بيني وبين الغد!! |
احمد الله انك ما عرجت بي كرتين
تهريجه:
و الكرتين ما فيهم لا غطا لا قريب غطا
|
Post: #46
Title: Re: الـوداع ..
Author: waleedi399
Date: 09-19-2005, 11:38 AM
Parent: #45
| Quote: و الكرتين ما فيهم لا غطا لا قريب غطا |
وطيب كيف حال لما يكون الكرتين جوكرين؟؟؟؟
|
Post: #47
Title: Re: الـوداع ..
Author: فيصل نوبي
Date: 09-19-2005, 11:58 AM
Parent: #1
| Quote: وطيب كيف حال لما يكون الكرتين جوكرين؟؟؟؟ |
انت متاكد دي ما فيها تهكير ولا كده و كده ؟
جوكرييييييييييييييييييييييييييييييييييييين !!!!!!!
تستاهل 64 جوكر والله يا وليد
من قلبي ولا علي كيفك (ده تهكير صاح )
|
Post: #49
Title: Re: الـوداع ..
Author: waleedi399
Date: 10-29-2005, 03:22 AM
Parent: #47
عدنا يا فيصل نوبي ...
بدون تهكير ولا مقصات الرقيب
واصبعنا في عين العـدو
|
Post: #50
Title: Re: الـوداع ..
Author: waleedi399
Date: 10-30-2005, 03:42 AM
Parent: #49
فيصل نوبي، اين انت؟؟
هل انت بخير؟؟
اجبني
|
Post: #52
Title: Re: الـوداع ..
Author: نجود حسن عبد الرحمن
Date: 10-31-2005, 03:53 AM
Parent: #50
سجمى ياوللى 399 ماشى وين
مابتجى تانى ولا شنو .. عاد كان مشيت تخلى المنبر دة لى منو
حتكون فقد عظيم والله
استرجاء
عليك الله ماتطول الغيبة
|
Post: #53
Title: Re: الـوداع ..
Author: waleedi399
Date: 10-31-2005, 04:04 AM
Parent: #52
Quote: سجمى ياوللى 399 ماشى وين
مابتجى تانى ولا شنو .. عاد كان مشيت تخلى المنبر دة لى منو |
نجـــود
ماشي منكم .. جاي ليكــم
وعد مني اجيكم في القريب العاجل
يعني ممكن تعتبريها اجازة عيد يعني
| Quote: عليك الله ماتطول الغيبة |
ووعد مني ما ح اطـول الغيبة انشاء الله
بجيكم سريع .. تمام
يلا جاوووو
|
|