انتو شنو يابنات العباسي بتردوا ورا بعض

ماافتح بوست ردت فيهو رجاء والله راوية
الا والاقى اختها التانية بترد بعديها
تقول متفقات واحيانا البوست بعد رد
واحدة منهن يكون جاهز حتى يجئ رد التانية
ولو بعد حين
ماشاء الله ده بكون نظام اخوان اخوان بقطعوا الادان
واقول لهما
ويازينة ربوع الحى ولدياركم يعود الحى

زمراوى العزيز
ده اسمه
التآلف والتوالف والمودة
والاتحاد كمان دى منى والاولى من الكاشف
عارف ليه يا زمراوى ؟؟؟
عشان العاوز يكسر البنيان ده !!!!
يمشى يرعى بى قيدوا .

امال
ام وضاح

حسه ارد ولا استنى لما اخيتى تصحى

يا زمراوى

نحنا ما متفقين
لكن صراحه ميولنا واحده انا ورجاء ولو بتتذكر بوست الترحيب بتاعى فيصل صالح قال اننا اكتر الاخوات الاربعه اتفاقا

والله دى ملاحظه .....غايتو عدا بوستات السياسه ممكن نكون متفقين فى كل شئ



زمراوى يا اخوى مشيت اشيل كود الكتابه دا من بوست اسألى الشوق لقيت رجاء ما دخلت لى فيهو تصـــــــــــدق ما حا اخليها.....مش

لا استغفر الله لقيتها رفعته مره

ام وضاح
يرعى بقيدو وبس ده يهيم على وجه الارض
بعدين حكاية الكاشف والاخيرة منك عجبتنى جدا
دمت لهما ثالثة الاثافى
وانا ياريتنى المنبر الحر
وبكرى ابوبكر والجريفاوى وام وضاح
والكاشف ورجاء وراوية والكيس
والقفة والسلطة

راوية ياحرف الباء
انتو متفقات وبس ده توارد خواطر
واتصال وجدانى وكلامكم كلو نجيض
نجاضةوربنا يقرب بيناتكم فى السياسي
كمان
رجاء اما يكون عندها الشغل كتير
او اخدتا نومة
ونشوفكم زينة لربوع الحى

رجاء مشغوله بمؤتمر الاتحاديين
تسلم ياذوق

زمراوي العزيز..

طبعا قلت أرد ولا ما أرد..؟

عشان راوية هدي بس قبالي..



حأرد عليك براااحة ومزاج بعدين المساء..

تسلمي أم وضاح.. وتسلم زمراوي..

فى انتظارك
واهو برضو جيتى بعديها طوالى يعنى فرق التوقيت
ماعندو اثر

يرفع لبعدين ..

العزيز زمراوي..

أها جيت راجعة بي مزاج..

اولا في ملاحظة مهمة جدا.. وهي انه وبالرغم من اشتراكي وراوية في كثير من الأصدقاء إلا عندها ناس كده انا ما بعرف اتكلم معاهم ولا بدخل ليهم بوستاتهم.. والعكس من جانبها برضو..

لكن يبقى ان اشتراكنا غالبا ما يكون في بوستات الأغاني أو الاجتماعيات.. وتجدنا ننبه بعضنا: عزيتي في فلان.. هنيتي فلان ..

ومرات ونسبة لفارق التوقيت لما افتح المنبر الاقي راوية دخلت ليك في حتت كده برااااها .. وطبعا ولا بدخلها ولا حاجة.. إلا إذا استدعى الأمر.. وهو هنا ان تطاول عليها احدهم بالكلام فبدخل تووووش ولا بيهمني حتى كلامها ودايما ما ترجوني بالتوقف وتحن على الجاني ..

أما في شكلاتي تجدها وافقة بعيد مراقبة.. لأنها تعرف اني بقدر آخد حقي "تالت ومتلًت" .. لكن برضو بتفاجئني بدخول جميل ومريح يقوي قلبي ويشرح نفسي ..

في البوستات الجميلة التي لا يختلف عليها اثنان تجدنا هناك وبقوة.. لأنو ببساطة مافي زول بيكره الجمال..

بوستات الترحيب.. غالبا ما تجدني انا فقط.. راوية عندها نفس نظرية فيصل محمد صالح: ان الترحيب فرض كفاية، إذا قام به البعض سقط عن الباقيين ..

أسعدتني بوستات مفاجأة لراوية.. وهي جميلة للغاية:
- في حضرة من أهوى..
- أسألي الشوق..
- يا صاحب المعراج..

وبدون اي مجاملة أراها من أجمل بوستات المنبر.. وجعلتني أزيد فخرا بخوتي لها ..

راوية هي العقل في العلاقة التي تجمعنا.. وعندما أراها غاضبة أو مستفزة أعرف ان الأمر جد خطير.. لأنه لا يغضبها إلا "الشديد القوي".. عكسي حيث اعتبر من رباطية المنبر ..

بس كده كفاية..

التحية للحبيبتين راوية وآمال.. ولك يا ذوق ..

مرحبتين رجاء وحقيقى انت وراوية
بتشكلوا ثنائي خطير
ضد التفويت والارهاب اللفظى
والفكرى
وجميل تنبيهكم لبعض فى بوستات التعازى والتهانى

ملحوظة يا زمراوي..

الاحظ انفراد راوية ببعض البوستات التي حذرتها كثيرا من تضييع جهدها واسمها فيها .. لكن تقول شنو بقينا كل يوم نتوقع معركة دونكشوتية تبدأ بكلمة: لا أخاف في الحق.. وكأننا ظلم ولا نعرف الحق.. ويعرفه غيرنا ..

امنيتي ان تزول هذه الغمة التي تسود منبرنا..

ومكابر من يقول انا او اختي سببها..

اذا لم نكن سببا في الفرح فمن يكون ..؟

هذه حقيقة وليس غرور وادعاء ..

رجاء
الدونكيشيتيون واعداء الجندر وصانعو الحزن موجودون
فى هذا المنبر
نصيحتى هى خطة الانصراف عن كل بورد مسئ
والانشغال بالابداع واثراء المنبر
هنالك من فقد فى الغربة سلطات تخريبه فى السودان
ويبحث عنها فى المنبر
امااصحاب الشعارات فانسيك منهم
وبالمناسبة اما من طريقة لعودة الصحفية ثالثتكما
سمية العباسي

زمراوي العزيز

Quote: نصيحتى هى خطة الانصراف عن كل بورد مسئ والانشغال بالابداع واثراء المنبر.. هنالك من فقد فى الغربة سلطات تخريبه فى السودان ويبحث عنها فى المنبر. امااصحاب الشعارات فانسيك منهم..

حااااضر.. علم وينفذ.

بالمناسبة اختنا سارة مافي أمل ترجع.. وعجاجة الاسبوعين الفاتو ديل أكدت نظريتها التي اختلف معها فيها..

لكن عندنا مفاجأة جميلة ليكم في الايام الجاية..

Quote: حيث اعتبر من رباطية المنبر

يازولة ....الكلام ده بيدينك ..وماتنسي المربصين .

العزيزة رجاء

اهو النصائح جابت فائدة
اسمها سارة انا قلت سمية ممكن فى سمية
معشعشة لى فى مخى
المفاجاة شنو سارةاستنساخ
برضو من البوستات التختوها
بوستات ابراهيم الجريفاوى
ده ود مجنون ساي
كرهنا الثانوى العالى ذاتو

زمراوى سميه الفى بالك .............لوووول
قالوا لى هججتو فى العرس
كنا جاينكم لكن ام العروس انشغلت ما كلمتنا بدرى


الجريفاوى حته من محمد العباسى الفرق حماده اللهجه عندو مصريه (والرندوق) بتاعه برضو مصرى

عشان كدا بوستات الجريفاوى بنلقى روحنا مشدودين ليها شد

كدى دقيقة دقيقة دقيقة
ياتو عرس هججنا اى لكن منو القال كنا هناك ايوه
بنات قوته ااي
انتى فى ده ولالمن قالو العريس دكتور والعروسة دكتورة
والفنان دكتور واسمو ياسر الحاجة ده اصلو ماغريبة
واعاين ليهو واقول ده انا شفتو وين وانا راجع
اتذكر انو ده ياسر مبيوع زميلنا فى البورد
تبقى لى بوقعة بنبر نسيتو كيف
لكن ماغنى لحدى الساحة ثلاثة صباحا

مكرر