Post: #1
Title: يا كرادفة انها كردفان فهبو
Author: على اسماعيل
Date: 05-31-2005, 02:19 AM
Parent: #0
قال الشاعر الكردفانى الاصيل قاسم عثمان بريمة- له الشكر والتقدير :
انا كردفان منو البقيف في قصادي
انا رباية اليتيم واواية الجياع والصادي
انا ست عز قديم وانا كعبة لي قصادي
بلقو الخير منبلج وبلقو النعيم في حصادي
مرفوع راسي عالي ومفتخرة بي اولادي
البيزلوا كل نفيس لي رفعتي واسعادي
مليون مئذنة ومليون اذان بينادي
ومدارس بالكتير ومعاهد علم ونوادي
انا كردفان انا اجمل بقاع الوادي
تأكيدا على أن الانتماء إلى كردفان الغراء ـ هو حميمية أهلية في بيتنا السودان الواحد الكبير ـ وتكريسا للسودانوية ـ يشرفني أن أدعوكم وأؤكد على عمومية الدعوة لكافة الأحبة والأصدقاء والكردفانيين خاصة لتناول وجبة الغداء بعد صلاة الجمعة الموافق 3/06/2005م فى دار النادى السودانى بدبى ـ وذلك للقاء المودة والحب واختيار اللجنة التنفيذية والتشاور في شأن الرابطة -
|
Post: #2
Title: Re: يا كرادفة انها كردفان فهبو
Author: معتز تروتسكى
Date: 05-31-2005, 04:00 AM
Parent: #1
الكباشى على ازيك
كردفان فى الخريف للشاعر قاسم عثمان بريمة ******************************* حليل كردفان وقت تدوى رعودا00 يموج النسيم واطيارا تعزف عؤدا00 يتبالى نسيمهاويشرح ليك معانى سعودا00 تبين عروس بالهناء موعودا00 ماانفج السحاب الاتانى عبا وشيل00 زرف دموعوا فاض جفونوازرقٍ نيل00 بعد مرح السرور اتقاقا صيدها وقيل00 فوق الرمل زى برق الدهب اتخيل 00 العينة تلى العينة لمن جاتنا الطرفة 00 كالت بالكتير دموع السحاب منزرفة 00 ناس فى الخلاء متلفحين بقرفة00 وناس فى المدن ممطرين فى غرفة00 ليالى شهرزاد واشرق صباحا الهادى00 ينبثق الضياء وتغرد طيور الوادى00 لحظات والسحاب يغطيها ويطيرمسادى00 تضلم من جديد وتولع بالعبادى00 الخور بصعيدها خرولمح حصحاصوا00 والصيد انتشى وما تفادى جور قناصوا00 متحدى اهل الكلاب والجاى برصاصوا00 وفى كنف الالة تلى سورة اخلاصوا00 من لفح الهجير اتبلمت بضبابة00 اخضرت كلها وجبالها صبحت غابة 00 كل شاعر صدح لغناها شال ربابة00 والسندس رقص وانتشر فوق لترابة 00 اتكيف جوهاوحلقن صقارا00 وفرهدت ارنبة اتوالدت تحت تقارا00 السخيل ان لمحتوا بقفلة خلت حبارا00 متكدس الشحم من قريض الشوقارة00 وجمالها القارضة لعنان الفروع تتشابة00 ذاهية خرافة تمرح رادعه فىاعشابها 00 ان زكرو الجنان نحن نتفاشابها 00 خزانا التبلدى واملنا جو هشابه00 اخدت زينتها ورحلنا شوفنا بهاءها 00 نسجت كل جميل اتوشحتبوا رداها 00 الوان خضرتها المعكوسة فى امواها 00 ذادة روعتها ويا قدرة السواها 00 مرتع لجميع الزغاوى والكباشى 00 ومتعايشيين حنان وكل شىء ميسر ماشى 00 قدام جحر الكديس مبيض القباشى 00 تلقى المرفعين يحاشى فى الحاشى00 شمساً للارض تتحدى قاصدا حرابا00 خيوط من لهب ازرقن حرابا00 صلت الارض نار نجضت تيرابا 00 شبعت ماشيتنا زواحفنا واعرابا 00 خلاص دارتت واتنوعت خيراتها 00 واصبحتت لوحة كاملة واترابطت فقراتها 00 يننقق قعونجا وجنادبها الزغرادا 00 ملت اعماقنا فرح وعشنا فى مسراتها 00 لمين الحصاد وفركنا الورق بالويكة 00 والسمسم انصلط لجربه والتمليكة 00 فى بنكالسعادة ايامنا صرفت شيكا00 وهبيلا اتهابلت قندولا سرفالريكا 00 العيش قطعوة ضروهو بعد اندقا 00 مرصوص بالصٌبرلعمل اللقمة والدقا00 العنكوليب زرق الفص طويل ومنقى 00 وبالق السدر النبقاية توزن وقة 00 لالوبا العسل البحكوبا حكاوى 00 مرصوص غابة جم عربى وحاج مكاوى 00 طايل فروعوا لنخيل الشمال بكاوى 00 احلى من العجوة بكثير واغلض من البركاوى 00 ان مريت بابو جهل والله نعم السوق 00 تلقى النرمتى والسبلى داك مسلوق00 سرنى وقنقليس والدكوه والهالوق 00 والبامية ام قرون البتخلى الملاح لايوق 00 انا كردفان منوالبقيف فى قصادى00 انا ربايت اليتيم اوايت الجياع والصادى 00 انا ست عز قديم انا كعبة لقصادى 00 يلقوا الخير منبلج يلقوا النعيم فى حصادى 00 مرفوع راسى عالى مفتخرة باولادى 00 الببزلو كل جهدهم لرفعتى واسعادى00 مليون ماذنه ومليون اذان ينادى 00 ومدارس بالكثير ومعاهد علم ونوادى 00 انا كردفان انا جمل بقاع الوادى00
|
Post: #4
Title: Re: يا كرادفة انها كردفان فهبو
Author: على اسماعيل
Date: 05-31-2005, 04:49 AM
Parent: #2
الجرارى اخوى معتز كيف قيلتا ونهارك زين ابضراع
طبعا نحن بس نشعللها كده وناس تروتسكى بكملوها شفتوا جمال القصيدة دى كيف والبقية تاتى وحتشوفوا وانا وانتم منظرين الابداع الجاى
الى انا ارجع فى وداعة الله
|
Post: #3
Title: Re: يا كرادفة انها كردفان فهبو
Author: عبدالقادر الكتيابي
Date: 05-31-2005, 04:11 AM
Parent: #1
أخي الحبيب ـ البديري ـ تحياتي وشكري الجزيل ـ وصلتني رسالتك الرقيقة على الهاتف ـ تحياتي لكل أهلنا الطيبين ـ أهل البركة ـ أهل كردفان بي القبل الأربعة .. ـ سأبذل جهدي لحضور هذا اللقاء الأسري ـ السودانوي كما وصفته في الدعوة ـ ( طبعا نسابتي .. وعدم الجية بتلوم ) .. تحياتي للوالدة العزيزة والأسرة الكريمة .
كتيابي
|
Post: #5
Title: Re: يا كرادفة انها كردفان فهبو
Author: عصام دهب
Date: 05-31-2005, 05:16 AM
Parent: #3
أخي و صديقي الأستاذ / علي
يلا شمروا السواعد .. و لي قدام .. عشان بلدنا تبقى تمام .. أمنياتي لكم بالتوفيق و السداد .. و ( يا ريت يا علي لو كنت معاكم )
|
Post: #7
Title: Re: يا كرادفة انها كردفان فهبو
Author: على اسماعيل
Date: 06-01-2005, 03:44 AM
Parent: #5
استاذنا الكبير / عصام دهب - تحية واحتراما
Quote: يلا شمروا السواعد .. و لي قدام .. عشان بلدنا تبقى تمام .. |
انت من اكثر العارفين بخبايا العمل الطوعى وبالذات الروابط واكيد نحتاج لسواعدك معانا هنا لنستفيد من مخزونكم فى ( راشك ) ولنبدأ من حيث انتهيتم وترانا نردد من وراك ويا ريت لو كنت معانا - خالص الشكر والتقدير
|
Post: #6
Title: Re: يا كرادفة انها كردفان فهبو
Author: على اسماعيل
Date: 05-31-2005, 08:49 AM
Parent: #3
صديقنا الاستاذ الكبير / الكتيابئ / لك التحية والاحترام
اولا نشكرك ونقدرك لوقوفك دائما معنا فى كل المناسبات ومناسبات ابناء كردفان خاصة وانه لوقوف يذيدنا شرفا وبهجة ونحن من الان فى الانتظار لسماع السهل الممتنع كما يقولون لاننا متعطشين هنا للكلم ويكفى اننا بعيدين عن خريف كردفان فأسقنا وجود علينا بما عندكم من كلم فى لغة الضاد هذه.
Quote: سأبذل جهدي لحضور هذا اللقاء الأسري |
اسرى ولا كشرى انت مضمن مسبقا فى فقرات البرنامج والذى ساكتبه لكم لاحقا - خالص التحايا
|
Post: #8
Title: Re: يا كرادفة انها كردفان فهبو
Author: اباذر عبدالله
Date: 06-01-2005, 09:09 AM
Parent: #1
يا حليل كردفان ام الخريف الري يا للاسمك في القلوب ناصع بريغا ضي و يا لحبك يطوف الكون في الغربة واصل لي اشكي ليك يا يمة عن الغربة و شن الدنيا سوت بي ولا كيف فاقد الصحاب و العشرة المن زماني صبي مرت سنيني بعيدة عنك ابكي و انوح طائف شوارع الحي ***** منو السافر و خلاكي يتمني الرجوع منو الفات و مابرجع و ساب لينا الدموع منو الحارسك من الاجيال من اليشبًروا في الربوع و الرافع اصابعو العشرة لالله و عشانك يزوًد في الركوع و الشايل صليبه و طالب ليك سلامة من اليسوع
******** * حليلك
حليلك يا ام البشائر و يأم كرما يعزًم في العشائر يا الخيرك مشبعنا و مطبعنا و يا ام حبا معشعش في الضماير يا الجفت مجاريك و لسة تروي في كل حاير يا ام ولدا احباكي و صار يحدث كل سائر
|
Post: #9
Title: Re: يا كرادفة انها كردفان فهبو
Author: على اسماعيل
Date: 06-02-2005, 09:48 AM
Parent: #8
اخوى اباذر - تحياتى الحارة
يا اخوى مالك متور نومنا فى عز اليالى او كما قلت :
Quote: يا حليل كردفان ام الخريف الري يا للاسمك في القلوب ناصع بريغا ضي و يا لحبك يطوف الكون في الغربة واصل لي اشكي ليك يا يمة عن الغربة و شن الدنيا سوت بي ولا كيف فاقد الصحاب و العشرة المن زماني صبي مرت سنيني بعيدة عنك ابكي و انوح طائف شوارع الحي |
خالص التحايا والاشواق
|
Post: #10
Title: Re: يا كرادفة انها كردفان فهبو
Author: على اسماعيل
Date: 06-02-2005, 10:47 AM
Parent: #9
الاجتماع التأسيسى الاول لابناء كردفان
المكان : المركز الاجتماعى الثقافى السودانى - دبى
الموضوع / برنامج المنتدى ليوم 3/6/2005م
اولا : تلاوة ايات من الذكر الحكيم .
ثانيا : الكلمة الدبلماسية.
ثالثا : كلمة النادى
رابعا : كلمة ابناء كردفان .
خامسا : استراحة .
سادسا : اختيار رئيس المنتدى
سابعا : اختيار رئيس الجمعية العمومية .
ثامنا : استراحة
ثامنا : عرض رئيس المنتدى لمساعديه والتعريف بهم
تاسعا : عرض رئيس الجمعية لمساعديه والتعريف بهم
عاشرا : كلمة الختام.
|
Post: #11
Title: Re: يا كرادفة انها كردفان فهبو
Author: معتز تروتسكى
Date: 06-02-2005, 11:17 AM
Parent: #10
يابلومى شيل السلام
كردفـــــــــــــــــــان كردفان الصيد وقويزو.. والتبلدى الشامخ بعزو... والشباب النفخر بكنزو.. الجمال النفخر بكنزو.. ياحليها عروس الرمال.. يابلومى شيل السلام .. ----------------------- طوف سهوله واعبر جبالها... مر بكل وديانها وتلالها... تلقى ريلا يغيرك دلالها... والاسود الحارسه الحجال... يابلومى شيل السلام... ------------------------ امشى بارا ومر بام روابه... بارا بارا وديك ام روابه... والنهود الاثر شبلبها... والابيض غرد حبابها... دره رايعه وقايد الكمال... يابلومى شيل السلام... ------------------------- احكى ليهو الباقى عليا.. من شجونى الجوه قلبى حيا.. شيل رسايلا مرسلوله ليا... وبى لطافه واسرع تعال... يابلومى شيل السلام .. -------------------------
|
Post: #12
Title: Re: يا كرادفة انها كردفان فهبو
Author: على اسماعيل
Date: 06-02-2005, 11:51 AM
Parent: #11
الجرارى / سلامات يا اخى
Quote: احكى ليهو الباقى عليا.. من شجونى الجوه قلبى حيا.. شيل رسايلا مرسلوله ليا... وبى لطافه واسرع تعال... يابلومى شيل السلام ..
|
|
Post: #13
Title: Re: يا كرادفة انها كردفان فهبو
Author: اباذر عبدالله
Date: 06-03-2005, 06:09 AM
Parent: #10
اخونا علي
اسه البتور في النوم منو؟
انا الفي الكون بعيد مجدوع ***** في بلدا وحيد حيران اهاتي لبلدي و اتذكر ***** حلات اللًمة في الميدان و زاد الشوق علي كتير ***** لحدي ما فات بني الانسان طريتها كتير و بالدمعة ***** و ما خليت جماد حيوان فضلت اشوف و اتذكر كلب سعران ***** يًربًطوا فيه يتفكي و يعضي في شفع الجيران
علي اسماعيل تماك بعيد ****** تشوفها بلدنا بالقفذة و بي اذنك جري الخيران علي اسماعيل تماك بعيد ******* تشوفها قريب ابيضنابجمع الاخوة و الصحبان صح ارضنا الفاتا بالخطوة ********** يقيس الرجعة بالميزان و ان بات في كنوز الارض ************* يحن للقعدة في الحيشان
رسمها عصام ابيضنا ********* بقلمو ما خلالي بيت دكًان وصفها تروتسكي بالصورة***** الترجع فيني احلي زمان
هدية للاخوان علي اسماعيل , معتز تروتسكي , عصام دهب و جميع الكردافة اباذر
|
Post: #14
Title: Re: يا كرادفة انها كردفان فهبو
Author: 7abib_alkul
Date: 06-03-2005, 06:23 AM
Parent: #13
تحياتي لكل اهل كردفان شمالها وجنوبها والقوز عزيزي لعل عملي في كردفان لفترة طويلة جعلني من المنتمين لها فاتمني ان يناقش ابناء كردفان امر اثر اتفاق نيفاشا علي النسيج الاجتماعيالنسيج الاجتماعي
|
Post: #15
Title: Re: يا كرادفة انها كردفان فهبو
Author: اباذر عبدالله
Date: 06-03-2005, 06:40 AM
Parent: #14
الاخ حبيب الكل
نيفاشا ده منو اوع يكون الوالي الجديد بتاع كردفان اصلو في حاجات كتيرة اتلخبطتت علي
حبابك عشرة بلا كشرة يا حبيب الكل
اباذر
|
Post: #16
Title: Re: يا كرادفة انها كردفان فهبو
Author: معتز تروتسكى
Date: 06-03-2005, 09:45 AM
Parent: #15
خالص التحايا الكونيل اباذر
Quote: نيفاشا ده منو اوع يكون الوالي الجديد بتاع كردفان اصلو في حاجات كتيرة اتلخبطتت علي |
انت هين الاتلخبطته انا شخصيا ماعرفو منو ؟
وفوق..
|
Post: #17
Title: Re: يا كرادفة انها كردفان فهبو
Author: اباذر عبدالله
Date: 06-03-2005, 10:18 AM
Parent: #16
ولدنا معتز كيف حالك
شايفك انت و الزعيم فاتحين ليكم خطوط نار بركن ضيق .
تعجبني .... و تعجبنا ..... و بتاع جبنة زاتو
سمعنا اخبارك يا زول
اباذر
|
Post: #18
Title: Re: يا كرادفة انها كردفان فهبو
Author: معتز تروتسكى
Date: 06-03-2005, 10:27 AM
Parent: #17
اباذر العزيز انت المابتظهر نهائيا لو فى الماسنجر ولا تلفون.. اخبارك وصحتك.. مشتاقووووووووووووووووووون
|
Post: #19
Title: Re: يا كرادفة انها كردفان فهبو
Author: اباذر عبدالله
Date: 06-04-2005, 04:33 AM
Parent: #18
معتز
كيف انك
انا طوالي بجاي مصنقر في حوش علي اسماعيل الايام دي, ما اتلاقينا احتمال فرق الوقت... سلامي اعصام دهب
اباذر
|
Post: #20
Title: Re: يا كرادفة انها كردفان فهبو
Author: معتز تروتسكى
Date: 06-04-2005, 05:23 AM
Parent: #19
الكونيل اباذر قيلو عافية وقنبو طولا.. مقاكم زين وسمح..
اخبارك يازول يارائع الريس عصام شكلو الايام دى شويه مزنوق لكن يصل ... لك كل الحب نابع من كردفان.. وسلامى للاسره.. وماتنسى الدعم الثورى . .
|
Post: #21
Title: Re: يا كرادفة انها كردفان فهبو
Author: khallo
Date: 06-04-2005, 05:34 AM
Parent: #20
تحية من ابوجبيهة / جنوب كردفان:
معكم نشد من ازركم
|
Post: #22
Title: Re: يا كرادفة انها كردفان فهبو
Author: معتز تروتسكى
Date: 06-04-2005, 05:47 AM
Parent: #21
khallo يديك العافية تعال انسعلك من ديك وعيك البهناك ديك
تسملم كتير وابوجبيه اكيد فى العيون
تحيات .. عاطف ابوجبيهة
|
Post: #23
Title: Re: يا كرادفة انها كردفان فهبو
Author: اباذر عبدالله
Date: 06-04-2005, 08:29 AM
Parent: #21
khallo
جيتن جيتو و مرحبابك
اباذر
|
Post: #39
Title: Re: يا كرادفة انها كردفان فهبو
Author: على اسماعيل
Date: 06-09-2005, 10:36 AM
Parent: #21
الاخ العزيز / خالو - التحية والاحترام
السلام مربع يا خالو واسعدتنى والله ىونتمنى التواصل يوجد الهاتف والايميل على البروفايل - لك اهل واصدقاء فى ابوجبيهه ونسايب كمان - من اهلى احمد نورين اسماعيل ابن عمى
ومن نسايبى : الاستاذ سعيد على سعيد واولاده مدير مدرسة بالثانوية ولنا النية لزيارة ابوجبيهة قريبا - ومن الاصدقاء : عثمان قادم - مدير شركة عزة للطيران وقبل عام كنت فى مناسبة عرس اخوانه فى ام درمان الثورة - وكذلك الاخ خلف الله وهم معنا هنا فى الامارات - سلامى الحار ورجاء الاتصال وشكرا على المرور - كردفان فى حدقات عيوننا يا خالو
|
Post: #24
Title: Re: يا كرادفة انها كردفان فهبو
Author: على اسماعيل
Date: 06-04-2005, 10:17 AM
Parent: #13
[QUOTE]علي اسماعيل تماك بعيد ****** تشوفها بلدنا بالقفذة و بي اذنك جري الخيران علي اسماعيل تماك بعيد ******* تشوفها قريب ابيضنابجمع الاخوة و الصحبان صح ارضنا الفاتا بالخطوة ********** يقيس الرجعة بالمبزان و ان بات في كنوز الارض ************* يحن للقعدة في الحيشان |
اياذر الجميل / تحية واشواق
لعنة الله عليهاياصديقى هى اللهيب واللظى والحرمان والشوق انهاالغربة العييييييييييييينة يا اباذر ولكن حتما سياتى الوقت اللنلتقى فيهو هناك جنبا على جنب فى ربوع كردفان وسيكون مختلف تماما انشاءالله - لك مودتى والى ان اتيك فى امان الله
|