خربشة مهداة للحزين وتماضر ولكل من يحلم بالبورد

عالمنا عالم كثير الفضول والتلصص
لماذا لايتركونا نحلم
لماذا لايتركونا نتنفس الحرية والشوق واللهفة
أحلم بأن امسك يد حبيبتي يوماً ما 00 أن تتشابك أصابعنا
أن أهمس لها في أعماقها وبأنفاس حارة جدا
وأن أقول لها انني أحبك مدى الحياة
اقولها أمام كل العالم وبكل اللغات والتعابير
أحلم 00 أن أطاردها وتطاردني على رمال وشواطيء من الحب
أحلم بان تتعثر وأنا أطاردها لأحملها مرة أخرى
لـتـنهض وأنفض الغبار من وجنتيها
أحلم بان اسبح معها ليس على نهر من العطر
بل في بحر من الحب والرومانسية
أحلم بان أقبلها مائة مرة دون فضول الناس
ودون ان يسألوها أو يسألوني لماذا تتعانقان
أحلم بان أداعب أهدابها وأغمض لها عينيها
أحلم بان الامس شعرها المنسكب حتى الخصر
وأن أغوص في أعماقه وأن أسافر معه اينما ذهب
أحلم بان أبعثره وأنثر فيه الفوضى
واجمعه من جديد
أحلم بان اجدها دائماً فراشة
فراشة ندية وبجميع الألوان
احلم بان أجمع رحيقها وعطرها وأنوثتها وعسلها في دواة الحب
وأحلم أن تلتقي ارواحنا في كل الثواني
وأن تلتقي انفاسنا
وأن تصطدم أنفاسي مع أنفاسها لتومض في الكون رحيقاً وعطراً وأملاً
أحلم بان تهمس لي بكل كلماتها الرقيقة
وبكل عطرها المميز
أحلم بان تلامس شعري حتى تتركني أتثاءب
وأن نذهب في حلم بعيد 00
حلم خارج قارات العالم الست
أحلم أن تعاندني وان تشاكسني
وحتى أن تغضب مني
لأنها تبدو أكثر جمالاً حينما تغضب
أحلم بان تثور وأن تنفجر
لأنها بركان من العطر 00 بركان من الأمل 00 بركان من الحلم
أحلم بأن التقيها في كل الثواني وفي كل العيون التي تقابلني
أما حلمي الكبير
ان تسمح لي بأن أقرأ كل قصائدي وخواطري الجميلة عبر صفحات عينيها
وقبل هذا وذاك أن تضخ في شراييني كل أمنياتها وأغنياتها الجميلة
لأتـنفسها
ويتنفسها معي كل العالم
وكل الذين يعشقون بعمق ويحبون بعمق
تعليق بسيط
كتبت خاطرة شبيهة بهذه الخاطرة عندما كنت في أوج مراهقتي وأعتقد أنني لازلت على نفس الحالة 00 كـتبتها وعرضتها على خالي الساخر جدا وهو استاذ بالمرحلة الثانوية وشغوف بالأدب وكنت متلهفا لرأيه اكثر من تلهفي للحبيبة نفسها 00 فقال لي بعد أن اكمل قراءة النص 00 يا ود أختي إنت كنت ساكي ليك جرادة وللا شنو ؟؟؟؟
قال أتـثاءب قال !!!!!

اهلا بيك اهلا بيك عدد الحروف الرقيقه الانت خطيتها هنا


للاسف تماضر لاتستطيع الاحتفاء او التمتع بما اهديت لعطل فى جهازها
فى خلال يومين احتمال المساله دى تتحل وتقدر ترد عليك بنفسها


وما على الرسول الا البلاغ المبين

وتانى شكرا

راوية
شكراً لرفع المعنويات
أخبار رجاء شنو
يعني ماشافت الأحلام دي
كفارة طبعاً لجهاز تماضر
كنت مفتكر انو كل الأجهزة الفي امريكا دي نهائي مابتخرب
هي مش قريبة من بيل جيتس
مش أحسن تصلحو عندهم
تحياتي ليك وليها
وتحياتي لحروفك الندية

ملكة سبأ
اتمنى أن تكون أحلامي طاعمة جداً
والأهم إنها تتحقق
ماتكون مجرد سراب
الملكة الصغيروووووووونة أخبارها شنو
من يوم أكلت معانا الجداد تاني ماقامت ليها قايمة

المهندس
ناس شرطة المجتمع ديل ماشافوا ناس نزار قباني وإمرؤ القيس
بس شاطرين فينا نحن بس
قال وكنت على عجل قال

ابو حـراز وأحلامك الطاعـمة
جاياكم ...

هنا شرطة المجتمع
بالمسمي الجديد
النظام العام بالقديم
هنالك 100 قبله
نفض للوجنات
تسبيل عيون
ابوحزار يا زول
اصح

الأخ العزيز أبو حراز
الحلم حق مشروع وأسأل الله أن يحقق كل أحلامك وأحلام السامعين ، لكن من بين سطورك في إحساس غريب – وربنا يكضب الشينه – بانه هذه ليست أحلام في مجملها بقدر ما هي كوابيس ، يعني يا أب حراز عاوز تقبل ست النفر مائة مرة وبعد العوم بالسروال الطويل في قريتكم الكائنة مكان جميع الكائنات عملت ليك لبس سباحه قطعة واحدة وعاوزين تسبحوا سوا إنت وست النفر وتأخدو حمام شمس كمان في شاطئ النيل الجميل وتكون بي كده ضيعت كل الجهود المبذولة والقروش المدفوعة في الفير أند لفلي والديانا وأخواتها. أرجو أن تعمل بنصيحة خالك وأسمع كلام الببكيك ما تسمع كلام البضحكك حتى لو كان البضحكك ده أب تالوله.
أخي أب حراز صعب أن أضيف الكثير على نصيحة خالك الأديب لكنني أقول لك بحكم البينا من بورد وبوستات
إذا اغمضت عينيك ليلاً تجنب الأحلام
وتذكر انك تغمضها فقط لكي تنام

الموضوع شيق ومعبر ودائماً ما أجد المتعة وأنا أقرأ لك وأحسب أن النص عندك يمثل حالة انعكاس نفسي تصعب السيطرة عليه

حين يكون الحب كبيرا والمحبوبة قمراً لن يتحول هذا الحب لحزمة قش تأكلها النيران

الملا عمر
هذه من أجمل العبارات التي دائماً أتمنى أن اتناولها قبل فنجان القهوة أو هي قهوتي المفضلة 00 حينما يكون الحب كبيراً
الأحلام الجميلة دائماً نتمنى أن تتحقق
صدقني يااستاذي العزيز
في زيارتي الأخيرة للسودان لم أكن أحلم ليلاً
فالنوم هناك عند أهل العوض بعد الثامنة مساءاً
ومنذ النوم وحتى أن تصحو في السادسة
لايقابلك اي شيء في المنام
اضافة للهدوء الكبير في النوم
وأجمل من كل ذلك السرير الكبير
سرير بمنتهى الحريةوبلا زوجة
تتدردق كما تريد
وقد سقطت عشرات المرات منه
لكنني كنت أهتف عندما اصعد مرة أخرى
تعيش الحرية
أما خالي
فقد كان يزيد السخرية ألماً
فكل ماقابلني
كان يسألني
قبضت الجرادة وللا لسه ؟؟؟

ابو حراز الظريف أهلا بالطلة الجميلة
أنت وعلى ما أعتقد شفت ليك شوفة في إجازتك دي
صحت فيك الايام الخوالي وبقيت تفتش في دفاترك القديمة
وأيه الموضة الجديدة دي في البورد كل واحد معنون بوسته لفلان وفلانة
المهم أحكي ليك حكاية ظريفة تناسب أحلامك الجميلة
عندنا جارة ظريفة ما عاجباها العجب ولا الصيام في رجب قالت
الراجل كان زحيت منه وجعك وكان حبيته جنبك والعكس صحيح يا أبوحراز

ابوحراز اللهم اجعلو خير وحقق الاحلام
، ووسع الرؤى

بت فاطنة

أبو حراز
تحية و مودة

(أما حلمي الكبير
ان تسمح لي بأن أقرأ كل قصائدي وخواطري الجميلة عبر صفحات عينيها
وقبل هذا وذاك أن تضخ في شراييني كل أمنياتها وأغنياتها الجميلة)

الأحلام بلسم لآلام الواقع المعاش ، إنعاش للذاكرة ، و تحريك لبحيرة العشق الراكدة.
تسلم

حبيب
الحكاية كلها خربشات طبعاً
ماتشوف الفصاحة دي صاحبك اي كلام
يعني حسي لو تحقق الحلم
الواحدج يمكن يجري من هنا لحدت استراليا
نحن ياخي بنهضرب ساكت عشان نضيف نكهة ولمسة جمالية للبورد
بعدين زي ماقلت في رجال مما الواحد يشعر بأنه محبوب
يقوم يتمرد على الحبيبة
ومما يدوه شاكوش او يتجاهلوه البكاء بيكتر
بالنسبة لإهداء البوست طبعا الحزين عندو بوست جميل عن الحلم
وتماضر ردت عليهو
وانا كنت عاوز أخبيء بوستي دا وسطهم
لكن حاولت الرد بس مافتح معاي بوست الحزين
قلت اها اهديهو ليهم هنا

عشة بت فاطنة
لك التحية
واتمنى ان تتحقق احلام الجميع
خاصة اذا كانت أحلام بقدر هذه الروعة
اقرا لك كثيرا بالمناسبة ولكن يعاب عليك أن مشاركاتك قليلة جداً

ابوجهينة
تعابيرك رائعة وجميلة
بالفعل الأحلام بلسم وانعاش للذاكرة
وهي تضخ فينا دماء جديدة
لنحلم أكثر ونتوه أكثر

أبو حــراز .. ما أجمـل أن نحلم بسك الجــراد

علي الحلاوي
لكن كيف يفهم الجراد أننا نموت عشقاً فيه
بل نذوب حد الإنصهار

انت من الحلاوين وللا شنو ؟؟؟
جرادتنا دي ترا قريبة للحلاوين

قال مصطفى قرشي قال

عيناك لي لي سقيا

وحلاوة ....اللقيا

ان غابت الاصحـاب

وتركـت مفــتوناً

عاري بلا انخــاب

اتلصص السقـــيا

من فارق الاكواب

عيناك....عيناك

وليد 399
مش قلنا ليك خليها وليد 400
كل شيء ماشي زايد حتى اسعار البنزين
25% زيادة لرواتب الذين يكافحون الارهاب بالسعودية
25% زيادة المواد البترولية في السودان
خبرين في الصفحة الأولى في جريدة الشرق الأوسط
ولاتعليق
مالنا ومال السياسة
كدي نتحدث عن خاطرتك الجميلة والرائعة
والمستوحاة من العيون
أجمل مايعجبني يا استاذي في المراة عينيها
والبقية تاتي
والله واحدة قابلتها في الخرطوم وعيونها زي عيون أم سيسي
يازول بتعرف أم سيسي انت 00 ماتقول بس دي حاجة جديدة ظهرت مع العولمة
أم سيسي دي أكبر من الجرادة واصغر من الفار وعيونها حاجة مخيفة جداً
لدرجة انك بعد تقتلها برضو بتشوفها وهي بتعاين ليك
المهم 00 قلت للبت دي ماشاء الله عيونك روعة
تصدق اصرت الا تشتري لي هامبرقر وبارد


ابونور
اتمنى تقرأ البوست
انا ماقلت اي شيء غير انك أكلت الجدادة الختاها لي المهندس في الصحن
وأكلت برضو طبق بلقيس
وقعدت قبالتي مباشرة
وجاء الحبيب وراي
وبقيتوا لي زي الجلابية الأنصارية
اخبارك شنو بالله وأخبار نوووووووور
جد سعدت باللقاء بك وسعدت بمشاكستك
لكن أوعا تاني تقول لي يا اب جضووووووم

ابوحراز

ازيك وواحشنا شديد

قالو جننتني جن في بوستيك عن الخرطوم

لكن برضو ربنا يحقق احلامك..

ابونور

Dear Abu 7araz, my freind

dedicating this beautiful piece to me, humble me, is truely appreciated.

just give me a second chance to get back to you from my PC and from home,, it is still in the Intensive Care, about to die. pray with me it will come back soon and I write to you comfortably.

Thanks Rawia for bringing the news in my behalf.

thanks a lot abu 7araz

أحلم بأن امسك يد حبيبتي يوماً ما 00 أن تتشابك أصابعنا
أن أهمس لها في أعماقها وبأنفاس حارة جدا
وأن أقول لها انني أحبك مدى الحياة

تفاحة البورد ابوحراز
تاني انت يا حبيب
سلامي وكثيف احترامي والشوق بحر مش زي بتاع بنطون رفاعة كلو مرة شايل حسنا بيهو بالحمار العفصك والنسوان الكتار بل بحر بطول بحر المحبة والمودة التي امتدت شهورا وانت بين عيون ورموش ست النفر
مالك ومال الحزن ياخي انت دائما طربان وفرحان وخاتي الرحمان في قلبك اما ناس اخوك ديك ديل هم شايلين الهم والغم وما بتبسموا ولا يضحكوا الا لمن يقروا ليك او يشوفو صورتك الخايف عليها دي
حبي وعظيم احترامي
عجبني الكلام النسخت منك فوق دا وعشان كده رميتو ليك

تماضر شكراً على المشاركة 00 تألمت لما حمله ردك من عبارات حزينة اتمنى الشفاء العاجل سنصلي من أجل الشفاء واتمنى أن تعود الابتسامة مرة أخرى
ابراهيم علي
بس ما عجبك الا تشابك الأصابع دا
طبعاً البوست دا كان بيحوي آمال وأحلام رائعة جداً
ولكن حذفت الكثير منه
حتى لانجعل البعض منكم يترنح عندما يقراه
وقد قراه أحد الأصدقاء معي هنا
قرأ النص كاملاً
وعندما أراد الخروج لم يعرف مكان الباب
وقال لي : الحمد لله انني لم اقرأه في رمضان !!
طالما أن الأحلام مجان وليس عليها ضرائب أو بطاقة خدمة الزامية
فلماذا لانحلم ياسيدي ؟؟
قال بنطون رفاعة قال

ابو حراز الهيمان منذ عودته من السودان

حلمك دا ما بحققه الا مازون شرعى كارب يعقد ليك
جرادتك الطايرة دى فى رقبتك
اها بعد داك بتدعو ليهو بالخير لايام تقصر او تزيد
و بعد كده الله يحفظه من دعواتك عليهو
شكلك عارف ان الحلم اجمل من لحقيقة و ما عاوز تعمل
النقلة التاريخية البكون بيها نهاية الحلم الجميل


كل عازب و ان طالت عزوبته يوما الى مأذون مقيود
اركز للحاصل ليك و للراجيك

نصار
تعرف كمان عندنا مأذون حاجة صعبة جداً
دا تقول مابعقد ليك
بس مهمتو يحوّط العروس ويحوطك إنت
يعني اي زول عقد ليهو مافكر نهائي يطلق المدام
عشان كدا الواحدة مما يقولوا ليها الماذون حاج قسم السيد
ماتنوم من الفرح لحد الصباح
جد يعني اي واحد عقد ليهو تاني مارفع راسو لي فووووووق
المشكلة والطامة الكبرى هو قريب ست النفر
لكن بيني وبينك أنا منتظروا يتلحس

عثمان العزيز..

كييف ما شفتا الأحلام دي..؟



بجيك بأحلام جميلة تانية..

إنتي كنتي وين يارجاء
الحلم الطاعم دا فاتك
ما تجي الا بعد مانقبض الجرادة
راوية كلمتك
سألت عنك في بداية البوست
شكراً ياظريفة على المشاركة الجميلة

يا ابو حراز زولتك دي جسدت معنى كلمات القصيدة تماماً

بقولها وحليفتها واصراراها على البارد

لذلك قال الشاعر اتلصص السقيا من فارق الاكواب

اي من تلك العيون الفارقه " اقصد أم سيسي بتاعتك دي بقت ليك سبب في عزومة برجر وبارد كمان "

فهذه هي السقيا اللهم اسقنا ماء زمزم وانهار النعيم قول آمين



أخوك وليد