الهلال المحلي المتهالك يهزم المريخ الدولي صاحب الاداء السلس

كعادة المحوظيين دائما انتصر الهلال المتهالك بهجمتين مرتدتين وللحقيقة تقال انو الهلال لم يلعب الا بعد احراز هدفه الثاني وامتلك المريخ زمام المباراة لكن خانه سوء ختام الهجمة برعونة زكريا وعدم خبرة السعودي وتسرع احمد السيد ومن بعده هيثم الرشيد ورغم ذلك خرج المريخ مرفوع الراس بعد الاداء السلس وهذا زمانك يامهازل فامرحي

هل تتحدث عن المباراة التي جرت باستاد الهلال يوم 2/5/2004 ام مباراة سابقة ؟

بتكلم عن مريخ البطولات المحمولة جوا لاغير بتسكت ولا
اخجلوا على مستواكم المحلي

عافى منك يا ابن اختى....اقنعهم لى وقول ليهم الامـــــــــــــــــــــــــل كبير

ياخي انت زعلان مالك ... انا لم اخالفك ان المريخ مريخ البطولات العالمية و ووووو ولكن سؤالي كان محدد فلماذا تريد ان تسكتني ومن حقك الا تجاوب.

كيجة..حقنتين حارات..اتلوموا معاكم ناس كبير..و البرازيلي الصحي..خلينا من جوي و بحري..وريني..حتشطبوا منو الليلة؟.. الغلب حار..انت ما شفت القون التاني دة كيف؟..المعلق غلبو الكلام..قال (قون حاجة كدة..صامتة)..قصدو صاموتي..تقول لي ضربة حظ؟..بما انو الوطنية معدومة..أنصحكم بتشجيع المنتخب العماني..في بطولة آسيا..و أسعد روحي..شيل (حقني البي) هوي هوي هوي هوي..

أخوي كيجا .. مودتي موصولة
الله يأجركم في مصايب الزمان .. وحاتك قامت من ساوباولو في البرازيل .. وموجهة بالليزر ما وقفت إلا في أبوجا النيجيرية .. (بس ئي شان تآآآآآآآآآآآآآآآمنوا)
لكن والله برافو عليك .. الصيوانات المنصوبة هنا كلها بتاعت أفراح ..
إنت الوحيد البقيت قدها وقدود وفتحت خيمة العزاء في جنائز مزمل أبو القاسم الجابن من الخليج ليحترفوا حرق المريخ
محبتى .. سيف كلي

كيقا


معليش الجايات اكتر من الرايحات لكن هو في جايات

انتي مفروض تخجلو وتلبدو ذي مزمل ابو القاسم

قال دولي قال كان زمان يا حبه مافي حاجه اسمها مريخ تاني

واحسن ليكم تلعبو تاني مع ناس امبده وتخلو الهلال ده

شفت القوون التاني من السوق الشعبي امدرمان دخل وقال حارس محترف قال

يا كيغا وصديق الموج كيف اصبحتوا من الحاله الامس انا اصلاً عارف الحقيقة دي انو الهلال منتصر لا محالة والدليل على ذلك اقرأ البوست بتاعي : الراجمات البرازيلية، وبعدين يا أخوي متهالكين وتعبانين وبرضو غلبناكم بهجمتين مرتدين أنتو وين كان دفاعكم وين الهجوم بتاعكم النايم تبدلوا لينا فيهم يطلع احمد ويجي حاج احمد دون جدوى وين ناس العجب حبيبي وجاء هيثم الرشيد والحال ياهو نفس الحال وفي جواي هدف "ميزو" بتعرف ميزو دا للعلم فقط معتز كبير وبعدين برضو كلما تجيكم كارثة تقعدوا تقولوا البطولات والكاسات المحمولة جواً وبحراً وبراً دي كاسات دي ولا حاملات طائرات يا أخوي بصراحة الغلب حار والهزيمة ثقيلة لكن كل المؤشرات كانت بتدل على فوز الهلال لا محالة هذه هي الثقة بعينها وليس الغرورً في الوضع الراهن للمريخ ولو استمرت المباراة لشهر كامل لما فاز المريخ ولا حتى كان له ان يتعادل وبالله التوفيق وان عدتم عدنا والنصر والعزة والرفعة لهلال السودان المنتصر وهاردلكم يا مغلوبيييييييييييييييييييييييييييييييييييييين، "وكانت ساعة النصر اكتمال الهلال" هكذا حال الدنيا

مداخلة بسيييييييييطة: انت عارف المريخ طلع براسو مرفوعة ليه لانو كان مسنود بي معتز كبير عن اليمين والفتى المرهف " روبيرو" ليس الا وكفى.

الوالي / وليد

يا كيغا وصديق الموج كيف اصبحتوا من الحاله الامس انا اصلاً عارف الحقيقة دي انو الهلال منتصر لا محالة والدليل على ذلك اقرأ البوست بتاعي : الراجمات البرازيلية، وبعدين يا أخوي متهالكين وتعبانين وبرضو غلبناكم بهجمتين مرتدين أنتو وين كان دفاعكم وين الهجوم بتاعكم النايم تبدلوا لينا فيهم يطلع احمد ويجي حاج احمد دون جدوى وين ناس العجب حبيبي وجاء هيثم الرشيد والحال ياهو نفس الحال وفي جواي هدف "ميزو" بتعرف ميزو دا للعلم فقط معتز كبير وبعدين برضو كلما تجيكم كارثة تقعدوا تقولوا البطولات والكاسات المحمولة جواً وبحراً وبراً دي كاسات دي ولا حاملات طائرات يا أخوي بصراحة الغلب حار والهزيمة ثقيلة لكن كل المؤشرات كانت بتدل على فوز الهلال لا محالة هذه هي الثقة بعينها وليس الغرورً في الوضع الراهن للمريخ ولو استمرت المباراة لشهر كامل لما فاز المريخ ولا حتى كان له ان يتعادل وبالله التوفيق وان عدتم عدنا والنصر والعزة والرفعة لهلال السودان المنتصر وهاردلكم يا مغلوبيييييييييييييييييييييييييييييييييييييين، "وكانت ساعة النصر اكتمال الهلال" هكذا حال الدنيا

مداخلة بسيييييييييطة: انت عارف المريخ طلع براسو مرفوعة ليه لانو كان مسنود بي معتز كبير عن اليمين والفتى المرهف " روبيرو" ليس الا وكفى.

الوالي / وليد

كيجـــــــــــــــــــــــــــــــــــــــــــــــا
بتاع بونــــــــــــــــــــــــــــــــــــــــــا
وامدرمـــــــــــــــــــــــــــــــــــان
كيـــــــــــــــــــــــــــــــــــــــــفك يافردة
والله مشــــــــــــــــــتاقين

قلت لى سيف كلى الرشاشة دى قالك صيوان عزاء
والله ياكيجة الهلالاب ديل مفترين
ياخى هو معتز كبير دا عامل ولا رونالدو من الدقيقة سبعة بس نطح
الكروة ودخلت فى النيجيرى القوى
بس نقول حظوظ... دى القون الاول
اما القون الثانى ضربة حظ
والله ياكيجة من قبل المبارة تبدا

كل الناس عارفة ان المريخ حديد
وصاحب البطولات....
بس عقدة المصارة حلونا منها الرشاشات
وانت ياسيف كلى وياعباس وتاج السر لو ما لميتو خشمكم انا بشاكل
عديل مع كيجا
وشكرا
رشاشة قديم ترك الرشاشات وبقى صهيونى

والله يا ابوقوته اخوي نحنا اولاد حته واحده وانا عارف انو مافيها واحد بيشجع المريخ

وما تجامل كيقا ساكت خليك عديل قولو انك هلالابي عديييييييل وهو كاستوم ديل بعد ده لو ركبو كونكورد ما بيجيبو منها واحد لكن تعرف عاجباني حلاوة المولد دي ولا رايك شنو انت


قووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووون

روبيرو دي علي لسان الرشيد بدوي عبيد

الأخ الهلالابى الزعلان شديد أنت قاصد ياتو هلال وياتو حظ

أن شاء الله البلد تكون عجبتكم ، احى ليك النكته دى ؟؟

اااااااااااااااااااااااااااي .. ده الشغل ده الشغل
اااااااااااااااااااااااااااااي ده الشغل ده الشغل
ااااااااااااي ده الشغل ده الشغل

العزيز كيقا تحياتي فعلا دي الحقيقة المرة الما برضو بيها الرشاشات ديل امثال تاج السر وغيرو المريخ ياهو المريخ بطل الحوبة وحامل الكاسات المحمولة جوا انتو بس خليكم في محليتكم الغرقانين فيها دي والهدفين ضربة حظ شوف كمان عينة البقول صاروخ والبقول ابداع ياخي ابداع بتاع الساعة كم وصاروخ بتاع شنو انتو ما كنتو مندسين عديييييييييييل كده عملنا فيكم العجب العجاب بس انتو دائما بتاعين حظوظ واناطيين يابتاعين الاناطييييييين ودي باعتراف عبد الله السماني بتاعكم لو بتذكروه جيد ولا بي اناطين عبد الرحمن سر الختم المقعد ليهو فكي من امبررو قبل شهر في نادي الهلال وادوه اجازة صغيرة بعد مبارة الأهلي وجاءهم الأمل ورشاهم فتشوا ليهو فتيش وقلبوا ليهو الأرض قلب عشان يجهزو للمريخ وفعلا تم اللازم ووجدوه متخبي في دار السلام
تقولو لي صاروخ
اصبرو علينا بس شوية وشويتين وجاييييييييييييييييييييكم

المباراة كانت هزيلة وضيعيفة ولا تمت لكرة القدم التي نعرفها ,,,, واعجب من الذين يقولون المريخ او الهلال قدم عرضا جيدا وامتع جمهوره ,,, بدون زعل يا شباب الهلال والمريخ يطممو البطن
ما فائدة اللاعب اذا كان لابد ان يقع ليقتلع منك الكرة (اعب نضيف على الكرة), السؤال هو ماذا بعد ان وقعت على الأرض ؟ ,,, يجب التخلص من مثل هذه التصرفات قبل ان نتكلم عن هلا مريخ او كرة سودانية

الاخ ابراهيم علي

معليش ده كلام زعل ما بتقصدو

اناطين شنو ياخ انت من الزمن داك

كورة ومدرسه وملعوبه

وخليكم نايمين علي كاساتكم دي

قال اناطين قال

الكاسات القديمة شالها كيجا قال عاوز يطليها بموية الدهب فى حيدر اباد ..تذكر ياعباس حيدر اباد دى فيها ناس لو طلو الفخار يطلع
دهب خلى الصفيح والله يتفننو فيه جنس فن...
ايه رايك يسجلو راجو بتاع الخطوط الجوية الهندية مش احسن من زكريا
وبكون رخيص بس فك ليه 100 دولار

[B]يا قووووووووووووول اقصد يازووووووول قول كلام غير كده

احســـــــــــــــن الله عزاؤكم

يا رشاشات .. اخوكم كيجا ده كترو ليهو التلج .. التلج بيخفض الحراره
وكذا الحال بالنسبة للبندول ..
الضغط كيف ؟؟

لكن ياتمبس مااتلومت غناء في بيت البكاء ؟؟
والله كنت متخيلك تعمل كده وقلت الحقك بسراع لكن نسوي شنو .
قايتو انا كان سألوني بقول ليهم افتكرناهو عرس الشهيد

الفااااتحــة
بيت النسـوان بوين ؟
بعد نشوة الإنتصار داك ياكيجـا .. عجبنـي كلام اخوى الصغير هو بتناقش مع صاحبو ويكاوي فيه
ستيم تفـاح .. يالوالي مريخكم راح
لمن غلبو قام المريخى الصغير قال ليه .. اسي انتو الامل دا ماغلبكم ؟
اخوي منتشى طبعا قال ااااى يغلبنا اى زول انشاء الله كاجو كاجى زاتو
لكن فلاحتنا بس في المريح دا نلاقى (نلطشو ليك لمن يامن)

اها اسى قلت لى محلى ومتهالك وبشت بعدايل اصحاب الرؤوس (الصُّفر) ؟؟
غايتو كدى اخدولكم خطة رجعة وشوفوا الناس ديل جايبنهم من وين ؟ وخلو الزمان ونتكلم فى الدوليين لقدام ..
الله ياخد بيدكم .. قولو آمين
** قال سلس قال **

تمبس ياجبهجى كان ما جبهجى تشغل لينا غناء انا وود اختى كيقه حزنانين..دى ما يعملوها

الا ناس الجبهة فى عرس الشهيد..وبعدين يا ملكة سبا ما عارفانا سبلناهو خلى كاشفة

مقنعك وتسالى من بيت النسوان بى وين؟؟؟؟؟

بعدين الزول الزعلان فى الكاسات المحمولة والله سمع اضانى لى قريب ده جماعتكم بقولوا كاسات الدهب.

يا كيغا يا خوى مالك فاتح ليك (شباك) ما بتقد على قفلو مالك دى نكته ظريفه بحكوها هنا فى دبى.

قالوا فى شخصيه كبيرة فى الشرطه تحب السودانيين جدا ، الدنيا ليل لقى فى الطريق اتنين سودانيين (شبعانين) وقف ركبهم ، واحد مدنقر
راقد والتانى شابكوا يا اخى انا شايفك وين ما عارف ، شايفكوين ماعارف ...كررها 10 مرات.

قام الزول الشخصيه المعروفة قال ليهو انا فلان.

زولنا الكان مدنقر ونائم قام صحى وقال ليهو:-

أنت هسى مالك سألو مالك ..

.....................................

وهاك الأبيات دى :-

يا ملكة سبأ ما سمعتى النبأ

قالوا شيكوزى الحبأ

يا ام وضاح سودان أرتاح

وين رأكوبه وناس شيبه الكانوا فصاح

سووها بقر ومراح.

Quote: هل تتحدث عن المباراة التي جرت باستاد الهلال يوم 2/5/2004 ام مباراة سابقة؟

كيجا إنت صاحي ولا نايم... ولا طرفك من طبعو نعسان؟


مع الإعتذار لحقيبة الفنّ.
أحمد الريّـح

المريخ العظيم
هو بطل السودان الاوحد داخليا وخارجيا
اول فريق سوداني يفوز بكاس الكؤوس الأفريقية
اول فريق سوداني يفوز بكاس دول شرق ووسط افريقيا سيكافا
اول فريق سوداني يفوز بالدوري المحلي يدون هزيمة او تعادل
اول فريق سوداني يفوز بالدوري المحلي بتعادل واحد
اول فريق سوداني يفوز بكاس الدوري الممتاز ثلاث مرات متتالية
اول فريق سوداني يحقق المتوالية الثمانية على نده المريض الهلال
اول فريق سوداني ينتزع الكاس من الزمالك المصري كاس دبي
اول فريق سوداني يفوز على الاهلي القاهري وبجدارة بثلاثة اهداف وليس بهدف صدفة والدليل على ذلك عدم احراز هدف هنا
كفاكم ولا ازيدكم يامحليين اكيد في زيادات كتيرة لكن مامستحضره لان الانجازات كتيرة ولاتزكر
وبالمناسبة المريخ الفريق الوحيد البدخل المباراة النهائية بفرصة واحدة ويفوز بتلك الفرصة (هدف نميري احمدسعيد وهدفي محمد موسى وعبدالمجيد)
ظروفي العمليةهي البتمنع من الرد الفوري فاعذورني عمرو مافي مريخابي بدخل راسو في الرمال دي بتعملوها انتو خجلانين الاسم قمة ساكت مافي في العالم دولة فيها فريقين بقولوا عليهم قمة فيهم واحد عمروا ما اخذ كاس دولي او قاري ولا حتى كاس كرامة اخجلوا على محليتكم ياناس وليد وتمبس واحمد الريح انتو بتكلموا على هلال السودان المتهالك التعبان دا افرحوا والله نحن لو مابنفرحكم بمثل هذه الصدف كان زمان قلبتو النادي ورشة حداده كفاية مشاكل صلاح ادريس وطه على البشر وهسع بتطلع الجرايد الهلال يوقف البرنس لمدة سنة الهلال يشطب ريتشارد لسوء السلوك الهلال يجمد نشاط مجاهد دي سياسة بتبعها ناس المريخ عشان ماتفرتقوا فريكم المتهالك هذا هلال قال