راس مقطوع... وايادي ترتجف... وعرق مازال يتصبب

الدنيا ليل
ومطر شديد
وكهرباء قاطعه
والموية تعمل على اضاعة (خارطة الطريق)
والحاله العامه (الله لا وراك ليها)
وصاحبنا سايق عربيتو (العوره) المصنعه والله اعلم سنه 60
سرعة العربيه ما بتنط ال20 كيلومتر لو كسرت رقبتها
وبها صوت يعلن عن قدومها من مسافه تقدر ب10 كيلومترات واهل الحي يحمدون الله كثيرا عند ايقاف ماكينتهاوتحت تحت في وفقراء الحي كانوا عاملينها منبه ليهم يصحون بها من نومهم.
الحفر ماليه الشارع
ووقع في واحده منهم وكسر( ركبته) وركبه العربيه
تابعته الكلاب المحتجه على اقلاق راحتها صباحا ومساء
و لانها كانت ممتلئه بالمناشير السريه التي كان يعمل علي توزيعها، فضل قابعا بداخلها
والكلاب الآخرى تنتظر على مقربة منه متربصه به
نفد مامعه من سجائر وتمباك واشياء اخرى كان يحملها في راسه وصديقه الذي كان يشاركه الامر ورصيد الموبايل كمان.
وما زالت الكلاب بانواعهاالمختلفه تنتظر خروج رجله وملامستها للارض.
وهو:
راسو انقطع ، ويداه ترجف، والعرق يتصبب، وحاجات تانيه كتيره.

انتو:
ممكن تساعدو صاحبنا ده في الخروج من الحاله دي
يلا شوفو لينا حلل

Quote: نفد مامعه من سجائر وتمباك واشياء اخرى كان يحملها في راسه

فيصل عباس
سلامات عوافي وكيفنك

كملت كوته التمباك بلعنا الجره
وكت اتقفلت شقيش قبل بالمره
نرمي امرنا في بلد المعاني الحره
وشن القعده يا........................فيصل
( مسدار ابو السره )
عارف في راي انو اول حاجه يعمله صاحبنا ده عشان يطلع من ورطتو دي انو يحاول قدر الامكان انو يطلع يتم الفي راسو ده انشاء الله من كراع العنقريب اكيد في تصبينه ولا رايك شنو يافيصل بعد داك الكلاب هينين

ياخدر
انت البكر
وكلك فكر (كلك لقمه ونام)
لكن ياخوي حلك ده جربناه وماحلانه (الكوته بتكمل وقت المطره) وزولنا ده لي اسع في عربيتو انت الكلاب ديل ما اظنك بتعرفهم أسألني منهم انا والله (عضايات جنس عض)
تشكر على الطله يا جميل وبالمناسبه دي انت وين ليك زمن

غايتو يا عباس ياخوي

زولك دا عندو حل وااااحد مالو تاني..
انو يرجا في كركعوبتو.. اوال ما يشوف لو كاكي
يتوكل على الخلقو ويشيل منشوراتو دي ويفتح الباب
ويوزعها للكلاب.. اها ان فضل فيهم كلب واقف..

تعال احلق دقني دي بقزازة..

طيفور
سلام
اديني دقنك بمعطها بيدي
كاكي شنو يازول انت من زمن اللبس المميز داك ما البلد كلها بقت كاكي وبتكاكي
والكلاب زاتها ما خشم بيوت

تسلم

أنا ما حأقول يحلو الحلّ .....
لكن الورطة زي ما قال كمان أستاذنا القدال
هي تلاتيه لكن قدّها رباعي
وجاييك يا فيصل
أبداً
علاء

عارف يا فيصل وين الحل ؟
أكيد في المقعد الخلفي للعربية
لكن قول إنت كيف .

عبير خيري
ازييييييييك ومرحب والله

اقول ليك اول حاجه ح امشي افتش (الشارع)المقعد الخلفي وبعدين اقول ليك الحل
يا عبير لو قدرنا نحلها مابنجي بيها هنا

وسلام لحدي ما افتش المقعد الخلفي
انشاء الله نلقى لينا حل

علاء السنهوري

سلام كتير والله
باقيلك كان الحل عندو كان ظهر لينا بي جاي؟
شمله كنيزه دي اسع ما زادت ولا انت بعدت اضنها يا اخوي بقت تساعيه وقدها (عشاري)

بعدين انا راجيك مش التزمت بالعوده ومليون مرحب

تسلم ياود ياغناي

فيصل عباس

تحياتي

ماحقول ليك يحلك الحله بله لاكن يافيصل ياخوي الراجل ده كان نزل هوهيوي الكلاب ساي بي حالتو دي بتجيب اجلو ياخي الراجل ده يقعد شويه وطالما انو الفي راسو كمل وقلت لي تاني مامعاهو حاجه اخونا ده يستحمل عرقو ويكون مكنكش كده لحدي ما يجي الصباح

الحميم فيصل
أولاً إنت صاحبنا ده معاو ولا مع الكلاب ؟
يعني حتى الرصيد بتاع الموبايل كملتو ليو
بعدين يا خضر صاحبنا ده طالما إنو حتى فيصل معكسها عليو معناها حيقول لينا وأقصد فيصل إنو بكره مافي صباح تقولي ينتظر صباحاتا بُيُض؟
ربك يستر
ـــــــــــــــــــ
بعدين يا فيصل هو صاحبنا ده ما طعموهو من (السعر) في الحملة ديك ؟
أنا شفتك واقف قدامو في الصف
ولا شنو ؟
ـــــــــــــــــــ
أبداً
علاء

يا مراحب
كل سنه والجميع بخير


أبداً
علاء

خدر الجميل

ويا علاء سنهوري

سلام


برضو حلكم ده مانفع
ومازال صاحبنا ده مورط نخليهوا في حالتوا دي ولا

نــــــــــــــــــــــــــرفعوا
القول ظهر ليكم ولانعيدو
ويا شباب الورطه اكبر من الاحتمال
وانا فترت من (المحارسا زي مابتقول حبوبه الله يرحمها)
والغناء وحدو ما بيشفع ليهو
ودايرين حل
دايرين حل
دايرين ودايرين
مويه نشرب .

فيصل لك القلب قبل التحايا


طالما المويه اضاعت( خارطه الطريق)

زولك دة انا حلي ليهو (فك الارتباط من جانب واحد)

نتلاقى بعدين فى (اتنى)اوريك كيف