فتاة سودانية تذبح شاباً على الطريقة الشرعية..جاكم بلا يا سيجيمان

في اغرب حادثة سعيدة من نوعها،خلال الايام القليلة الماضية، ارسلت فتاة سودانية تعمل بالمملكة العربية السعودية، الي اهلها بالخرطوم طالبة منهم تزويجها من احد الشباب والذي كان على علاقة مسبقة معها. وبالفعل تقدم اهل العروس الى خطبة العريس والذي وافق واهله. ومن ثم قاموا باكمال اجراءات الزواج من (حنه) وعقد. وتم تجهيز اجراءات سفر العريس ليغادر الى حيث توجد عروسته المغتربة. وكان اللافت ان العريس سافر بملابسه فقط تنفيذا لوصية العروس المشددة. ووصف مراقب الحادثة بأنها ذبح على الطريقة الشرعية.

جريدة الصحافه العدد رقم 3922 التاريخ 2004-04-30

تعيش كتير تشوف كتير

كتييييييييييير
انا بعرف لي واحد عامل علاقة مع زميلة ليهو في الجامعة ابوها قال ليهو بعد كده اعملو العرس .
والله جابو ليهو شيلة حتى الشرابات فيها وعملو الحفلة وفتحو ليهو سوبر ماركت وادوهو عربية وسكنو في طابق من عمارتهم في الرياض

والله البنت المغتربة دي اشجع و اشرف بنت.. و اهلها افضل اهل، لا يقل عنهم شهامة و حكمة اهل البنت الثانية..
ومرحبا بالتغيير في الاتجاه الصحيح

ايمن بشرى

على عثمان
ما عندهم بت تانيه جماعتك ديل؟؟؟
الشرابات بجيبا براى

ذكرتنى نكتة الراجل المشا يخطب البت،ابوها سالوا اها جاهز؟؟
الولد قال ليهو ايوه. الابو سالو: عندك بيت ؟ الولد: لا، عندك عفش ؟؟الولد : لأ، عندك شغل ؟؟؟ الولد :لأ، الابو قال ليهو : يا ولدى انت جاهز كيف ،مطهر يعنى؟؟؟

هسه جماعتك ديل "جاهزين" الظاهر عليهم

مش دي المساوة برضه؟

Deng.

Brilliant i like that
Tow thumps up .

زمان كانو بغنو..يامغترب،يا ودغرب..حسه حيغنو يقولو شنو؟
يا مغتربه،يا واحد من خشم القربه

بشرى سليمان

Quote: ذبح على الطريقة الشرعية.

دي كيف يعني؟....ما فهمتها....

لكن والله برافو عليها... ديل النسوان يا بلاش....وبعدين قطع شك نسيبو ما راجيهو يجيب لو جلابية.... ينعل ميتين باب شريف

بشرى
والله خوفتني شديد ، لمّن لمست رقبتي ،،
يا أخي والله دي بت شجاعة وواعية ورائعة جدا ،، والله لو عرفت مكانها بالسعودية لاتصلت بها لتهنئتها أو لزرتها ،،
يا ريت كل البنات اللاتي لديهن إمكانيات يعملن كده ..

والله بت جدعة وعملية جدا

مش أحسن من اللكلكة

سجيمان اخوى..يعنى امسك لى واقطع ليك،وبعدين هى الكفيل يقعد يتلكلك ومايغسل العده واللا يرتب البيت طوالى تدق ليهو خروج نهائى

يا جماعه ياناس السعوديه و الخليج ماتشوفو لاخوكم واحده ذى دى و كوستاويه رضيانه، انتو مالكم.

يا ودسليمان اتنين بحبو بعض ، واحد امتلك المقدرة وصار وضعو احسن من التاني ، اها فيها شنو لو اتزوجو منو القام بترتيب المسالة لا يهم المهم انهم اجتمعو بالحلال ، والسيدة خديجة تزوجت اشرف الخلق وكانت اقتصاديا ميسرة وكان المصطفى يعمل معها ، ولكم ف ي الرسول اسوة حسنة ، وفي السيدة خديجة اشرف النساء ، ولا شنو يا جماعة الخير ، بس يا ريت تبقى نجيضة وتسوي العصمة في يدها وتشترط عدم التعدد عشان تكمل الشطارة ، والف مبروك لعروسنا الماعارفين اسمها وحي المبادرة والروح الانسانية . بعدين الله ما جاب الدبح ، حيرتونا ذاتو تقوم بلوازم الزواج تقولو دبحونا ، والفتاة تقوم بلازم برضو دبحوكم وبعدين المسالة دي موجودة من بدري على مستوى الافراد بس الناس ما بتريح ، ونفس التعليق القبل عشرين سنة من القرن الفات هو نفس التعليق ، وربنا اسعد الجميع واهني سعيد بسعيدة

بشرى العزيز..

هسع يجو ناطين ليك المطوفين يقولو ليك البت جندرية..

عافية منها ومن عريسها ومن اهلهم..

ومبروك ليها وعريسها..

bushra suleiman

الاخ بشارة سليمان تحية طيبة
شايف كلامك فية سخرية شوية وكمان العنوان الذي اخترتة غير لائق بالحدث بنت حاولت تصون نفسها وتعيش حياة حلوة مع من تحب فيها شنو لو ارسلت الى وتزوجت من تحب يعنى دى موضوع محتاج انك تكتب عنه هنا والله الف مبروك ليهم وحياة سعيده للاتنين وبعدين ياخوى دى حاجه خاصه جدا بين الاسرتين والعرس والعرس يعنى مافي داعى تكون محل تعليق يعنى تتزوج وتنستر مشكله عندكم تلعب بره تكتبوا وتقولوا البنات المغتربات بالله الحل شنو
عالم عجيب والله اتركوا الناس في حالها اترك امرهم للخالق عليكم الله اذى الواحد ماعمل غلط ولا ضره زول
وكمان في معلق عليك وكاتب تعيش كتير تشوف كتير يعنى تشف شنو بالله في احسن بالبت دى عشان تشوف

والله بنت جدعة تستحق كل الأحترام والتقدير ما قلنا ليكم سيدات السودان أعظم من رجاله Without an offence نسوان بيناضلن ضد القهر عمرهم كله وفي عصر الأنحطاط أنجلدن والرجال بيتفرجو وفي الأحفاد دافعن عن أساتذتهم ةلسه الرجال بيتفرجو والله مفروض يدوهم العصمة في أيدهم ما فيها شيئ كل الأمر يتطلب القدرة على أتخاذ القرار

ألف الف مبروك مرتين وهنيئا لك يا عريس أمراة مثل هذه

اخوي بشري
ما عندها صاحبة البنت دي
ترا اخوك جاهز
حرم الجلابية كو
نجيها بالعراقي ساي

اخوي مراويد

Quote: ما عندهم بت تانيه جماعتك ديل؟؟؟

والله سألت نفس سؤالك ده للعريس ولو كان في كنت حسه قاعد في الكنديشن وبحاسب في بتاعين الأمجاد

بشرى ازيك...

واحد جارنا جاهو اللوتري (لا ايدو لا كراعو) ..محظوظ جداً
ما عندو حظ فى القراية ولا حاجة..المهم بت عمو المهندسة اضطرت تعرس
صاحبنا (العنقالى) عشان خاطر امريكاومشية امريكا...
طبعا اخونا مشى قدامها ..المهندسة كملت ورقها والاجراءات..
ولمن استلمت التأشيرة فتحتها بسرعة وفرح شديد ولقت مكتوب فى خانةالغرض من السفر (لحاق بالزوج)..باستياء شديد قالت:
شنــو لحاق بالزوج؟؟؟!!!!!!!!...وتانى ما سمعنا عنهم حاجة لحدى هسى

ده طبعا ما بيعنى استغناءنا عن (لحاق بالزوجة) وكده لوول

مبروك على اخونا ده يا بشرى وربنا يوفقو فى مشوار السعادة دى وبيت مال وعيال

وكيه للحاقدين

سلام

ما اجمل الذبح علي الطريقة الشرعية يابشري

بل عنوان البوست هو السكين الحقيقية التى تنخر هذة العلاقة الانسانية بين العروسين
مبروك للعروسين اجتماع الشمل

ياجماعه الخير هدوا شويه..لانرفض مثل هذه الزيجات بالعكس انا مشجع لها وفقط عشان مايقولو زول جندر جبنا حكاية الشرعية دى يا رجاء
والخبر منقول بحذافيره من الصحافة..مع تهانينا للعروسين مقدما..وياحاسدين غرامنا،شوفوا غيرى وغير حبيبى

الاخوان
كوستاوى
مراويد
حمزاوى
على عثمان

غايتو انا نويت افتح لى مكتب تزويج الرجال العانسين المكسرين فى السودان،بس همتكم شويه ياشباب لازم الظهور المكثف فى شرايط الفيديو بتاعة الاعراس وشوية هندمه كده والشغل بمشى مظبوط..ممنوع دخول كبسيبه والحناكيش