اتحاد للعزابة (مشروع مقترح) لرد العدوان عن الحلفاء ...

الاخوة الاعزاء ،،
متطلبات المرحلة الحالية تفرض علينا نحن معشر العزابة ان نشكل جسم ذو سياده و اعتبار تحسبا للهجمات المتوقعة هذه الايام (إنما يأكل الذئب من الغنم القاصية) ...
و ايدلوجية فكر ( الوحده) يحتم علينا ان نستبسل دفاعا عن حلفائنا ( الشقائق) فوحدة المصير هو شعار المرحلة.
ويا ناس ابقوته والزنجي والشريف الاماكن محدوده ..
معا نحو وحده عزابية ،،

يا عزابة العالم اتحدوا

اضم صوتى اليك ايها الرفيق الحنون

وحا اجيب الرعايا معاى !!!!!!!!!!!

نحنا معرسين يا شلبي لكن برضو بنتحد معاكم

رايك شنو

abas wrote:

Quote: نحنا معرسين يا شلبي لكن برضو بنتحد معاكم رايك شنو

شــايف .. أهو المندسين جوكم ... أنا برضو مندس و كمان حليف قديم

الزمالة الاعزاء في اتحادنا

فالنجعل شعارنا

Quote: عزابي مرتاح ولا متزوج مجهج

يا شلبى طبعا انا متزوج يمكن اللوائح التنظيمية تمنع دخولى
لكن انا عاوزمنصب خفيف كدا يعنى بس راعى ما راعى مواشى راعى الاتحاد

وخاصة انا عندى صلات طيبة مع الشقائق فى الطرف الاخر

وشعارى فى المرحلة القادمة هو

يا بخت من وفق راسين فى الحلال

الاعزاء الغاليين (معشر العزابة)،،
تحية الوحدة والنضال المشترك ،،
شايف اليومين دي الشغلانة جابت ليها(حملة)ضد (العزوبية) بأنواعها المختلفه رأيكم شنو نعمل دعوه لتحالف عريض مع اخواتنا( شقائق الرجال) لمواجهة الحملة الشرسة.
رايكم شنو في عرس جماعي علي قولة الكيزان (درء المفسده) وبرضو(زيتنا في بيتنا)..
الغالي عباس نحن قلنا عزابة (اها بدين شغل غواصات) في الاتحاد،، على كل مافي مانع انت ومحمد سيداحمد (استشاريين) و الخبره برضو مهمه ..
الغالي الزنجي ،، ما نحن في الهواء سوا و(الرعايا) برضو مع الحلفاء والله يكتر (رعاياك)..
وما احلي شعار الغالي شريف (عزابي مرتاح ولا متزوج مجهجه)
ودمتم عزابة أحرار..

[email protected] MSN Home | My MSN | Hotmail | People and Chat | Money | People & Chat
Web Search:






صرخه نادي العزابه عبد العا ل السيد
[email protected]
حينما بدأت اكتب هذا العمود على جهاز الحاسوب كنت احاول في مكر بالغ اخفاء سطوره عن زوجتي نظرا لأن ــ محسوبكم العبد لله ـــ صفّق وهتف واعلن عن تضامنه من اعماق قلبه مع اصحابنا ــ العزابه ــ متعهم الله بالصحه والعافيه وزادهم عزيمة واصرار على تحدى ظروف الحياه والابتعاد عن شراك النساء غير ان المدام تمكنت من اجتياز الحواجز الحديديه واطلعت على العمود وبدلا من ان تعلن الثبور وعظائم الامور وترفع الراية الحمراء ضد صاحبكم المسكين وتجعل ايامه اشبه ما يكون بقرن الخرّوب اعلنت بالفم __المليان __ وبطريقة حضاريه تندر لدي ــ النسوان ــ انها كانت تتمنى ان اعيش طيلة عمري عازبا لان ارتباطي بها سبب لها الهم والنكد واذكر في ستينيات القرن الماضي ان الفنان الراحل النعام آدم كانت له اغنية مطلعها ــ العازب حياتو عذاب حقيقه بقولها ــــ واعتقد جازما ان شاعر هذه الاغنيه ان كان حيا يرزق فسوف تكون نظرته قد تغيرت بزاوية منفرجه تجاه مؤسسة الزواج وربما كتب نصا يلعن فيه سنسفيل الزواج والمتزوجين ويعيد لحياة العزوبيه اعتبارها وصدقوني لو كان الامر بيدي لكنت قد انشأت ناديا للعزابه من فئة خمسه نجوم على ان تكتب لافتة كبيرة على بوابته ممنوع دخول النساء حتى وان كانت الواحده ــ كركوبه ــ مثل السيارات موديل 1940
وحكاية نادي العزابه هذا يذكرني بنادي العزاب في الهند والذي نال شهرة عريضه بعد ان اعلن رئيس الوزراء الهندي اتال بيهاري فاجباي عن انضمامه للنادي بمدينة كلكتا وعلى ذمة ديباسش جوتام مؤسس النادي فان رئيس الوزراء كان في البدايه قد طلب بعض التفاصيل عن النادي وبعدها لم يتردد في الانضمام لهذه المؤسسة التي تعني بشؤون اصحابنا العزابة الهنود وشروط الانضمام الى نادي ـــ موكتا بيهاجيا ـــ وتعني الطائر الطليق باحدى اللهجات الهنديه ان يكون العضو غير متزوجا ولم تقتصر طموحات مؤسس نادي العزاب الهندي الى هذا الحد فحسب بل هو يخطط لانشاء مدينة عصريه للعزاب تضم عدد من المرافق الصناعيه لتوفير فرص العمل للمضربين عن الزواج
ويبدو ان تكاليف الزواج حول العالم ونكد النساء هو الذي يجعل الرجال يطلقون سيقانهم للريح هربا من الزواج وفي بريطانيا اظهر استطلاع اجرته مجلة الزواج والبيت البريطانيه ان تكاليف الدخول للقفص الحديدي في انجلترا تضاعفت خلال السنوات الماضيه حيث بلغت في المتوسط 11147 جنيه استرليني ورقه تنطح ورقه وهو ضعف متوسط تكاليف الزواج في العام 1989 اما لدينا في السودان فان المسألة ــ متنيّلة بستين نيله ــ حيث كثرت الزيجات العرفيه وعمليات هروب الشباب من مسؤوليات البيت والزوجه والعيال
ما علينا ــ يا ساده ــ المهم ان خبراء التغذيه والغدد الصماء يرون ان هناك ارتباطا وثيقا بين ازدياد الشحم واللحم في جسم الانسان والزواج ــــ وابلغني الصديق الشاعر عزمي احمد خليل والذي التقيته قبل عدة سنوات ان مساويء الزواج كثيره واولها يتمثل في اكتناز جسم الانسان بالشحم واللحم واذكر ان صاحبنا عزمي سألني في تلك الامسية العامرة بالشعر والصفاء عن الوصفة السحرية التي لا زلت احافظ بها على رشاقتي مثل كلب الصيد ــ اعزكم الله ــــ ولكنني رفضت منحه تلك الوصفه لانها من خصوصيات المضربين عن الزواج " وسجم سجم يالعزابه بس تعيشو وهم يالعزابه " وسامحووووووووني
موال
اغنيه جديده لمحمود عبد العزيز من الحان هيثم عباس
مرات تثور تزعل كتير
مرات تكون همسه وعبير
من كلمه بالافراح تطير
وهواك يمين يا سيدي
اقسى معادله

شلبى العذابى...
سيارته عنابى....
طالع الروابى...
وكمان مريخابى...

يابوى عاج تابى...
جنو الشجر كابى...
الليلة انا مغترب دابى...
والخضار مرق لعذابى...

ياسمؤال ...كيفك ياخوى
تعرف الفرقة بينى وبين الناس المتزوجين بقت ضيقة خلاص
لكن ما فى ضمان اتوحد معاهم...لانهم لو ادونى منصب بكون tea boy
لكن معاكم لو ما متولى وبنات العباسى بكون رئيس وزراء عديل كدا
اما رئاسة الفرقة متروكة لبت الحسين اصلها مغرمة بالرئاسة عشان تحقق العدل والمساواة...
اما سجيمان بركة الما كان معانا....بس اهل العوض لازم تدوه المالية عشان نقدر نطلع منه حق الشيلة...

الاستاذه لنا،،
تحية وود،،
ما اروع هذه الاسطر ،وما اجمل لحظات صفاء العزابة وهم يتمردون على عالم الزوجية،،
وانا اقول العزوبية الماعايزه تفكنانحن خريجين الهند دي قصتها شنو؟ تراهم اهلنا الهنود عملوها فينا ،،وما كضب احمد أبقوتة يوم كفر بلعنة الهنود..

وتسلمي،

يا عزابة الهند
نعيبون هندكم و العيب فيكم
وما لهندكم عيب سوى عزوبيتكم
بالله يا شلبى و ابوقوتة الهند ما السبب وعندنا ادلة كتيرة
طبعا انا الخبرات دى لانو عندى فى البيت ثنائى بنقلور& مادورى
آمنتوا؟؟؟

الاخت لنا مهدى
مرحب بيك فى عالم العذابة
طبعا العذابة مشورين بالطبيخ
كنا زمان لما نجى نعمل لقمة رمضان
بنعجن الدقيق بالزبادى..وتطلع كسرة انما ايه
لما حيرت عذابيات الهند وقالن اكيد انتو عنكم خمارة...
امس كنت افف طبخت للشباب رجلة والله لسع طعمها معاى
مع انو متغدى بالطازج فى المكتب..والطازج دا دجاج بروستت
بس ما بلحق البك حق جدة ولا كمان الافندى بتاع غبيرا
لكن الرجلة لسع طاغية عليه..
ولك ودى
ولقدام

العزيز شلبى

لك اجمل التحايا يا مؤسس نقابة العزابة..

والتحية لى عزابةالبورد عامةو عزابة الهندخاصة ..

معا من اجل واقع عزابى افضل

و فلكن اتحاد العزابة

واسرع يا شلبى واضع لينا الدستور

ولك اجزل النحايا العزابية من شبة القارة الهندية

وليد ياسين -حيدراباد

الاستاذه لنا،،
الرائع أبقوته،،
العزيز وليد،،
تحية وود ،
استاذه لنا ،،،،
والله العزوبية دي شكلها راكبانا من ساسنا لي راسنا نحن الهنود ديل ،، حسي كدى امسكي بورداب الجامعات الهنديه ديل والله المتزوجين يتعدوا بأصابع اليد الواحده (وديل زاتهم ما ظنيتهم عرسوا باخوي وأخوك)
ناس بنغلور ديل لكن ما حاله خاصة (نحن ناس بونا حالتنا مستعصية)..

ابقوته،، وين الغيبه ؟؟ انا كان عارف جنس البوستات دي بتطلعك كان زمان عملتها،، لكن يا ابقوته والله شغلت العزابه دي دايره ليها قصيده كاربه ما انت دائما معودنا على الابداع لحظة المعاناة
والله شايفك اتطورت (بدل القراصة بالعدس في كندوه) شايفك بقيت زول كنتاكي وهارديز ،، بترجع ابقوته تاني لي عصيدة الفتريته ؟؟ ماااااااظنيتك..
العزيز وليد ،،
تحياتي لرفقاء الدرب بأرض المهاتما ،، وانتو الما خلاكو تعرسوا شنو؟؟ حيدر اباد دي العرس فيها ما بالكوم والردوم (أطبق رجسترك ساي أول الشهر وامشى ليك لاقرب مكتب زواج)..
تحياتي عبرك للاخ العزيز (سامي عبد الرحمن) وجميع شباب حيدر اباد ،،
نحو وحدة عزابية ،،،
وتسلموا،،،

العزيز شلبي

تسلم يا راقي

رايك شنو نعرس لي ناس اتحاد العزابة كلهم من حيدرابادونرتاح من

الجوطة دي كلها ونعمل اتحاد جديد نسميه اتحاد المتزوجين من حيدر اباد

وناس الهند ليهم الأولوية .. رايك شنو يا شلبى؟؟؟؟

وسامى فى السودان من رمضان و انشاء الله جايكم الأمارات بعد شهر

تقريبا..

ولك كل الود

الاعزاء الغاليين ،،
اين بقية عزابة البورد ؟؟
نحو وحدة عزابية،،

وحده عزابيه شنو يا ود شلبي
انت ناوي تطول كتير في المرحله دي ولا شنو
انت ما شايف جهجه ناس خالك بكتاش الشريف دا اصلو بايع القضيه من زمان
ولا شنو يا شريف
يا زول الحق احسن ليك
تحياتنا لي عارف شديييييد

عزابة فوق

يا اب قوتة يا اخوي (العصيدة) الطلبة منك شلبي وين...


بسم الله القصبدة...

ولكم كل الود

وليد ياسين ياحليل بنكتب القصائد بالطلبات..عقولنا شاخت وايامنا راحت..اذكر اول ما جيت ناغبور جديد كانت هنالك سفريات لحيدراباد كل اسبوع فسالت ليش الناس بتسافر قالو لى ديل تجار صندلية..الواحد بمشى يشيل كميته ثم يسافر عن طريق بومبى بالخطوط الكينية يومها كانت رخيصة..فطلعت فيهم قصيدة الصندلية

جننتوها الصندلية
بهدلتوها الصندلية
مرة فى طيران الخليج
ومرة فى رف الكينية
كل الونسة ستاتية
صندل صندل محلبية
العجلة ستاتية
والساعة ستاتية
حتى الجلابية الرجالية
عند الهنود ستاتية
ياريتنى لو ستاتية
اى حاجة ستاتية
يارتنى لو صندلية
حتى لو حبة شوية
كنت قعدت فى توليت
الاميرية..
او فى عقال ملكنا داك
والسفريات الامركية
عشان رحيتك عصرية
والعرسان كنت الشهية
وياليلة هو الله لى
ناس ليلة جن
بالمناسبة فى واحد اتصل على الصباح دا وقال لى انا الان جاى من حيدر اباد كان ساكن فى البنجارة وعنده محل تصميمات هنالك هو سودانى من الجماعة..قلت ليه بتعرف وليد ياسين قال لى انا ما قاعد امشى القهوة والله زعلت منه جنس زعل زمان انا لو جيت من السفر لازم اغشى القهوة اول شى واشر لجرسونها قبل امشى على الغرفة
ولك ودى...
اما قصيدة العذابة خلى شلبى يتعلم فيها الشعر وشايف شيخنا ايهاب
قال لشلبى انت عاوز تطول مع الفرقة دى فمابالى انا قربت اعنس على قول البنات...
ولك ودى

تسلم يا اب قوتة يا راقي

طبعا زمان كانت الصندلية البجيب الناس حيدر اباد لكن هسه يا اخوي

ناس العرس وناس الدبلومات بتاعت الكوميوتر ...عشان حيدراباد بقت

ال
CYBER GATE

و حتى القهوة عملوها محل نت .. وحيدر اباد بقت عبارة عن كومبيوتر

وحليل زمن القهوة و لمة الشباب

ومشي السينما و الرجعة كداري

والله حيدر اباد بقت كوميوتر و كباري

ولك كل الود