الاخت سارة منصور و لفح التوب عند الرجال!!!!!

الاخت سارة منصور

التى تعرضت الى الكثير والكثير جدا لماذا؟؟؟

سارة منصور افكارها متخلفة رجعية لا تعجب الكثيرين
معنى كدا نشيل حالها، ومنو يار بي البشيل فى حالها؟؟
حبوبتي زمان كان بتقول لي جني وجن النسوان البلفحن
تيابن ويدورن فى الحلة ويتكلمن عن فلانة عملت وسوت،
ولا يخلو راجالها قال ليها شنو ولا هي قالت لراجلها
شنو حبوبتي كانت عارفة انو فى كثير من النسوان عندهم
العادة دي وكانت بتمني نفسها بكلامها دا انو يجي يوم
والنسوان ديل يتعدلن ويتحررن من جنس العادات
والسلوكيات المتخلفة دي. لكن المسكينة كان ربنا مد
فى عمرها شويةكدا ودخلت موقع سودانيز اون لاين وعملت
كليك كدا على المنبر الحر، كان يا ربي ح تقول شنو لمن
تجد رجال لاحظ رجااااااااااال
بلفحوا تيابم وحايمين فى المنبر وفي والماسنجرات وهاك يا حكي
عن فلانة قالت شنو وسوت شنو وحياتها كيف مع زوجها.
لفح التوب عند الرجال اخر زمن دا يا حبوبة ربنا
يرحمك، قلتي لى كنت بتمني نفسك بانو النسوان فى الحلة
يخلوا العادة الوسخة دي؟؟ اها رايك شنو فى رجل بلفح
توبو؟؟؟ الحمدلله ربنا اخدك وما شفتي صنف الرجال
دا يا حبوبة.

الاخت سارة منصور لديها مشاركات كثيرة اذا كان لدي اي عضو
راي فى هذه الافكار فالحوار مفتوح قل رايك فيما كتبت، واذا كانت
مواضيعها لا تعجبك او لاتعجبك شخصيتها فدعها وشأنها. ام حديثك
عن حياتها الخاصة وعن بيتها فهذا شي يفتقد لابسط قواعد الادب والسلوك
وعند اهلنا اسمو لفح توب واعتقد ما في اسوا من ان رجل يلفح توبه مثله
مثل النسوان


_____________________
تف يا زمن تف
رجال اخر زمن
تف يا زمن تف

up

الاخ الفاضل دوما/alsngaq
اشكرك من كل قلبي علي فتح هذا البوست الجميل
واقصي مااتمناه ان يكف بعض الرجال عن تلك العادات
التي لاتناسب تربيتنا ولا تناسب اصولنا ولا ديننا ولا اعرافنا
اشكرك اخي الحبيب وساعود ..

الاخت سارة ازيك

وبالمناسبة ولا يهمك يا زولة اكتب زي ما عايزه
والعاجبو عاجبو والما عاجبو يشرب من البحر

ام الرجال البلفحوا التوب ديل وناس نقل الكلام
من خلال الماسنجرات والما خلوا فلانة عملت
وسوت ديل مصيرهم يتعلموا يعني شنو كلمة
رجل وهنا فى المنبر دا انشاءالله

ولك التحية

Quote: اعيب على الكثير من الاعضاء الذين وصلتنى منهم ايميلات ومهاتفات ففى نقاشى معهم وبعد ان كتبت البوست المزكور تدافعوا بكثرة يسردون ماسيهم معها وسالونى اذا كنت اريد المزيد من الادلة فسالتهم اذا كنتم انتم قد عانيتم منها فى السابق ومن فعلها فاين مشاركتكم فى البوست المعنى فانى لا ارى اى منكم قد خط شيء يعبر فية عن ما دار بينهم وبينها وبسكوتهم نسب الى اننى الاداة فى يدهم

اخي الحبيب دوما/ السنجك
لقد صرح اخيرا هشام امين باان كثير من الاعضاء كانوا يدفعونه لما حدث
وحقيقة لم اتفاجآ بهذا لانني اعرفهم فردا فردا ، ولكني صدمت كثيرا علي
هؤلاء اللذين يظهرون امام الناس وهم شرفاء واصحاب حكمة ورآي ولكن مع الاسف
في الخفاء وبعيدا عن الناس هم غير لائقين بالانضمام لقائمة الشرف والشرف
برئ منهم ...
اشكرك اخي السنجك علي كلماتك انت والاخوان والتي كانت بلسما طابت به بعض جراحي ..
كل الحب وخالص امنياتي باان تهدا النفوس وترتقي لمستوي الوعي الكامل ..

الاخت سارة ازيك
الاخ هشام امين تصريحو دا ما كفاية
يجب عليه الاعتذار وفى المنبر هنا
فما فعله جد قبيح ولا علاقة له بالحوار
وكما ذكرت سابقا يفتقد لا بسط قواعد
الادب والسلوك المتعارف عليها
ما فعله قبيح و لا يصدر الا عن قبيح
وتصريحه فقط لا يمسح ما قاله وفعله
فى المنبر هنا. وبالمناسبة شايف فى ناس
بتعلق على على كونك عندك مساعى لملاحقة
المدعو هشام امين. فبقول ليك يا اختى
اعمل اي شي مادام لفح توبو وعمل جاهدا لتخريب
سمعتك وتخريب بيتك المحترم. وهذا اقل ما يمكن
ان تفعليه. عن نفسي اذا كنت مكانك لنسفته من الوجود
اساسا فهو لم يحترم نفس مرتين مرة عندما استمع لحديث
اصحاب الماسنجرات والونسة ومرة عندما لفح توبو ودار
فى المنبر وما ترك ركن الا وروج فيه حديثه التافه الذي جلبه
معه من حكي وونسة الماسنجر الخاصة.

الاخ الفاضل / السنجك وكل الاخوة المحترمين الذين وقفوا معنا وقفة رجل سوداني
واحد اصيل وود بلد .. اقول ..في مثل هذه الظلمات التي تتراكم أمواجها؛ فإن أمثالكم هم النجوم الذين يقتدي بهم الناس في الظلمات، فأنتم نجوم تتلألأ في السماء، يهتدي بكم من ضل الطريق إلى سواء السبيل، وأنتم جبال شاهقة عالية تُثبِّت الناس من أن تهتز الأرض من تحت أقدامهم، فجزاكم الله خيرا كثيرا ونسأل الله أن يتقبل أعمالكم وجهدكم وتعبكم ونصبكم وأن يجعل هذا كله في ميزان حسناتكم {يوم لا ينفع مال ولا بنون إلا من أتى الله بقلب سليم}.