خـرز رزاز .. فوق البت أم نفايل

وحات وعدك .. ماني ناسي .. لا متغابي
لا مُصْهين .. عيلي شيلي الصبر ..

الليلة جيت شان أنضم .. وانثرلي خرزات
غبن الكان الحاصل .. دومس فرح الكلمات

كت جد بطير .. خِشيمن سدّ بابو دبسك
للطعام .. تب عاف
مِتل ما قالوا : داباي أكان جراداي في خِشيمو
ترا .. ولا بعضي

ماني بدور الجّرة .. التوقد في القليب
ناراً .. تسوي البق .. وتحرق علف النضمات

عيلي بتعلف .. بي وعدك .. وادوعل متل
الـ بلدو بلدو .. في آوان الخريف

بجدع نضيمي .. فوق البت أم نفايل
أم طبعاً .. ما هو مايل ..
بي ريدنا ليها .. قليبنا مايل


واسمحيلي فتاة المطر


بهديك حروف وزهرة .. وقلبْ
وردة .. وثمرة .. ونسمة
نسمة حُبْ
ورصيد في البنك
والبنك بنك .. القلبْ

* * *

والقلبْ
مجزأ جزءاين
الأول ملككِ .. إنتِ
رسمتك جواهو .. رسمتين
الأولى .. وإنت طِفلة
تغازل .. بسمة
براءة وعذوبة
وكان حجم الصورة
خمسة في ستة
ضاقت جدران القلب
حولتك .. عصفورة
تشرب من وريد الدم
النازف .. نافورة

* * *

والثانية ..
وإنتِ فكرة
جوة الجوف مستترة
سلطت عليك .. حِزمة ضوء
شاحت خطوطك وبانت منكسرة
خلف المنشور القائم بين ..
بين الجسد .. الروح
هذي أصل الفكرة

* * *

طامح صدرك .. بض
عاجك .. ولونك
واعتدال عودك .. يا
يا روعة لحاظك ..
وسبيب الحالك .. ليلك
لوحــة .. من الطبيعة مستوحاة

* * *

والثاني ..
حروف بتنادي
عصب الجزء الأول
سقطت .. صورة
على الجزء الثاني
طارت عصفورة
ركت في وريد الأول
أعادت دفء اللحظة الأولى

ليس امامى سوى الانحناء لهذا الخيال الخصب

ومليون تحية


ولى قدام

ابوالقنفد
تحية و محبة
عودا حميدا و مشتاقين
و عودة مع سمح الكلام

تحية......و

اعجاب.....و

تقدير.....و

صلاتي علي النبي

عزيزي/ الزنجي
تنحنيلك يا يابا .. السعادة وبنوتا
يوم شكري .. ما يجي

بيت العروس لا وين؟ لا قِدام
ولا على وزن نرمي قدام حقت الجماعة
يا الزنجي أخوي لا تحرشني .. علي الطلاق
المرة الجاية .. أترنيش ليك حرف من حروف
اللغة.








ــــــ

كنت في وحدتي وضغوطات العمل، وأنا بعيد عن البورد
أدعو اللهم عز بوستاتي بأحد القطبين،
وقد رماني البورد بأرطبون العرب:

صديقي/ أبا جهينة
صاحب القلم الحلو المرهف
لك الود والتقدير والاحترام



كنت في وحدتي وضغوطات العمل، وأنا بعيد عن البورد
أدعو اللهم عز بوستاتي بأحد القطبين،
وقد رماني البورد بأرطبون الحكما:

صديقي/ سجيمان
صاحب القلم الساخر اللذيذ
تشرف بوستي .. ولك التقدير والمحبة




ـــــ

ابو القنفد
حمدالله على السلامة
وكل عام وانت بخير
تسلم على الكلام الجميل دة ...
وكل الود

الصديقة الشفيفة/ يا بت يا نيل
شكراً على عبورك الظريف من هنا كما تقولين
الله يسلمك، وتسلمي على الكلمات اللطاف
خلينا نشوف روائعك




ـــــــــ