Post: #1
Title: تصدقوا ..........؟؟؟؟
Author: omer almahi
Date: 05-12-2004, 04:39 PM
Parent: #0
Quote: المتواجدون الان بالمنبر الحر 69 شخص » (0 )عضو و (69) زائرا
هذه الصفحة يعاد تحديثها كل 120 ثانية.
المنبر الحرالسودانى | أرشيف المنبر الحر 2003 | تعارف و زواج سودانى| نادى القلم السودانى | دليل الخريجيين السودانيين | الاخبار اليومية عن السودان بالعربى| مكتبة الراحل على المك | مواضيع توثيقية و متميزة
سجل الزوار|اراء حرة و مقالات سودانية |غرفتنا فى البال توك| Sudan News in English | مواقع سودانية | اغاني سودانية | مكتبة الراحل مصطفى سيد احمد
جرائد سودانية |اجتماعيات سودانية | ونسة سودانية | دليل خريجى جامعة الخرطوم |دليل الاصدقاء السودانى |
مع تحيات بكرى ابوبكر
|
شنو رايكم...؟.....الناس مقيلا كلها .....ولا دا آخر الدوام (تماضر)
مع مراعات فروق الوقت (راجع بوست ) ...اضبط...خالد الحاج وودقاسم
الساعة الآن...2 ,25 ..دقيقة... بتوقيت قرنتش ......
|
Post: #2
Title: Re: تصدقوا ..........؟؟؟؟
Author: Tumadir
Date: 05-12-2004, 04:42 PM
Parent: #1
لا ما صاح ..كمبيوترك دا دقس ..صحيهو
على الاقل انا ..عارفه انو انا هنا...
والدنيا ما دوامه
|
Post: #4
Title: Re: تصدقوا ..........؟؟؟؟
Author: omer almahi
Date: 05-12-2004, 05:10 PM
Parent: #2
انا حددت الزمن بقرنتش علشان ما فى واحد يقول لى انا كنت قاعد
والله شنو رايك يا تماضر ؟.....وبعدين انتى متأكدة ما أخدتى أى دقسة .
|
Post: #3
Title: Re: تصدقوا ..........؟؟؟؟
Author: Raja
Date: 05-12-2004, 05:05 PM
Parent: #1
عمر الماحي..
كضبا كاضب..
انا الليلة قاعدة من الصباح.. وما طلعتا خالص..
|
Post: #5
Title: Re: تصدقوا ..........؟؟؟؟
Author: omer almahi
Date: 05-12-2004, 06:02 PM
Parent: #3
الاخت رجاء
مشكلتنا دى لازم تمشى العدالة .....العدالة بس تاخد مجراها
وأنا جيت بدليلى ...يلا ادونى دليلكم..... انتى وتماضر
ولن اسكت وانا بنهان كمبيوترى بالدقسة تارة وبالكضبن كاضب تارة أخرى ...
وما تستبعدوا ...إنى أكتب بوست اقرر فيه الإنسحاب من المنبر ....
واطالب شركات رقائق الكمبيوتر ...بالتعويض المادى والمعنوى (ممكن أحصل حاجة أبقا بيها فارس أحلام بين يوم ليلة)....ما معروفة الظروف ......
وتانيا بطالبكم انتى وتماضر بالإعتذار فى بوست منفصل وعنوان واضح ....
كمبيوتر عمر الماحى حاشا الدقسة ....والكضب .....
لكم أجمل المنى
|
Post: #6
Title: Re: تصدقوا ..........؟؟؟؟
Author: مريم بنت الحسين
Date: 05-12-2004, 06:43 PM
Parent: #1
يا عمر الماحي...
انا أؤيدك تماما ما دامت عندك الأدلة... لو عايز محامي انا معاك..
| Quote: وأنا جيت بدليلى ...يلا ادونى دليلكم..... انتى وتماضر |
|
Post: #7
Title: Re: تصدقوا ..........؟؟؟؟
Author: omer almahi
Date: 05-12-2004, 07:09 PM
Parent: #6
اختى مريم بنت الحسين العزيزة جدا
أحى فيك هذه الروح (المحامية) والله يحميك من كل بلا
شفتى النعوت النعتبيها كمبيوترى (الحمد لله ما قالوا عليهو مشاطة ولا بعاتى....ولا من الاخوان.)
وانا بستنجد بالجندرية تشوف دى فيها نمطية ولا لأ...لان إشراقة .ليهاالتحية..مرقت أماتنا من النمطية...
ويدك معاى لو طلع فيها تعويض .ح...........
(دقيقة اشوف البروفايل بتاعك..وأرجع )لا إنتى مخطوبة مافى طريقة..
معناه بتكون فيها هدايا عينية ولا يهمك .....
|
Post: #8
Title: Re: تصدقوا ..........؟؟؟؟
Author: Raja
Date: 05-12-2004, 07:15 PM
Parent: #1
عمر الماحي ومريم بت الحسين..
هوووووي انا السلبطة دي ما بدورها اصلو  ..
أمشو شوفو بوست فارس الأحلام وشوفو الوقت الكنت قاعدة فيهو الليلة..
مشكلتي نفسي يكون عندي محامي  ..
|
Post: #10
Title: Re: تصدقوا ..........؟؟؟؟
Author: omer almahi
Date: 05-12-2004, 07:41 PM
Parent: #8
قالت الاخت رجاء
نفسى يكون عندى محامى
وأنا نفسى أصدقك فى دى بس .....
والله نفسى اعرف عندك كم محامى.......
و أعمل مقارنة بين محامنك وجمهور الهلال..
|
Post: #9
Title: Re: تصدقوا ..........؟؟؟؟
Author: مريم بنت الحسين
Date: 05-12-2004, 07:22 PM
Parent: #1
Quote: (دقيقة اشوف البروفايل بتاعك..وأرجع )لا إنتى مخطوبة مافى طريقة..
معناه بتكون فيها هدايا عينية ولا يهمك ..... |
والله يا عمر ضحكته ضحك في الجملة دي.. لما أمي دايره تدقني.. يرضك في العمر ده.. يدقوني...
غايته شد حيلك.. انا بعد كم يوم عيد ميلادي.. انا بقيف معاك ضد رجاء وتماضر... وجنّد لينا الجندرية.. نشوف الموضوع ده بتحل ولا لأ.. وأحيطكم علما أن كومبيوتر الماحي لا يكذب... وأنه من الناحية البرمجية البحته.. لو في كذب.. ده بكون من الموقع.. إللي صمموا بكري.. وفي هذه الحالة .. إنت بتوجه اتهام خطير جداً لبكري.. .. وهنا هيئة الدفاع ما عندها أي دخل.. والموضوع بكون دخل الحوش...
I rest my case
بنت الحسين
|
Post: #11
Title: Re: تصدقوا ..........؟؟؟؟
Author: Frankly
Date: 05-12-2004, 08:05 PM
Parent: #9
العزيز عمر الماحي انا لا معاك ولا ضدك فقط اقول
جرب التالي واعطيني ردك
اذهب اليى صفحة المتواجدين الان واضغط على اف F5" 5" كل ثانيتين مثلا ولاحظ عدد الاعضاء وعدد الزوار
ولك مني التحية
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #15
Title: Re: تصدقوا ..........؟؟؟؟
Author: omer almahi
Date: 05-12-2004, 10:17 PM
Parent: #11
Quote: اذهب اليى صفحة المتواجدين الان واضغط على اف F5" 5" كل ثانيتين مثلا ولاحظ عدد الاعضاء وعدد الزوار
ولك مني التحية
|
شكرا أخى فرانكلى
يا ربى انا ضغطت على (إف ستاشر).... ولا شنو...الناس دى كلهم( شتتوا) ......عاشت أمريكا
|
Post: #12
Title: Re: تصدقوا ..........؟؟؟؟
Author: omer almahi
Date: 05-12-2004, 10:00 PM
Parent: #9
مريم العزيزة
بسسس ......امك البدق دى هى البتخارج معاى .....خليها تجى تشوف شغلها
فى البورد دا ...يظهر محاميت والراى والراى الآخر ما بنفع ...نهائى ....هنا
عيد ميلادك بعد كم يوم ........يا ساتر ..ما يكون يوم 25 مايو ..إذن..الهدية بتكون من جمعية ود نميرى التعاونية.....
والدخل بكرى شنو يا مريم هنا .....لا لا لا لا ......ماكنا كويسين وكنت معاى من شوية...لا دا تواطوء........وبعتى القضية .....انا عارف رجاء ....دائما تردد ...تدفع كم...فى بوستاتا ؟
بتكون عملتها...أكيد...
|
Post: #13
Title: Re: تصدقوا ..........؟؟؟؟
Author: ودقاسم
Date: 05-12-2004, 10:09 PM
Parent: #1
عمر الماحي
إنت مالك بتراقب في خلق الله ؟
من اشتغل بالناس مات هما ،، وأنا ما عايزك تشتغل بالناس ولا تموت خالص لا هما ولا غير هما ..
أنا على المنبر 24 ساعة ،، سوبر ماركت بس ..
|
Post: #17
Title: Re: تصدقوا ..........؟؟؟؟
Author: omer almahi
Date: 05-12-2004, 10:32 PM
Parent: #13
أخى (مقصودة) ود قاسم
لك كل الإحترام
تصدق انا شبكتى (بكسر الشين)....لانه فتحتها فى بوستات فارس الاحلام...دى ....بتعمل إستفهامات؟؟؟ شبكتى اشد من شبكة خالتك حوة ...وهنا بتكون من غير حاجز لغة....
طبعا ......
عزيزى ود قاسم راجع بوست ......أضبط....
وإليك فائق إحترامى
|
Post: #14
Title: Re: تصدقوا ..........؟؟؟؟
Author: مريم بنت الحسين
Date: 05-12-2004, 10:15 PM
Parent: #1
عمر الماحي.. بالغته ياخ...
دخول بكري استراتيجية لتوزيع الدم على القبائل.. ما يعرفوا يردوا على منو ولا منو.. ياخ خلي الموضوع علي.. انت بس خليك واقف.. ولما يجي وقت الدفع والتعوضيات مد إديك..
عيد ميلادي يوم 19/5...
وأمي.. حقوق الدق بتاعتها محفوظه ضمن العائلة,... ما بتدق بره العائلة.. بعداك الموضوع ببقا بقروش.. يعني لو عايز تدق ليك زول.. تدفع..
بنت الحسين
|
Post: #22
Title: Re: تصدقوا ..........؟؟؟؟
Author: omer almahi
Date: 05-13-2004, 02:08 PM
Parent: #14
| Quote: عيد ميلادي يوم 19/5... |
يلزم كم شمعة....؟ (أسئلة ليست للإجابة)
توقيت محرج مع الرواتب .........يعنى دى دايره ليها تعويض عديييييل
| Quote: وأمي.. حقوق الدق بتاعتها محفوظه ضمن العائلة,... ما بتدق بره العائلة.. بعداك الموضوع ببقا بقروش.. يعني لو عايز تدق ليك زول.. تدفع |
وانا أطالب بضم المدعوات ...تماضر ورجاء ....الى عضوية عائلتكم....حتى يتمتعن بكافة حقوق المواطنة.......(من غير أى دفع)
كل سنة وانتى طيبة الاخت العزيزة مريم بنت الحسين
والتحية لوالدتك/نا
وإنشاء الله 100 عام
|
Post: #24
Title: Re: تصدقوا ..........؟؟؟؟
Author: مريم بنت الحسين
Date: 05-13-2004, 05:29 PM
Parent: #22
عمر الماحي.. انا مواليد 19/5/1980..... ما وصلت المرحله بتاعت دس العُمر لسه.. تسلم ياخي... بعدين ياخ إحنا لاقيين يكون في عائلتنا تماضر ورجاء مرّة واحده كده...
غايته البوست بتاعك ده انا طلعته منه بي فوائد كتيييييييييييييره..
|
Post: #25
Title: Re: تصدقوا ..........؟؟؟؟
Author: omer almahi
Date: 05-14-2004, 06:12 PM
Parent: #24
مريم بنت الحسين
| Quote: غايته البوست بتاعك ده انا طلعته منه بي فوائد كتيييييييييييييره.. |
: أدينىمعاك...... .
|
Post: #16
Title: Re: تصدقوا ..........؟؟؟؟
Author: سجيمان
Date: 05-12-2004, 10:31 PM
Parent: #1
عمر الماحي
| Quote: الساعة الآن...2 ,25 ..دقيقة... بتوقيت قرنتش ...... |
هجري ....ولاّ....ميلادي؟
|
Post: #18
Title: Re: تصدقوا ..........؟؟؟؟
Author: omer almahi
Date: 05-12-2004, 10:38 PM
Parent: #16
صديقى جدا سجيمان
بأمانة الوقت داك كنت وين .....ما مشكلة كلمنى فى الماسنجر
|
Post: #19
Title: Re: تصدقوا ..........؟؟؟؟
Author: سجيمان
Date: 05-12-2004, 10:48 PM
Parent: #18
عمر الماحي
| Quote: بأمانة الوقت داك كنت وين |
غايتو ما كنت في البيت....لانو كل ما امشي الحمام واعاين للمرايا .... ما اشوف زول ولا انا ولا امشي ولا تعالي....
غايتو واحدة في الاتنين.... يا انا مافيش... يا مرايتنا جاها عمى ليلي.....
|
Post: #20
Title: Re: تصدقوا ..........؟؟؟؟
Author: حبيب نورة
Date: 05-12-2004, 11:03 PM
Parent: #19
وليه لا؟
|
Post: #23
Title: Re: تصدقوا ..........؟؟؟؟
Author: omer almahi
Date: 05-13-2004, 02:12 PM
Parent: #20
العزيز حبيب نورة
ليه لا ؟
وليه لا نرحب بك هنا .؟..مرحب بيك حبيبنا وحبيب نورة
|
Post: #21
Title: Re: تصدقوا ..........؟؟؟؟
Author: omer almahi
Date: 05-13-2004, 11:50 AM
Parent: #19
سجيمان
| Quote: غايتو واحدة في الاتنين.... يا انا مافيش... يا مرايتنا جاها عمى ليلي |
الحمد لله كمبيوترى مرق منها
|
|