هام وعاجل جدا الى بورداب الرياض!!؟؟

الاخوة الاعزاء اعضاء المنبر جميعا
الاخوه اعضاء المنبر بالرياض خصوصا
لكم الود

كما تعلمون جميعا ان هذا المنبر اصبح نافذة سودانيه اصيله مطله على الفضاء الكونى لتوصيل جهد ابناء هذا الشعب المتفردـ ممثلين فى هؤلاء النفر الطيب من اعضائه ـ فى كافة المجالات الانسانيه مما اكسب هذا المنبر حضورا ومتابعة كثيفه,للباحثين والدارسين فى الشأن السودانى من كل جنسيات العالم ,كما وجد فيه ابناء هذة الامه المتناثرين فى كل مرافئ واصقاع الارض ,وجدوا فيه ضالتهم المنشوده واصبح بالنسبة لهم حبل سرى للتواصل مع الام الرحوم عازة ,ومتكاءا
رحبا للهروب من هجير وصقيع هذه المنافى .
احبتى
لاينكر الا مكابرا هذا الجهد الذى بذل لاثراء الثقافة السودانيه من خلال مشاركات عدد من اعضاء هذا المنبر فكرا وادبا وعلما استزدنا به, واخرين متصفحين ,معرفة نتباها بها,وانتماءا نفاخر به لهذا المنبر ,وصحبة ورفقه لوجوه سمحه نتعز جدا بصحبتها.
احبتى
استفز واقع حال هذا المنبر الوطن فى الفترة الاخير نفر كريم من اعضائه فبعض آثر الانزواء وبعض صمت.الا ان الحادبين على هذا المنبر الوطن صرخوا وتنادوا لبحث مآل الحال والعمل على جعل هذا المنبر
سمحا كسابق عهده ,ونافذة سودانيه اصيله لنقدم للعالم ما لدينا
لعل يعود حضور هذا الوطن الى ذهن الدنيا مرة اخرى بعدما فشلت السياسه ان توصل تفرد هذا الشعب الى الدنيا بل وعلى العكس تماما اخرجت السياسه الى العالم هذا الانسان الجميل شبحا قبيحا ادار العالم جميعه له ظهره ,كما ادارت الدنيا له ظهرها ايضا,حينما قدمت للعالم اسوء دعايه لهذا الفرد الكنز من خلال اعلامها المملوك لها وحدها .
الشكر لهذا الرجل النبيل بكرى ابو بكر الذى اتاح لنا هذه المساحه من الفضاء الحر لنوصل للعالم وللوطن حلمنا واشواقنا لليوم وغدا.

وخوفا من تضيع هذه المساحه تنادى نفر من بورداب الرياض لبحث هذه الازمه ان جاز التعبير وذلك من خلال الاجتماع المزمع قيامه يو الجمعه القادم الموافق 14/5/2004 بمنزل الاخ احمد سعيد (قرنفل)
وذلك من بعد صلاة الجمعه مباشرة .



اكرر الاجتماع سيعقد بمنزل الاخ احمد سعيد (قرنفل ) الكائن بحى المعزر يو م الجمعه الموافق 14/5/2004 بعد صلاة الجمعه

ولاهمية الامر نرجو من الجميع عدم التخلف

نرجو من الاخ احمد سعيد انزال كروكى للمنزل

ودمتم زخرا لهذا البورد الوطن

ولكم اطنان من عصير الموده الصافى

يا ود الشيخ انت غاطس وين الأيام دي ..
والله إحترنا في أمرك الحكاية شنو ..
عشان كده إجتماع يوم الجمعة تلقانا قدامك ..
وأوعه تجي متأخر تعال بدري ..

المهم الغدا
من حسه قول لى احمد نحنا ما بنقبل الا بى غدا بfull service من افخم مطعم
ولا اوتيل

وحنكون معاكم فى الساعه والميعاد

ود الشيخ ...
معكم.. وبكم.. ولكم.. ومنكم.. دمت دوام يوم مثمر .. لك

راوية


انت عايزة تضيعينا ولا شنو ....

الموضوع ده من اختصاص تمبس
.
..

ود الشيخ
سلامات

كلام في الصميم ،، ،،،،

وكان ادونا الاذن حاضرين انشاء الله

مع خالص الود

محمد الشيخ
لك كل الود

جاهزيز بإذن الله في المكان و الزمان المحددين
يلا يا جماعة
توقيعاتكم بالعلم و الإفادة
حتى العاوز يعتذر ، يدخل و يقول
تسلموا جميعا

أحمد سعيد عزابي ، وأكل الأوتيلات بيعمل لي مغص ، كل زول يجيب عمودو ويجي ، عليكم بالكسرة ، واللحم المحمر ،، دجاج ما عايزين ،، لا بأس بالسمك ،،
أنا جاي وجايب عمودي معاي ،، ولو جبتو أكل من المطاعم باكل من عمودي براي ، والله يسمكم إلا ود شندي كان جا على العين والراس ، مش عشان ضيف لكن عشان عريس ، يمكن يعاديني ،،

فوزية أم طلال
عندك إيميل ولا ماسنجر ؟ عشان برسل ليك دة :
إليك بما قاله الخال : ( مش عشان ضيف لكن عشان عريس ، يمكن يعاديني ،، )
شايفة كلامي القلتو ليكي زمان ؟ بس قولي عوك و نحن بنجيك نحن و تمبس و شتات بالعكاكيز ،، و ماتخافي ، أبو شرا هنا مافي و العركيين على بعد آلاف الأميال

يلا يا شباب

حاضرين يا ود الشيخ
بس ما وريتوناموقع البيت
اوعي يكون زي مزرعة حسن الملك في الحائر
لحدي الأن بفتش فيها ما لاقيها
بعدين الغدا علي منو
وضروري من التحلية عشان ود شندي فاقد سكريات
من السهر والبكا والجري وراء الهجرة
جهزوا الغدا ونحن جاهزين

أحمد حنين
مشتاقين
إما أن تحضر عمود الغداء معاك ، وإما أن تدفع 50 ريال ،،
وياريت تجيب قرّاصة

أحمد حنين
شوق و تحية
وينك يا رجل ؟
جد كدة مشتاقين
زى ما قال ليك ود قاسم : جيب عامودك و تعال و أهم شيء نلاقيكم

قراصة دناقلة 10 بوصة بى دمعة جداد اونلاين كيف معاك يا ود قاسم

المهم تفكروا فينا برضو .. ما ميادة براها الاختكم

تسلمو كلكم

الله عليك ياود فاسم علي القراصة دي انابضم اسمي ليك علي القراصة اخي ابوجهينة لك شوق لا ينتهي لاينتهي
ود الشيخ اكيد معاكم اذا سمحتوا لينا طبعا ....

لا يا جماعه وكت بقت عواميد ومن البيوت


عاوزين كسره رهيفه بى ام رقيقه خفيفه وعلى قول ود قاسم لحمتها محمره

والله يا محمد الشيخ تعرف

حقو الزول يوم الجمعة من صباح الرحمن، يلف عمته ويعبى العربية وما يقيف إلا فى المعذر، بعد داك الزول بالريحة ساى بصلكم

يا اخوانا اتوكل على الله واسويها

بينى بينك كده بتساهل والله

تلاقى ود قاسم، معتصم، ابو جهينة، تمبس وشتات ومحمد الشخ وباقى الناس الحلوين كلهم

يا حليل الرياض ويا حليلنا منها الدنيا

مع الأمنيات ليكم كلكم بمقيل جميل ولقيا أجمل

المطر العزيز..

توكل ونفُذ..

انا معاك.. وياريت الواحد يقدر يقول زيك كده..

وااااااااو

عزومة وبورداب الرياض ويوم الجمعة وكمان عند قرنفل..؟

دي خيانة كبيييييرة..

سلام بالجميع

مرحب بكل بورداب وبوردابات الرياض

ومرحب بالبورداب والبوردابيات من خارج الرياض

السمك على تمبس

والبامية على دكين

يا رجاء مافى خيانات انتى من بورداب الرياض

قرنفل سلااام..

طيب الحلو على منو..؟

ده اهم حاجة.. وفي الصيف ده ما حنرضى بأقل من تورتة آيس كريم ..

ود الشيخ ازيك..

علــــم (بضم العين)..
متغدى مع اب حجل ...يعن شوية تأخير ..
لكن بجيكم..

عذراً فقد سبق الارتباط

دمت

يا بورداب الرياض
راوية جات من أمريكا
رجاء جات من القاهرة
المطر جا من جدة
ودشندي جا من الشرقية

وينكم يا جماعة ؟؟؟؟؟؟؟؟؟؟؟؟
ما عايزين ؟؟؟؟؟؟؟؟؟؟؟؟
نشوف غيركم ؟؟؟؟؟؟؟؟
أنا وود الشيخ وقرنفل ومعتصم وأبوجهينة وتمبس وشتات ووراق بنتلاقى كتير ، بس وين الباقين ؟؟؟؟؟؟

رجاء و راوية و دريمز و تايقر : و الله زى المعانا في الرياض.
حننقل ليكم الغدوة صوت و صورة .
المطر : يا ريتك تجي.
فووووق

سلام للجميع

الطريق الى السكن



العمارة باللون البنفسجي


العمارة رقم 3

الشقة رقم 3

Up

أخخخخخخ ......

وين الباقين ؟؟؟؟
ما جايين ؟؟؟
نبطل الموضوع ؟؟؟؟

يا ود شاموق يا حليلك

لكن اقول ليك كلام محلك محفوظ ومحجوز بى علبة سجائر كارلتون
كمان اها ايه رايك





لك الموده يا صافى

شكلكم كده ما جاييين ،،
أنا عندي برنامج ، كنت سألغيه ، لكني الآن أعتبر نفسي في حل ، وبرنامجي قائم ،،
ودعتكم الله ..

حااااااااضر
طبعا جايين
ومعاي العمود " مفاجأة " .

ياود الشيخ انا ( محمبك) منك تاني والله ..
ما تتصل علي تلفون .. مش كده ؟؟
يعني كان الواحد مزحوم شغل زي حالتي كده .. وما قاعد يدخل البورد الايامات دي .. مافي زول يشتغل بيهو كلو كلو مش كده ياود الشيخ ؟؟
غايتو ابوجهينة الله يديهو العافية .. ومعتصم دفع الله .. ومرات مرات دكين.


ياخال ..
ساتجاوزك ..ما عندي معاك كلام كلامي مع ام طلال شخصيا.. وجني وجن .. غداء يوم الجمعه ما يكون فيهو ( محشي )



برضو جاي

فوق لأننا اشتقنا ليكم ،
خاصة :
كلكم ..

سلام للحبان

اخخخخخخ ود شاموق جعلتني اتصل به

يبلغ الجميع التحايا فردا فردا

يا دريمس معانا معانا بس اعمليها 5 بوصة فى ناس بتخنق

راوية بالله عليك الكاستر وليست الحلو

مرة حاولت اعمل كستر فى محاولة لم تتكرر

بدات بحلة صغيرة وختمتها بحلة قيزان شفتو كيف

تفاصيلها لاحقا

هوي ياناس ...
القراصة اهم حاجة ...

علم وسينفذ حالاً
وطبعا جاينكم أنا وأخوي الكاشف الصادق خليفة.. ما تقول لي الأثنين عذابة.

تمبس يا أخوي والله جننتنا بي صورتك دي... أحسن ليك تسحبها ساكت قبال ما ألاقيك يوم الجمعة.. ولا عذر لمن أنذر

اسماعيل وراق
الصادق خليفة
يعقدون مؤامرة ، رجعوا عوائلهم السودان وزاغوا من التزام العمود ،،
جيبوا لحم ،،إن شاء الله يكون نيء ،،
جيبوا بطيخ ،
جيبوا فواكه ،
جيبوا روب ، أصلكم بتاعين بحر أبيض ،
أي حاجة
ما تجوا مدلدلين أيدينكم ..

يابورداب يا رائعين
الشوق الشوق بالكوم
والغدا لازم يكون مدنكل
بعدين حكاية عزابة دي ما تحلكم
كنتاكي موجود ، هارديز ،، والمطاعم السودانية بالكوم في غبيرا
زي ما قال الخال ود قاسم انشاء الله يا اهل العوض تجيبوا ترمس ولا قنقر
حتي احمد عيد جهز القهوة والشاي
وحقو توزعو الشغلة عشان كلنا ما نجيب محشي ولا تقلية
وبعدين ما تنسو انا متخصص باسطة بس بالسمنة وكدا

شنو يا اخوانا
رقبتنا اتكسرت عديييل كدا
اها وصلته وين ؟

يرفع لمزيد من الفائدة..

ودعما لإجتماع بورداب الرياض اليوم..

والله يا بورداب الرياض ماليكم حق
يعني المشغول حبيتين مافي واحد يرفع التلفون ويقول عووووووووك
غبت عن البورد يومين غياب جزئي ومريت سريع على المواضيع ولسوء الحظ لم ألحظ الاعلان
المهم الايام كتيرة والجايات أكتر لو في عمر بس فاتكم عمود أم خالد والله سفرة الجمعة كانت مميزة وحسدت نفسي عليها من كل لون بلدي وأفرنجي حتى الجمعية أتصلت عشان أعزم العزابة ولقيتهم كلهم مرتبطين بما فيهم ود عمي حمزاوي والخائن ما أداني خبر إلا بعد نهاية البرنامج