ختــــــــــــــام الكــــــــــلام

دوما دوما دوما دوما دوما ...................
انا ما فهمت انتى منسحبه ليه عشان شنو وعشان منو ؟؟؟؟؟؟؟؟؟؟؟
دوما ما ممكن البنقولو بنعيدو
دوما ما ممكن تكونى لحدى اسع ما اتعلمتى الدرس
وانو الانسحاب ما هو الحل .. ولو عايزة تريحى روحك
بعيد من المنبر .. اعرفى يا دوما انو روحك ما حا تترتاح
ومدام ما مرتاحه ما مرتاحة تعال يا دوما واقيفى مع الواقفين
ادعميهم وسانديهم ولو بى كلمة
ولى رجعة

الاخت الكريمة دومة .. تحياتي واحترامي لشخصك
وانا التي سارد عليك لانني انا المعنية بكل حرف من حروفك التي تحتويها هذه السطور
عزيزتي دومة .. لم تكن البداية كما صرحتي انتي لا والله وقد اعود للوراء وآتئ اليك
بالبداية .. لقد تمت معرفتك بجهة او بااخري بالماسنجر الذي ارسلته انا للطيب بشير
وعرفتي محتواه ، مما جعلك تتآلمين اشد الآلم علي ماجاء فيه بخصوص زوجته وقررتي انتي
بدورك ان تنتقمي لها مني ..... من ثم بدآتي تلاحقيني في كل بوست ولم تكتفي بالكتابة
العادية بل كنتي تكتبين بالبونط العريض مما يجعل الاعمي يقرأ اسأءتك لي وواصلتي بكل
ماتحمليه من قوة للاساءة والاطاحة بي وحاولتي كثيرا التقليل من شآنئ والمساس بي وبعدها
قرآتئ بطريقة وبااخري الآيميل الذي ارسلته انا للطيب بشير وزاد زعلك زيادة ومع الآسف
انتي لم تفكري للحظة في ان الطيب بشير قد اساء سمعتي علنا في كثير من البوستات وآخر
بوست اساءني فيه لحد النخاع كان في بوست اسعد ابراهيم الموجه للاخ عبد السلام الخبير
وقال في شخصي ماقال ومن قبلها اشان سمعة زميلة لكي في هذا البورد وصديقة حميمة لكي
وبالرغم من اساءته العلنية لشخصي في المنبر ولازلت محتفظة بكل كلمة قالها وبرغم ابشع
ماوصفني به الا انني كنت اكثر حكمة منه واكتفيت بتصفية حساباتي معه في ماسنجر خاص
بالطيب وحده ولا يجرؤ احد علي قراءته غيره وذكرت ماذكرت في الماسنجر لاذكره بااشياء
قد تكون غابت عن ذهنه او قد يكون تنساها وقمت بكتابة آيميل شخصي اليه ولن انكر ولكن
مادخلكم انتم جميعا كااعضاء في سودانيز اون لاين باارسالي انا آيميل لآي مخلوق كان ؟؟؟
وهل هذا يخل بقوانين المنبر في شئ ؟؟؟ وبرغمها تم عقابي بفصلي لمدة قريب من الشهر
وانتي يااختي الفاضلة اقحمتي نفسك مابيني وبين الطيب وزوجته لماذا؟؟ والموضوع لم يكن
مطروحا هنا للنقاش ولم يكن علي صفحات المنبر فلماذا اقحمتي نفسك وشلتي وش العداوة؟؟؟؟
اؤكد لك باانه لو كان الموضوع ده انا كتبته في صفحات المنبر لما اساءت الظن فيكي
لتدخلك ابدا ولكن الموضوع كان في ماسنجر داخلي وكان في آيميل شخصي !!!!!!
والغريبة يااخت دومة باان هناك خلفيات كثيرة في علاقتي بااسرة المدعو الطيب ولا علم
للاعضاء بها والحكاية كانت بادئة من زمان من قبل انضمامي للمنبر ، من قبل ثلاثة سنوات
فكيف تحكمين علي حديثي في الماسنجر معه من خلال عاطفتك ؟؟؟؟؟؟
ثم تدخل الاخ الفاضل خالد الحاج في بوست خاص ببنت الاحفاد وقال في شخصي ماقال
واتهم عاصم زوجي باانه يكتب بااسمي وبااني اكتب بااسمه وهكذا وانا شئ طبيعي ان
اشعر بالزعل والانفعال فالمرأة ياعزيزتي عضلاتها في خشمها وماكان مني الا ان سطرت
له رسالة مليئة بالزعل وحاولت ان افش زعلي كله فيها ولكن اعتقد بااني كنت حكيمة
جدا لانني لم احب ان اجرحكم جميعا وسطرتها بعيدا عن ارض المنبر وفضلت ان تكون
مابيني وبينه طالما الآخرين لاذنب لهم .. ولانني فعلا فعلا اضع مكانة ماساهلة للاخ
خالد الحاج في نهاية رسالتي قلت ليه ( اها ياولد العم بعد مافشيت زعلي فيك
بعد ده العفو والعافية) ...
الاخ خالد خرق قوانين المنبر بنشره لتلك الرسالة وهي خاصة به وحده ولكنه كان يريد
ان يضعني في خانة اليك امامكم لكني لم اشعر بحرج لانني ارسلتها له بكل شرف للخصومة
بااسمي الحقيقي وداخل الآيميل الخاص به ...
الاخ خالد نشر الماسنجر الخاص بالطيب بشير وكمان الآيميل الخاص الذي ارسلته للطيب
ولم يراعي باانه بدل ماكان شخص واحد سيقرأ ذلك الماسنجر والآيميل وهو الطيب
الآن قد قام بقراءته اكثر من الآف شخص ، ولم يهتم كثيرا الا باانه زعلان ويريد ان
يفش بعض من الزعل ده بوضعي في مكان غير جميل لدي الناس ...
جميعكم زعلتم لماخطه قلمي وبعضكم طالب بمعاقبتي ولكن لم يفكر احدكم في انه حق شرعي
لي في الدفاع عن نفسي بالطريقة التي اراها طالما حافظت علي شعوركم وشعور خصومي
وارسلت لهم بعيدا عن ارض المنبر وبعيدا عن عيون الناس التي لا ترحم ..
الا تعتقدي يادومة باان ماقمت به انا كان حكيما اكثر مما قاموا به هم ؟؟
وواصلتي يادومة في مسلسل التتبع والاساءة لي ولغاية الامس القريب كنتي انت عونا
لهشام امين في اساءتي انا وزوجي واتهمتي زوجي باانه يحتال علي حسابي وعلي فكرة
حتي لو عدتي وسحبتي كلماتك فنحن محتفظين بكل شئ علي دسك خاص لتقديمه للFBI
للتحقيق المباشر مع هشام امين واللذين دعموه وانتي منهم ياعزيزتي .. وليس هذا
فحسب فاانا ساتقدم بشكوي رسمية ضدك في السفارة السودانية باالمانيا
علما باانني اعرف عنوانك واسمك بالكامل واسمحي لي ياعزيزتي فاانتي من بدء
والحكاية دخلت في الشرف الماليه ثمن لذا انسحابك الآن لن يفيدك ...
اما بوست العنوسة والذي اتهمتينني باانني اقصد الاستهتار بالزميلات من وراءه
فهذا دليل علي عدم فهمك لمايجري في الدنيا وكلمة العنوسة كلمة عادية وتطلق
لمن تجاوزت سن الزواج ولم تتزوج .. وقد شرحت للكثيرين باانني لم اكن اقصد الاخت
رجاء بالصحفية التي تعيش بالقاهرة وطلبت نمرة تلفون الاخت راوية لااعرفها
علي الاخت والصحفية المذكورة واقوم باادخالهم في خط التلفون معا للتعارف ولكن
جاءني رد الاخت راوية باانها لاتريد اعطائي رقم هاتفها وهي حرة فهذا شئ يعود لها..
واتهمتيني يادومة باانني اراسل الناس بالماسنجر وعبر التلفون لاانقل لهم الوشايات
وكنتي كاذبة حتي النخاع في هذا الاتهام .. وكنتم انتم اللذين تمارسون هذه الاوضاع
الغريبة وبدآت الماسنجرات تشتغل عدلة وقلبة ومن ثم بدأت جماعة معينة تعرف نفسها
باارسال آيميلات شخصية للناس وفيها معلومات عن شخصي ومن ضمنها الكلام الكتبه هشام
امين وكان هشام امين من ضمن الناس اللي اترسلت ليهم هذا الكلام وهاهو قد نشره
والمضحك ياعزيزتي دومة باانكم جميعا الآن انسحبتوا للوراء يعني بصراحة الشلة كلها
طلعت شلة ( يخسي ) ... واحد راح اسبوع اجازة لينسي الموضوع وانتي الآن ترمين باللوم
علي عادل عبدالعاطي ومحمد عثمان ... ههه لاياحبيبتي ثم لا الشرف ده حافظوا لي عليه
امي وابوي لغايت مامسكوني لراجل ودخل علي وعشت معاه سنين وسنين ويجئ واحد خائب
زي .. سي هشام بتاعكم ده يعمل فيها ناصر الامة وحامي الشرف والعرض
طيب تربية ابوي لي في السنين الفاتت دي كلها مشت وين ياتري ؟؟؟ والله لكن اخترتوا
واحدة لحمها مر وعلقم كمان ...
والجرسة هسه مابتنفع سيدها يادومة واما عن اسمك الذي ذكرته علني فقد اقترحت عليك
باان تآتينا بزينب ... حتي يزيد احترامنا لك ولكن هذه حريتك الشخصية والغريبة كانت
كل ردودي لك بكل حب وادب وتهذيب وارسلت لك لاول مرة في حياتي ماسنجر اطلب فيه منك
ان لاتعاملينني هكذا وليس من داعي للعداوة ولكنك واصلت في شرورك التي لم ترحميني منها
عموما يادومة الموضوع الآن طلع من يدي ومن يد الآخرين واصبح في يد الFBI من ليلة البارحة
ولازم كل ذي حق يآخذ حقه ... ومعلومة اخري حافظ البشاري خلف الذي مدكم بهذه المعلومات
هو من ليلة البارحة مطبول في السجن لمعاقبته علي مابدر منه من تشهير في حقي ولمخالفته
لاوامر المحكمة من قبلها .... اتمني ان اكون قد شرحت لك ماغاب عنك ...

الاف بي اي يطلب المساعده
المتهمه دومه بت عشكان

مطلوب القبض عليها مره مشلخه لابسه توب اخدروسفنجه معقوده بي دلقان وشايله قفه وبارنها تلاته شفع حفايا

راوية

Quote: الاف بي اي

دا برضو مسجل بي اكتر من اسم هنا؟



دوما

النصيحة ليك يا الله..... انا عرفتك ما الليلة ولا البارح... معرفتي بيكي ليها فوق التلاتة سنوات من سودانت وهنا..... اصيلة كريمة اخلاقك عالية.... مرهفة حنينة.....والما بيعرفك يجهلك يا دومة.....
وعرفتك صلبة ومقاتلة ان استدعى الامر......ولكنني لا افهم معنى انسحابك......

سجيمان الرميدان...البيف باف اي

الأخت الكريمة دومة
عهدناك سمحة عفيفة قوية في قولة الحق
فكوني دومة التي نعرف .. ومكانك هنا..
عميق إحترامي وتقديري لكي..

الأخت دومـا،
مسـاهماتك فى هـذا البـورد كتيـرة وكبيـرة.
خلينا نحب ونكـره داخل حـدود الهـويـة السـودانيـة العظيمـة.
القضيـة المرفوعـة هى قضيـة إشـانـة سمعـة على الإنتـرنت، وهى قضيـة عاديـة، تنتهى بنطق الحكم فيهـا، وليست مجالا للتنـدر على جهات التحـرى أو غيـرهـا.

ما تمشـى

Auf wieder hören

الاخ خالد الحاج ـ حقيقة لم يحبطني ويخيب ظني اي من المتداخلين كما احبطتني مداخلتك، والتي تعشمت فيك و توقعتك فيها أن تنصح دوما عن هذا الحقد الذي هي فيه بدل المكابرة وأن تأخذها العزة بأثمها انتصارآ لكبريائها !! ـ مالك يا ود العم؟ البقي عليك شنو؟؟!! ــ
تهديد شنو البتقولوا عنه دا؟؟ ـ واحدة عايزة ترد اعتبارها بعد ذلك القذف الفظيع بحقها امام اعينكم، تجو تتهكموا عليها كمان وتطيبوا خاطر من اساءوا اليها؟؟ !!! يعني لو كان المشهد معكوس كنتوا عملتوا شنوا ؟ ــ
والله شئ غريب !!! ــ كأنما انتم تقرون ما اتي به ذلك الاحمق هشام وتتمنون لو ان كان اتي بالمزيد ــ فبدلآ عن مواساة الضحية تطبطبون علي الجاني ؟!!! ــ ليه الحقد دا ليه؟؟ ــ بالله الذي يقر بأن ما قام به هشام ليس خطأ يرفع يده ـ عشان نحن زاتنا نفهم حاجة !! ــ

ــ ما هو واحد من اثنين، يا أما دوما دي غلطانة أو هشام امين صاح !! ـ

دومة
الفاضلة

ياها حماقة العضة الفروة.
والله دي ياها مابمشي السوق كيتن للتجار
أها نحنا ذنبنا شنو تخاصمينا ياالغبيانة ماتزيدينا جن فوق جننا.
جني

ابقوا كلكم هنا فليست هنالك مدينة فاضلة،الا ما كان فى عقل افلاطون.

الخــــالة العزيزة دومــــــه
قولي بسم الله والعني الشيطان وقنبي

يعني ياماما دوما تاني .. كان الواحد جاتو مرضه زي بتاعت المره الفاتت ..البيتصل عليهو منو غيرك ويطمنو انو عندو ام تاني .. لاقاها في الانترنت في سودانيز اون لاين ..

هوووووووووي ياناس .. دي ام ما زي اي ام ..

وكان سألني تبلدينا .. اقول ليهو امك خلت البورد خلاء .. وجو ناس الـ اف بي اي ساقوها السجن ؟؟؟

والله دنيا لكن .. دنيا غريبه جدا جدا ..

ياماما ..
البورد ده .. من ما دخلو الطاعون .. الواحد بقي يتوقع اي حاجه .. ما بلومك كان مشيتي لكن بتفضلي في جوانا اعظم ام لاقيناها نتيا .. وسابيريا ..

واقول ليك حاجه ..
كان ناس البوليس ديل جو يسوقوك .. اتصلي علي ..قولي ليهم عندي ولدي قال بيفديني بي عمرو وبيدخل السجن بدلي ..



يا مهازلك يادنيا

دومة ياجميلة الخلقة الاخلاق
لنتحاور بمنطق ولانك منطقية وعفيفة اللسان لازم تبقى فينا
ماطرة
ولا تعالى بكتاحتك
وارمينا بذرات ودادك

الخاله ..




طلاق تلاته (مرتى اللسه مادخلت عليها) ماتمشي ..


دي حليفه وخراب بيوت ... والنشوف رجالتك .؟؟

يا حباني كلكم الوصلوا والفي الطريق جايين والبعاينو من بعيد لي بعيد كلكم في الخاطر وانسحابي لا خوف لا وجل لا جفا.
الا اهلي القبيل بقولوا البعد ولا البلاد ام سعد
. والاف بي اي حبابو والانتربول حبابو ماتخافو علي انا زوله قلبي سمين من تبيت ما عرفت الخوف وخاته الرحمن في قلبي ولن يصيبنا الا ما كتب الله لنا طويت الصحف وجفت الاقلام .
وسامحوني بعد الرد دا ما بقدر ارد تاني .
ودعتكم الحي الدائم.

العزيزة / دومه.

أنا أرفض تركك للبورد بشدة, نحن محتاجين لقلمك هنا. يجب أن تبقي لكي تقولي وتكتبي كلمة الحق.

دينق.

ياخالة ...

نطلق يعني ..؟؟؟؟؟

يا سامو عز الحبيب مرجوعه في مسماها

ابني الحبيب دينق تاني بنتلاقي

ابو الجنون انا الليله كان لقيت زول بعضيه خليها الفروه

المشرقه جاياك بي هناك عشان ننسي الهم

علاء انت تبري من السجن يتسجن عدوك المابيك وسلم لي علي التبلدي كتير انا اتلومت معاه يوم 6 اربعه جاءوفات ما قدرت اتصل لكين قل ليه اتذكرتك واحتفلت بيك

الحبيبة دوما
لاعاش من يسئ لي نقائك الظن، انتي ما شبه تحريش او تامر ولا اظن ايا من الاخوات العزيزات شاركن بي صورة من الصور في فعلة الكوز الساقط هشام، والذي استغلك ابشع استغلال للوصول الي هدفه، ولم يصل، بل وقع في حفرتو او فوق سكينتو الغاصت في قلبو.

من يومي عارفك ذي الطيب خالد الحاج، شايلاكي الهاشمية، احقاقا لما ظننتي حق، او جرفك التيار او خرجتي من طورك.

كان منظر مؤلم بالنسبة لي اشوفك في حالة ما حبيت اشوفك فيها، بالذات لمان كلامي ماجاب نتيجة.

لكن معليش كلنا في المنبر ده لها!

مسألة وقت فقط وكل واحد فينا راجيه يوم ذي ده، يكفي انو خالد الحاج وقع في الشرك ده بي كل طولة بالو، عادل عبد العاطي ياما وقع واتمرمغ في الوحل، فكلنا لها طال او قصر فهوني عليكي وخليكي قوية.

انا غايتو مراسي الطويل حتي الان ناجيني من الوقعة وانا بتزحلق علي جليد المنابر دي من 1998!

غايتو وقعتي حتكون بي جلاجل، الله يكون في العون!

فمن دونك المنبر ماحيكون المنبر يا دومة الحبيبة، فالعني الشيطان!

ابول ثم ابول على الاف بي اي
والسي اي ايه
والبي بي سي
والجي تو فور
والبي تي يو
والام اس إن ...
والهوت ميل الاصدار السادس ...
وعلى مدير محطة الاف بي اي في الشرق الاوسط

والبول مرسول ايضا على مدير فرع الاف بي اي بولاية تكساس ومدير قسم الارشيف العام بوزارة الخارجية ..

والسادة العملاء المنتشرين في كوكب الارض....
وعلي دونالد رامسفيلد شخصيا ..وكافة منسوبي الاسطول السادس في الخليج العربي ...
وكافة الخونة ..

وعلي جميع الحروف الابجدية الانجليزية بكافة تشكيلاتها التي قد شكلت نوعا من الرعب في ذهنك وخيالك او في ذهن غيرك وخيال غيرك ... او قد تشكل فيما بعد وترعب خلق الله وتثير حفيظتي وما تحت سروالي ..


كل ذلك بلا تحفظ


ان يتم تهديد سوداني /نية بما قد يفعلة رجال اليانكي هي والله من عظائم الامور ومحدثاتها ...

السودان ده كلو من ابو رنات ولحدي اصغر قاضي احوال شخصية ما مالي عينك تجي تمشي لي يانكي اغلف ...

عليك الله سا سارة ادني اسم وعنوان اكبر زول في نظرك في الاف بي اي عشان العن ليك سنسفيل ابو اهلو في بوست منفرد ملعون وقاصد وارسل ليهو خلاصة بولي في قزازة محلبية محلية الصنع ...

Quote: عموما يادومة الموضوع الآن طلع من يدي ومن يد الآخرين واصبح في يد الFBI من ليلة البارحة

اعزائي انا لا اعتذر عن اقوالي ابدا وما عارف اقول ليكم شنو ...
لكن الموضوع طلع من ............. ودخل في قزازة محلبية .


















عنواني واسمي موجودان بطرف الاخ بكري ابو بكر وذلك للاطلاع واجراء اللازم ياعزيزتي ..

الاف بي اي .. دا شنو البتسوي في ه دا ا السارة منصور الاف بي اي شنو البتخوفي بي هم دومة ، ولا اي سوداني ، سبحان الله ، انتي عايزة تثبتي شنو ؟ نحن مما قمنا بنشتم امريكا وكل نتاناتها امريكا تعمل ليها شنو توديها سجن ابوغريب ؟؟،غايتو الله يجيب العواقب سليمة ، واقول ليك احسن حاجة يا سارة انك تبتعدي شوية عن البورد وتراجعي مواقفك وتوجهي اسالة جادة لنفسك .. وان ترحميها اقصد نفسك من هذه الانزلاقات !!وزي ما بتسلقي الناس بلسانك اسلقي روحك دي ونجضيها كان تثوبي لرشدك .. الغربة حارة لكن ما بتوصل الناس لقدر دا ..
دومة انتي انسانة موضوعية وبتقدري الاموربمسؤلية ارجو ان لا يعميك الغضب وزي ما بتقولي الله يلعن ابليس .. ولازم تجبري بالخواطر واصلا بورد من غير دومة بصبح كوم تراب ..!!والله يهدي النفوس ..

Quote: الاف بي اي .. دا شنو البتسوي في ه دا ا السارة منصور الاف بي اي شنو البتخوفي بي هم دومة ، ولا اي سوداني ، سبحان الله ، انتي عايزة تثبتي شنو ؟ نحن مما قمنا بنشتم امريكا وكل نتاناتها امريكا تعمل ليها شنو توديها سجن ابوغريب ؟؟،غايتو الله يجيب العواقب سليمة ، واقول ليك احسن حاجة يا سارة انك تبتعدي شوية عن البورد وتراجعي مواقفك وتوجهي اسالة جادة لنفسك .. وان ترحميها اقصد نفسك من هذه الانزلاقات !!وزي ما بتسلقي الناس بلسانك اسلقي روحك دي ونجضيها كان تثوبي لرشدك .. الغربة حارة لكن ما بتوصل الناس لقدر دا .. دومة انتي انسانة موضوعية وبتقدري الاموربمسؤلية ارجو ان لا يعميك الغضب وزي ما بتقولي الله يلعن ابليس .. ولازم تجبري بالخواطر واصلا بورد من غير دومة بصبح كوم تراب ..!!والله يهدي النفوس ..

و الله مـاقـصـرتـي قـلـتــي الحـقـيـقـة الله إديك العافية يا عشـة يا بت فاطنة

لووووووول عشه بت فاطنه حبيبه الليل الطويل ابعدي دمك ان جيتي تهديها الاف بي اي بخمك معانا ساره طلعتني بعد شيبي دا فاسقه !!!

يااخ دكين
ده شنوا روشة البداوة البتسوي فيها دي يعني؟

عامل فيها خلاص فحل كبير، وانت بتشير الي ماتحت السروال في حضرة ستات وكلامك موجه لي سيدة؟

ياخي ماطبيعي لكل فعل رد فعل، فليه اخترت تحاكم المجني عليه وتشيح بي وشك بعيد عن الجاني؟

صاح معاك حكاية محاكم ونحن في غربة عيب، لكن برضو الايدو في النار ماذي الايدو في الموية.

فواضح انت بالذات، لو كانت سارة دي زوجتك ولا اختك، كنت عملت اكثر من كده بي كتير. لو ده حاصل فلماذا تأمرون الغير بالمعروف وتنسون انفسكم انت وصحبك الكوز هشام امين؟

لو ماعندك بيه صلة فوق كم بتنصر واحد ذيو علي سيدة؟

هل دي اخلاق ناس طه الدكين؟
للاسف انت فقط بتسئ للراجل الرمز، في زمنو او بيئتوا.
مع خالص ودي.

Quote: من يومي عارفك ذي الطيب خالد الحاج، شايلاكي الهاشمية، احقاقا لما ظننتي حق، او جرفك التيار او خرجتي من طورك. كان منظر مؤلم بالنسبة لي اشوفك في حالة ما حبيت اشوفك فيها، بالذات لمان كلامي ماجاب نتيجة.

الحبيب بشاشه تقصد انه كلام ساره البتشهر بيه في سمعه انسانه ما عضو بهذاالبورد من خلال مسنجراتها ومن ايماءاتها التاليه

Quote: الا انني كنت اكثر حكمة منه واكتفيت بتصفية حساباتي معه في ماسنجر خاص بالطيب وحده ولا يجرؤ احد علي قراءته غيره وذكرت ماذكرت في الماسنجر لاذكره بااشياء قد تكون غابت عن ذهنه او قد يكون تنساها وقمت بكتابة آيميل شخصي اليه ولن انكر ولكن مادخلكم انتم جميعا كااعضاء في سودانيز اون لاين باارسالي انا آيميل لآي مخلوق كان ؟؟؟ وهل هذا يخل بقوانين المنبر في شئ ؟؟؟

حقيقه وانها لم تكذب وتصرف سليم لا تستحق ان تلام عليه وانا شالتني بس الهاشميه؟؟؟!!
بعدين ما فهمت شنو الحاله الما رضيت تشوفني فيها ؟؟؟

وورب العزه اختك دومه نوبيه صميمه لو شنق ابدا عوجه ما في انا لو قلت كلام ما بنكره ولو يكون مصيري المقصله متل الاستاذ محمود محمد طه ما برجع في كلمه قالها لساني موت موت سجن سجن غرامه غرامه

لا يا دوما لاتنسحبي فأنت عصب البورد وقلبه
كمال

الي كل الاخوة والاخوات المتداخلين في هذا البوست / التحية

لم يكن بيني وبين الاخت /دومة آي عداوة من قبل ولكنها اثقلت في العيار كثيرا
وظلت تتابعني وتلاحقني دون ان تنتبه لماتفعله ولم يكن قول الحق يوما يتمثل في
متابعة الآخرين وملاحقتهم بالكلمات المؤلمة والقاسية ، عموما لم يقف احدكم لينبه
الخالة دومة باان في ملاحقتها لي هكذا تصغير لنفسها ولمكانتها ولي ايضا وانا لن
ولم اهدد احدا بfbi لا والله العظيم فلست من دعاة الارهاب !! ولكني اتحدث عن ماقمنا
به وكان لابد مما ليس منه بد ، فلابد بعد الذي حدث ان نعرف من وراء هذا المدعو
هشام امين ؟ ولماذا فعل مافعل ؟ واضطررنا بالفعل لرفع ربورت كامل بكل تفاصيل ماحدث
للجهة المعنية لانه اشانة السمعة وعلي هذا النحو ماهو بالشئ السهل ابدا ابدا
وشرفي ليس بلعبة يتلاعب بها آخرون مثل هذا الهشام واعوانه ثم اصمت ولن اصمت ولن
اصمت ولن اصمت حتي يآخذ كل ذي حق حقه ... ثم هذه الجهة هي التي نلجآ اليها عندما
تواجهنا مشاكل علي النت مثل المضايقات والتحرشات والتشهير بالشرف واسمحوا لي
فاانا صاحبة الوجعة ولن يحسها غيري واذا لم تحسوا معي وجعتي ولم تدركوا مامعني
ان تطعن امراءة في شرفها وتتهم باادرتها للدعارة فعودوا مرة اخري لماكتب
هشام امين في بوست ابو الريش ...والاخت دومة اتهمت زوجي بصريح العبارة باانه
يسترزق من وراء احتيالاتي علي الناس وانا اريدها ان تثبت لي ذلك ...
عموما انا ايضا اضع مكانة وحب للخالة دومة ولااتمناها ان ترحل وارجوها معكم
ان تبقي فلا مجال للمغادرة وقد عاشت هنا سنين طويلة ...

الخالة العزيزة دومة،

اناشدك الا تنسحبى فأنت فعلا "عصب البورد و قلبه".

لك التحية و التقدير
ندى

الأخت دومـا،


مسـاهماتك فى هـذا البـورد كتيـرة وكبيـرة

نرجوك الا تدهبي ابقي معنا

لأنه ان طال الأمر اوقصر فسيدهب الزبد جفاءا ويبقي ما ينفع الناس

لك التحيه

الاخت عشة بنت فاطمة / FBI جهة يتجه اليها المظلوم للتحقيق في ماالم به
وهم لهم شبكة كبيرة جدا ودي مسؤليتهم حماية كل مظلوم واجهته مشكلة مثل
مشكلتي ، انا لااهدد بها احد والعياذ بالله وعودي لكلماتي ارجوك ...
ولم اخوف بها احدا والعياذ بالله ، انا اكتب عن الاجراء الذي قمنا به
لمعرفة من اين آتئ ماآتئ به ذلك الارعن ، والتحقيق سيكون مع كل من
قام بالتشهير بي ودعم هشام امين بمستند او ورقة او دفعه دفع ليفعل
مافعل ... وانا زاتي ماكان عندي فكرة عنهم الا ان بعض الاخوان هنا تفضلوا
وقاموا باارسال ذلك الربورت وشرحوا فيه كل شئ وبالدليل ...
الاخت عشة/ اعتقد جميعكم تحتاجون لهذه الاجازة فلكل منكم انزلاقاته الخاصة
ومنها السكوت عن الحق والوصول لمرتبة الشيطان الاخرس ..

الحبيبة دوما
مافي شئ بدل علي نقاء سيرتك او سريرتك، قدر غضبك الخالص لوجه الحق، لكن المنبر ماليه اي دخل بي مشاكل اعضاؤا خارج المنبر وفي حياتهم الخاصة!

مافي زول فينا عندو سلطة ولا حق في حياة الاعضاء الخاصة ومشاكلهم خارج المنبر وما مفروض اي مننا يجيب مشاكل الغير او مشاكلو للمنبر اطلاقا. الاخت سارة برضها عملت نفس الغلطة ولو انو كان موضوع يتعلق بالعمل العام في منطقتها، ده برضوا غلط.



الاخت سارة والاخ ابو الريش،
انا غايتو ما حاخليكم تعملوا اي من الكلام البتقولوا فيه ده لانو عيب كبير ومابحل اي مشكلة بالمرة. بالنسبة للاخت دوما يا اختي العزيزة سارة، اسلوبك الاول معاها افضل وانبل، بعد ماتروق بعدين اخدي وادي معاها، لانو رغم العملتوا معاكي دومة بشفع ليها حسن نيتها، ماذي الساقط هشام.

ذي ماقلت ليكي عليكي بي اخواتك، لانكم في المركب، حيث مريضي النفوس لايتورعون ابدا في تشويه السمعمة لحسم الخلاف لي صالحهم. فعليكي بي دومة.

بشاشه يا حبيب
ارجوك ولو عايزني ازعل منك تشفع لي عند ساره. لا يمكن يكون ليهاجميل علي .
بالله تدع القانون يتخذ مجراه ممكن تشفع في موضوع هشام لكين انا لا والف لا والله ما بحتاج لعطف من سارا ابدا ولو يكون عقابي الموت مرحبا به

قالت صديقة عزيزة من ايام الجامعةجاءت هنا بالخظا المحض : ( هذا البورد ان مسالة انك تعمل كوت وتبدا بيهو كلامك مسالة فيها نظر ودلالة على عدم الموضوعية في غالب الاحايين) او ما معناه .
(انتهى كلامها سلمها الله)

ويسرني يا اخ بشاشة ان اكون لاموضوعي

وابدا بما قلت :

اولا: اسم دكين العندي لم اختارة لانه ذي علاقة بطه المذكور من طرفك ولاحتى ما بعرفو ولا سمعتا بيهو اصلا...
ولا اذكر تحديدا لما اخترت الاسم
ولكني اذكر انو في واحد في حلتنا كان بقولو ليهو دكين وكان ود خايب جدا ويقال تحت تحت انو كان باطل ..
ولا علم لي لما اعطوه الاسم فلا تسالني ...

شفتا كيف يا ما كوز ؟؟

لذلك لا اعتقد انو في الامر اساءة مقصودة اذا ارتبط دكين البوردابي باسم دكين ود الحلة الباطل ..علما باني اصلا لم اكن ادري ان هناك دكين اخر صاحب بطولات ...
لذا اعتذاراي لطه الدكين صاحبك وقول ليهودكين بتمنى يلاقيك ويعتذر ليك لانه جهل بك والحق بك السمعة ...



تانيا : مسالة انو في سيدات محترمات في هذا البورد امر لا يحتاج لان تذكرني به....وما كتبته انا لا يخرج عن ادب الحوار في هذا المكان وانا ما جاي من كوكب المشترى ولكني من بين ظهرانيكم يا عزيزي ..
ثم اني ما قتا للسيدات المحترمات تعالن اقرن دكين كتب شنو..
ولو هامنك هؤلاء المحترمات نزل بوست بالجنبة قول فيهو ( عزيزاتي المحترمات لا تدخلو بوست دوما بتاع ختام الكلام فهنالك سافل بالجوار .. )
او افعل ما تراه مناسبا وكريما في نظرك ..
فانا فعلت ما رايته بالاعلى وقد رضيت عن نفسي السافلة وانحطاطي في هذا الزمن الطاهر ..



اخيرا مسالة السروال دي قتها لانو اعتقد فيما اعتقد انو التبول يكون من تلك الجهات ...


ولكني اليوم فقط عرفت انو الانسان ممكن يتبول من اماكن اخرى
فلك الشكر
والمودة كلها


دكين الكوز

الخالة دومة / عليك الله بس فاسقة دي لقيتيها وين ؟؟///
في عز مشاكلك معاي واساءتك لي وتجريحك لي كنت انا في عز احترامي
لشخصك ولم اقل كلمة واحدة غلط في حقك لانك في مقام الخالة ولم تربيني
امي علي عدم احترام الاكبر مني سنا او حتي اصغرهم ، فياخالة لاتواصلي
في هذا الغلط ولاتحمليني كلمة لم تخرج مني والا اثبتيها هنا وبالدليل
غير كده ، يبقي ده مخرج للغلط الوقعتي فيه ، لكن الغلط مابيعالجوه
بغلط آخر وهاهي المواضيع التي وجدت فيها هجوما ولم ارد الا بالكلمة الطيبة
والحسني وكان اكثر هجوم وتجريح واجهته منك ياخالة فلماذا لم تحترمي انت
شيبتك حينها ؟؟ ده حتي بوست الترحيب بعودتي بااسم الناس القيافة فرضتي
نفسك داخل البوست وقلتي ماقلتي وشوهت منظر البوست ولاحقتيني اينما كتبت
ارجو ان تراجعي ماحدث واحدة بواحدة وفي النهاية تبقين انتي الخالة التي
نحترمها جميعا وابقي انا الابنة التي تتقبل العتاب الذي يمتزج ببعض الحب.




1/ ماذا اعددنــــــــــــــا لـــــهذا اليــــــــــــــــوم ؟؟؟
2/ دوما... ما بين التجانى المشرف وسارة منصور
3/ تحذير نهائي لأصحاب الأسماء المزدوجه في هذا البورد المكلوم
4/ غــاب قــا نـون الـبـورد وضـمـيـره فـغـابــت الـعـدالـــة !!
5/ فـي بــوردنــــــا ..... بعــــــاعــــيت
6/ احــد اعضـاء سـودانـيزاون لايـن يـدفن النـمـرالاســود حـيــا !!
7/ آ يـــــن انــــت ياشـــجرة الصــنــدل يابــكري وينـك؟؟
8/ رسالة الماسنجر التى وصلتنى..... هناك فرق
9/ سارة منصور... وناس البورد
10/ رموني بحجارتهم ونسوا أنفسهم ولا إعتذار عندي أقدمه.
11/ ضاعت الحقيقة وسط الزحمة واتركن القانون في الرف يا بكري اليس كذلك؟
12/ عذرا.. خالد موسي .. فلم اوفيك حقك ..
13/ رساله الى ساره منصور...عوانس بأرادتنا

Quote: واؤكد لكم بان عينة زينب وهشام وغيرهم هم من سياتوا يوم القيامة ليواجهوا الله بما ادعوا وسنري اذا كان لكل من احق اكيد سيآخذه يومها واثق بنفسي وان لي حقا عندهم والآن يااحبائي بعد ان بركت انا علي الارض لاري من اين تآتئ موية زمزم وهذا ماقادني اليه تفكيري البسيط البرئ ،، هل اعادلها بان ابرك علي الارض واصل لمستوي هشام الامين وزينب اقصد دومة وغيرهم من الحاقدين والفاسقين ؟؟

صـديقتي دومـه..حبابك
لا تذهـــبي

كبر

كبر اموت ليك تلفونك حزينه لانقطاعي عنك ارجوك

العزيزة أختي دومة


لك التجلا0000 لا أستطيع أن ازيد عما قالوه الشباب من قبلي

أبنائك وأخوانك 00000 ولكن لدي سؤأل علي حسب معرفتي بك

عبر الفضاء 000 هل تستطيعي ان تتركي المجال للمعربدين

000 اذا تركتي لهم المجال هذا هو مناهم000 أبقي وكوني لهم

( شوكة حوت) حتي لا يسود السؤ000 لا بد ان ندافع عن القيم الجميلة

ولا بد من وجودك0000 الخروج انهزام 00 ولا أظنك هزمتي

معليش يا بشاشا انتا مكاف خلاص

هنالك مسالة اخيرة خالص
هي مسالة انو انا ارضي لي واحدة من طرفي مثل ما قيل لسارة منصور..

من المؤكد اني لا ارضى وكذلك انت..
غير انه ان حدث فانا لا املك شيئا إلا ان اقف عاجزا اومنبذا او ساخطا او اتجاهلهم ثم اترك البورد لانو جاب الكلام لي ناس البيت ولا ذنب لهم سوى انو دكين خش خشا يوما ما لي حوش بكري فجاب ليهم الكلام..
وما قيل في حق سارة منصور من المسمى هشام امين- والذي الحقته بزمرة اصحابي في غفلة من ضميرك النوبي -
شين ووقح وقمة في قلة الادب وليس له الحق في ما قال ..
والتدخل في الشئون الاسرية امر منتهى الجبن وقذف الاعراض بدليل او بدون دليل مرفوض وليس هذا مكانه..
وقد ذكرت في بوست قريب ان الذي يخوض في اعراض الناسء في هذا البورد اولى به ان يلفظ خارجا دون رجعة ...

وانت تعلم وغيرك يعلم انو اسهل شي انو واحد منحط يجي يقول فلان داك مرتو وسخة او علان داك راجل منسوب الى قوم لوط ..فقط من اجل لا شي او من اجل انو يحرق ليهو شخصية في مجتمعنا صاحب الوعي التناسلي ..
وهذا امر لايحتاج الى شفوت ولا الى مدربين ....والطبيعي انو اي سيدة تنزعج لهذا الامر ..والطبيعي ايضا تفهم بعدها انه لا عاقل يصدق هذا الكلام إلا الذي في قلبه مرض ...والذي في قلبه مرض شخص مرفوع عنه القلم ولا يؤاخذ ..
ونحنا لاتهمنا اسرة فلان ولا اسرة علان ..والدنيا دي كلها قدود ولا يظنن احكم انه قد لا يقع فيما وقعت به سارة منصور من ساقط القول ..
لكن مسالة انو انا اجي اهدد احدهم باني فتحت بلاغ في السفارة وما عارف بلاغ في القسم الجنوبي بتاع الاف بي اي هي مسالة من محدثات هذه الدنيا واظنها بدعة ..

وبعد يا بشاشا :-
هل تراني قصرت معاك في استفساراتك ذات المغزى العميق؟؟؟
فما تشبكني بلاي تاني روشه البداوة وفحل الخلا ولطيف نبذك ...
هذا وتقبل فائق ودي ولطيف تحياتي ..


دكين الكوز الفحل

بعدين يا بشاشه يا اخوي تقوم عليهم في شنو كتر خيره ابو الريش وسارا الدايرين يوروني امريكا للدنيا والزمان بالمره اقدم لجؤ . اتحل من العيشه الضنكه دي . النبي كان ما ودوني بعد السجن ما بدوني لجؤ؟؟؟؟؟ بس الخازوق يرحلوني جوانتي نامو ولا اسمها شنو ديك محل ناس القاعده يقولوا اصلها من القواعد الحاجه دي . غايتو اناالمليم الاحمر ما عندي الا علي نفقتهم التذكره وكمان ما بطير الا بزنس كلاس دا لو جاملتهم ناس الاف بي اي ديل. وبالمره ادخل التاريخ لانه للان ما دخلت قاعه محكمه ولا دخلت مكتب بوليس اتنور شويه واتحضر

الخالة دومة اكرر مابيني وبين المدعو الطيب بشير وزوجته يعود
لثلاثة سنين للوراء وانا لم ولن اسئ لسمعة انسانة اخري وللموضوع
ابعاد لا علم لكم جميعا بها والي هنا ارجوك ابعدي نفسك عن هذا
الموضوع لاانك انتي التي تشعللين في نيران يريد غيرك ان يطفئها
كفي عما تفعلين ياخالة واحتفظي بمكانتك المحبوبة عند الناس ..

ساره انامش قلت ليك ما تهدديني انت مش اشتكيتيني امش في قضيتك وبس

يا ست دومة

تحية و إحترام لسنك ثم شخصك

قزف بى موج الفراغ فى بوستك هذا و الذى قرأت مئآت من أمثاله نفس الأسلوب و نفس السيناريو تكونى أنتى البطلة و حولك مجموعة من المطبلين و الزيول و ضعيفى الشخصية و لا يتغير فى هذا المشهد سوى شخصية جديدة و هى بالتأكيد الضحية، فمنذ أيام سودانت أنتى و صديقتك نجاة و التى كنت تكونين دائمآ بصفها إن كانت على حق أو بغيره، و سئمت هذا المنظر ليس فقط لأنه متكرر أو سخيف، بل لأنك بسن لا يسمح لكثير من الناس بالتخاطب معك بنفس الإسلوب الذى تتبعيه و هو إسلوب الذلة و التقليل من الشأن، خاصة أبناء و بنات الأسر المحترمة، أنا أدرى تمامآ بأنك تملكين كل الوقت فى معصمك و تحاولين قتله بالكتابة فى هذا المنتدى أو غيره، و لكن رجاء سيدتى لا تدعى الحِكمة فأنتى لست أهل لها و لا تلتقيان فى طريق واحد، أنا آسف لكتابة هذه الكلمات و التى جائت بعد جفاف لقلمى زاد عن السنتين و لكن ألمنى محاولة الأخت صاحبة المشكلة للإعتزار لك و قفل الموضوع و إنتى تزلينها و تجرحين كبريائها، ثم لماذا تشبيه المناقشات الحادة بينك و بين الناس بالمعارك و الحروب؟ أى طبع هذا يليق بسيدة تُنادى بالخالة؟ أيضآ، متى ينتهى مسلسل إنك ستغادرين البورد و إن هذا آخر بوست لك؟ ألا ذلت يا سيدتى الفاضلة تلعبين بمشاعر هؤلاء المساكين؟ ألم تكبر عقليتهم بعد ليدركوا بأن هذا الفلم قد شوهد مرات عديدة و قد سئمه أصحاب العقول؟ ألم يفطن هؤلاء الذين هرعوا و فجوا ليقولوا لك (عليك الله يا خالة ما تمشى، عليك النبى، عليك الرسول ما تخلينا.....) بأنك تسكنين بهذا البورد صباحآ و مساء بل و تحرسينه أكثر من صاحبه نفسه؟

سيدتى الفاضلة، أحترم سنك لأنك و لربما تكونين فى عمر والدتى فأنا من أسرة تحترم و تُقدر كِبار السن، و لكنى أجد صعوبة فى إحترام قلمك فهو قاس على شخصيتك و على الناس سواء، و السلام

وينضم شخص أخر هذه المرة يونو بنبر ليكيل السباب لي دومة
وتصير أختنا دوما هي الضحية الحالية تهديد ووعيد بي الأف بي آي
وإتهام من حولها بالمطبلين وناقصي العقول ومن يقول رجال بي طرح
يا عزيزي يونو بنبر هذه الدومة من أشرف الناس الذين تعاملت معهم وتعرفت عليهم
في هذا البورد ولن يجدي تهديدكم وإسائاتكم لها ولن يكسر هذا السخف من عزيمتها
تبقي دومة حكيمة البورد وخالة محترمة ويشهد لها الكل هنا أنها لم تكن تنطلق من حقد
أو تشفي وإنما دفعها لموقفها المشرف إيمانها بجرم وقع علي من لا ناقة لهم ولا جمل
وصاروا مجال للتشفي والحقد.
أبعدوا أياديكموألسنتكم عن دومة واستحوا كفاية.

أأسف يا دومة
"لانني سحبت الكلام"
يبدو انني فُهمتُ خطأ وكان قصدي الدعابة
ولكن يبدو أنها فُهِمَتْ على أنها سخافة
لك كل الاحترام والتقدير مرة ثانية
والاعتذار لمن فهم غير ما أردت

Quote: الاف بي اي يطلب المساعده المتهمه دومه بت عشكان مطلوب القبض عليها مره مشلخه لابسه توب اخدروسفنجه معقوده بي دلقان وشايله قفه وبارنها تلاته شفع حفايا

( من كثرة عقولنا مااتعرفت اصولنا )...

الأخت العزيزة/ دومة
لك التحية وعاطر المودة
الأعزاء والعزيزات الذين يعرفون من هي دومة ... مرحباً ..
انتزعت نفسي انتزاعاً منذ أكثر من شهر زمان من هذا البورد الوطن لا لشيء سوى اختلاط الغث بالسمين وتضارب الآراء لا اختلاف وجهات النظر فيه .. وتبجُح البعض باستقاء معلومات قسراً وتعنتاً وتصديرها طائعين مختارين بغرض التعتيم ورد آفاق التفكير عند البعض المهيأ للتراجع القهقرى ..

لقد كتبت رداً للأخ/ الطيب بشير في يوماً ما مستنكراً ما أبداه تجاه الأخت/ سارة لا لشيء سوى أن الحمية السودانية تطغى على كل شيء .. ولم أقدر الخطأ لحظتها من من ولم أسهم كما فعل الآخرون برد المخطيء إلى جادة الصواب ، وهذا خطأ أتحمله وحدي ، وللأخ/ الطيب بشير العتبى حتى يرضى في هذه العجالة على هذا التسرع غير المقصود وغير مقصود به كذلك شخصه الكريم .. وخاطبت الأخت/ سارة كذلك في مسنجرها لكي تتغاضى عن ذلك ولا تأبه .. وكنت موقناً لحظتها بصدق ما تقول ولذا جرني التعاطف الانساني ، فقط، إليها جراً وإلى موقفها دون حياد أو مواربة كما عبر عن ذلك الأخ/ الطيب في حينه بقوله (جانبت الحياد) أو ما معناه ..

ولكني اليوم أرى غير ذلك، ليس لأن دومة أختي وصديقتي، وهذه وحدها كافية لكي أرى غير ذلك إلا أن الحق يقال فالذي دفعني وجرني للإدلاء بدلوي هنا لم يكن ما أكنه من احترام وتقدير ومعزة كبيرة لدومة، فهي قطعاً لا تحتاج مني لذلك لأن في دواخلها أعظم وأجل من أن تذكره ذاتي المتواضعة، ويكفيها بالقطع أنها علم في رأسه نار وأنها أم الجميع وأخت الجميع وصديقة الجميع دون استثناء، وأنها السباقة دوماً والباحثة عن خير تفعله أينما كان، كانت ولا زالت تسهم بالغالي والنفيس وتتنازل عن أشياءها وخصوصياتها وممتلكاتها إن دعت الضرورة لمد يدها البيضاء لكل من هب ودب ، وهي الأذن الصاغية دوماً لاستغاثة الملهوف وعون المكروب .. وهي التي يكفيني فخراً واعتزازاً بها إن أورد هنا ما لن يصدقه البعض وإيقاني بأنها سوف تغضب مني كذلك ، ولكنها الحقيقة التي لا بد أن تورد دون مواربة، هي التي تبكي بدل الدمع الدم إن عرف زيد من الناس ما فعلته لشخص آخر أو أورد أحدهم معلومة عن أفعالها التي أضاءت الأفق ..

شخص بهذه الأوصاف وبتلك الرفعة والعلو والإنسانية لا يعاديه إلا سفيه ولا ينكر ذاته إلا مكابر ولا يقاضيه إلا من كان العداء ومناصبته للآخرين إلا سلوكاً ومنهجاً، ولا أعتقد بأن لدومة شيء تخاف منه سوى أن تظهر أعمالها الجليلة للآخرين .. فإن كان للأخت الكريمة مثال كهذا فلتورده لكي تتشفى غليلها من دومة.

إن كان لدومة نقاط للقصور ، مثل أي بشر، فهي أنها تحب الجميع وفيهم من لا يستحق الجميع، وإن كان لها نقاط للقصور فهي تحترم الجميع بمن فيهم من لا يستحق الاحترام، وإن كان لها نقاط قصور فإنها تعتبر بأن العالم قد صنع للجميلين من الناس فقط وليس فيه قبح ولا شرور !!!!

كفوا أقلامكم عن دومة، هذا ليس تهديداً أو طلباً أو رجاءاً، ولكنه (كلام الببكيك) كما يقول أهلنا فإني أخاف عليكم من الندم في أنكم أسأتم الظن في إمرأة ليست كالكثير من الرجال ، إمرأة طالت عظمتها الأفق ووصلت حاجاتها للقاصي والداني. كفوا أقلامكم عنها فهي لا تسعى في هذا الدنيا إلا إلى الحب والتسامح والوداد والكرم .. فهذه أشياء قطعاً لا تغضب إلا المكابر ..
لك الانحناءة والتجلة أختي دوما، وإلى الأمام وأعملي بالمثل القائل (الجمل ماشي .....) ودعيني أهمس في أذنك : التراجع انهزام والسكوت خوف في عرف الكثيرين ، فيجب تفويت الفرصة وهذا زمان المهازل فلا تدعيها تمرح .. فهذا زمان المال عند بخيله والسيف عند جبانه ..

صدقت يا أستاذ صلاح في كل ما أوردته عن دومة. ولعلمي بما تعلمه عن بغضها لذكر مواقفها الجليلة فسوف أكتفي بما حملته كلماتك عنها. وأعلم لها مواقف "ركزت" فيها عندما "انفزر" الرجال.

أما في هذه المعركة الخبيثة بالذات .. لا ألومنّ إلا دومة .. ألومها إكراماً لها (نعم إكراماً لها) وتنزيهاً لها من الخوض في مثل هذه "الأحاجي المضرّة" التي لا تجلب لها غير إساءة ذاتها. منذ البدء وما زلت مقتنعاً تماماً أن دومة ارتكبت خطأً، سهواً، بالدخول في معترك ليس معتركها. وسوف أظل ألومها إلى أن تبتعد عن هذه الدائرة .. إلى الأبد.

سارة منصور فعلا انا مبتعدة عن البورد ومشاركاتي صارت لاتذكر منذ جمعني بك القدر في بوست نجاة ، وانا في هذا البورد اتبع سياسة البوست البجيب الريح سدو واستريح -يعني امشي من الحيط للحيط ،وزي ما قت ليك غير بوست نجاة الفتحت فيه النار على رجال البورد لم ادخل ابدا في مشكلة وحتى هذه المشكلة والتى كنتي الطرف الاساسي المحرك فيها خرجت منها بحقيقة انو فعلا يجب ان اختصر نفسي على بعض البوستات التى استفيد منها ، ولا داعي لزج النفس في مهاترات ليس منها طائل وحتى لمن رسلتي لي مسنجر واعتزرت اكبرت فيك هذه الروح ، ولمت نفسي لاني لم اعطي الاخر /اخرى حقه فمن حق الناس ان يحملو ا ما يشاؤون من افكار بشرط الا تحجر او تنفي الاخرين ، وانا مطالبة ينفي الاخر فقطاذا كان يسعى لنفي واخراسي فيما عدا ذلك انا غلطانة ومن حقك ان تفهمي الحياة بالطريقة التى تريحك ، وحتى اكفي نفسي شر هذه المهاترات توقفت عن الرد عليك ، صدقيني والله بيننا شهيد احيانا اجد انك دخلتي بوست قبلي اخرج على طول ، لاني لا حظت انك لا تكفي عن الغمز واللمز ، وصدقيني الحياة قصيرة جدا ولا تستاهل اهدارها في المشاكل ، وانا حينما طلبت منك الابتعاد اقصد هذا الكلام بكل الصدق ، لان الانسان عندما يبتعد بشوف احسن وتتغير رؤيتو للعالم والاشياء ، لانو بالجد حين تصل الامور الى التهديد والاف بي اي معناها انتي تعاني ضغط نفسي اكبر من طاقتك وانت السبب تضعين نفسك في مكانات صعبة ، يعني الاطفال ، اليوم بقو ما بتصرفو بهذه العقلية ، وانا ما عارفة اي خلفية لمشاكلك مع ناس البورد ودخلت هنا عشان اشوف دومة مالا لانها تهمنى وبحترمها وبقدرها ، وانتي يا سارة اذا اتغيرتي كمان الناس حتحبك والفات مات افتحي صفحة جديدة مع نفسك والاخرين واسمعي كلام من ببكيك ..
اختي دومة بحق الانسانية وبحق هذا البورد ان لا تردي على سارة سلبا او ايجابا ، وبحق هؤلاء الذين يجلوك ان تترفعي عن الصغائر ، والكل يعلم مكانتك فانت غير فاسقة وحاشا لله ان يقال عنك هذا الكلام المشين ، بس النبذ قشقش والما بعرفك ما بقدرك ، وحتى سارة اهي نكرت انها ما قالت ليك هذه الكلمة ، لانو قصدها تزهجك وبس اها ، سلام .. وربنا يصفي النفوس ..

اخواني الكرام صلاح ضرار وShinteer
تحياتي لكم واتفق معكم في ان الخالة دومة انسانة طيبة وناصعة من الداخل
لكنها انفعلت وحاولت ان تدافع عن الحق ليس الا وانا اشعر بااحساسها
واعرف كم يتآلم الحر عندما يشعر بالظلم قد وقع علي احد ..
واؤكد لكم باانها اليوم قد تآلمت اشد آلم عندما رآت تراجع هشام امين
وعرفت باان هناك اعضاء يدبرون مؤامرات خفية للزج بالآخرين للتهلكة
حقا دومة تالمت كثيرا وشعرت باان هنالك نفاق يدور في هذا البورد
بين الاعضاء وانا شعرت بآلمها هذا ..
الخالة دومة عفا الله عما سلف ياحبيبة وانتي علي راسنا من فوق وارجوك
ان لاتتركي مكانك هنا فاانتي النور الذي سيضئ ظلماتنا في ظل غياب
قانون عادل يحمينا جميعا من شرور هؤلاء البعاعيت الخفية واتمني ياخالة
باان تكوني ادركت مقصدي الان من في بوردنا بعاعيت ، وانتي حاشاك من
المؤامرات وحاشاك من الدسائس فاانتي العظمة والاحترام بعينه ...
العفو والعافية ياخالة دومة ومع كل حبي لك ولكل من يحبوك ...

العزيزة دومه

شكرا للاوصاف التي اتحفتني بها من نوع ابو كلام وغيرها؛ رغم اني في حياتي لم اخاطبك الا بكل احترام؛ رغم عدم معرفتي بك الا من خلال هذا المنبر.

راقبت بكثير من الدهشة والتعجب حملتك المحمومة علي العضوة سارة منصور؛ وتكشفت لي من خلالها جوانب جديدة في شخصيتك؛ ولكني فضلت عدم التعليق عليك؛ لان كلماتك وموقفك لم تكن تحتاج الي تعليق.

يثبت لي هذا البوست للمرة الالف بعد المليون؛ كيف يمكن ان تغتصب الحقيقة ويصلب العدل؛ من قبل اناس يزعموا انهم يناضلوا من اجل الحقيقة والحرية والعدل؛ ولكنهم لم يرتقوا فكريا واخلاقيا لان يقولوا كلمة الحق سواء كانت لهم او عليهم.

كما يثبت لي كيف ان المرء قد يركب راسه؛ ويهين نفسه ويسيئها في عين الناس؛ لان المصر علي الخطأ انما يهين نفسه؛ وليس الاعتذار هو الضعف؛ وانما الضعف الحقيقي هو الاصرار علي الخطأ؛ رغم انه واضح كالشمس في ضحاها.

الشاب هشام أمين الذي تورط في حملة البعض المسمومة؛ او ورط نفسه فيها؛ وسمم البورد؛ انا لن اتركه لحاله؛ حتي يسحب كل بوست كتبه هنا ملئ بالاهانات لنفسه وللعضوة سارة ولمجموع البورداب؛ وان يعتذر عن ذلك. حينها رفعت الاقلام وجفت الصحف. اما ان تبقي واحدة من كلماته المسمومة؛ فقسما برأس اماليا لن اتركه يهنأ بهذا البورد؛ وشكرا لاركان النقاش التي علمتنا كيف ننتصر للحق او نرد علي الفجرة.

انا لن اشتكي لبكري ابوبكر او للFBI او للرب في سماه؛ وانما انا مؤمن بانه كما تعامل الاخرين؛ يجب ان تعامل؛ وكما تدين تدان؛ وكما تقول يجب الرد عليك؛ وهشام أمين لم يدع لصاحب حلم هنا ان يظل علي حلمه؛ ولصاحب شرف ان يسكت؛ وبقدر ما انتصرت انت لما ظننت انه الحق؛ ننتصر نحن لما نظنه الحق؛ فكيف اصبحت انت افضل الناس؛ ونحن تجار كلام؟.

الرجاء ان تراجعي كلماتك عن العضوة سارة منصور؛ وان تقرأيها بعد ان توجهيها لشخصك؛ او للعضو هشام أمين؛ لتري اين هو مكانها الحقيقي.

مع الود.

عادل

تبقي دومة حكيمة البورد وخالة محترمة ويشهد لها الكل هنا

حقيقه دي يا خالد الحاج يا خال

ويا خاله دوما ما تتركينا عليك الله

عشة بنت فاطمة صدقيني وانتي ايضا لا تقلي عظمة واحترام عن الخالة دومة
فلك كل الحب والتقدير والاحترام ...

مثلا ذي الجهلول الفوق الجا ناطي وقال دومة من زمن غابر غايزاني ...
النوع البيصر ويخم ويجي يشتت لينا خلاصة صرتو وخمتو ..هسع ذي ده يحترمو بي ياتو جهة..
الواحد يكون ما باين نهائي ولامن يبين يتلو لنا من كافر قوله ويطرش لنا مما زينه له شيطانه ...

نكرر تاني وتالت ايها البورداباب ..
بلاي العندو تحفظ على جزئية معينة في حديث احدهم في زمان معين معلوم معين يجي طوالي ويكتب على ماذا يتحفظ .في نفس ذلك الزمن المعلوم او وقت قريب ليهو اذا حبسه حابس عن الكلام ..
ليس من الرجالة في شي انو يقعد يتصيد في اخطاء الخلق ويجي يقول بعد شهور عديدة والله انتا من زمان مضيق خلقي لانك قد فعلت كذا وقلت كذا .. ويجيب لينا احاديث انتهت بالتقادم المسقط فلانستطيع بعدها ان ندرك ما فات ولا أن نتابع ما سياتي ..

ونكرر كذلك لو في زول عندو اعتراض على سلوك زول في البورد بتاع سودانت او سلوكه في بيتو يمشي ليهو هناك في سودانت نت او يمشي ليهو في بيتو ويطرش طراشو هناك ....
ما يجينا هنا ويطرش لينا قطيعة النسوان وانتي كنتي مع فلانة وما عارف ُقتي لي ست النسا ..
مالي انا وصحوبية دومةمع بيان او ما فعلته دومة في بورد سودانت او بورد مدرسة حنتوب المتوسطة ..
(ما بتخجل بلاي)

إعلمو سادتي عمال المطابخ (وانا ما عندي مانع اكرر هذا القول في كل بوست طالما هناك ما لا يفقهون القول إلا بتكراره)
اعلمو
إنما يقال هنا في هذا الحوش يدفن هنا في هذا الحوش.. وما قيل *هناك لايلزم هذا المكان باي حال ..



*وهناك دي تشمل جميع الاماكن ما عدا الحوش ..



انما هلك من قبلكم ذكرهم افعال سالفة اكل عليها الدهر وبال .. وتشبه رجالهم بالنساء وتصيدهم لاخطاء الخلق والخوض في اعراضهم في كل تلاع حلا وفي أي واد نزلا ...





دومة العزيزة


نيابة عن هؤلاء الجهلة اجمعين
تقبلي اسفي ...
وامسحيها في وش ولدك دكين الاسود فقد اعتاد على سفالة هذا الزمان وخلقه ...

دوما الحبيبة..

لا أوافقك الانسحاب.. ولا اوافق ان يرتبط اسمك كما ارتبط اسمي من قبل بمواضيع انصرافية فارغة.. الهدف منها معلوم للكل..

وبما انه لا يوجد أساسا وجه واحد للمقارنة.. فارجو ان تسقطي هذه الأيام "السخيفة" من حساباتك.. وان تعودي للمنبر الذي عرفك ويعرفك دوما..

فلا الغمز ولا اللمز ولا الاسقاطات ولا الكراهية ولا الحقد هي من شيمك.. فلماذا تنسحبي..؟

ابقى مع "كوم" الاحترام والتقدير والبعد عن المواضيع الانصرافية التي غيرت معالم هذا الوطن..

وفي النهاية.. لا يصح إلا الصحيح..

ماما دوما
يا أم... يا وطن
لا أعرف تفاصيل ما حدث.. و لا أظنني أود أن أعرف
كل ما أعرفه أنك (مرة بستين راجل)0
وكت الحوبة تدقي سدرك.. و ما بتبخلي على أحبائك بشئ
أختلست دقائق من (البريك) لأتصفح البورد.. و لم يسرني ما أرى
دوما ..توبك أبيض لن يستطيع أحد تلطيخه و لو بنقطة سواد
أنت كبيرة يا دوما... و مكانتك عالية... فلا يستفزك أحد للنزول منها
خليك يا دوما أولادك محتاجنك
تقبلي تحيات الماما

"بعدين يا بشاشه يا اخوي تقوم عليهم في شنو كتر خيره ابو الريش وسارا الدايرين يوروني امريكا للدنيا والزمان بالمره اقدم لجؤ . اتحل من العيشه الضنكه دي . النبي كان ما ودوني بعد السجن ما بدوني لجؤ؟؟؟؟؟ بس الخازوق يرحلوني جوانتي نامو ولا اسمها شنو ديك محل ناس القاعده يقولوا اصلها من القواعد الحاجه دي . غايتو اناالمليم الاحمر ما عندي الا علي نفقتهم التذكره وكمان ما بطير الا بزنس كلاس دا لو جاملتهم ناس الاف بي اي ديل. وبالمره ادخل التاريخ لانه للان ما دخلت قاعه محكمه ولا دخلت مكتب بوليس اتنور شويه واتحضر"

الأخت دومـة،
مالك دايـرة تحـرمينـا من القفشــات الجميلـة دى، ونحن فى الصحــراء القاحلـة هـذه..
أنا أحتـرم وأقـدر كل ما تكتبينـه، وأى شـئ تقوليـه، على العين والراس!
أنا طبعـا لا أرد على من يهاجمنى من الأخـوات، ولكن أعتقـد أن هناك لبس يجب أن أوضحـه لك.. فإن موضـوعى كان محـدد ببوست واحـد فقـط، وهـدف كان محـو البوست قبل أن تتخـذ جهات أعرفهـا خطـوات فى تعقيـد الأمـور إلى ما لا نريـده كلنا.. كل هـدفى كان محـو ذلك البوست، وقـد إستجـاب الأخ هشـام مشكــورا بتلبيـة النـداء (أو قرره لأسباب أخرى، لا يهـم)..
فأرجـو أن توضــع المســائل فى إطارهـا.

العزيزة دوما
أرجوكي لا تدعينا وحدنا
أعرف مقدار ألمك لكن شمس الحقيقة حتظهر من بين غيوم الزيف و الخداع

بعـدين يا خالـة،
إذا حبيتى تجى أمـريكـا، الأف بى أى ديل حيكـونـوا الحـرس الشخصى بتوعنك لحـد ما تصلى بالســلامـة.. وحنفضى ليكى البيت الأبيض عشــان تنزلى فيـه.. وإذا السـاكن الحالى أصـر ما يطلـع (عقـد الإيجار بتاعـو قـرب ينتهـى)، بنـدفـع ليـه التأمين والمقـدم.. وبعـد دا لو أصـر برضـو مافى مشكلـة، أمريكا دى ملانــة بيـوت بيضـاء وبكل الألوان.
أما اللجـوء السيـاسـى ما بتحتاجى ليـه، لأنك قلت إنك ما دخلت سجن ولا شفتى نقطـة بوليس فى حياتك، وأبنائك هنا ما حيحوجــوك عشــان تلفقى قصص تعـذيب، وإنتى زاتك ما بتـرضى تكضبى على أى زول، خلى ناس الهجـرة.
لكن الأمـريكان عنـدهـم قانـون، لو الزول بيعمل حاجـة مختلفـة تماما.. الأمريكان الباقين ما بقـدروا يعملـوهـا، بيـدوه إقامـة مؤقتـة لثلاث سنـوات.. يعنى ممكن تجيبى ليهـم عصيــر قنقليــز تقولى ليهـم دا شنـو، عشــان تحيـرى ناظرهـم زاتـو.. واللا تســوى ليهـم ملاح جـرتكـة (جردقـة)، و تسـأليهـم الوجعاه بطنـو منـو و تعالجيهـو ليهـم طوالى..

دومة العزيزة
دومة الركيزة
والله ما عارفة اكتب شنو ؟؟
محتارة وواقفة مربعة ايدينى مذهولة لقيت الفرج فى بوست
صلاح ضرار ، بكل امانة كل الناس الكانوا بناشدوك بالعودة
شايفة نفسى فيهم واكتفيت بذلك .
ولكن حركنى صلاح ضرار بكلامه المعطر وما قال الا الحق .
اصمدى يا بت الرجال ..
وتعالى يا الحبيبة الاجوادة
عندنا حاجات حلوة بدينا فيها .
تعالى عندنا حملة حلوة عشان نملا البورد بالزهور
ونعطره بالياسمين
وعندنا نيمة حلوة فاقدنك فيها تعالى ردى روحك فيها
وتعالى شوفى الحلوين الفيها نحن بنهرب ليها لما تشتد
الحروب نمشى نرتاح فيها مع حبايبنا .
خسمتك بالرسول زورينا يا ست الكل
وما بتتوصى تعالى شايله معاك العجل الما خمج
كرامة وسلامة
دومة العظيمة دوما
البتهدى الرفيق
والبتفرج الضيق
نحن فى انتظارك
ام وضاح

أم وضــاح،

دومــة دى قالت ماشيــة عشـان نفـرين..
طيب أنا متبـرع أكون واحـد من النفـرين ديل.. وممكن أخلى أنا البورد..
دلوكتى فضـل واحـد.. يعنى هى ماشيـة عشـان زول واحــد.. واللا شنـو
طيب..
الزول لو واقف على حيلـو..
وفى واحـد جـراه من ايـدو اليمين..
وميـة واحــد جـروه من ايـدو الشمــال..
بيتجــرا لى وين؟
موش بيتجــرا فى إتجاه إيـدو الشمــال؟

ماتيب

في هذا البوست سقطت الاسماء الكبيرة التي كانت في عيني مثل النجوم؛
الي اسفل سافلين نتيجة العمي الايدلوجي والشللية وانصر اخاك ظالما او مظلوما المفهومة غلط.

عادل

Quote: في هذا البوست سقطت الاسماء الكبيرة التي كانت في عيني مثل النجوم؛ الي اسفل سافلين نتيجة العمي الايدلوجي والشللية وانصر اخاك ظالما او مظلوما المفهومة غلط

وحاتك يا عادل مافي البوست ده بس.. في كل البوستات التي سبقته في هذا الموًال السخيف..

لم أر أبدا بوستا منفصلا أعدته الأخت دوما

لكن دائما مداخلات فى بوستات مع تعليق بسيط

ودائما ما تقف لفض المازعات وبالعين الحمراء

وكان الشباب يحترمونها ويوقرونها ويبجلونها لسنها

ومن كتاباتها واضح انها من الناضجين سنا

لكن

حينما كتب الواد الساقط هشام كلامه السىء

والذى لايصدر لاعن رجل ولا طفل ولا إمرأة

حينما أدخلت نفسها فى ذلك البوست

وفيه محاولةكشف الحال للأبنة سارة منصورة

إعتقد ذلك المتغول أن هنالك من تصدى سندا له

فى سوأةه تلك

مما حداه ليستمرأ مواصلة إسقاط نفسه لأسفل سافلين

لقد أورد ذلك الوقح أشياء من مثل أنها كذبت على وإدعت و . . ( راجع البوست )

وتداخلت السيدة دوما ( وأعتقد جازما ) من أجل أن تجهز له ردا بأن هذه المسألة

ليست من العيب فى شىء ـ ما دام أنها فى زنقة قد لجأت إلى بنى جلدتها

هذا فى حال أنا سلمنا بأن ما أورده يشبه الحقيقة فى شىء

,وحسب الهشام أن هنالك من يؤازره فى هذا البوست القذر :

لو تأملنا قليلا فإن ما قاله الساقط هو عبارة عن أنها كذبت على

وإدعت بأنها فى حوجة لبعض المال لأن زوجها تركها بدون مصاريف

ما العيب فى ذلك ؟! وكأن هذا الذى فعلته الإبنة سارة منصور فتينى هو الذنب الأكبر

والذى لا يغفره رب العباد

وإن سألت الإبنة الأم سارة منصور ذلك الصفيق المساعدة فهل هذا يبيح له

أن يجرمها على هذه الفعلة

سألتك أنا شيئا لحوجة إما أن تقوم به وإما فلا . لكن أن تجعل منه موضوع تحقير وتشهير

بأنى إرتكبت ذنبا وجريرة .

وكيف إنى قد إدعيت للوصول لما أبغى من المال فلا يعطيك هذا الحق فى أن تسىء إلى


إذا كانت الإبنة سارة منصور قد دخلت فى معارك وغير مرضى عن تلك المعارك ـ

وإن كان حتى الآن لم يتضح ما اقترفت ـ

فإن كانت قد دخلت فى معارك مع بعض الأخوان

وكما قال أخى الموصلى بأنها أوردت أشياء حتى الإعتذار لا يفيد فيها

أو لا يصلح ذات البين فيها

فأنا أثق تماما أن الأيام ستعالج الجراح وتبريها

وأن لقائهم بعضهم البعض ـ وأنا ألمس أنهم جميعا من طينة سودانية طيبة

فحين يلتقون ولو قامت بزيارة أى منهم أو منهن فجأة ووجدتها أو وجدها

أمام الباب فليس من شىء سوى المقالدة وسمح الدمع والحنين والإرتماء على

بعضهم البعض . أنا أدعو الله وأتمنى أن يتم ذلك فى أقرب يوم

وكان يجب تصحيح الصفيق هشام والساقط الآخر البطل بتاع المرخيات

مين سباعى والذى فى صورته وضع من يغمز ويتخانث ـ وقد نبهنى ليها أخونا

دينق الذى كانت ( حارقاه )
يغمز ويتخانث يأتى به لمجلسنا ـ ذلك الصفيق الآخر ـ

وكأننا فى مجتمع ال . . ـ بالله شوف أولاد آخر زمن

خذ هذه الصورة إلى بيتكم وزين بها مضيفتكم لتكون شعارا لأسرتكم الكريمة



ويا أولاد من أين جئتم . ولا أحب أن أقول أن تربيتكم خائبة

حتى لا يكون هنالك مساس لأهليكم

لكن فعلا خسئتم وتربيتكم خائسة لأن أهاليكم هل يدرون ما تكتبونه

وتقولونه وأنتم تبرطعون بين عباد الله بفاسق القول

وتردون على من يكبرونكم سنا وفى سن آبائكم ـ ولا أقول فى مقام آبائكم

لأنهم ـ إن كنتم أنتم أبناءهم فليس مقامهم بمحمود ـ ولا يشرف التوازى به

ولتعلم يا أيها الساقط هشام أن فرجينيا ليست ببعيد فلا تعتقد أنك

أبعد من أن تطال ـ فاليد الطولى بالرموت كونترول

وأنت يا بطل المرخيات

لتعلم أن سارة لها رجال يا شبه الرجال

الأخ منير ..
ما نشره هشام كلام فارغ وأفيدك علما أنا طالبت هشام بحذف ما نشره وللحقيقة أنا لا أعرف الرجل
ورغم عن ذلك إستجاب وقام بحذف الموضوع ولم أكتب هذا لأني لا أبحث عن مدح.
دومة طالبت وفي البوست المعني بحذف المداخلة وأدانتها لا تخلط الكيمان يا رجل وإقرأ قبل أن ترسل كلماتك
وقد كانت إدانتنا للشتايم التي أرسلتها سارة في المسنجر ولا تقل لي كغيرك أن لا علاقة لهذا بسودانيس أون لاين
فقد أستخدم المسنجر الخاص بسودانيس أون لاين لإرسال بعضها وإرجع للوائح البورد لتري ماذا يقول في هذا الشأن
أرجو منك قبل أن تهاجم دومة أن تقوم بنصيحة أختنا سارة أن تعتذر للناس بدلآ من قلب الحقايق يا منير
واستحوا يا جماعة والله إنكم لا تستحون.

المحترمين والمحترمات
في هذا البوست
انني عندما ابديت رأيي في هذا البوست
ابديته كي لا ننزلق جميعا الي درجةيصعب فيهاالتحكم
علي اعصابنا

اما بخوص الاخت ساره منصور وكما اسلفت
فانها كانت قد اخطأت خطأ كبيرا تجاه زوجة الصديق الطيب
وقد واجهتها بهذا الامر بوضوح شديد
واقرت هي بهذا اقرارا تاما وابدت رغبتها في الاعتذار
ولكن في مثل هذه الامور فان الاعتذار يكون صعب قبوله
لقد دخلت ساره كثيرا في معارك اللا معترك
واخذت وردت مع الكثيرين طاعنت وطوعنت كايدت وتمت مكايدتها
عاقبت وعوقبت واستطاعت ببراعة لاتجاري ان تكسب
لنفسها العديد من الاعداء دون حاجتها لذلك
وووووووووووو الي اخره

ولكن هل يعني هذا ان يتم التشهير بها بهذه المباشرة وتلك العلانيه
لسنا هنا بصدد صحة ماورد فان كان صحيحا
فان ذلك مكانه المحاكم وليس هنا في هذا البورد

وبصرف النظر عن صحة مايرد او عدمه هاهنا فانه من السهل
علي اي واحد منا ان يكتب كتابا كاملا عن الاخر ويقل فيه مالايقله مالك في الخمر

والي الاخ العزيز خالد العبيد اقول
نضالنا ينبغي ان يكون ضد النظام السياسي الذي
سرق حريتنا وديموقراطيتنا بليل
وعذب وشرد ابناء وبنات السودان من النابغين
والنابغات لاوقت للمناضلين ان يضيعوه في هذه المعارك
ولقد شهدنا لك في هذا البورد
معارك نضالية رائعه
ولك الاحترام
الاستاذه دومه
اعرفك انسانة كريمه واطمع في كرمك
بان تقف هذه المعركة
وتقبلي مني فائق الاحترام


--------------------------------------------------------------------------------
اللبلاب العاشق

لبلابٌ نامٍ
يتقدم زحفاً
نحو سواترِ نافذةٍ مغلقةٍ
لا النافذة ابتسمت للعاشق
أو فَكّتْ أقفال ضفائِرهاَ
لا اللبلاب العاشق كَف قليلاً
عن ركضِ تَسَلقِهِ ؟؟


(عدل بواسطة Elmosley on 08-05-2004, 01:39 ص)






08-05-2004, 02:07 ص

doma


.

تاريخ التسجيل: 04-02-2002
مجموع المشاركات: 1980
Re: دوما... ما بين التجانى المشرف وسارة منصور (Re: Elmosley)


استاذنا العزيز الموصلي تحيه واحتراما

اقسم بالله العظيم وكتابه الكريم انا لم اتعاون مع اي احد لفضح ساره ,ولم ارد لها ذلك مطلقا كل الذي وددته ان ترعوي ساره وتكف عن اتهام الناس بالباطل وتلفيق القصص المؤذيه وكل الذي كنت اتوقعه من العارفين بكل وقائع القضيه ان يقول كلمه حق بخصوص الاتهام الباطل الذس لفقته ساره ضد انسانه برئيه وان تبرأ ساحتهابهذا المنبر الذي نشرت به رساله ساره في حقها لان الظلم ظلمات يوم القيامه والحمد لله الذي لا يظلم عبدا لعبد فانت الان قد ابنت لنا بان ساره قد اعتذرت عن فعلتها وعرفت فداحه خطائها في حق انسانه برئيه . اما انا شخصيا فليس لي عداء مع ساره واعاهدك الا اكتب ولو حرف بهذاالخصوص بعد رسالتك هذه ولك من الشكر اجزله


--------------------------------------------------------------------------------
عريان العرض ما بسترنو هدومو
حبوبه شروق

(عدل بواسطة doma on 08-05-2004, 02:09 ص)






08

"رايت ايميل ارسلته ساره لخالد الحاج بعد ايقافها هي وزوجها ولا اعرف سبب ايقافها تشتم فيه خالد الحاج بل تتعداه لشتم والدته واعلم ان ساره قد غضبت علي الطيب بشير وارسلت له رساله شتم لانه قال لها امك حبشيه"

ســارة لم ترســل ذلك الإيميل الخاص لأى طـرف ثالث، ، و أن إشـانـة السمعـة دائمـا تتطلب إعلام طرف ثالث بوسطــة المتهـم، وليس المدعى أو المجنى عليـه بطبيعـة الحال؟ وفى هـذه الحالـة، فإن المشكلــة يجب أن لا تتعـدى الطرفين، حتى لو أوصلاهـا إلى المحاكـم.. ويأخـذ الطـرف المضــرور حقـه بالطـرق المعـروفـة، والبسيطــة.. فلم يدخل عامل إشـانـة السمعــة إلا بعـد أن قرأ الإيميل الناس.. ولم يكن لســارة منصــور يـد فى ذلك على الإطلاق.
كما أنى لا أعـرف ما إذا كانت ســارة أرسلت لأى أحـد نسخــة من رســالـة شتـــم للأخ الطيب بشيــر..

"ليته يوجد انسان واحد من بينكم ليقيم العدل بالقسطاط ليقل لسارا ما فعلته بزوجة انسان اختلف معها عيب وعيب كبير جدا لا يقل عن عيب هشام امين من غير ان يسوق لساراالمبررات"
لا أريـد نبش الماضى.. ولو أخطأت ســارة فى حق إنســانـة، مشكلــة شخصيــة بحتـة، فإن أميـر المؤمنين عمــر قـد خطــأ نفسـه وترك شـاربى الخمـر عنـدما واجهـوه بأنـه تســور عليـهـم الحائط، أو تنصت عليهــم.. الحق يعلـو ولا يعلى عليـه.. خلافات شخصيــة بين.. لماذا أقحمنـا فيهـا دون موافقـة الطـرفين للتـوســط.. وإذا كان الهـدف هـو التشهيــر وليس التوسـط، فمن الذى قام بذلك؟

"وكل الذي كنت اتوقعه من العارفين بكل وقائع القضيه ان يقول كلمه حق بخصوص الاتهام الباطل الذس لفقته ساره ضد انسانه برئيه وان تبرأ ساحتهابهذا المنبر الذي نشرت به رساله ساره في حقها لان الظلم ظلمات يوم القيامه"

هل نشــرت تلك الإنسـانـة البريئـة، تلك الرســالة للبـورد وفوضتنـا لنأخـذ لهـا حقهـا من ســارة؟ أم أن ســارة هى التى نشـرتهـا لتشين سمعتهــا؟ لمـاذا نبتـر الحـديث ونمسك العصـا من النص؟
وهل البـورد مؤهل للتـوسـط لحل مشــاكلنـا الخاصـة مع بعضنـا.. هل يمكن أن أنشــر لكـم أى إيميل خاص تأتينى فيـه شتائـم؟

الأخ الكــريـم خالـد
وقد كانت إدانتنا للشتايم التي أرسلتها سارة في المسنجر ولا تقل لي كغيرك أن لا علاقة لهذا بسودانيس أون لاين"
فقد أستخدم المسنجر الخاص بسودانيس أون لاين لإرسال بعضها وإرجع للوائح البورد لتري ماذا يقول في هذا الشأن
أرجو منك قبل أن تهاجم دومة أن تقوم بنصيحة أختنا سارة أن تعتذر للناس بدلآ من قلب الحقايق يا منير"
الإجــراء السليـم فى هـذه الحالـة، أن ينبـه المعتـدى عليـه بواسطـة المسنجــر، مديـر الموقـع، ليعاقب المعتـدى على إستخـدام المسنجــر (إستخـدام المسنجـر فقــط) لتصفيـة حســابات شخصيـة. لا أكثــر ولا أقل.

اما بخوص الاخت ساره منصور وكما اسلفت"
فانها كانت قد اخطأت خطأ كبيرا تجاه زوجة الصديق الطيب
وقد واجهتها بهذا الامر بوضوح شديد
واقرت هي بهذا اقرارا تاما وابدت رغبتها في الاعتذار"
ألم يكن هـذا محمــدة فى حق ســـارة، أن تقـر بخطئهـا وتبـدى الرغبـة فى الإعتـذار، ومن منا لا ولم يخطـئ.. ولماذا لم نحتوى هـذا الأمـر مادام سيعنا كلل بهـذا النجاح فى إقناع سـارة تعتـرف بخطئهـا وتتبدى الإستعـداد للإعتـذار، بدل أن ننشــر الكلام المسئ على البورد، بكل من فيـه من الخيـرين والشـريرين والصعاليك ومتلقى الحجج.. لم تكن هناك أى حكمـة فى إشــانـة سمعــة أخت عـزيـزة علينـا ونحتـرمهـا، لمعـرفـة زوجهـا، إذ أنهـا ليست عضـو بالبورد.. ولكنـه كان الغضب الذى حجب عنا وجـه الحكمـة، ووزن الأمــور.

العزيزةDOMA لك تضرب اكباد الابل أو نسرج الخيل العنيدة
اما بعد
ياسيدتي الفاضلة والحكيمة
حكاية مشيتك دي هي بداية النهاية لهذا المنبر او علىالاقل بداية نهاية الحس المعافى, وانت رصيدك كبير من هذه الناحية رغم النشاذ الذي يقول بغير ذلك ,والمتلك يا دوما بخبر الناس الدايره تلمع روحا والتي تلبس الحق بالباطل,وفي الواقع انا لاتهمني التفاصيل ولا اخبار سير المعركة ميدانيا,الذي فقع مرارتي تبديل الاقنعة عند البعض بشكل يثير الحفيظة وركاب الموج هولاء كثر وقبل كل ذلك وبعده لم اري منك ما خرج عن المعتاد(اي ما انت عليه من احترام وحرارة قلب)وكلنا لايود ان يسود جو الشكل والاختلاف والحرابةوكلنا يتمني ان يلتفت الي ماينفع الناس هذه نوايا حسنة على اطلاقها ,ولكن انا أومن ان هنالك نوايا حسنة تقود الي الجحيم تلك تكون لمن اي واحد يلفح عمتو وعكازو وياتي خطيبا وواعظا ليردد نفس النوايا والانت احد من اسس لها بهذا المنبر دون مراعاة لشروط وظروف الموضوع وتلك التي يرددها هذا الواعظ نوايا حسنة تأخذنا الي جحيم مفاده انك مزعزعةامن وسلام المنبر يترتب عليه تركك للمنبر ويكون ختام الكلام بالجد ,........لا عالية دوما مثلك لايختم كلامه لمجردمعركة صغيرة
اخرجي سريعا وعودي حيث انت محل النضم السمح ابقي لنا وللقراء لافض كيبورتك ويوم شكرك مايجي

ابو الريش خت الكوره واطه

Sadda لامثالك تنحني هامتي احتراما واعزازا .
انه زمان النفاق والدسائس والخبث والخبائث
فلا المكان مكاني ولا الزمان زماني
دا يا حبيب زمن القانون الامريكاني
كان قلت لي الزول تر لي من الدرب يقول ليك دفيميشن كيس وفدرل بوليس اها مالنا ومال الخت المعلق

خالتهم دوما
وإنى أعتذر بشدة لو شديت فى اللوم شوية

فأنا أعرف مالك من شهامة ومنافحة لأبنائك وبناتك فى المنبر وغيره

وفى بوست قديم فيه مداخلة لك وللدكتورة بيان نصيحة لسرة منصور

دخلت وقلت لها يا سارة : اسمعى كلام خلتك دوما وخالتك بيان ـ

أنا أقف باب دوما معتذرا حتى ترضى باعتذارى

وما أوردته فقط كان لتحفيزها حتى لا يقوم ذلك الصفيق

ويقدل ويعرض فى ساحة البورد بما يأتى به من جارح الخبر والقول

ويا خالد أخوى أنت أعرف بأخيك صديق أنه لا يمكن أن يمس أحدا

وكلامى المكوت ينتهى عند اللوم لخالتكم جميعا ـ وغصبا عنكم دوما ـ

ثم ما بعده موجه للصفقاء وأراذل القوم الصبيين اللذين عرضا

بمقرفهما أمامنا

وأنت ياخالد تعرف جيدا أننى لا يمكن أن ألمس أيا من كانت هنا

واضطررت للتداخل لتحجيم هذين اللذين أتيا بما لم يأت به الأولون والآخرون

فهنا الملافظ سعد فى أن يأخذوا أو يسمعوا بمثل ما أعطوا

ولومك ياخالد مقبول لأنى أعرف حسن نيتك والشهامة

ودوما إذا ما رجعت ـ فمعناها أنا قد تسببت فى ذلك وهذا لن أغفره لنفسى

وهنالك بوست منفصل سأعده حتى ترضوا

الخالة الكريمة دوما

وجودك بهذا المنبر مهم وانت من لهم معزة خاصة في نفسي

ارجوك ان تبقي وربنا يعدل الاحوال

الخالـة دومـة
نحن نعيش فى أمريكا، ومحكومين بالقانـون الأمريكى.
يعنى لو واحـد ســودانى فى المانيا لو اتعدوا عليـه، هل حيسـافـر الســودان ويفتـح بلاغ فى القســم الشــرقى؟

ابو الريش ياولدي من كثره عقولنا مااتعرفت اصولنا . احمد الله
شرقت وغربت لي من السودان 18 سنه حمت الدنيا بي كراع كلب لي حديثي وحديثك دا مادخلت محكمه ولا بوليس سعلني . الا بورديكم دا الجا يدخلني المحاكم اها من يوم الليله دي ان شفتني في البورد دا لومني .

اناشد دوما بالرجوع

الخالة العظيمة والأم الرؤوم دوما:

غالبت نفسى كثيرا قبل ان اكتب هذه الحروف, فكانت تدور فى ذهنى العديد من الافكار. و لكننى سابدأها بلاتى:

اولا: طلب منى يا خالة دوما بالتوقف عن المواصلة فى هذا الملف الخاص بطبيعة صراعك مع الاخت سارة منصور, ارجو ان تتقبلى رجائى بأن لا تردى و ان لا تخوضى فى هذا الشأن ما امكن, قرات جزء من اسباب المشادات بينك و بين الاخت سارة فى بوست التحذير لاصحاب الالقاب. طلبى لك بوقف هذا الامر ليس تجاهلا منى باي منكن المخطئة, وان كنت لم اقرأ كل بوستات الخلاف فبامكانى ملاحقة الحقيقة و قراءة ما فاتنى لاحكم من هو الذى بادر بسوء الظن, طلبى مرده الى ان الخوض فى مثل هذه الامور سوف لن يفضى الى نتائج و احكام سليمة, لذا اتمنى ان تقبلى رجائى بالاعتذار الى قراء واعضاء المنبر الحر بما قد تكونى قد تسببتى لهم به من بعض الدبرسة و شيء من الاحباط خصوصا انت من الناس الذين اعرف انك ملجأ لكل عابس و كل ذي ضائقة و يحزن الكثيرين رؤيتك فى وضع المتعاركة, و هذه هى مشكلة الخلافات, فليس لكل الناس فرصة لمتابعة تفاصيل التفاصيل للحكم الصائب و العادل, ولكن عادة ما يتم التعامل مع الحقل الاشكالى باطرافه بانهم مختلفون و يتم التصنيف والاختزال على هذا الاساس و لذا يحزننى ان يتم اختزال صورتك البهية كام و خالة و اخت و انسانة ربما لا يسعنى المنبر عن وصف مواقفك و انسانيتك الحقة فى الحياة اليومية و ليس انسانية الكلمات المنمقة فى هذا العالم السايبيري المتوهم وطنا, انا موقن انك سوف لن ترفضى لى طلبا فمعزتك عندي تكفى للتفكير فيما اطلب, اعتذارك للقراء ليس له علاقة بالتنازل عن ارائك فيما كتبته و تكتبه الاخت سارة منصور, و ليس له علاقة بالتنازل عن اتهاماتك للاخت سارة منصور هو اعتذار لمن لم يتمنوا ان يروك فى هذا الموقف بغض النظر عن صحة و سلامة وجهة نظرك. اما الاخت سارة منصور فانا حقيقة اكاد اكون اطلعت على معظم كتاباتها و كنت قررت بعد عدة مشاركات لها انها ليس من البشر الذين يمكن محاورتهم, فهى تحمل حزمة من المفاهيم التقليدية عن المراءة والرجل وعن المجتمع , والمعلوم ان اي انسان يكتب عن اي ظاهرة (هذا اذا افترضنا حسن النوايا ) هو اما يهدف الى وصف الظاهرة و لا يرغب فى ادارة حوار حفري حول الاسباب التى ادت الى الظاهرة و هذا هو موقف الاخت سارة منصور فى كل ما تطرح او انسان يهدف الى كشف اسباب الظاهرة ومن ثم العمل على معالجتها وهذا ما لم المسه فى طريقة تفكيرها من خلال ما تكتب, لذا اري انها لا تقف فى ارضية الانسان الذي يرغب فى تغيير الواقع اي موقفها ليس بموقف الثوري او الثورية ان جاز التعبير, فوصف الظاهرة لا يعمل على تغييرها حتى وان بصمنا بالعشرة على وجودها, اعتقد ان مثل هذا النوع من البشر و بهذا النوع من التفكير له الحق فى ان يحيا و يتنفس و ان كانت افكاره عائقا فى مسيرة التغيير الا انه يجب افساح المجال لوجوده الذى هو مبرر وجود اصحاب المناهج الاخري الساعية للتغيير. لذا هلا افسحت مجال فى صدرك يا ماما دوما للاخت سارة و غيرها من المهرجلين بالتواجد فنحن ندخرك الى ما هو اصعب من ان تستنفدى طاقاتك فى معارك جانبية, بس تعرفى الشى الماقادر افهمو انو السودانيين حتى لمن يعيشوا فى مجتمعات مغايرة بفكرو بنفس طريقتهم العاشوا بيها فى بلدهم, ما كنت متوقع انو لس فى ناس ممكن تنشغل باقوال الاخرين عن حياتهم وزوجاتهم, فكيف لبشر ان يعيش مع بشر اخر و هو فى انتظار تذكية له من الاخرين حتى يرتاح بانه على صواب, لا اعتقد اننى يمكن ان استمع الى مثل هذه الاهازيج يوما ما فى حياتى حول زوجتى او حول من اعرفهم عن قرب. شيء محزن

طبعا سوف لن اقول لك ما قاله الاخرون ان لا تغادري و ان مكانك هو هذا المنبر لاننى ليس فى حوجة الى قول ذلك, فانا اعلم ان الام لا يمكن ترك ابنائها فى العش و ان تطير و هى مرتاحة البال فهى حتما ستعود و ليست مجرد عودة بل ستعود وهى تحمل غذائها الى صغارها من الذغاب.

ولك من الحب و الشوق و كل الاحترام وما ملكت من احلام


بكري الجاك

الأخت والخالـة دوما،
الزول اللى بيفتكــر إنو عالم الإنتـرنت مختلف من عالـم الواقـع، فهـو واهـم.. الإنتـرنت هى وسيلـة جـديـدة للإتصـال فقـط، وليس كوكبأ أخـر، يتحـول الشخص إلى روح ليسكن فيـه.

الناس البتتناقش دى أفـراد طبيعيين، ومعظمهـم يعرفـوا بعض، ويعرفـوا دين أهل بعض.. وهـو مجتمـع، مثلـه مثل أى مجتمـع، فيـه الصـالح والطالـح والكالـح، وفيـه عديــم الشغلـة، ومتلقى الحجج..
أى زول أدوه "سحبـة" فى ماوس، مستعــد يدك "ورديتـو" ويعمل فيهـا كتاب كتبـا!
وأى مجتمـع يحتاج إلى اليـة لفض النزاعـات، أو منـع الجريمـة
(policing) وإلا ستكــون فوضى.. وإن الحـريـة فى هـذا البـورد تقـع على ثلاث مستـويـات:
المستــوى الأول، وهـو المرغـوب، يعتمـد على مستـوى الوعى والتسـامـح عنـد الأفـراد، وعـدم الضيق بأنماط الشخصيـات المختلفــة. فلا حاجـة لقوانين خارجيـة، بالرغـم من وجـودهـا، والواعـز هو الضميــر والأخلاق.

المستـوى الثانى هـو لوائـح البورد الذى وافق عليهـا كل من سجل فى البورد.. فإذا خالفهـا أحـد، طبق عليـه القانون جـزاء وفاقـا.

أما المستـوى الثالث، فهـو فى غياب الضميـر، وفى غياب تطبيق لوائــح البـورد، يطبق القانـون العام للبلـد التى تقـع فيهـا الجريمـة، ويكون مسـرح الجريمـة ضمن دائـرة إختصاص محاكمهـا jurisdiction
ســواء كانت أمريكا أو الســودان أو النمسـا.
وكل هـذه الأمـور بديهيـة للغايـة.

ولكى نتجنب هـذا المستـوى الثالث، يجب على المثقفين توعيـة بقيـة خلق الله فى هـذا البـورد، بأن الحـريـة لهـا حـدود، وحـدودهـا عدم التعـدى على حـريـات الأخـرين، ولهـا ثمن، وثمنهـا تحمل مسـؤوليتهـا..

up

الى ان اري الخالة دوما منتكية فى عنقريب هباب و بتدق فى البن تحت ظل نيمة رجاء الظليلة او فى ضل الضحى سيظل هذا البوست عاليا.


حبى

بكري الجاك

معاك يابكري الجاك

للوالده دوما ..

الى ان تعود الخالة البهية دوما الى قواعدها سالمة

سنظل نمسك بجمر الانتظار

ستظل وقفة الخالة دوما رائعة طويلة
و ستعلم التاريخ ما معنى الصمود وما البطولة
فهلا ازقتهم جرح بجرح و دم بدم فالظلم ليلته وان طالت قصيرة


بكري الجاك

مع بكري الجاك وتمبو وأم وضاح وكل المحبين ننتظر..

الحبيبة دوما..

هناك الكثير والكثير الذي ينظر عودتك.. أفتقدتك في فرحة عودة الغايب د. كمال..

وهانا انضم الى المنتظرين/ات
فهل سيطول انتطارنا؟

فى انتظار الوالدة دوما
التى تعلمنا الكثير

ماما دومه

عشان خاطر بنتك وكل البورداب والبوردابيات ممكن ترجعى?

فى انتظارك

أبنتك

بنت الاحفاد




وفى امان الله

لا اله الا الله

مع المنتظرين/ات0000


يلا يا خالة دومة000000

انا برضو معاكم سأظل اناشد الأخت دوما بالرجوع حتي ترجع