ســـــــارة كبســــور

يوم من الايام جات واحدة اسمها ساره كبسور حوش ناس حاج ابراهيم
و كان ذلك بناء علي زواج ابن الحاج ابراهيم الصغير منها ,, اها من اليوم داك و بيت حاج ابراهيم المليان فرح و انس و هظار و نقاشات
اتقلب لي بركان يغلي انتي يا سارة لا تخلي الكبير لا الصغير وقعتي في الناس فتن و مشاكل
كل يوم تصحي اول واحدة و تقعد في محل الونسة و تتفاصح .. تعالو نحل مشكلة الجنس .. مشكلة البايرات ( عاد هي ما عرست) ,, و سارة كبسور عندها حوصة صغيرونة لا تري بالعين المجردة لكن لمن تركز بتبقي ظااااااااااهرة اها لمت ليك في الخلق معيط
ومن اليوم داك بيت عم ابراهيم بقت فيهو مشاكل كتيييييييييرة و عم ابراهيم زاتو اتشل و جاتو جلطة من عمايل سارة و الاخوان حردو الديوان
للقصة بقية

يا جماعة الخير وروني اكتب بالبونط العريض او بالالوان كيف ؟

Quote: و جاتو جلطة

جاتو جلطة و لا جوطة يا جوطة

نرحب بالاخت جوطة بعد بيات شتوي الذي ما يقرب من السنتين ... و ين يا جوطة من يونيو 2002؛ ختفاءات عندك و الله

مرحب بيكي و نتمنى ان يطيب لك المقام بيننا

شكرا يا ملاسي و بالمناسبة انا معجبة جدا بكتاباتك
و الغياب لانو البورد انت عارفو !!

جوطه الواحد بره البورد ده بعرف ليهو كم ساره الواحد بتفائل بهم
لكن السارات البنلقاهن فى البورد ده اسكتى بس واحسن تشوفى موضوع الكتابه بالبونط العريض ده عشان الزول شويه اقدر اتفشى فى الكتابه
نزلت اهلا وحللتى سهلا يا جوطه

اها قوي يا كبسور احردي الديوان و وصلي ليك تلفون في البيت و اقعدي فيهو اليوم كلو هاك يا شمارات و هاك يا قطايع في الخلق و فرتقة للاخوان و يسالني الله العيون كل ما الشمار يكتر و يسخن كل ما التركيز يقل العوينات يتقلبن و الجضوم يتنفخن و الحلة تبقبق و هاهاااااي دي ما تديك الدرب و مكاواتا كمان شترا من نوع الفي بطنو something براهو bedansing و الحلة لسة بتبقبق
و هاك يا ضحالة و مواضيع هايفة من نوع بنية الوعي التناسلي و هلم جرررررررا المشكلة المعذباني انا حركة العوينات طرديا مع ارتفاع منسوب القطيعة في التلفونات و شغل النت ويرك والحلة المسكينة لسة بتبقبق
اها يوم لمت ليك فيها بعوضة من النوع الصعب داك جننتا ليك جن محل ما تمشي تلحقها ليك قام راجلها اشتري ليها بف باف و قال لازم يسهر علي راحه عيون سارة ( نفس العيون الانا مشغول بيهن )
لاقيت البعوضة مرة حايمة في البورد و ساره كبسور كانت مافي و سالتها اها يا اختي الشمار شنو
قالت لي والله ما بخليها والله ما بخليها
يااختي البنية دي عاملة عيونها الشمال ديل ما دايرة تخلي لي زول جنبة مرة الغنوسة و مرة اصلاح الاراضي البور و اخرها كمان متارس الفرطوق
جايبا ليها واحد نسأل الله السلامة عندو قالو (لوري بتاع طين ) محل مايقبل يكبو في الشوارع لمن وسخ الشوارع كلها قامو طردوهو من البلد
اها نحن نبقي في جنس ده ,, و كلو من ام عوينات كبسور السجم دي
والله ما بخليها والله ما بخليها
والله ما بخليها والله ما بخليها

جــوطــة وصــدوح

البـورد دا ما ناقص جــوطــة من فضلكـم..
المطاعنات هـذه عملت مشــاكل.. وسـقطت حكومتين.. والتالتـة إستـقالت.

مثل هـذه المطاعنات أنا عارضتهـا من قبل، وأرى انها تعـود مـرة أخـرى بوجهـهــا الكليـح.
من فضلكـم ارحمـوا الناس، وارحمـوا البـورد، وأتركـوا هـذا الصغــار (بفتـح الصــاد)

شكرا يا خالة دومة علي البونط .. انا دابي بقيت زي اخواتي و اخواني ديل .. الله يعيننا علي عمل الخير و يعينك
شانتير سلمت علي الطلة و بالمناسبة انت فهمت صاح .. دة كلو خيال
لانو العبث واحد من المدارس الفنية المهمة .. فاهمني !!!!!!!
ابو الريش اخوي مطاعنات شنو ؟؟
اعرف عنك انك من انصار القصة القصيرة لكن ماكنت قايلاك ضد القصة الطويلة!!


صــــــغار؟؟؟؟
صــــــغار في ستين داهيه
لوووووووووووووووول

للكتابه بالبنط العريض اكتبي الكود دا اولا ز ملحوظه شيلي النجمه بره لما تكتبي
<*font size=5 color=blue*>

دي مش قصة خيالية زي ما أنا افتكرت؟. ياخواننا في حاجات تِحِت تِحِت الظاهر نحن ما عارفنها. ورونا ليها عشان نرسى لينا على بر.

أها ده الإيميل حقي:
[email protected]

انت يا جوطه جيتى من وين و كنت وين؟اصلو احنا جداد هنا(بضم الجيم)
شايفك جايه مسخنه
و الاسم ده سره شنو؟
مع تحياتي
النصرى

اهاالنتم ليكم القصة
بعد ما ودعت البعوضة رجعت البيت لقيت ليك الهرجي ,, اخوالبنات
اخو البنيات لي حدهن قال لازم المهزلة دي تنتهي لحدي هنا و كل زول يعرف قدرو ,, وحاتكم قامت عليهو الحويصة دي شهتو العافية قالت لي مرتو انو كان عندو علاقة بي بت ناس عثمان و قرب يعرسها لكن ابوهو حماهو و عرسك ليهو عشان انتي بت عمو و جابت ليها صورو مع بت عثمان
و مشت ضربت روحها كف و قالت لي حاج ابراهيم ولدك ضربني شلوت
اها حاج ابراهيم بقي من مايشوفها ماشة عليهو يقعد يبكي و يقول انا ماكنت عارف دة كلو بحصل ,, انا كان عارف ماكان دخلتها حوشي دة
و الوليدات بقو يضحكو في ابوهم الكل يوم يبكي و يتجرس عشان كمان صلاح و وائل و عصام اولادو قالو ليهو لازم تكون ديمقراطي و تقبل بي كل الناس ,, و المسكين صدق كلام وليداتو و مشي الانتخابات و صوت للغزالة اها الليلة الوليدات بقو ليهو في حلقو ما في طريقة يتخارج بيها من المصيبة دي لانو كمان كبسور عندها مشكلة كبيرة بتلقم ليك الشكلة ولا الشتيمة في خشيمك و تلقي روحك لا ايدك لا كراعك متهمه
كل ما حاج ابراهيم يقول ليها يا بتي عليك الله ,, قبل ما يتم كلامو تبهتو ليك في محلة
يعني انت قصدك شنو عشان انا ما من صلبك بتطاعنني وبتريد بناتك اكتر مني و ما بتريد نسوان اولادك
نواصل

جوطه اندر كفر






حكمة اليوم:
البوردابي إن افلس فتش نِكاتو القديمه

ازيكم ياالحبائب وكيفنكم لي زمان ماشفتكم ووالله الشوق بحر ،
تحدث باسهاب في مايلي
سؤال برئ .. كيف نحل مشكلة الغنوسة في السودان ؟؟؟؟؟
مدارس الفرطوط ومثلث الشيطان ( برمودا) !!!!
الرجال المنشاطات !!!!!!
طريقة الثعلب فات وعنده سبعة لفات.
اتحب ايها القرد المخاطرة ؟؟ اذن اذهب مع زوجتك للتسوق****
تابع للصفات التي يحبها القرد في القرنتية ٭٭٭
ابشر يابكري فقد تفوقت علي شعبي ...
تعدد الزوجات وظاهرة الزواج الحرفي في السودان..
ختان البنات هل هو جريمة في حلق البنت ؟؟ ام حضانة لها....؟؟؟
مطلوب 4 عرسان رجال اولاد رجال و ماعندهم موضوع...
ظاهرة سارة كبسور ،، ضل راجل ولا ضل حيطة
يابنات السودان سيبن النفخة الكذابة واقبلن بالشباب من العزابة ..... والبتابا اريتا بالتابا
تمنيت ان اكون احدي زوجات الحاج متولي..... نعمةالله مثلا
مقلقة وعندي اطفال فهل اجد رجلا يقبلني زوجة ؟؟؟
لحل مشكلة العنوسة ..ابحث لزوجي عن كديسة...



احبكم جميعا وافتقدتكم جميعا وحتي من لم يذكروني اذكرهم انا ولهم في قلبي مساحة
تسع السودان المليون ميل مربع بكل شعبه وناسه وافراده ولي قدام.
الامضاء سارة كبسور

لو لاحظتي البوست الجديد بتاعي ياجوطه
اقول لك ان الاستهداف الشخصي ايا كان
فهو يسهم في هدم هذا البورد
لذا فنحن نرفضه مبدئيا
نريد لهذا البورد ان يكون موقعا نظيفا
معاركه نظيفه فكريا وسياسيا واجتماعيا
وهذا مجرد راي

استاذنا الجليل يوسف الموصلي قرات موضوعك بتمعن و اعجبت بة كسابق مواضيعك دائما لكن صدقني هذا ما تعطينية الديمقراطية طالما لم اسب احدا ولم ابهت احدا .
انا قاصة اكتب القصص و اهتم بالسياسة كثيرا و الادب .
اوعدك ان عاد البورد لما فيهة خيرنا عدت انا مثلي مثل شقيقاتي للمساهمة في المثاقفة و ان استمر بما هو علية من تكتلات و كيمان فساقف وحدي وانتقد كل من يخطئ .
اشكرك علي الاهتمام و دمت زخرا لوطني

كتب الا ستاذ موصلي
اقول لك ان الاستهداف الشخصي ايا كان
فهو يسهم في هدم هذا البورد
لذا فنحن نرفضه مبدئيا
نريد لهذا البورد ان يكون موقعا نظيفا
معاركه نظيفه فكريا وسياسيا واجتماعيا
أتفق مع طرح الاستاذ موصلي وأعتقد أن المطلوب هو
النأي عن الشخصنة والتجريح فعلا كان أو رد فعل
كمال

الاخوان كمال والموصلي المحترمين
البورد ينظف ويتطور كيف اذا كان كلما تتخرج دفعة بعد تجارب مريرة يجوا برالمة مستجدين محتاجين يعيدوا ليهم الدروس من جديد !! ــ


متي يبلغ البنيان يومآ تمامه ... اذا كنت تبنيه وغيرك يهدم !!!

الأخ / منير لك الود
يا عزيزى لقد انزلت بوست يتحدث عن الحياد والضمير الغائب والتهجم على الأعضاء الجدد ، ارجو الرجوع اليه ان احببت ، وهذا القول الذى يرمى جزافا فيه الكثير من التجريح للأسف وعدم الوعى ، وهو احد آفات مجتمعنا السودانى الذى يعطى ميزه وفضيله للقديم.
اسألك سؤالا مباشرا ، اذا أصبحت ووجدت ان الطيب صالح بجلالة قدره ، قد دخل البورد كعضو جديد ، هل نعد شخصك الكريم افضل منه لأنك (هيثم مصطفى) بتاع هذا البورد، اذا الناس المثقفين لم يتعلموا ان يكونوا محددين فى أختيار عباراتهم فعلى السودان السلام.

يا جوطة
جاية تجوطيها وتشعليليها ولا شنو؟
وعلى العموم أنا مع أ. موصلي

Quote: ان الاستهداف الشخصي ايا كان فهو يسهم في هدم هذا البورد لذا فنحن نرفضه مبدئيا نريد لهذا البورد ان يكون موقعا نظيفا معاركه نظيفه فكريا وسياسيا واجتماعيا

ياجماعه الخير انا ما استهدفت زول انا بكتب في قصه بس طويلة شوية
و اتحداكم لو البكتبو دة مطابق اكرر مطابق لي كلام زول تاني او مقصود بيهو زول تاني
بعدين مش في واحد بجيبوهو في كوميديا كدا في التلفزيون بمثل دور زول لايوق و عكليتة كدة اسمو كبسور !!

اها دي اختو الصغيرة الانا بكتب عنها دي

و اتحداكم لو البكتبو دة مطابق اكرر مطابق لي كلام زول تاني او مقصود بيهو زول تاني

لماذا تكررين "مطابق" فلقـد أوقفت ســارة منصــور من الكتابـة، لنشــر كلام أبعـد تطابقـا من كلامك شبــه المباشــر هــذا.

البـورد مستهــدف مثلمـا قال الأخ خالـد الحاج.. وسينهــار قريبـا إذا لم تكن هناك إجـراءات حاسمــة..
ولكن يقينى أن بكـرى واع تماما لما يحـدث، ومتابـع الأمــور من جـوانب كثيـرة لا نراهـا كلهـا نحن!!

يا ابوالريش ركز
عليك الله مافي وكت لي مثاليتك دي
شوف الخلوق دي بتكتب في شنو
و حدد موقفك
انا لو منك اقاطع البوستات الاناشايف انها مامفيدة
مش كل شوية شايل ليك سيف وراكب ليك حصان اعرج و جاي تهدد
كتاباتك بتقول انك اكبر من كدة فياخي فات الاوان علي البتسوي فيهو دة
انا من زمان ما كتبت لانو كنت بلقي ناس بكتبو بي لساني ( يعني انا متفق معاهم )اذن مافي داعي نكرر بعض
انت برضو لو عندك حل قولو لكن ماتتكلم لي عن السلام العالمي و ياسر عرفات و حقوق الانسان
دة كلام نظري اثبتو واقع البورد في الشهر الفات كلكم جعجعتو و لم ار طحينا
تقدر تقول انو في فلان بهدد البورد ؟؟تحددو بالاسم
ما حتقدر ,, طيب اسكت و ماتتكلم عن الاستهداف تاني
اسة بعد ما بكري فصل كم زول كدة بديتو تتكلمو عن العودة بالبورد الي سيرتة الاولي و ماالية من مكرر الحديث .
اقول ليك سر
انت و كل الخيرين في البورد اسة محتاجيين لي و لي صراحتي دي
و الدليل الماسينجرات الوصلتني دي كلها ,, كلكم محتاجيين لي جوطة لانها بتعبر عن الغضب الجواكم ضد الكلام الفارغ البملا البورد
لك شكري وان عدت ,, عدت انا

جــوطــة،
شكــرا على حسـابك لى مـع الخيـرين.. الله يجعلنى فى زمـرتهــم..

أولا، نغمــة كلامك دى ما غـريبـة على أضـانى، زى السمعتهـا أوفلاين

تانيتـا، البقول لينا اسـكت دا امو ما ولدتـو لســه..


بعـدين، باقى لى حـأسيب البـورد دا زاتـو لو استمــر جايـط كـدا.. وحكايـة سيب البوست دى كان ممكن تكون رأى معقـول، لو الجـوطــة اتحصـرت فى داخل البوست، لكن العناوين البـرة، الما عنـدنا خيار غيـر نقـراهـا دى، إذا جاطت برضـو، فما فى طـريقـة تانى لطنيشــا.

سـؤال بـرئ تانى:
انا من زمان ما كتبت لانو كنت بلقي ناس بكتبو بي لساني ( يعني انا متفق معاهم )

هل هـذه غلطـة مطبعيــة أم مقصــودة؟ (...انا متفق معاهـم)

لا لا يا ابو الريش ياود امي
متفق معاهم يعني انا شايفه انو الناس ديل كتبو الانا كنت ممكن اكتبو لو في محلهم اذن مافي داعي اكتب رايئ لانو فلان الانا متفق معاهو فكريا دة كتب رايو و انا ما من انصار شوفوني انا خطيرة كيف
يعني لو عاوزة ارد علي موضوع و لقيتك انت كتبت الرد الاناعاوزة اقولو مافي داعي اكتبو انا خلاص رائ وصل و لذلك ما حا اكتب
شكرا يا سيدي لطولة بالك و سعه صدرك لحديثي و غضبي

Quote: هل هـذه غلطـة مطبعيــة أم مقصــودة؟ (...انا متفق معاهـم)

اختنا الفاضلة جوطة

تحياتي

تعرفي يا جوطة اخونا ابو الريش قاصد انك راجل ولد رجال مس انسة زي ما بتدعي

يعني لو كنتي انسة كنتي كتبتي متفقة معاهم بدل متفق معاهم .... صاح

عشان كدا هو بيسال انو دي غلطة مطبعية و لا دقسة ساكت

هذا ما كان من امر اخونا ابو الريش

اما ما كان من شاني انا فانا اشكرك على اعجابك بما اكتب و من اليوم و صاعدا ساتابع كل ما تكتبي

بانتباه شديد و تقبلي تقديري الشديد

ملاسي هل بقي دة جوهر الموضوع اسة ؟؟؟
فعلا البورد عينك في الفيل .. اسة كل الفهمتوهو من كلامي انت و ابوالريش انو انا راجل ولا انسة .. قول راجل هل دة عندو علاقة بالموضوع المطروح .. طيب قول انسةبرضو السؤال قائم
و بعدين سؤالك دة عندو مؤشرات تانية اتمني انكم ماتكونوا بتقصدوها عندها علاقة بالجندر ومادايرين نفتح الباب دة

هو شنو جوهر الموضوع يا ست جوطة ...

و ما بقول راجل و لا حاجة ما دام انتي طارحة نفسك انسة انا اقول راجل ليه

دا برضو كلام يا جوطة ... يازولة انتي غردي زي ما دايرا و قشة ما تعتر ليكي

و فعلا مافي داعي تفتحي الباب القلتي عليهو كفاية الباب الانتي فاتحاهو دا




و تقبلي تقديري

صدق القائل البورداب ازكياء

المدعو "جوطه" ارجو ان لا تسكت ومارس حريتك . لكن لماذا ساره ولماذا الان .وسوف اتيك لاحقا ..

الأخ حسين ملاسـى، واللى زى بعضـو جــوطــة..

حسين محق تماما فى تفسيــر قصـدى، الذى لولا إثارتـه لـه لما رردت الان..
بعدين يا جــوطـة، "الرجل" لا تقابلـه "أنســة"، وإنما أمـرأة..

على أى حال، جوطــة تواصـل فى الجـوطـة:
فقـط انظـر الى الرد ادناه:
"يعني انا شايفه"
"فلان الانا متفق معاهو فكريا"
" انا ما من انصار شوفوني"
"انا خطيرة"
" لو عاوزة ارد علي موضوع "



لا لا يا ابو الريش ياود امي
متفق معاهم يعني انا شايفه انو الناس ديل كتبو الانا كنت ممكن اكتبو لو في محلهم اذن مافي داعي اكتب رايئ لانو فلان الانا متفق معاهو فكريا دة كتب رايو و انا ما من انصار شوفوني انا خطيرة كيف
يعني لو عاوزة ارد علي موضوع و لقيتك انت كتبت الرد الاناعاوزة اقولو مافي داعي اكتبو انا خلاص رائ وصل و لذلك ما حا اكتب
شكرا يا سيدي لطولة بالك و سعه صدرك لحديثي و غضبي

اها وحات امي و وحات السودان الانا بريدو الجووووووه و جداني
و تاني بريدومشيت لي قسم البوليس و قلت ليهم انا وديت ولدي لي مدارس الفرطوق و مدارس الفرطوق دي من احسن 3 مدارس في السودان هي
و مدارس برمودا
و مدارس الاعتصاب بتاع الشعب
لكن ولدي دة كل ما يمشي المدرسه يلاقيهو ود محمود الاهبل داك يدقو دق العيش و ولدي يبكي في جنس بكا و يحلف تاني ما يمشي المدرسة اها قام ولدي اشتكي ود محمود لي استاذ المحفوظات و استاذ المحفوظات بقي كل يوم يسمع لي ولدي
كل يوم يسمع
كل يوم يسمع
و ولدي المسكين بعيد عنكم عندو شوية بلاده مابحفظ و ما بعرف يحفظ انا بتك يا كبسور ولدي يتدقا كل يوم؟و في شنو في المحفوظات ؟

اها قومي انتي يا كبسور اتصلي بي ,,,, و قولي ليها انا دايراك صديقه و صاحبه عشان ,,,,, و عشان الاعداء ,,,, وعشان انا زوله مميزه و بحب الخير للكل و .... بلا بلا بلا .. ساره كبسور اتاريها شغاله تلفونات ,,, و بلا بلا بلا




تمو انتو الباقي
و حكمتو بااااااااااااااالغه

الأخوة المداخلون
السلام عليكم ورجمة الله تعالي وبركاته
أتفق تماما مع ما جاء به الأخ الموصلي
جملة وتفصيلا
وأضيف للكاتب
الغلط ما بعالجوهو بالغلط
أنا أفترض في الكاتب حسن النية ولو أنه سلك طريقا غير
نرجو أن تحاول مع الأخوة الخيرين ءانقاذ البورد من الأستهداف
أكرر
أفترض فيك حسن النية
أرجو الا تخيب ظني فيك
ودمتم