كتائب عزالدين القسام الجناح العسكرىللامل عطبرة تهزم الهلال2/1وعشرات القتلى

كتائب عزالدين القسام الجناح العسكرى للامل عطبرة تهزم الهلال 2/1وعشرات القتلى والجرحى


فاز الامل عطبرة على الهلال العاصمى قاهر الاهلى المصرى بهدفين لهدف فى المباراة التى اقيمت مساء اليوم على بطولة الدورى الممتاز

نحن معشر المريخاب لا نفرح لهزيمة خصمنا والموضوع ده ما بهمنا كتير

ونعلم ان النصر والهزيمة وجهان لعملة واحدة ويوم لي ويوم عليك


فقط عجبنى العنوان ده وقت اجربو

الحقيقة انو الهلال لم يهزم الاهلي انما الاهلي هو الزي هزم نفسه والتدهور الحالي في الكرة المصرية هو سبب هزيمة الاهلي للهلال وعمرو الهلال ماحيكون احسن من المريخ والدليل على ذلك هزيمته من الامل شبه الطيش الهلال فاز لانو الاهلي حاليا بل والكرة المصرية في اسواء حالته رغم اني والله كنت اشجع الهلال بحرارة في ذلك اليوم لكن مامقتنع بانو الهلال كويس والدليل على ذلك انو لسع مازال محلي وعايشين على اوهام لاراش ومابيخجلوا انو الاهلي والوداد اخذوا الكاسات من جوه السودان والمريخ اخذ كاس الكؤوس من ادغال افريقيا فعشت يامريخ مرفوع القامة ذو مكانة لن تزول وعقبال مايجي فريق يوازرك في احراز الكاسات المحمولة جوا والزعلان يقع البحر والهلالاب سبب عدم نيلهم كاسات خارجية لان نيتهم سوداء وحاقدين ومبروك للامل العطبرواي ومزيدا من التقدم وهذا هو حال الهلال الحقيقي كل السودانين غير مقتنعين بان الهلال فاز بجدار وبمستوى انما بضربة حظ مسيحية كمان

أيوة كدة..خليك واضح يا جميل..الحقد علي الهلال هو شيمة الزعلانين..ليكم حق تخلوا جرادل الجير و الطوب و..الاستاد العالمي..و تجروا تلاحقوا الهلال العظيم في عطبرة..لأنو الهلال..كمان واحد زعلان دخل بوست تاج السر و افتتحوا بحاجة صفراء مدردمة..قال كتائب قال..
يا ربي القتلي ديل كم من الزعلانين؟..جابت ليها موت عديل؟..الحقد شين والله..يا جماعة موصوا ليكم محاية يمكن تنفع..الشئ بقي مرض عديل..هاكم الوطنية دي..قال الأهلي هزم نفسه..

...One man show, Elhilal
دينق

بالأمس القريب هزم المريخ الأهلي المصري وبعد يومين انهزم من التاكا

صباح الخيرات ياخوي يحسدوكم ويحقدوا عليكم على شنو من كاساتكم الخارجية ولا انجازاتكم المحلية ياخي خليكم في محليتكم دي وعمركم ماترفعوا راس السودان الامل العطبراوي دا طيش الممتاز تقريبا ودا مستواكم

الامل احيا الامل


حقيقه يا رشاشه اثبتو انكم ما عندهم شى وفوزكم على الاهلى المصرى ضربت حظ

ضربة حظ وليس ضربت حظ

وظهر نمر الورق على حقيقته!!
هذه أخرة السخرية والشماتة، قالوا تعادلنا مع التاكا قال
الأمل يقدم خدمة كبيرة للهلال، ويعلمه أن الحظ قد يتخلى عنه في أي لحظة، ولا يبقى إلا الأداء الحقيقي للفريق.
ونواصل!!

يا شيبه هاك اعيد ليك النكته دى ،
وخليك من البقر والغلاط (البيزنطى) ، أنا قريت فى مدرسة حى العرب ، والبقر كان قدامى ماشى ، صفراء ضعيفة وقبيحة، وبيضاء بى اسود متينه ووجيهة وواحدة تانية صفراء سمينه وجميلة ، وواحده ( سوداء) ذى ماقلتو (الصفراء يعنى سوداء) !!!
يعنى البقر هو الجميل واللون صفة لتعرف اى واحدة من ذلك المراح.

النكته:-
واحد (بلدياتى) قالو ليهو (رمضان السنه دى جاىىى فى حر شديد ، قال ليهم مش فى صالحو).
أها أنت البوست ده أرفعو لحدى يوم الحد وبل راسك ن لأنه مافى صالحك ، وارجع للرد بتاعى ، فى الزعيم ينافس نفسه.

بطعـــــم الازرق يا هلال السودان

يا شيبا يا أخونا نحن مع بعض فنياً بنتكامل وبنتلاقي لكن كروياً انت وكيغا ودينق وغيركم ناس حاقدين وحاسدين وواجعكم فوز الهلال الغالي دا ويمكن يكون باب انتصارات جديد للكرة السودانية ويعني شنو الامل عطبرة يهزم الهلال انت ما عارف انو الهلال من زمن طويل لم يهزم وكل الفرق بما فيهم المريخ بقوا يحلموا يطلعوا على الاقل بالتعادل مع الهلال العظيم، ويكفيه فوزه ببطولة الدوري الممتاز العام الماضي وهذا العام وبطولة افريقيا القادمة انشاء الله وكفي.

وينصر دينك يا أخ تاج السر

الوالي/ وليد

شكرا ياوليد يا عظيم لو ما موجوعين يفتحوا لى هزيمة الهلال بورد كامل، وين أنتصاراتهم ؟؟ وين الرد على أسئلتى ؟؟
وين الطيش الما قدر ادخل جامعة الخرطوم ودخل الفرع ، ولمن اتخرج عاوز اتطاول؟؟

آخر نكته :-

وأحد (بلدياتى) قالوا ليهو رمضان السنه دى ح اجى فى شهر حر شديد ن قال ليهم مش فى صالحو.

أها الجماعة ديل خليهم افرحوا لحدى يوم الحد ومن هسه لبقون من نصيب ( تيرى هنرى) بتعرفو ؟؟

تاج السر
وعباس
اها امل عطبرة كمان نسميه شنو
نقول شنو
برانا بنعرف مستوانا
يا ناس
قلنا ليكم ابعدوا من مريخ الانجازات
صاحب الكاسات المحمولة جوا

...دقو، دقو يا دينق،مع الاعتزارىللاخ تاج السر،ولكني قلت بس اتم جملة دينق،اصلواول مرة اشوفو بهزر،ويعلم الله دي ما شماتة
و اهل التحايا

هوي ياوليد انت بتتكلم عن هلال السودان ولا هلال السعودية ياخي هلالكم دا للان ماحقق انجازي دولي ولا قاري ماجاب الكاس الا من كسلا بعدين حاليا كل حاجة في حرف الهاء دي متدهورة هلال العاصمة هلال السعودية الاهلي المصري وحتى اهلي مدني كمان ............ هلال قال اخر الزمن المريخ بفرح للتعادل مع الهلال انت ناسي انو المريخ ولمرات عديدة دخل المباراة النهائية والحاسمة مع الهلال بفرصة الفوز فقط ورغم ذلك حققه رغم ان الهلال بكون صاحب فرصتين ولو ناسي اذكرك قوون الغزال نميري احمد سعيد في احمد هوبا وهدفي عبدالمجيد ومحمد موسى في الرشيد فيصل ياخي اخجل على كلامك دا وماتزيف ولا هلالكم دا حيظل كدا طالما انتو متعصبين وحاقدين للدرجة

عقب لقاء الهلال والأمل أمس ونتيجة توتر لاعبي الهلال بسبب الهزيمة القاسية المفاجئة اعتدى مهاجم الهلال معتز كبير على مصور صحيفة الكابتن بينما حاول ريتشارد جاستين الإعتداء على حكم المباراة.



لا خلقة ولا اخلاق كمان اخجلوا

معليش هلالنا قمة رقم كل شئ ، والكرة كدا غالب ومغلوب ومبروك لامل عطبرة ونرفع راية التحدى على المريخاب الاحد القادم باذن الله

Quote: عقب لقاء الهلال والأمل أمس ونتيجة توتر لاعبي الهلال بسبب الهزيمة القاسية المفاجئة اعتدى مهاجم الهلال معتز كبير على مصور صحيفة الكابتن بينما حاول ريتشارد جاستين الإعتداء على حكم المباراة. لا خلقة ولا اخلاق كمان اخجلوا

والشال الكورة وطلع بيها منو ؟
وارجعوهو بقرار جمهوري عشان دق الحكم منو ؟
خجلنا .. البخجلكم انتو شنو ؟

بالغت معانا يا الأمل عطبرة... يعني ما نفرح؟ للمعلومية الأمل هزم الهلال الموسم الماضي أيضا بهدفين نظيفين في كأس السودان وهزم المريخ بهدفين لهدف واحد في الدوري الممتاز! لكن أمام لاعبي الهلال فرصة ذهبية لإرضاء جماهيرهم الغاضبة بهزيمة المريخ يوم الأحد القادم.
لو صحّ خبر محاولة اعتداء لاعبي الهلال على حكم المباراة فلا بد لمجلس الهلال من ايقافهم ومحاسبتهم - حتى لو تطلب الأمر ابعادهم من لقاء المريخ- فالأخلاق قبل شيء.
جريدة الجمهورية المصرية (عدد الجمعة) أشارت للخبر ووصفته بالمفاجأة كما ترون...

أحمد الريّـح

أخونا أحمد سلام عليك ،

عندى صاحبى كان لمن أشوف ذى الموقف ده أقول لى (الزول ده بفرح بى طهور أولاد سيدو).....

وواحد (بلدياتى) قالو ليهو رمصان السنه دى ح يجى فى شهر حرو شديد

قال ليهم ( مش فى صالحو)....

صدقنى كان أحسن ليكم تلاقوا الهلال غالب ، عشان الأولاد ح يلعبوا معاكم زى العندهم تار ، ودا ما

فى صالحكم .... نصيحتى تشوفو ليكم حكم ممكن اترشى اخارجكم بى درون.