بكـرى ابوبكـر والجميـع...بخصوص الماسنجر

كان بوست الاخ المهندس بكرى ابوبكر(المنبر الحر منبر ساكن) نقطة تحول البورد من غليان الى هدوء مريح...والدليل على ذلك شهدنا اسابيع الحب والتصافح فى هذا البورد(الله يعدلة عليك يابكرى دنيا واخرة).
ولكن اود ان انبهة الى شئ بسيط وهو اغلاق الماسنجر فى نظرى كان امر يحتاج الوقوف عنده...فانا اعتقد اذا كان المنبر يمثل شكلنا الظاهرى وقد دعاء الاخ بكرى ان يكون شكلنا لائق ومشرف وقد استجاب الكل والحمدلله البورد اليومين دى يسحرو....(حب ســـــــــاى)....ولكن ما الفائدة ان نطهر شكلنا الظاهرى ودواخلنا غير نظيفة واعنى هنا بدواخلنا (الماسنجر)...فقال الاخ بكرى ان الماسنجر هو سبب المشاكل وقد قام بحذف الماسنجر...(اعتقد ان الماسنجر برئ من هذة التهمة براءة الذئب من دم يوسف)...(براءة ليست كلية)...نعم البعض يستخدم الماسنجر لبذر المشاكل وليس الكل...فلما لا نغسل دواخلنا كما غسلنا شكلنا الخارجى بكلمات قوية من الاخ بكرى استجاب لها الكل...فالمنبر هذا مدرسة كبيرة جدا نتعلم فيها كل شئ...فلمالا ان نكون نظاف شكلاً ومضموناً....فاذا كان الماسنجر يمثل دواخلنا فلما لا نطهر تلك الدواخل .
اخ بكرى نحتاج الى الماسنجر...حتى يقف كل انسان كان يستخدم الماسنجر لزرع المشاكل مع نفسه ولينظفها كما نظف شكله الخارجى وحتى لايصاب بمرض الانفصام النفسى .ارجو ان تعطينا فرصة اخرى مع نفسنا حتى نصحح مايمكن تصحيحه.
كما نحتاج الماسنجر حتى لا نرهق الباندوث باسئلة عن اشخاص او ارقام تلفونات او اميلات او او او فى البورد..وايضا الماسنجر له فوائده الجمة.ارجو منك متكرماً ان تعيد النظر فى هذا الموضوع.
ولك حبى وفائق احترامى..

وعلى الجميع ان يدلو بدلوهم هنا.

اثمن واثني هذا الطلب المشروع

عاد نقول شنو..؟ من ناحية مهم مهم..

يعني يا بكري يرضيك بهدلتنادي؟؟؟

نثنى ونؤيد هذا الأقتراح

نحتاج الماسنجر كثيرا
بس الراجل كمان هو صاحب الموقع.يقفل اللي يقفلو ويفتح اللي يفتحو.مش كدة؟
ادفعو مع الزول المصاريف وبعدين طالبوا.

هو الماسنجر وقفوهوا ؟
فعلاً الزول طول وما جايب خبر شي
ربنا يجمع

انا مع المنادين بعودة الماسنجر ..

مع التحية

قيسان

.

ايوا يا بكري

عليك الله رجع الماسنجر

اشتهينا القطيعة وحات الشيخ الجعلي

عثمان حمد..
حمدا لله علي السلامة مختفي ليك مده..
أبقي أظهر وعليك الأمان..

(ومعاكم لإرجاع المسنجر).

انا غايتو الماسنجر شهر ما عندى فيهو نفقة
كثيرا ما اقرأ ان الاتصالات و التنسيق يتم عبر
الماسنجر لكن اصلو ما دخلنا الفلم دا
يعنى وجوده و عدمه بالنسبة لى واحد
لكن تضامنا مع الماسنجراب اطالب بأعادته
اكيد بكونوا خرمانين و فاقدنه شديد
بشرط اذا عاد تتذكرونا

بكرى بالله فعل البتاع دا

نحن معاك يا اخ عثمان حمد
الماسينجر مهم جدا جدا جدا
قطعتنى من ابو وليداتى ابو وضاح فى اخر الدنيا
يا هو الماسينجر نصف المشاهدة

سجيمان شكيتك على الله الوداك كدباس شنو
لمن تحلف بالشيخ الجعلى
امال
ام وضاح

الاخ عثمان
معاك في المطالبة
ولك الشكر

للمطالبين والمطالبات
للعايزين ماسنجر والعايزات
فرانكلي جاهز للمساعدات
بس براحة من غير زحمة ومدافرات

اضغط هنـــــا للماسنجر



_____



أتق الله حيث ما كنت واتبع السيئة الحسنة تمحها وخالق الناس بخلق حسن

فرانكلي..
قطعتا قلبي..

ازيكم

ممكن حل مشكلة الماسنجر بكل سهولة ..

اى واحد يعمل ليه اميل خاصة غير اميلو الاصلى لاستقبال الرسائل الواردة من اعضاء البورد ويخخف على بكرى وينزل اميلو اميلو فى البروفايل بتاعو او يرفقو مع التوقيع

ولكم الود

محمد

ام وضاح

Quote: سجيمان شكيتك على الله الوداك كدباس شنو لمن تحلف بالشيخ الجعلى

مشيت فترة تدريبية لمدة تلاتة شهور.....ما شايفا نضمي كُتُر

Quote: ايوا يا بكري عليك الله رجع الماسنجر اشتهينا القطيعة وحات الشيخ الجعلي

الحقنا وانجدنا ورجع ما سنجرنا
مدددددددددددددددددددددد يا الشيخ الجعلي

شكراً لكل من شارك فى هذا البوست.
والحمد لله اهو الماسنجر رجع.
وتشكر يابكرى ابوبكر.