Post: #1
Title: ساغادر غير مأسوف علي
Author: ali othman
Date: 04-16-2004, 02:48 PM
Parent: #0
الأخوة / ت الأفاضل
انضممت لهذا البورد يحدوني الأمل بمعرفة اضع تاج على جبيني . فكل عضو /ة في هذا البورد اعتبره /ـا اخ / ت لم يهمني يوما الإختلاف الفكري فبالحوار يتم التواصل .
لقد انضم للبورد شخص متأكد من سؤ اخلاقياته وهذا النوع لا استطيع التعامل معه او التواصل .
رغم انكم/ن لم تستيفدوا مني ولا اشكل لكم رقما الا ان مااكنه للجميع هنا يدعوني لأن اغادر المنبر حتى لا اشوه صورتي بحوارات ستدور في وجود هذا الشخص .
كل من يريد التأكد من صحة معلوماتي عليه التواصل معي عبر بريدي الألكتروني .
ولكم /ن جميعا الشكر
|
Post: #2
Title: Re: ساغادر غير مأسوف علي
Author: Hussein Mallasi
Date: 04-16-2004, 03:12 PM
Parent: #1
دقيقة بالله يا علي عثمان ....
وجودك كلن مهم و الان اصبح مهما جدا جدا .....
لازم تكون موجود عشان نعرف الموضوع و الفيهو ....
لانو كلامك يبدو محل ثقة و اطمئنان و يبدو انك تعرف اكثر كثيرا مما صرحت به ...
فبالله عليك خليك قاعد عشان تشرك الناس معاك فيما تعرف و لا تترك الجميع نهبا للتساؤلات و الحيرة
فكما هو واضح فان الموضوع كجبل الجليد .... و للجميع عقول يستطيعون ان يميزوا بها فما كل ما
يقال لنا نأخذه على علاته فهنالك العديد من التساؤلات التي ننتظر بها ورود الحلقات الموعودة حتي
نستبين كيف يمكن لدولة بكل مؤسساتها الامنية و الاعلامية ان تستهدف هكذا شخص لمجرد كونه قد نجح
في انشاء مدارس خاصة لا يتعدي جموع طلابها عدة مئات قليلة ... هذه الاسئلة تراودنا منذ عدة سنوات
و ربما هي سانحة حقيقية حتي نستبين الحقائق و ما خفي منها
فوجودك اصبح ضروريا جدا و قرار الانسحاب ليس قرارك وحدك ...
و تقبل تحياتي و تقديري
|
Post: #3
Title: Re: ساغادر غير مأسوف علي
Author: سجيمان
Date: 04-16-2004, 03:12 PM
Parent: #1
علي عثمان
دا منو دا؟.... عليك الله ما تحشرنا في ضفورنا
|
Post: #6
Title: Re: ساغادر غير مأسوف علي
Author: سجيمان
Date: 04-16-2004, 03:33 PM
ملاسي شكرا...... قريت النضم كلو.......
لكن يا علي...ما ممكن تمشي كدا..... ومن حق كل القراء.... ان يعرفو الحقيقة..... انا قريت اتهامات مبطنة ولا اعتقد انك كاذب.... ابدا ابدا..... لكن انسحابك ليس من المصلحة لك....ولللقراء..... المنبر مفتوح..... تستطيع ان تكتب كل ما تعرفه.......زي ما سارة او محمود.... كتبو
|
Post: #7
Title: Re: ساغادر غير مأسوف علي
Author: خالد الحاج
Date: 04-16-2004, 04:09 PM
Parent: #1
علي عثمان
سلام..
ياعلي أول حاجة نحن ما قنعانين منك ووجودك يهمنا والله.
ثانيا يا علي لو كل زول خلي البورد عشان في زول ما عايزو (أيا كان السبب)
صدقني ما بيبقي فيهو إلا بكري.
أخيرا يا علي يا أخوي البورد ده للحوار والإتفاق والإختلاف وإنت ما مجبر تشارك في أي من الحوارات
مع الزول المعني . أديهو حق التواجد وأدي نفسك حق الإمتناع عن مشاركتو.
أبقي راجع يا علي .
|
Post: #8
Title: Re: ساغادر غير مأسوف علي
Author: essam&amal
Date: 04-16-2004, 04:48 PM
Parent: #1
على عثمان
ود نيمتى وسيد وجعتى ما تضحك فينا الناس
حلفتك بالحلوين العندك والحلوين العندى كمان
كان تمشى يا على يبقى الدنيا ما فيها خير والله
مهما كانت الاسباب كلامك ما مقنع
ونحن قاعديييييييين
ومعانا على عثمان وما هامينا اى زول
غير رايك سريع واعتبروا امر عديل كدة
على انا ما فاهمة اى حاجة من الاسباب الفلتها دى
امال
ان وضاح
|
Post: #9
Title: Re: ساغادر غير مأسوف علي
Author: Raja
Date: 04-16-2004, 07:31 PM
Parent: #1
علي عثمان..
اتفق مع راي خالد..
انت ما تطلع لي زول.. الزول هو البيطلع براهو لما الناس الواعية هنا تلفظه..
الناس أوعى مما تتخيل، صدقني..
|
Post: #10
Title: Re: ساغادر غير مأسوف علي
Author: PLAYER
Date: 04-16-2004, 07:41 PM
Parent: #9
علي
كلامك صريح وواضح وسمح
لكن مشيك ما ليهو لزوم...لانو مهمتك البتيتو ما انتهي ولسه ناس البورد عشمانين في مساهماتك ووجودك معاهم
العن الشيطان وقنب
|
Post: #12
Title: Re: ساغادر غير مأسوف علي
Author: haneena
Date: 04-16-2004, 07:54 PM
Parent: #10
ali othman
salam dear brother
NO...you are not leaving
we need you to be here....so many here do beleive you
You stay ......WE ARE LISTENING
ALTHOUGH QUIETLY
BUT....WE ARE LISTENING
SORRY TO BE IN ENGLISH
COULDN'T WAIT TILL IAM ABLE TO WRITE IN ARABIC
YOU STAY....YOU STAY....YOU STAY
ALLAH MA3AK
|
Post: #13
Title: Re: ساغادر غير مأسوف علي
Author: ASAAD IBRAHIM
Date: 04-16-2004, 07:56 PM
Parent: #10
الحبيب ابو محمد
دخلت اليوم للمنبر عشان خاطرك ولأني اعلم تمام العلم مدي مصداقيتك وما تتحلي به
من موضوعية وشفافية.
لذلك اخي ادعوك للبقاء بيننا وكما قال لك الاخوة قبلي، اهل المنبر علي درجة من الذكاء
تجعلهم قادرين علي التمييز بين الخبيث والطيب.
وربنا يحفظك ويوفقك .
دوما اسعد
|
Post: #11
Title: Re: ساغادر غير مأسوف علي
Author: kamalabas
Date: 04-16-2004, 07:48 PM
Parent: #1
لا ترحل يا أخ علي عثمان .. جل الناس هنا تمتاز بالحصافة
والتدقيق فيما يكتب خصوصا أذا كان يتعلق بأحداث
لها أزيال في الوطن .. والمجتمع السوداني مجتمع متشابك
ومتداخل بحيث يمكن فيه الوصول للحقيقة مهما طال
الزمن.. .. 00وجودك مهم ومؤثر ..
كمال
|
Post: #14
Title: Re: ساغادر غير مأسوف علي
Author: Rawia
Date: 04-16-2004, 08:12 PM
Parent: #1
على عثمان
فقط ارجوك ان تعيد النظر فى قرارك
ولا لانسحابك
لا لانسحابك
لا لانسحابك
لا لانسحابك
|
Post: #16
Title: Re: ساغادر غير مأسوف علي
Author: Frankly
Date: 04-16-2004, 08:30 PM
Parent: #14
الاخ العزيز على عثمان
ارجو منك البقاء في هذا الوطن فان كان فيه من لا ترتاح له ففيه المئات من نحبهم ويحبوننا ونحترمهم ويحترموننا وكما تعلم
يمكنك تفادي من لا تريد ان تحتك به في هذه الساحة
الرجاء البقاء فأن انسحابك من البورد قد يعده البعض هروبا من المواجهة
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #15
Title: Re: ساغادر غير مأسوف علي
Author: Anwar Ahmed
Date: 04-16-2004, 08:23 PM
Parent: #1
على عثمان ارجوك ان تعيد النظر
قرار خاطئ ولا لانسحابك
|
Post: #17
Title: Re: ساغادر غير مأسوف علي
Author: ASAAD IBRAHIM
Date: 04-16-2004, 08:37 PM
Parent: #15
الحبيب ابو محمد
اها جيتك تاني والمرة دي عندي ليك سؤال:
أتدري من هو "أسعد" الناس بأنسحابك هذا؟؟؟؟؟
|
Post: #18
Title: Re: ساغادر غير مأسوف علي
Author: mohamed elshiekh
Date: 04-16-2004, 09:09 PM
Parent: #17
على ياعثمان
كيفك يا مظلل معانا
خليتك مستمتع بالشاى بالقرنفل وونسه طاعمه فى الضل
جيت هنا مسخن مالك يازول....
برد نفسك شويه وخلى الزول يجى ومرحب بيهو ... بعدين بى نشوف
موضوعو بى نظبطو ليك التظبيطه اللى هي..اديها صنه بس...
و روق المنقه انت شويه , واخر قرارك ده حبه بس
وانتظرنى مع الحبان فى النيمه...انا عندى سالفه تانيه
بس اكملها واجيك بى غادى ...ونشوف المواضيع كلها ...
وما تنسى حبيبى انت واحد من الناس الزرعو النيمه وروها محبه
وبقت اغصانها تعانق السماء ...دايرها تنشف يعنى ولا شنو...
|
Post: #19
Title: Re: ساغادر غير مأسوف علي
Author: lana mahdi
Date: 04-16-2004, 09:21 PM
Parent: #1
اخى الحبيب على
ود حلة ناس حبوبة
التى احبها
فأنا أحب المزاد
لان طفولتى كانت فيه
وصديقات الطفولة اللاتى لا زلت مرتبطة بهن منه
وأحب كل من يمت الى المزاد بصلة
وكم أحس بالانتماء و العزوة حين اجد احدا من ناس المزاد
وكم فرحت حين وجدتك فى هذا البورد
وعارفة ناس المزاد
دغريين
وحارين
لكن هل ذهابك من هنا هو الحل؟؟
ارجوك لا تذهب
|
Post: #20
Title: Re: ساغادر غير مأسوف علي
Author: Abdel Aati
Date: 04-16-2004, 09:32 PM
Parent: #19
نطالب بوجودك واستمرارك
عادل
|
Post: #21
Title: Re: ساغادر غير مأسوف علي
Author: manj
Date: 04-16-2004, 10:57 PM
Parent: #20
يا مان خليك قاعد..
البورد يحتاج لمن هم في مثل امانتك و شجاعتك.
وزي ما بقولو المصريين
لو خليت خربت
|
Post: #22
Title: Re: ساغادر غير مأسوف علي
Author: ودقاسم
Date: 04-17-2004, 11:45 AM
Parent: #1
يا جماعة
ما قاله أخونا علي في البوست المشار لا يمكن تجاوزه هكذا بسهولة ،، وهو لا يدخل في دائرة الخلاف الفكري ، أو السياسي ، ، هو كلام يتعلق بالأخلاق ،،، فهمتوني ؟
وهذا لا ينفع معه أن نقول ( اختلاف الرأي لا يفسد ....... ) لأن هذا المفسدة بعينها ،،
أخونا علي يعرف المسألة من ألفها إلى يائها ، ويعرف دقائق الأمور ،
وبالعقل 8 مدارس في سنة واحدة ، من أين جاءت ، هي من الجبهة وإلى الجبهة ،، لكن الجبهة نفسها تسامت فوق الذي يثيره أخونا علي ، حين عرف الناس ذاك الخبر الذي يتحدث عنه علي عثمان ،،
يا أخوانا طهارة البورد مسألة مهمة ، المسألة ليست خلافا فكريا أو صراعا سياسيا ،،
|
Post: #24
Title: Re: ساغادر غير مأسوف علي
Author: hanouf56
Date: 04-17-2004, 12:41 PM
Parent: #22
اتفق تمام مع المتداخلين
يجب عليك عدم المغادرة
اقعد وورنى الناس الحقيقة بوضوع مع انو الكلام الانت كاتبو فى بوست سارة واضح وما محتاج للشرح
محمد
|
Post: #23
Title: Re: ساغادر غير مأسوف علي
Author: essam&amal
Date: 04-17-2004, 12:38 PM
Parent: #1
وانت صاح يا ود قاسم
وده كلام خطييييير
ان ما الامم الاخلالالالالالالالالالالالالالالالالالالالالالالالاق
على عثمان
ما على الرول الا البلاغ
قال ليك سوركتى يلقاك قاعد تحت النيمة
عاوزك ضرورى .........
هو راجع من السفر قريب
امال
ام وضاح
|
Post: #25
Title: Re: ساغادر غير مأسوف علي
Author: بلدى يا حبوب
Date: 04-17-2004, 03:11 PM
Parent: #1
على عثمان
بلاش تغادر خليك هنا دايرين نعرف الحاصل شنو والله ايه
اصلو اخوك خارج الشبكة
تحياتى
|
Post: #26
Title: Re: ساغادر غير مأسوف علي
Author: ASAAD IBRAHIM
Date: 04-17-2004, 04:48 PM
Parent: #25
الحبيب علي عثمان
تحياتي واحتراماتي
تاني تعرف اختلست 5 دقائق قبل الذهاب للعمل
المهم ان تبقي اخي وتأكد ان الجميع ، جميع من في المنبر يصدقون كل كلمة قلتها
الاخ ود قاسم وضع لك النقاط فوق الحروف
المهم اتمني ان اعود غدا واراك حاضرا كالعادة كما عهدناك عف اللسان صادق الكلمات
وتحياتي للاسرة الكريمة
دوما اسعد
|
Post: #27
Title: Re: ساغادر غير مأسوف علي
Author: Hussein Mallasi
Date: 04-17-2004, 05:27 PM
Parent: #26
| Quote: هي من الجبهة وإلى الجبهة |
الخال الحبيب ود قاسم ...
اصبر يا خال و ما تقفز فوق الاشياء .... فكلنا لا يعرف الا النذر اليسير و قولبة
الموضوع قد تضر به ...
و تقبل احترامي و تقديري
|
Post: #28
Title: Re: ساغادر غير مأسوف علي
Author: ali othman
Date: 04-17-2004, 06:02 PM
Parent: #1
الأخوة والأخوات الأعزاء
حسين ملاسي
سجيمان
خدر
خالد الحاج
ام وضاح
رجاء
بلاير
حنينة
اسعد
كمال عباس
راوية
فرانكلي
انور احمد
محمد الشيخ
لنا مهدي
عادل عبد العاطي
Manj
ودقاسم
محمد ادريس
بلدي ياحبوب
اشكر لكم كلماتكم التي كانت دعما لي واعدكم بأن اصمت وسوف يدين المذكور نفسه بنفسه
ولكم الشكر احبتي
|
Post: #29
Title: Re: ساغادر غير مأسوف علي
Author: Frankly
Date: 04-17-2004, 06:11 PM
Parent: #28
الاخ على عثمان
بارك الله فيك وافرحت قلبي بعودتك
وقرار سديد بإذن الله تعالى
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
Post: #30
Title: Re: ساغادر غير مأسوف علي
Author: Abo Amna
Date: 04-17-2004, 07:45 PM
Parent: #29
عزيزي علي عثمان
كل الود
ربما انتظرت طويلا جدا لاقول لك هذا الكلام
ربما طويلا جدا بمقاييسي واكثر طولا بمقاييسك
اتذكر الان ذلك الموضوع الذي كتبته عن كلية الهندسة جامعة الخرطوم والانتصار للعلاقات اظنه كان السبب المباشر لتكتب لي وانا بدوري طلبت مباشرة علي البورد ان تنضم الينا هنا
صدقني يا عزيزي علي كنت مترددا جدا في طلب انضماماك واعتقد انك تعرف لماذا واظن انه في احدي رسائلك لمحت لي بذلك وهو بسبب وظيفتك السابقة في الجامعة في الفترة التي كنت فيها طالبا في الجامعة ....
اقول لك يا عزيزي انني حتي لم اكن واثقا من ان لديك المقدرة علي الدخول في حوارات مفتوحة ناهيك عن رايي اصلا وشكي المتلاحق حول شخصيتك ....
ولذلك ربما تسال نفسك اكثر من مرة لماذا لم ارحب بك في البورد علي غرار الاخرين بل ولماذا علي الاقل لم اشاركك موضوعك الاول هنا وهو علي ما اذكر عن التعليم العالي ... لكل ذلك كان في رايي انه من حقك ان تشترك في البورد ومن حقك ان تقول ما تريد قواه مهما كنت وكتاباتك هي التي تحدد علاقة الناس بك وفهمهم لك حتي في الاخر لو كنت محسوبا علي امن النظام مثل معظم الذين عملوا في الجامعة في تلك الفترة فهي بكل تايكد لن تكون تجربة سلبية في البورد
لهذا كنت فقط اراقب كل ما تكتب من بعد
اقول لك الان انه كل يوم يزداد اعجابي بك وربما ربما لو كانت لنا معرفة سابقة في الجامعة لدعوتك للانضمام الي الحركة المستقلة وقتها
الان اريد ان اقول لك شيئا واحدا فقط
ان طلاب جامعة الخرطوم الذين عاشرتهم لا ينسحبون ابدا وكلما قلت ان ما مضي كان افضل ما مضي من انتصارات ومن رموز طلابية تنتج جامعة الخرطوم كل يوم مناضلين جدد يهزون اركان البغي والظام
لسبب بسيط انهم لا يتراجعون ابدا ولا يتركون الساحة للاخرين مهما كان رايهم فيها
انا الان اعلم عما تتحدث ولكني حتي الان اقف في اتجاه الحياد برغم عدم تشكيكي في امانتك ولكن من الصعب الحكم من خلال موضوع في البورد واقف في الحياد لانه ليس لدي ما يكفي لادانة شخص
اقول لك ان ترك البورد يعني ان ما تقوله لن يجد شخصا اخر يستطيع توضيحه وبالتالي تسقط حتي التهم التي وجهتها فكيف لنا ان نعرف
لا اريدك ان تظل موجودا لتخوض معركة ضد اي شخص
اطلب منك ان كان لي حق في الطلب الا تخذلني اما كل هؤلاء
ولا احب ان اسمع مرة اخري كلمة الانسحاب حتي ولو كانت المسالة ضد بكري ابوبكر فنحن باقون هنا الي النهاية هكذا تعلمنا وهكذا تعلمت انت ايضا
عزيزي
طلبي الان ليس ان تبقي فقط
طلبي هو الا تتراجع فكل يوم ازداد اعجابا ولا اريد ان احبط مثلما احبطت في الكثيرين
دعنا نخوض حواراتنا ومعاركنا وننتصر وننهزم ولكننا ابدا لا ننكسر
كل الود لك وللاخوة
هنا
|
Post: #31
Title: Re: ساغادر غير مأسوف علي
Author: ali othman
Date: 04-17-2004, 10:33 PM
Parent: #1
اخي الحبيب ابو آمنة
صدقني مدلاخلات الاخوة والأخوات وثقتهم الغالية بي طوقتني بسلسلة غليظة حول عنقي لن انفك منها ماحييت وهاانت تزيدها متانة .
اشكرك اخي الحبيب على هذه الثقة واعدك بأن اظل مادام مسموح لي بالبقاء ولن انكسر .
اخي صدقني ان قلت لك بأني كنت على يقين بما اوردته من اسباب وذلك من خلال كتاباتك التي تدل على شخصيتك وكنت انتظر وعدك حينما قلت لي بأن ذاك الحديث طويل سنعود له بالتفصيل .
لك الودوالتقدير
|
Post: #32
Title: Re: ساغادر غير مأسوف علي
Author: سجيمان
Date: 04-17-2004, 10:45 PM
Parent: #31
شكرا
شكرا
شكرا
يا علي...
لي عدولك عن الانسحاب.....
|
Post: #34
Title: Re: ساغادر غير مأسوف علي
Author: إسماعيل وراق
Date: 04-17-2004, 11:06 PM
Parent: #31
أخي وقريبي علي عثمان العبادي
كيف تغادر.. وأنت الإنسان المعروف عنك صدق الكلام
كلمة حق سنقولها ما حيينا... أنك من أكثر الأشخاص الذين تعرفت عليهم تهذيبا وعفة في اللسان... طوال مسيرتك معنا بالمنبر لم نسمع عنك فاحش القول.
مكانك الطبيعي أخي علي المنبر الحر... بين أخوانك ووسط أحبابك... وكما قال الأخوة فللناس عقول.
وصيتي لك: لا تكن حساساً أكثر من اللازم.. وليس كل الناس سواء.
مع صادق مودتي.
|
Post: #33
Title: Re: ساغادر غير مأسوف علي
Author: ali othman
Date: 04-17-2004, 10:55 PM
Parent: #1
الشكر لك انت اخي سجيمان وبقية الأخوة والأخوات
اخذني الغضب والانفعال مما انساني حق الأخوة التي جمعت بيننا حتى ذكرتموني لها .
صدقني حينما كتبت هذه الاستقالة كنت متأكد بأنها لن تهم احد وكنت سانسحب دون كلمة ولكني وجدت من واجبي ان اوضح السبب وانا نادم عليها لأنني الآن اصبحت بسببها مقيّد يتلك الثقة .
لكم / ن الشكر
|
Post: #35
Title: Re: ساغادر غير مأسوف علي
Author: معتصم دفع الله
Date: 04-17-2004, 11:53 PM
Parent: #33
الأخ علي عثمان
لك التحية وأنت تعيد النظر في موضوع إستقالتك ..
فابقى بين زملائك وأحبتك ..
وكذلك نحي فيك هذا الصدق وهذه الروح السمحة ..
كل التقدير والاحترام
|
|