Post: #1
Title: ثيوغراطية... ميكافيلية...ايغونسترية؟؟؟
Author: 7abib_alkul
Date: 04-17-2004, 08:36 PM
وغيرها من المصطلاحات المستخدمه في الفكر السياسي وخطابه الذي انتهجته قله تسمي نفسها بمجموعه المثفقين السودانين فهل الثقافة تعني حفظ اكبر عدد من تلك المصطلحات االتي لا يفهمها الشارع السوداني او حتي السياسين في السودان فيما عدا الاكاديميين منهم
والبغبانات بالله عليكم لماذا لا نستخدم اللغه المعروفه والمعلومه لدي كل المتحاورين حتي لا نمارس القمع اللغوي في صراعاتنا الفكرية
فبدلا من ان نقول:-
ثيوقراطية..يمكن ان نقول حكومة رجال الدين
أُتوقراطية .. يمكن ان نقول المركزية .
بيروقراطية .. يمكن ان نقول روتينية .
أوليغاركيه .. يمكن ان نقول حكم الأقلية .
ديماغوجيه.. يمكن ان نقول سياسة تملق الشعب من أجل تهييجه .
دادية .. يمكن ان نقول حركة الاحتجاج الفوضوية .
دُغماتية .. يمكن ان نقول التعصب الشديد للرأي
أرستقراطية..يمكن ان نقول طبقة المترفين .
برجوازية.. يمكن ان نقول الطبقة الوسطى .
بروليتاريا .. يمكن ان نقول طبقة الكادحين .
يوتوبيا .. نقول رمز المدينة الفاضلة عند أفلاطون.
السادية .. يمكن ان نقول التلذذ بتعذيب المحبوب أو الآخرين.
ميكافيلية : النفعية.
البراجماتيه.. يمكن ان نقول الذرائعية .
التليباثي .. يمكن ان نقول التخاطر عن بعد .
شمشونية .. وهي تعني تعميم الشر
أيد ولوجيه .. يمكن القول انها الإعتناقية ؛ العقيدة ؛ الفكرة.
الإيغوسنترية .. يمكن القول نزعة الاستقطاب حول الذات .
الالترويزم.. يمكن القول حب مساعدة الآخرين والالتفات إلى حاجاتهم ورغباتهم .
النرجسية .. يمكن القول مدح النفس والثناء الدائم عليها.
سيزيف : رمز العبث.
دنكوشوتية .. يمكن القول محاربة الوهم.
الشوفينية .. يمكن القول الغلو في حب الوطن .
الرواقية .. يمكن القول مدرسة فلسفية عقلية تُعنى بالحكمة .
الأبيقورية وتنعي مدرسة شهوانية تُعنى بالغرائز .
اللوبي .. يمكن القول جماعات الضغط .
المليشيا .. يمكن القول حركات المقاومة الوطنية .
ودعونا من تلك((الفلفسه)) كما ينطقها عمي التي لا تخدم النقاش والفكره بين العامه
|
Post: #2
Title: Re: ثيوغراطية... ميكافيلية...ايغونسترية؟؟؟
Author: Hussein Mallasi
Date: 04-18-2004, 06:47 PM
Parent: #1
كيف الاحوال يا حبيب الكل
تعرف يا حبيب من امس و انا قاعد اكسر في الاكسيم بتاعك دا ...
غايتو قربتا احفظوا و تاني يا حبيب حاتجاعص جعاصة ما حصلت ... و بين كل كلمتين حتلقا تاني
واحدة من كلماتك العويصة دي في النص ... و الكلام تاني يا حبيب من طرف النخرة لزوم اجادة
الصنعة و كدا ....
و الاعصار جاكم ......
|
Post: #3
Title: Re: ثيوغراطية... ميكافيلية...ايغونسترية؟؟؟
Author: 7abib_alkul
Date: 04-19-2004, 02:05 PM
Parent: #2
العزيز ملاسي
المهم انك تعمل ليك جوقه كبيرة تقول ليك يا استاذ ويا مناضل ويا شفيف كل ما تقول ليك كليمه كدا
لكن ربنا اكضب الشينه
هههههههههههههههههههههههه
|
Post: #4
Title: Re: ثيوغراطية... ميكافيلية...ايغونسترية؟؟؟
Author: Hussein Mallasi
Date: 04-20-2004, 03:29 PM
Parent: #3
اها يا حبيبو ناس شفيف و اصيل و مناضل و بطيخ دي دايرا ليها "اسكيم" تاني
زي العملتو لينا في الاول دا .....
و لو ظبطنا "الاسكيمين" الجوقة الكبيرة بتجي براها
|
Post: #5
Title: Re: ثيوغراطية... ميكافيلية...ايغونسترية؟؟؟
Author: ترهاقا
Date: 04-20-2004, 04:36 PM
Parent: #4
حبيب الكل يا ميتافيزيقى
اها الكلمة دى ما ذكرتهاليه؟ لانو والله عاملة لى لخبتة
وبعد كدة امانا ما جاك زول زى ما قال ليك ملاسى حنبقى
من جماعة المثقفاتية وبين كل جملة وجملة نركب ليك
واحد من الجُمل دى لحد ما نخلى ليك البيقرا يحوص
زى ما حّوصوا بينا الوقت ده كلو ، غايتو بس أدينى
فرصة احفظ الجُمل دى كلها بى شرحها وأستعد ليكم
وتسلم
|
Post: #6
Title: Re: ثيوغراطية... ميكافيلية...ايغونسترية؟؟؟
Author: Hussein Mallasi
Date: 04-20-2004, 10:17 PM
Parent: #5
| Quote: غايتو بس أدينى فرصة احفظ الجُمل دى كلها بى شرحها وأستعد ليكم |
يا ترهاقا شرحها دي ما مهمة ابدا؛ رصها كدا بس كيفما اتفق بين الكلام و اتأكد انها
حتعمل التأثير المطلوب ....
|
Post: #7
Title: Re: ثيوغراطية... ميكافيلية...ايغونسترية؟؟؟
Author: 7abib_alkul
Date: 04-21-2004, 04:13 PM
Parent: #6
ترهاقا يا معتق
زي ما قال ليك ملاسي انت احفظها وبس وهي بتلفق براها بعدين
لك الحب
|
|