الأسلحة الكيميائية وحقيقة استخدامها في السودان في منتدى ميديكس للحوار
|
|
 اوقفوا هلال مريخ فهي تريق اصدقائي..اين انت ياراكوبة
|
سلامات
وعوافي
حقيقة تجدني الان اعض علي بنان البكاء حتي بلغت حدا من الجعري شغل الجيران وأرًق مضاجعهم ليس لشيء سوي انني افتقد صديقي الحبيب راكوبة الذي اختفي مني في ظروف زرقاء يانعة البهاء فنحن نسكن معا في مكان واحد ناكل ونضحك ونستانس ونلعب الكورة في هوول الشقة الفسيح ونقتات بكل مااوتينا علي كرة القدم والخلاف الوحيد الذي بيني وبينه هو هلاليتي القحة ومريخيته الهالكة ..وبالامس افقتدته كثيرا اذ لاذ عني بالفرار واقفل باب غرفته عليه حتي كدت اتصل بالطواريء فربما الراجل تعرض لصدمة تحتاج لاشعة زرقاء حنينة تعود بعدها الحياة الي جسده فينطلق نحو الغد لا يلوي علي شيء سوي البحث عن نجوم اخفتها اشعة هلال وضاء استباح كل كنوز السماء وصفيحته فقط ليزداد بهاءا علي بهاء وبالامس فقط ايقنت ان النصر لو كان رجلا لمات زمااااان ولتربصا به المتربصون وقتلوه علي حين غرة .. الهلال بالامس اتسعت له كل حدقات العيون ليرقد فيها هانئا ظريفا توشوشه تغاريد العصافير البريئة فيرسل نسماته لتغطي كل مساحات العرضة شمالها وجنوبها الذي تراكمت عليه المصائب والاحن وماعاد قادرا علي الحبو ناهيك عن المشي السااااكت دا..نعم كانت امسية زرقاء فاقعة لاشية فيها ولاشوائب نقية كنون لجين
صديقي راكوبة عود ايه الحبيب فالحياة في غيابك مرهقة وانت تعلم اني نحيف الروح لااطيق وعثاء الوحدة فمعا مشينا طريق الاخاء وعليه سنبقي ماحيينا فان كان الهلال مريخ ستكون عائقا بيننا فهذه شكواي لوزير الشباب والرياضة علها تصله في صباحه هذا ان لم يكن هو مريخابي برضو ودكا يوم الشغل ..ومن ثم ارفعها للمسؤولين في الاتحادين عامه ومحليه في الرأفة بنا وسبر غور الخلافات بين الاشقاء والاحباب عبر قرار سغمبوتي كدا علي ضوئه تكون مباريات الهلال والمريخ في الدوري من الارشيف مع اعتماد النتيجة كمبارة حالية وان يكون اختيار الشريط بالفرز العشوائي يعني تدخل ايدك في الشوال يطلع شريط المباراة ولو انني ايضا خايف من هكذا مجازفة فاخاف ان تخرج كل المباريات لصالح الهلال وحينها فقط سانادي واكافح علي ان تكون اللقاءات بين الهلال والمريخ يجب ان تكون طرة وكتب يعني يجيبوا لاعبي الفريقين في نص الملعب وينادوا حكم المباراة عشان يمارس عدلوا بجدع العملة المعدنية عالية فان سقطت علي وجه الطرة لكم وان اتت كتب لنا ...ولو انني ايضا اخاف عليك من ذلك ..فربما تنقلب العملة بصفحتيها كتابة فتكون التعاسة قائمة وتكون وحدتي بلا انيس ولارفيق...... ياتري ماذا سافعل انا حينها؟؟
ارجوا ان يساعدني الزملاء في حلً هذه المعضلة العويصة
مع شكري للجميع
صديق الصفحة
ع.ع.ع.ودرملية
|
|
 
|
|
|
|
|
|
|
|
Re: اوقفوا هلال مريخ فهي تريق اصدقائي..اين انت ياراكوبة (Re: ودرملية)
|
ود رملية الظريف
سلام عليك
جينا نبارك ليك فى دارك
قال راكوبة
(( لا تملك سوى ان تشاهد النجوم وهى تسطع فهى غير قابلة للمس او الاقتراب اما القمر فهو مباح ))
اها يا راكوبة يا اخوى ...........
نحن شفنا النجوم لمن انطفت وتوارت خجلا خلف القمر ونحن ما بنلمس ولا بنقترب نحن بنرسل الصواريخ من بعيييييييييد .
ود رملية شوف على عثمان وين وامشوا على بوست عباس الحايم فيه راكوبة قبل المباراة الفصاحة دى كلها مشت وين .
انا خايفة تكون العمم الولعوا فيها النار امبارح حرقت الراكوبة .
اخير افقد صاحبك .
قال تسطع قال
ام وضاح
| |
|
|
|
|
|
|
|
|
|
Re: اوقفوا هلال مريخ فهي تريق اصدقائي..اين انت ياراكوبة (Re: essam&amal)
|
والله علي الناس ان يمروا علي كل صيونات الفرح الهلالية يباركون وينشرون الفرح فيها كلها انا شخصيا مريت علي كل الصيونات وباركت وعرضت ونططت فيها نطتين واحدة بايقاع كبير الخطير والاخري علي ايقاع السامبا البرازيلية علي عزف روبيرو. وافتحوا المزيد من صيونات الفرح ادام الله فرح الأهلة مولدا بعد مولد ...
| |
|
|
|
|
|
|
|
|
|
Re: اوقفوا هلال مريخ فهي تريق اصدقائي..اين انت ياراكوبة (Re: abas)
|
ود رميلة .. العيون السود كاحلات .. والكُحل لونه شنو
الله يقويك على فقد صديقك راكوبة ..
الراكوبة جاها الخريف .. وطبعاً دي أول رشة من الرشات الخريفية .. من الرشاشات الما خمج
أخوي عباس .. يا أخي الكورة دي ما من السوق الشعبي أم درمان .. وحاتك قامت من ساوباولو في البرازيل .. وموجهة بالليزر ما وقفت إلا في أبوجا النيجيرية ..
محبتى .. سيف كلي
| |
|
|
|
|
|
|
|
|
|
Re: اوقفوا هلال مريخ فهي تريق اصدقائي..اين انت ياراكوبة (Re: tmbis)
|
تمبس يا فنان .. لك كل الود
يا أخي الصورة دي بتزيد الحمى ..
عندما فاز الأمل العطبراوي على الهلال الأسبوع الماضي تغني المريخاب بأغنية الرائع الطيب عبد الله (السنين)
غنوا وقال :
بالأمل صبرت قلبي .. وعشت في دنيا الأماني
ولم يكملوا الباقي حتى أكملها لهم الهلالاب أمس :
بالأمل صبرت قلبي .. وعشت في دنيا الأماني
أهدهد الشوق بين ضلوعي .. أترجم الألآم أغاني ..
تحكي للناس سر عذابي .. وتحكي ليهم ما شجاني
لا نفع دمعي السكبتو .. لا شفع عندك حناني
ترن ترن .. ترن ترن تررن .. ترن ترن .. ترن ترن تررن .. ترن ترن .. ترن ترن تررن ..
محبتى .. سيف كلي
| |
|
|
|
|
|
|
|
|
 Re: اوقفوا هلال مريخ فهي تريق اصدقائي..اين انت ياراكوبة (Re: tmbis)
|
ودرملية انت ما حبكت معاك الا في راكوبة انت امس قبل المبارة كنت وييييييين وعامل كييييييييييييييييف جرسة لمن غلط ودخول مروق دخول ومروق لمن قربت تروح فيها وكمان جاي الشغل قبل مواعيدك بخمسة ساعات ما تختشي قال نوم ما جايني قال
وانت ياتمبس وعباس روقو المنقة شوية الجايات اكتر من الرايحات وانتو بس غير المحلي دا ما عندكم حاجة
قال صاروخ قال وكمان من وين من السوق الشعبي ياخي دي لو شاتا شافع والواقف حامد بريمة كانت خشت لانو ضربت الارض قبل ما تصل المرمى عشان كده يا رشاشات الكورة زاغات من الحارس قبل ما يسمكها
| |
|
|
|
|
|
|
|
|
|
Re: اوقفوا هلال مريخ فهي تريق اصدقائي..اين انت ياراكوبة (Re: ودرملية)
|
Quote: علي عثمان
حدثني كيف اجد صديقي؟ رجاء لاتبخل علي بالنصح
المرهق
ع.ع.ع ودرملية
|
يااخي العزيز هذا قول صاحبك
غدأ يحجب القمر وتسطع النجوم كعادتها، لوحة تزين ليل السودان،ودليلاً للحائرين والهائمين، و(كيه) للهلاليين!!
اعرفت الأن اين ذهب واين اودت به النجوم لقد رجموا بنجومهم ياعزيزي
| |
|
|
|
|
|
|
|
|
|
Re: اوقفوا هلال مريخ فهي تريق اصدقائي..اين انت ياراكوبة (Re: essam&amal)
|
سلامات
وعوافي
essam&amal
mo
abas
saifkeli
tmbis
ebrahim_ali
ali othman
..
ياخي المريخاب ديل غايتو اسكتوا ساي اليومين دي الا يشوفو ليهم برود تاني لانوا ح نضيقا عليهم او يبدوا يكتبوا بوستات عن السيسولوجي والسيموطيقية والشيفونية وبقيت الـ اينية
راكوبة لومكم علي كان بي من صلاة الصبح ويتونس معاس كتير علا ليهو يومين طافش شاي صباح بقا مابيشرب
الرشاشة التانية ابراهيم عــــــــــلي
هوية انت قالوا الصباح ماشي المكتب دخلت قناة الجزيرة ياراجل المكتب بعيد شوية اثبت والله تبارونا نخليكم تفتشوا الصباح في قديديماتكم حتي تتناولو هلال خبز طري
...
ياشباب معليش علي تاخير الرد لانو اخوكم شغال زي الوطواط بالليل يعني احسن واحد بشوف ساعة النصر حيث اكتمال الهلال
مين زيك ياهلال
| |
|
|
|
|
|
|
|
|
|
Re: اوقفوا هلال مريخ فهي تريق اصدقائي..اين انت ياراكوبة (Re: Raja)
|
سلامات
وعوافي
يابت العباسي والله لاغتاتة لاشي هسي لو المريخ غلب راكوبة كان حماني ربط لي عديل كدا الغريب في المرات الانتصر فيها المريخ(علي قلتا)كنت بقعد معاهو ويوجعني لامن اشرب اربعة بيبسي وشوال بندول وكلو عشان مااحرموا متعة الفرح عل الدائرة تدور وتجيني ولكن هيهات لومك علي انتهت المباراة جيتو قفل الباب وعمل فيها رايح ..
بالمناسبة
حبيب نورة
ودالعباسية
اسف جدا ان لم يعجبكم هذا البوست ويشهد الله ان قصدي فقط اسباغ بعض الفكاهة علي الحدث وهكذا هو حالنا مذ كنا في البلد نقعد نقوم علي كيفنا..وتاكدو تماما لو واحد منكم جا واعترض مرة اخري علي هذا البوست سوف اتوقف عن اي رد واطلب من بقية الزملاء نفس التصرف فخيرا ان ارفع الضيق عن كل صاحب او صديق التقيته في هذا المنبر وتقبلوا مني كثير الاسف
طبعا بعد مارديت ليكم حسيت بي انكم جادين جدا يعني ماقصدكم تقزقزو معانا واذا كانت ردودي ليكم ساخرة او قاسية فانا ايضا بعتزر عنها
والسلام
| |
|
|
|
|
|
|
| |
ودرملية
essam&amal
mo
abas
saifkeli
tmbis
ebrahim_ali
حبيب نورة
ودالعباسية
Raja
فيس بوك
تويتر
انستقرام
يوتيوب
بنتيريست