لجنة برلمانية مصرية تقترح تحفيز من يتزوج سودانية

Last Update 19 May, 2004 09:10:57 AM

لجنة برلمانية مصرية تقترح تحفيز من يتزوج سودانية


ماهر وإسماعيل

القاهرة: البيان

طالبت لجنة الشئون العربية بالبرلمان المصري بصرف حوافز ومكافآت للمواطنين المصريين الذين يتزوجون من سودانيات، لتشجيع وحدة وادي النيل وتقوية أواصر الأخوة من البلدين كما كانت في السابق.ووافقت اللجنة على اتفاقية حرية التنقل والاقامة والعمل والتملك بين مصر والسودان. ووصف أحمد أبوزيد رئيس اللجنة الاتفاقية بأنها بمثابة فتح الأبواب والشبابيك في عمارة التعاون بين الدولتين الشقيقتين انتظارا لخطوات أخرى تحول البلدين الى أمة واحدة.


عن سودانايل

يا عبد الله اخوي ما قالوا شنو الحوافز؟؟؟

عجائب

هذا هي أحد الوسائل التي دخل بها العرب للسودان, وهي ليس سوى احد الوسائل للسيطرة على أرض السودان وخيراته.

دينق

لا اعتقد ان لدي مشكلة نفسيه مع الشعب المصري
و قبل التعليق علي موضوع تدخل الدول في موضوع من يتزوج من
لعله من الحكمة قراءة مشروع القرار و خلفياته
و لكن ردة فعلي الاولي
كانت هي
ان تحسست مسدسي

الزملاء الكرام..

طبعا ده كان موضوع المكتب الليلة..

وبالرغم من اقتناعي ان مسألة الزواج دي في علم الغيب وترتيب الظروف المحيطة بالاتنين.. إلا اني اتوقع معارضة له من الجانب السوداني للإحساس بمسألة "الوصاية" دي..

Quote: وبالرغم من اقتناعي ان مسألة الزواج دي في علم الغيب وترتيب الظروف المحيطة بالاتنين.. إلا اني اتوقع معارضة له من الجانب السوداني للإحساس بمسألة "الوصاية" دي..

يا رجـاء يالا ورينا همتك دا تشجيع من مستويات عليا كمان

لكن خليك شديدة و لضيضة أعرفي نصيبك كم ؟؟؟ علشان المصريين ديل باقي لي حا إعملوها علشان إقبضوا و بعد ما إقبضوا بفكوا الأولي عكس الهـواء و إشوفوا السودانية التانية و كلوا بي ثوابو


و هـلـم جـــرا على قول هناي داك

أبو حسين..

تعرف المشكلة في شنو؟

عرفتا انو التعديلات الحتتعمل على الاقتراح ان يتم تحديد جهة السودانية التي يراد الزواج بها.. وغالبا ما يستقر الأمر على سودانيات جنوب السودان ودارفور..

يا عم الموضوع فيهو مصالح تانية..

انحنا أمرنا مفروغ منه ..

Quote: لجنة برلمانية مصرية تقترح تحفيز من يتزوج سودانية

لزوم التحفيز شنو!

نفس الإستعلاء المصري حسنة وأنا سيدك
جني

العلاقات الانسانيه ما بتحددها لجان برلمانيه او قرارات وزاريه

لن أضيف كلمة واحدة على ما كتبت راوية.فالقول ما قالت.

وكأنو السودانيات قاعدات (بايرات) منتظرات ( ابناء النيل) يجو يفكوا بورتهم.
هذا رق جديد وإساءه لأي أمراءه سودانيه.
لأول مره في حياتي اسمع بأنه في دوله شكلت ليها لجنه برلمانيه ليتزوج مواطبيها من دوله اخري.
وبعدين اللجنه دي حا تشتغل ( خطابه) ولا شنو. ,افرض انو السودانيات قالوا ما عايزين نتزوج ( اولاد البهوات)، اللجنه دي حايكون شغلها شنو.
هذا انزلاق وتدني في ممارسات البرلمان المصري وهو أمر مخجل يفضح العقليه المتخلفه التي تبنته.
وهي العلاقات بين الدول ببنوها بالزواج؟
الذين تبنوا هذا الأمر قصدوا فقط ازلال المراءه السودانيه والحط من قدرها ومعاملتها بأنها لاتملك من أمرها شيئا وهي متقوقعه متخلفه تقبل كل من يطرق بابها خاطبا.
كده نشوف بناتنا رايهم شنو في الخطاب الجايين عليهم ديل؟

عسكوري

ا كلام غريب جدا وانا شخصيا ما ارضى لسودانية انها تكون مشروع تجاري لمصري عاطل ورغما عن انو دي مسالة شخصية لكل سودانية لكن اثق تماما في انو مافي سودانية بترضى لنفسها تبيع كرامتا وعزتالواحد مصري
زمان كان السوداني بتزوج مصرية ولا زال لكن سودانية يتزوجا مصري ؟؟ ودي ما عنصرية لكن معايشة لتفكير كثير من الاخوة المصريين وسلوكياتهم وخاصة الشخصية
اكيد انو الجماعة عندهم مخطط له ما بعده وبعد ما باعت الحكومات العسكرية الارض والمياه بقا ليها البشر ؟؟
ويا دينق القصة ما قصة دخول العرب السودان لانو مصر اصلا عرقيافي عروبتا نظر لكن ما وريتنا كيف دخلت القبائل البانتو نيلية للسودان واستقرت بمناطقها الحالية ؟؟
ياخي ما تسيب العنصرية بتاعتك دي لانو كلنا جينا مهاجرين عرب وافارقة لرقعة جغرافية اسمها السودان يعني السودان دا عبارة عن شيرنق عرقيات عرب وبانتو وافارقة ووووو بالاضافة لسكان السودان الاصليين من نوبة وبجا وغيرهم
ولا رايك شنووووو

ولماذا لا يحفزوا المصريات علي زواجهن بالسوداني000ام متاكدين ان هذا الزواج في حد زاته يكفي لها حافزا

ان البرلمان المصري ولجنته المشار اليها قد خانهما التعبير بما

حاجة بايخة جدا يعني المصريين "ما حيرضوا" يزوجوا السودانيات الا بتحفيزات و كده؟
كل يوم بكتشف انو فعلا المصريين ديل أكتر شعب عنصري في الدنيا بالذات معانا احنا "أبناء و بنات جنوب الوادي الأسود".

Quote: يا أهل مصر ان أرض السودان أرضكم فلا تفرضوافيها

ما أشبه الليله بالبارحة

عبدالله
تعرف انا داخل البوست ده وقلته القاه دعاية لفيلم مصرى لكن تعرف الكلام دخل الحوش والظاهر الموضوع سياسى عديل والظاهر بيدخل من ضمن اجندة التكامل
تحياتى

Quote: ويا دينق القصة ما قصة دخول العرب السودان لانو مصر اصلا عرقيافي عروبتا نظر لكن ما وريتنا كيف دخلت القبائل البانتو نيلية للسودان واستقرت بمناطقها الحالية ؟؟ ياخي ما تسيب العنصرية بتاعتك دي لانو كلنا جينا مهاجرين عرب وافارقة لرقعة جغرافية اسمها السودان يعني السودان دا عبارة عن شيرنق عرقيات عرب وبانتو وافارقة ووووو بالاضافة لسكان السودان الاصليين من نوبة وبجا وغيرهم ولا رايك شنووووو

محمد حسن العمدة.

أين هي العنصرية في حديثي أعلاه؟ كل الذي ذكرته أن طريقة التزاوج مع سكان السودان الأصليين كانت أحدا الطرق التي دخل بها العرب السودان لكي يسيطروا على السودان وخيراته. وهذا حديث مذكور بكتب تاريخ السودان المختلفة فهل هولا الكتاب عنصرين أيضاً أم دينق فقط؟ بعدين موضوع التزاوج للحصول على سلطة أو جاه, معروف منذ القدم خصوصاً في المنطقة العربية, أرجع لتاريخ المنطقة وسوف تجد كل ذلك وكفاية وصف الناس بتلك الطريقة الجاهلة منك.

دينق.