أين ياهو ذاتو ؟؟؟؟

الصديق (ياهو ذاتو) (سميي)
إنت وين ........؟؟؟؟؟؟؟؟؟؟؟؟؟؟؟؟؟؟؟؟؟؟؟

انا سألته عنّه شخصياً... فأجاب... يبدو أنه يختلي قليلاً.. ليخرج لفجر جديد...



في انتظاره ..


بنت الحسين

عزيزي قصي .. سيد الإسم

شكرا لسؤالك عني .. و قد كنت بعيدا عن المشاركة بالمنبر لعدة أسباب .. منها "عشان تقوم تسأل عني"

و سبب تاني .. حتى لو ما صح بتسلبط فيهو.. هو قول مريم "يختلي قليلا .. ليخرج لفجر جديد" .. و أسباب تانية ليس من المهم ذكرها

تحياتي قصي و مريم .. و كتر خيركم شديد.. أنتم و كل من سأل عني و تفقدني

اليوم سألت إلهام نفس السؤال يا قصي، وكنت قد لاحظتك ضمن المتواجدين الآن، فقلت لها أهو دا موجود..
وسلامي لقصي الآخر ولمريم..
صورتك ، الموجودة الآن في المنبر، يا مريم هي الصورة التي أضعها لك دائما في ذهني منذ أن جئناكم أنا والوالد والوالدة، عليهم رحمة الله، زائرين في مانشستر في صيف عام 1982.. سلامي للأسرة والأصدقاء وجميع الأحباب من السودانيين..

الاتجاه المعاكس اليوم يدور حول السودان.. وأنا هادا دربي عليهو..

مع السلامة

قصي (ياهو زاتو).. مرحب بيك.. كويس إنك بتطل من مرّة لي مرّة.. وكان سلبطه كان صِح، ما تغيب عننا كده..

قصي الآخر.. إزيّك تاني.. شايفاك (تقود) قطارات كثيرة في هذا المنبر.. متابعنك.. وهو بالعين...


د.ياسر..مافي علاقة بين مريم الصورة.. مريم الآن... .. شايفه برضه الوالد والوالده جهّزوا لسهرة أمام قناة الجزيرة..

انا زاتي بلحقهم بعد شويه..

شكرا قصي همرور على الطلة ... نحن دوما نفتقدك حتى وإن كنا في غمرة الخطب الجلل وشغلنا بأنفسنا .
شكرا د ياسر على سلامك (ووصل)

تحياتي الي الشاب اللطيف المثقف
قصي همرور - يا هو ذاتو - ؛
وطوبي للسودان لو كان فيه الكثير من امثاله.

عادل

التحية والسلام الي الاستاذ قصي سليم اولا

ومتابعين لابداعات قلمك الحر في المنبر الحر

العزيز قصي همرور دبايوا
اين انت يارجل ? افتقدناك كثيرا هنا ولم نعد نراك
حمد الله علي السلامة وعودة قوية انشاء الله

ali

كثير سلامي يا أستاذ ياسر للخالة إلهام و لك و لكل الأسرة

جزيل الشكر عزيزاي قصي و مريم

و جزيل الشكر لك عزيزي أستاذ عادل .. و أرجو أن أكون دوما عند حسن ظنك

تعرف يا قصي مجدي سليم
قبل يومين كنت طريت يا هو ذاتو وفكرت اسال منو
بنفس هذه الطريقة،
فاذا بي اشاهده اون لاين،
اهلنا بقولوا :القلوب شواهد،
وهي اعمق معنا من مثل المصريين :القلوب علي بعضها

حمدالله علي السلامة يا ذاتو
ان شاء الله تكون الخلوة التي تعقبها الجلوة كما قالت بن الحسين

من فترة طويلة وانا ابحث عن بوست يبحث وينادى عن قصى همرور

اليوم وجدت البوست ووجدناك قصى همرور

حمدالله على السلامة

ومنتظرينك

طوبي لكم بهذه الحميميه والود المتبادل ايها المبدعون

لكم جزيل شكري جميعا.. و امتناني

عزيزي الأستاذ عجب الفيا .. فعلا القلوب شواهد .. و أنا رغم إنشغالي الذي كان عن المشاركة إلا أنني لم أستطع أن أبتعد عن متابعة حواراتكم القيمة كلما أوتيت سانحة

الأستاذة سامية قاسم .. إمتناني .. و الله يسلمك

الأستاذ عبدالله .. جزيل شكري

هلا بعودة ياهو ذاتو و في شوق لقراءة ابداعاتك بعد مرحلة الاختلاء مع النفس.

شكرا أستاذة ندى

و يبدو أن موضوع (الخلوة) خلاص بقى رسمي .. أنا صح إتسلبطت فيهو .. لكن حقو الناس ياخدوني على قدر عقلي و يمشوني في كلامي ده بدون ما يدوهو إعتبار قوي



لو كنت خلوت مع نفسي لكنت عرفتها .. وأنا الآن لا أجهل شيئا بقدر ماأجهل هذه التي بين أضلعي

خالص ودي

عزيزي علي (دقنة)

كثير إعتذاري ... لا أدري كيف فاتت علي مشاركتك أعلاه

نحن الظاهر كل يوم بنتلوم معاك أكتر و اكتر .. معليش بس انت أصفح الصفح الجميل

لك جزيل شكري .. و نبقى على وصال

الأخ الحبيب قصي همرور

و اللـه يا هو ذاتو

حبابك و بركة الجيت

جيب معاك ناس روشستر الغايبين و نتمنى نشوف مساهماتك هنا و في

حفلات خالد الزاكي المرتقبة في الصيف و أبقى حركو معاك.

مرحب بيك قصي والف مرحب برجعتك للمنبر ..

قصى سلامات

اختلى بنفسك كما شئت لكن ما تقطع الطلة من مرة لى التانية

جزيل شكري الأستاذ الطيب .. و تحياتي لبشير الخطير و أمه

شكرا لك سارة منصور

يمنى يا يمنى .. إنتي ست العارفين .. كان غياب إجباري في معظمه .. و كثير شكري لك على إهتمامك الفريد

التحية موصوله للقصيين..
و1000 حمدا لله علي السلامة باقصي وقصي..
ودمتم,,,

والله يا قصي تستاهل حقيقي
يعني الناس دي كلها طلعت فاقداك ... وأنت ما جايب ليهم خبر
لكن انت حقيقي تستاهل انو الناس تفقدك لانو حضورك لا يهمل
شكرا للعناية الالهية التي جمعتنا في أكثر من قضية مشتركة
(أصغرها) الاسم
قصي مجدي

عزيزي إيهاب .. تحياتي و شكري

قصي سيد الإسم.. إنت عارف الموضوع ده فعلا محير .. يعني هل القضايا المشتركة دي جات تبع الإسم ( مجانا) يعني يصرفو ليك الإسم الغريب ده و بدوك معاهو هدية القضايا دي .. أم أن الإسم جاء كمتلازمة لوجود تلك القضايا المشتركة ؟

لي حسي بتذكر عجبي عندما قرأت إسمك لأول مرة في آخر مكان توقعت أن أقرأه فيه

لو عندك جواب على السؤال أعلاه ممكن تسلفنا ليه ؟

الأخ قصي همرور (ياهو زاتو) صاحب المواضيع الشيقة

أهلا بعودتك
إفتقدناك كثيرا وافتقدنا (الأسئلة)!!
مرحبا بالرجعة والحمد لله أنك بخير.

وإلي مزيد من الأسئلة
إيمان

شكرا لك أستاذة إيمان .. و قد شرفتيني بافتقادك لي ,, و أرجو أن أستحق في يوم من الأيام كل هذه الحفاوة التي تلطفتم علي بها جميعكم

قصى
انقطع واتامل وكل حاجه لكن برضو مره مره طل
انا كنت فاكرها زنقه امتحانات وكدا

عمتك

شكرا ياود مدنى على تفقدك الاحباب

شكرا يا راوية .. و حا أعمل نفسي ما قريت "عمتك" دي .. إلا لو كنت مصرة جدا عليها

أكيد كان في زنقة و ضغوط أكاديمية .. لكن إتحلت خلاص .. إلى أجل

شكرا تاني

الصادق عمك قال لى ما تقولى ليهو كدا ولاتعوديهو يقول ليك عمتى.......بكبرك
لكن انا ما مقتنعه
واحب ما على تعمعمنى انت
ودمت ياراقى

عمتي راوية

الصادق ما قدر يقنعك .. كان كده خلاص أمرنا لله .. بس للمعلومية أنا حسي بنات شيخ الدين ما قاعد أنادي أي واحدة فيهن (عمتي) إلا مريم .. اكبر واحدة .. تماضر مثلا ما متذكر في حياتي قلت ليها عمتي .. و رشا لمن حاولت أٌناديها "عمتو رشا" بالهزار ساي نهرتني !!

على العموم إنتي المسؤولة يا "عمتو" بعد ده .. و لسه قدامك فرصة تراجعي موقفك

لا شكر على واجب أستاذة راوية (والحمدلله انكم جمعتوا)
عزيزي قصي:
لا أظن أنه يخفى عليك أن قصي جد سيدنا النبي صلى الله عليه وسلم كان هذا لقبه وسمي قصي لتقاصيه في بلاد العرب (قضاعة ) كما يحب للبعض أن يحدد .
وعاد الى مكة فأخذ سدانة الكعبة والسقاية والرفادة بطريقة مضحكة فلقد كان ثمن كل هذا (دن من الخمر).
ولكنه على أي حال إستطاع أن يأخذ هذا الشرف الذي آل بعد مدة قصيرة الى أحفاده من بني هاشم مما جعلهم محسودين من البطون الاخرى خصوصا بني أمية ولهذا السبب بالذات _ ولغيره ـ قال ابو جهل ردا على دعوة المعصوم لهم للاسلام :
ـ ما بال بني هاشم سقوا فسقينا ، رفدوا فرفدنا ، حتى أصبحنا كفرسي رهان ... قالوا منا نبي ... والله لا ن}من به أبدا ..
فحق فيه قول سيدي بن الفارض
وعن مذهبي لم إستحبوا الضلال على الهدى
حسدا من عند أنفسهم ضلوا
حسنا يا صديقي ... اما عني فأحس بأن رحلتي التي تقاصيت فيها هي رواحي بين الافكار والتنظيمات السياسية المختلفة .. ومكتي كانت الفكرة لا شريك لها فظفرت بسقاية القلب وسدانته.
وأظنك قد فعلت ..
الا توافقني ؟؟