تجربة فديو كليب.... سامي المغربي وعمر رجب وايهاب

حبيب الكل
انا أتطلعت علي التجربة دي مصادفة في الاسبوع الماضي
لكن مع انها فيها روح التجديد ونزعة المواكبة
لكن تقنياً بنقصها الكتير وغير كدة في زي أختزال
لي امكانيات غير موجودة أصلاً من الناحية الفنية
والمادية مع انو البيئة بتشكل حجر الزاوية في عمل
بالحجم دة لكن عندنا عقدة اسمها التمسك بي بنطلون
الحضارة والتملّص من جلابية التراث والقيم البيئية
العظيمة والمتناهية في الروعة يعني ممكن نحن نطلع
زي ما طلع عبد القادر سالم وعمر احساس للهواء الطلق
ونستفيد من فارق الخبرة والامكانات وحاجات كتيرة تانية
وفي النهاية بنطلع بي عمل متفرد ويشرفنا وما تكون
اعمالنا زي مشاركات فرقنا القومية من سنة مافي للاحتكاك
فقط ولي قدام وانا غايتوا العمل دة ما عجبني خالص
وفي المرةالجاية بحاول استعرض معاك العيوب الفنية
حسب رؤية متلقي عادي لكن جواهو حاسة خبيرة ما رؤية
مدربة ودارسة وخبيرة وشكرا كتير علي البوست الرائع

الرائع حبيب نورة
اتفق معك تمام في ان هذه التجربه ينقصها الكثير وعلي ما اعتقد انها ليس بعمل فني متكامل وانما تجربة لبعض الشباب الهواي
وليس المحترف وبالتالي في راي يمكن الحكم عليه بانها اقل بكثير من ان تكون عمل مدروس
ولك خالص حبي