مشيت اطلع البطاقة بتاعت السكن الكوز لديح لادحة، واظن دي مؤهلاته عشان كدا ختوه المسئول الاجتماعي الكلام دا في نهاية التمنينات كدا .. اها قام يتخاسس علي طبعاً ويتساخف وبدأ يتجاوز الخطوط الحمراء كمان واختك تعرفيها باااااردة اها هو في نهاية اعلن افلاسه لانه من يومه مفلس ومدا يده بس طبقت ليك في زمارة رقبتو لمن حلونا الاجاويد . لكن المروة كانت شايلنا الزمن داك لووووووووووووووووووووول
05-13-2004, 08:53 AM
Ridhaa Ridhaa
تاريخ التسجيل: 02-05-2002
مجموع المشاركات: 10057
و الله يا الجندرية صحي طلعتي حندرية و عاجباني علقتك المدنكله للكوز أنا مره قربت أعملها بس الحجم ما مساعدني كان عندي بحث مهم و لازم أجمع معلومات من الاذاعة و مع اني كنت لابسه طويل و خاته طرحه لكن بتاع الأمن الكوز أبى يخليني أدخل و قال عشان أنا ما خاته الطرحه كويس و قايتو عذبني عذاب جيبي الطرحه قدام غطي بيها شعرك القدام و نفذت التعليمات لا جيبيها قدام لسه لحدي جبهتك و نفذت التعليمات لا ختيها لحدي حواجبينك و حد العيون لحدي ما اتغظت و قربت اتهور..... قايتو لعب بي الكورة و بعد ده ما دخلني، ليه ما عارفه؟ و ضاع البحث و ضاعت السفره للمؤتمر الحكايه دي من سنة 95 و لحسه ما نسيتها معليش يارضا على التخريمة ال irrelevant
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ridhaa
الجندرية
Tumadir
Rawia
samo
بلدى يا حبوب
james
tmbis
فيس بوك
تويتر
انستقرام
يوتيوب
بنتيريست