Post: #1
Title: الطوطحــــــــــــــــــانيه
Author: طيفور
Date: 05-19-2004, 03:33 AM
Parent: #0
اها.. بعد قريت الجرايد وخلصت شغلي
ولفيت علي اذاعات الدنيا في الراديو
وتابعت نشره الجزيرة والعربيه ولحقت اخر نشرة الحرة
وسمعت واتفرجت على نانسي عجرم وعزيزة شخلع
النوم اتعزز علي زي ليمون منوت
قلت اقدها عديل وبدل عدم الشغلة الانا فيهو دا
اســـوي لي طوطحــانيه فوق نيمة رجاء الظليلة
الورثتا منها ام وضاح بي وضع اليد.. دي
اها الليله اطوطح نامن الله يغفر لي اصلو العالم كلو مطوطح
ويمكن ربنا ينور بصيرتي واقدر اشوف العالم بي صورة صح..
هي الحبل قصيّر... بالله دا حال شنو...؟؟؟؟
خلاص باكر امشى سوق الملجة اجيب لي حبل تيل طويييل واجي
ؤبالله العندو فردة لستك قديم يشحدنا ليهو.. عارية يعني..
ويوم الغسيل بنفكو ونرجعو ليهو
|
Post: #2
Title: Re: الطوطحــــــــــــــــــانيه
Author: ASAAD IBRAHIM
Date: 05-19-2004, 03:46 AM
Parent: #1
الحبيب طيفور
انا عندي اللستك بس وصف لي المكان لانو كمان عاوز اطوطح شوية
النوم كمان مفارق عيوني
اوعي تقول لي رسل اللستك بال دي اتش ال
تعرف اتذكرت بمناسبة ال دي اتش ال دي قبل فترة
كدة في السودان سمعت واحدة موظفة في بنك الخرطوم
شايلة الظرف بتاع الجماعة ديل وبتسأل زميلتها
وبتقول ليها انتي الدهل دة شنو ؟؟؟ 
بالمناسبة كمان انا معتمدك رسمي من الحلوين
البلونو حياتنا بكل ما هو جميل ورائع
الله يحفظك يا حبيب
اسعد
|
Post: #3
Title: Re: الطوطحــــــــــــــــــانيه
Author: طيفور
Date: 05-21-2004, 02:04 AM
Parent: #2
اسعد ..
يسعد ايامك ايها الجميل
عارف يا ابو السعود اللساتك دي ما خشم بيوت..
يعني في لستك موطر.. ولستك عربية.. ولستك مجروس
ولستك مجرد لستك...
من كتر ما انبرى ما معروف ليهو اي تصنيف
زي ناس ناس كدا.. وناس بتركب في روسينا لستك
وفي ناس زمتها لستك
نهايتو يا خوي انا جبت الحبل وربطت فيهو سحلية
عشان تكف العين العنية الكافرة الشرانيه
ويا خوفي نبقى عايزين نطوطح زي باقي الخلق
تقوم الطوطحانية تلملم حبل الغسيل وتشتت
وتبقى القصة زي نيفاشا..
فهمت حاجة...؟؟
غايتو انا اقطع ضراعي من هنا اكان فهمت انا زاااااتي
بايني حصلت صاحبتك بتاعة الدهل
|
Post: #4
Title: Re: الطوطحــــــــــــــــــانيه
Author: ASAAD IBRAHIM
Date: 05-21-2004, 02:33 AM
Parent: #3
|
Post: #5
Title: Re: الطوطحــــــــــــــــــانيه
Author: جورج بنيوتي
Date: 05-21-2004, 08:19 AM
Parent: #4
طيفور :
إطوطح... بس أوعك تكون قلعـــ.......؟
|
Post: #6
Title: Re: الطوطحــــــــــــــــــانيه
Author: صديق الموج
Date: 05-21-2004, 09:19 AM
Parent: #5
ود القبائل.........سلام
اول شىء قبل الطوطحانية انت ما دام عندك وليد حليوه كده(ربنا يحفظه)
الزمن ده كلو خاتى لينا صورة الارهابى الاسمو طيفور داك مالك
وبعدين يا طيفور اخوى الطوطيح بقى ريموت كنترول وانت لى هسع
فى اللستك...الله يعينك ..وكان لقيت اللستك الرسول كان ما اديتنى خبر
والله النوم محاربنى زمن....الله يهون يا حبيب..سلمت،،،
|
Post: #7
Title: Re: الطوطحــــــــــــــــــانيه
Author: منوت
Date: 05-21-2004, 08:19 PM
Parent: #1
طيفور الحبيب
تعرف أنحنا زمان لما ندور نتطوطح بنطلع شدرة العرديب ، و نجيب حبال عاشميق و نربطا بين فرعين ( سمان ) ، و نبدا نلولح أجسامنا لامن يرقد العرديب ( هبطرش 9 على التراب !!! . سعيد أنت يا طيفور بهذه الطوطحانية العولميه !!!
|
Post: #8
Title: Re: الطوطحــــــــــــــــــانيه
Author: Rawia
Date: 05-21-2004, 08:46 PM
Parent: #1
انا حاجزه دور ماعشان ماعارفه انوم لكن عشان بريد اطوطح
انا غايتو قاعده امشى البارك واتطوطح عادي
|
Post: #9
Title: Re: الطوطحــــــــــــــــــانيه
Author: طيفور
Date: 05-23-2004, 07:26 PM
Parent: #1
ابوبايه ثغمبروتة نمان اجي
|
|