سنتين وأنا في هواك مرضرض..مقابل بيك مشلضم الايام وصرة بووز الزمن الصعب

خمسة مايو بكون يا الحبيب قفلت في حبك عامين

اربعة وعشرين شهر وانا شايلك في جواي ريد

كتير زعلت مني وانا كمان برضو كتير زعلت

لكن كنت بجيك دايما شايل العشم

ونحن في ضلك وفي رجا ضيك ورجا ايامك الحلوة

ياما سهرنا ليالي حاضنين فيك كي بوردنا شان نوافيك في المواعيد

صبحا بدري يا عشاي دايما بجيك

دايما بشوف صف اونلاينك زايد زايد وبشم فيك هوا كل الشبابيك

ياما اتلاقينا افكارنا تتصافح في سما سماحك

ياما طقينا حنكنا وقرقرنا وفي تراب حوشك جرجرنا عكازنا رسمنا

وياما انتظرنا طلة الزول السمح من شبابيكك يجر حرفين جنب

نضمنا

ومرسال شوقنا شايلو مسنجرك جرجر حكاوينا طرف النهار واخر الليل

وفيك لاقينا كنوز بلدنا نتصافح ونبرم طواقينا ونخلف رجولنا حبا فيك

اي والله نبرم طواقينا حبا فيك ونكتح فيك النضم الجميل وموزون

ونهضم فيك افكار كل الملل شان نسوي لينا هوية في الزمن الصعب

هوية نقابل بيها مشلضم الايام

وصرة بووز الزمن الصعب

سنتين وانا في هواك مرضرض

عزيزي و صديقي و أخي قرجة أبو العباس
تحية و محبة

أولا كل سنة و إنت بألف خير و عافية و ربنا يرد غربتك

عجبني كلامك الموزون الرصين المتلفح بتوب السخرية المحببة
و كعادتك ، تضع أصبعك على مكان ( الجرح الناتح ) و تقدمه لنا في طبق شهي سلس و أسلوب سهل ممتنع.
متعك الله بالعافية و دمت لنا و جعل أياك غير مشلضمة و زمنك سهلا لينا منفرج الأسارير.
أرقد عافية

صديقي العزيز جدا

جلال داوؤد

انت ممن ننتظرهم على الشبابيك

راجين ان تخت نضمك جنب نضمنا الفطر

وانت ممن يعطون هذا البورد معنى ان يعيش وينتصر

لك كل الحب وكل المنى

عزيزي ابو قرجة

ومن الحب ما قتل، وانشاء الله تدوم المحبة والتواصل وحبك وتواصلك مع البورد الحب الاول والاخير

والوطن الصغير، لقد اعجبني التغزل في بوردنا حتى اصبت بداء الغيرة ولسان حالي يقول ايوجد هناك

من يعشق البورد اكثر مني فادركت الصباح.


وليد احمد

العزيز وليد

رفيقي في هذا الحب المشترك

ان حبيبنا يسع كل حبنا

ويسع كل اختلافنا

فزيدوهو حبا زيدوه

قرجة ..
خمسة مايو ..
سنتين وشايل الريد مرسال ..
تتوكأ عصاك بالشوق ..
هنيالك ..
وليك غناوي الريد ..
حلاوة النمه ..
وهداوة البال ..

وليك وردتين ..
مايو الفات ومايو الجا ..

وكل الحب

صلاح / شتات

شتات مشتت نضمك مقريف بيهو كل الناس

مشتت عسل شعرك وجمال رسمك صحى حواس

مشتت فينا جمال الطلة

شوت فينا كور فكرك

وزلال نضمك

ومقرمش فهمك

انت زول اختصاص


والا ما كدة

يا المطر؟

عزيزنا قرجة
هي شوية من عمر الزمان
بس كتيرة علي هذا الحبيب
الذي اصبح لا يعرف صليحه من عدوه
كل مايو و انت طيب

الحبيب ابو اواب

انت المجافي حبيبك

اخر مرة مريت بيجاي يمكن قبل عام

كلامك صاح مرات بخوش الحوش ده بنقول الواحد غلط في العنوان

لكن فترة بسيطة ويرجع تاني جميل ورزين

فيا الحبيب لازم الزيارة والقعاد واطة والانشغال بيخلي الناس

تمر تتاوق وتواصل مشاويرا


تسلم على الطلة البهية

انشاء الله يا قرجه كل سنة وكل سنتين وإنت طيب زين، مليان عافية وسعادة وروقة بال ونعمة حال وسماح وجمال

وكل سنة وكل سنتين، نسعد بيك ونسعد معاك، نتنسم هواك، ويعم بهاك، وتفرح التالاك

وكل سنة وكل سنتين، وانت اجمل زول، راى معدول، وخير مبذول، ومعنى ومدلول

وانشاء الله ربنا يسعدك ويعافيك ويبارك فيك

وليك المودة كلها

وانت طيب يا مطر الجمال الكبة

وانت زين يا حلو النضم ان حب

وانت يا الدخري معطون في المسك من شب

نزل غناوي الريد خت نضمك كل القلوب ليك منشبة

لا تتاخر وافينا في المواعيد

قرجه برغم انو اصلو كيبورداتنا ما اتقاطعت لكن انت اساسي في البورد ده اي والله اساسي علي قولك كل سنه وانت طيب وموجود

تسلمي يا توما

وانتي شباك حلو النسيم

فلا تحرمينا من جمال الطلة

استاذنا قرجه
لك كل التحيات العطره
وانت تجتاز العام الثاني في البورد
ولك الاماني الطيبات وانت الاول فينا
مزيد من السنين الورود


ابونور

تسلم ود الخال

يا جمال طلتك

وييين الحي بيك مشتاقين والله مشتاقين

وكيف عيالك عساهم طيبين

خاصة خاصة امي السغيرة وخالي السغير

بالله بوستين على كل خد وقوول ليهم من عمكم قرجة

حتى نلتقي باذن واحد احد