Post: #1
Title: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-05-2005, 01:19 PM
Parent: #0
ان شاء الله ربنا يفضحكم زي ما فضحتونا .. ومن قبلكم الاتحاد العام .. ومن قبله المدرب مازدا ومن قبل ومن بعد حكومتنا الرشيدة .. اوقفوا هذه المهازل وكفاية.. شبعنا فضائح حتى التخمة ..
الشوط الاول النتيجة 3/ صفر لصالح مصر والشوط التاني ممكن تكون سته صفر ... بالطريقة دي ...
ود الباوقة
|
Post: #2
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: kh_abboud
Date: 06-05-2005, 01:50 PM
Parent: #1
جاءتنى هذه الرسالة من مشاهدة اصابتها المغسة ..الآن... وأنا أنقلها بكل أمانة : :
المفروض نتوقف عن اللعب نهائى وكفاية فضائح وبهدلة .. ,المرة الجاية ... لو فى مرة جاية حقو يتمسحو بى جلسرين بدل الزيت ويخلوا الويكة عشان ما يزحلقو ا ويشوفو ليهم شباب بدل العجايز ديل ... وأبو بكر الشريف يقع قبل أن تصله الكورة ولو وصلته الكورة يركض فيها كالدجاجة على البيض..... والأحسن الأحسن ينسوا الكورة وبلاش فضائح ....
الله يفضحكم ودى من نتائج سياسة حكومتكم والإتحاد بتاعكم الما نافع ...بلا كمال شداد بلا كلام فارغ ..
عواليق ...
|
Post: #3
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: Habib_bldo
Date: 06-05-2005, 02:18 PM
Parent: #2
أنهت المهذلة الكروية بست أهداف كما توقعت يا عمر وهدف بالصدفة من هيثم طمبل والمذيع المصري كان يتوقع أن تنتهي المباراة بثمانية أهداف وليه حق
حقيقة فضيحة وأكبر من من فضيحة ونموذج للتردي الحاصل على كل المستويات في بلادي الحزينة
|
Post: #4
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-06-2005, 03:28 AM
Parent: #2
Quote: الله يفضحكم ودى من نتائج سياسة حكومتكم والإتحاد بتاعكم الما نافع ...بلا كمال شداد بلا كلام فارغ ..
عواليق ... |
على الطلاق بالتلاتة لو في كنت مكان حسن عثمان ( ملطشاني ) كان قدمت استقالتي قبل ان ينهي الحكم المبارة المهزلة وكان اديت كمال شداد والضباط التلاتة للاتحاد الصالح العام مع الغرامة والجلد.. اما مازدا ومن معه اقوم بنفيهم خارج البلاد .. لاعبي كرة القدم كل واحد يرجع مكان ما جا .. اغلاق كافة الاستادات وتحويلها اماكن للهو البريء ...
احالة كل ما له شأن بالرياضة الى محاكم يشرف عليها قضاة من ( الفيفا )
اخيرا اغلاق كل الصحف الرياضية وبرنامج عالم الرياضة وتحويل كل من يعملون به الى سجن شالا ..
ود الباوقة
|
Post: #17
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عماد شمت
Date: 06-06-2005, 04:02 PM
Parent: #4
يا عمر ياخوي ما ترفع ضغطك.. دي قدرتهم ما اصلو الكوره
قالوا مضيعه للزمن!! . تاني كوره شنو يلعبوها ؟؟ وبعدين وين المروه
الناس ديل باكلوا ام رقيقه وفول عاد بقدروا 90 دقيقه جري
احسن حاجه يخلوا حاجه اسمها كوره نهائ والا بطريقتهم دي
حيقتلوا المشجعين واحد وراء التاني ذي ما(يور) عملها!!!!
كوره قال ...الله يخجلكم
|
Post: #5
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: صديق الموج
Date: 06-06-2005, 04:24 AM
Parent: #1
عمر مالو نفسك قايم...ما الجماعة مثلو بينا احسن تمثيل
وبعدين حكومة الرماد دى كلها بايظة دايرنها تتصلح فى الكورة.
لايستقيم الظل والعود اعوج،،،
|
Post: #11
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-06-2005, 11:32 AM
Parent: #5
| Quote: لايستقيم الظل والعود اعوج،،، |
الحبيب ود الموج .. هو ذاتو الضل وينو .. ديل باقي ليك فيهم خير .. لا اعتقد ..
ود الموج بالله ايه مرئياتك لتطوير الكورة ..
|
Post: #6
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: abas
Date: 06-06-2005, 05:05 AM
Parent: #1
صديق الموج
عمر مالو نفسك قايم
الما بقوم نفسو شنو اسي لو فتنا انحنا لعبنا بدل الوهم ديل ما كان غلبنا المصاروه ديل
برضو بكره لو فاز الهلال او المريخ التمجيد يقوم ليك ويطيروهم السماء
|
Post: #16
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-06-2005, 02:18 PM
Quote: الما بقوم نفسو شنو اسي لو فتنا انحنا لعبنا بدل الوهم ديل ما كان غلبنا المصاروه ديل
برضو بكره لو فاز الهلال او المريخ التمجيد يقوم ليك ويطيروهم السماء |
اخونا عباس الصحافة الرياضية هي سبب كل التدهور والانهيار الفظيع في الكرة السودانية ونطالب بمحاكمتهم اولا وبعد داك يجو على ناس ( حنبرة وغنامة ) رغم انهم كلهم على شاكلة واحدة .. لكن ماذا نعمل يا عباس دا قدرنا ...
ود الباوقة
|
Post: #7
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: محمد الامين محمد
Date: 06-06-2005, 05:12 AM
Parent: #1
الكوره السودانيه يلعبها الفاقد التربوي ويديرها الجهلاء دي عرس من غير عريس
|
Post: #18
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-07-2005, 05:07 AM
Parent: #7
الكوره السودانيه يلعبها الفاقد التربوي ويديرها الجهلاء دي عرس من غير عريس
كلامك في محلو يا محمد الامين يا اخوي .. لكن لا ملجأ لنا الا ان نسأل الله ان يخفف علينا مصائب الدهر . وان يكفينا شر خلقوا.. بريش ما زال نائما لعن الله من ييقظه ...
ود الباوقة
|
Post: #8
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: waleedi399
Date: 06-06-2005, 09:42 AM
Parent: #1
الاخ عمر ود الباوقة ..
لقد اسمعت لو ناديت حياً ..
ولكن لا حياة لمن تنادي ..
هؤلاء هم اموات بالحياة .. لهم اذان لا يسمعون بها .. ولهم اعين لا يبصرون بها .. ولو أنهم بطشو بارجلهم لفازوا على المنتخب المصري .. المتهالك ولكن .. كان الله في عون جمهور الرياضة الصابر والمغلوب على أمره ..
ماذا ننتظر من الرياضة وعلى راسها هؤلاء الاشباح الهلاميين .. امثال كمال شداد وبطانته وجميع من يدعون أنهم على الرأس الهرمي للرياضة في البلد المغلوب على أمره .. "لا عجب فانهم اقزام لا يرجى منهم" .. واجزم أنهم أحد الاسباب الرئيسية في علة، لا اقول الكرة بل جميع انواع الرياضة قاطبة ..
اصبحنا محل تندر للاخوة المصريين في العمل "ابوستة قال - نحمد الله أنو الترعة الرئيسية ما فتحت .. كان شفنا ابو سبعين بعينو" 
اللهم اجرنا في مصيبتنا واخلف لنا خيراً منها ..
|
Post: #9
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: وليد شريف
Date: 06-06-2005, 10:23 AM
Parent: #8
الغريبة انو الحارس الامين يوزع في الابتسامات بعد ولوج كل هذه الاهداف شباكه وفعلا لايستقيم الظل والعود اعوج وكمان ولا شوية حرارة قلب بسيطة مافي .
وليد شريف
|
Post: #10
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: Idris Tabidi
Date: 06-06-2005, 10:33 AM
Parent: #9
سقوط حتي النخاع
حليلك يانادوس
تتزوق الالم في كل المواضع
|
Post: #12
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: ترهاقا
Date: 06-06-2005, 11:39 AM
Parent: #10
الاخ عمر
ده بيعكس التردى الحاصل فى السودان (لا يستقيم الظل والعود اعوج)
وما علينا إلا ان نطالب بتجميد التعامل مع المنافسات الدولية لمدة لا تقل عن ستة سنوات
ونبدا فى تكوين فريق جديد من طاقات شابة ونبدا بى مباريات ودية لإكتساب الخبرة
اما الظرف الحاصل ده والله فضيحة وبى جلال
|
Post: #13
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: waleedi399
Date: 06-06-2005, 11:47 AM
Parent: #12
| Quote: وما علينا إلا ان نطالب بتجميد التعامل مع المنافسات الدولية لمدة لا تقل عن ستة سنوات |
ترهاقا يا أخوي أزيك انت وين ليك كم يوم مسجل غياب ..
انشاء الله الداعي خير .. نعل مافي زول يكون زعلك من الجماعة 
وبعدين شنو حكاية الستة الفرمالة دي .. سلامنا سته .. وغلبنا سته
وتوقفنا عن المنافسة برضو يكون ستة ..  يا أخوي كلنا اولاد سته .. لووووول
|
Post: #14
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: ترهاقا
Date: 06-06-2005, 12:01 PM
Parent: #13
الهميم وليد خبارك
والله ما مغيبنا إلا الشديد القوى ،والحكاية ياخوى جاية على وزن الستة أقوان كل قون بى سنة وجكسا فى خط ستة واللى حقه نلبسه للفريق القومى وشلة المرافقين من الإدارة
|
Post: #15
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: waleedi399
Date: 06-06-2005, 12:04 PM
Parent: #14
| Quote: وجكسا فى خط ستة واللى حقه نلبسه للفريق القومى وشلة المرافقين من الإدارة |
والله ضحكتني، طيب منو بلبس جكسا في خط المرمى؟؟؟
|
Post: #21
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-07-2005, 05:27 AM
Parent: #12
| Quote: وما علينا إلا ان نطالب بتجميد التعامل مع المنافسات الدولية لمدة لا تقل عن ستة سنوات |
العزيز ترهاقا .. تصدق نفس كلامك دا طالب بيهو البرلمان السوداني امس لكن حسن رزق رفض وقال ( دي قدرتنا ولازم نواصل ) زولك جاتو في اللحم الحي ...
ود الباوقة
|
Post: #20
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-07-2005, 05:21 AM
Parent: #9
| Quote: الغريبة انو الحارس الامين يوزع في الابتسامات بعد ولوج كل هذه الاهداف شباكه وفعلا لايستقيم الظل والعود اعوج وكمان ولا شوية حرارة قلب بسيطة مافي . |
ود شريف هذا الحارس ( النكرة ) يعاني من خلل ونقص واضح في ( الوطنية ) لذا نوصي بان يسحبو منو كافة الوثائق الثبوتية من جواز وجنسية .. ولا ما صحيح ..
ود الباوقة
|
Post: #19
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-07-2005, 05:15 AM
Parent: #8
| Quote: اللهم اجرنا في مصيبتنا واخلف لنا خيراً منها .. |
اللهم امين ...
لك الود ياوليد
ود الباوقة
|
Post: #22
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: وليد شريف
Date: 06-08-2005, 10:57 AM
Parent: #19
Quote: ود شريف هذا الحارس ( النكرة ) يعاني من خلل ونقص واضح في ( الوطنية ) لذا نوصي بان يسحبو منو كافة الوثائق الثبوتية من جواز وجنسية .. ولا ما صحيح ..
[/
اهاااااا هسة يجوك ناس التهميش ويدقو ليهم صيوان في بوستك دة .
وليد شريف
|
Post: #23
Title: Re: صعاليك الكورة .. ام كورة الصعاليك ... المنتخب السوداني نموذجا ....
Author: عمر محمد عبد القادر
Date: 06-09-2005, 05:55 AM
Parent: #22
| Quote: حقيقة فضيحة وأكبر من من فضيحة ونموذج للتردي الحاصل على كل المستويات في بلادي الحزينة |
الحبيب حبيب بلدو والله الفضائح اتكومت فوقنا من الشرق والغرب .. واخيرا من الشقيقة مصر ( مصر يا اخت بلادي يا شقيقة ..
على فكرة اخونا ياسين ما حاول يدخل معاهم ...
ود الباوقة
|
|
|