Post: #1
Title: هنا قلبي رئيس اتحاد الفاشلين عاطفيا 2 من 73
Author: khider
Date: 04-16-2004, 12:49 PM
Parent: #0
كنت دايما بصبر مهما البعاد اضناني
برجي الايام و استني امالي بين نيراني
يتملكني
يتملكني
يخفجني حتة حتة
احساس غريب بالبكاء و انا استمع للمرة العاشرة بعد المئة لهذة
الاغنية من هذا الصوت الحنين
و اكتشف اني لازلت رئيس اتحاد الفاشلين عاطفيا للدورة السادسة
و الثلاثون علي التوالي
الله يديك العافية يابت امحُمَّد (حاجة زينب امي )طول عمرك تقولي لي
ابكي ياولدي البكاماعيب وفي نفس الان لم ار دموعك الا لماما
و الجسارة تتملكك في كل حين
ايه يضر لو تسأل عني يوم ياغالي
وانت وحدك عارف همي عارف حالي
وهمي انتي عارفاه .. همي انتي
اكتبي لي جواب التلفون ماكفاية
ود عمك اخبارو شنو ؟ و وليداتك كيف ؟
والله ياهو الحال يا ولدي مبسوطييييييين
انت كيف و عروسك كيف ؟ مافي شي ؟
اضحك انا .. شنو هو يا بت امحُمَّد بعاعيت نحن ؟
تضحك بت امحُمَّد في الناحية الاخري
اتخيلها..
تضحك و ينحبس صوتها و تدمع و بعد حين تمسح دموعها و تستغفر
الولد دة ملعون خلاس
الجميع يلتف حولها و هي تتحدث معي و يضحكون و ود عمها يروح و يجئ
متوترا من استئثارها بسماعه التلفون يتناول السماعة
ازيك يا افندي .. كيف حالك !!
لو كان جفيتك وفت خليتني وحدي براي
مع ليالي الوحدة و الشوق حنينو معاي
يااخوانا الزول دة امسكوهو مني
طارق .. امسك ابوك خليني انا
(الفرق بين امسك الاولي و التانية سبع سنين )
اكتم اناعبره تخنقني سنيييين سبع
لاحولة ولا قوة الا بالله انت عامل كيف بدوني ..لمن
حضنتو في مطار شارل ديقول حسيت اني ارتحت من الحنين
و الغربة و الهم
اتماسك ..كيف اواصل وحدي في الطريق الخالي!!
ابوي صحتك كيف ؟
احسن منك
سلمي اخبارا شنو!!
والله الملعونة دي فارقة معاي فرقة شديدة
تخيل دعاء قالت لي انت لية زعلان مااوضتك دي .. انا بجي انضفها ليك كل يوم
اتخيل المفعوصة دي بقت تفهم!!
أأأأأأأأأأأأأأأأأأه
يا خالو انت مابتسأل مني لية
دعوية الكارثة!!
متين افيق منك يا حنين
|
Post: #2
Title: Re: هنا قلبي رئيس اتحاد الفاشلين عاطفيا 2 من 73
Author: خالد الحاج
Date: 04-16-2004, 01:03 PM
Parent: #1
Quote: لاحولة ولا قوة الا بالله انت عامل كيف بدوني ..لمن
حضنتو في مطار شارل ديقول حسيت اني ارتحت من الحنين
و الغربة و الهم |
يا طارق مالك علينا نحنا ناقصين يا أخي!!!
وزي ما وجعتني معاك أوجعك يا طارق يا أخوي أبكي سمح البكا
بشيل الأحزان...
|
Post: #3
Title: Re: هنا قلبي رئيس اتحاد الفاشلين عاطفيا 2 من 73
Author: تاج السر حسن
Date: 04-16-2004, 07:45 PM
Parent: #1
أخى خضر ، يا صاحب الصوت المعتق لك ودى
كلنا فى الهم شرق ، لكننا لطول الغربة وتراكم الأحزان أصبحنا نبكى صمتا وذلك أشد ائلاما أسمح لى ان اهدى ليك القصيدة التاليه ، ودمت.
يا أمنــــــــا ..... ( قصيدة .. تاج السر حسن - أخو البنات في عيد الأم )
|
Post: #9
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-17-2004, 12:22 PM
Parent: #4
خالد .. تاج السر نقدر نبكي كلنا في وكت واحد!!
صعب
لكن نقدر نفرح كلنا في نفس الوكت داك
جيبي الشمال دة فيهو لالوب وبلح و شوكلاتة
دخلو يدينكم ... اغرفو ساكت
و
اهزمو الحنين.. بالغنا
|
Post: #5
Title: Re: هنا قلبي رئيس اتحاد الفاشلين عاطفيا 2 من 73
Author: سجيمان
Date: 04-16-2004, 08:36 PM
Parent: #1
خِدِر
البكا دا خليناهو زمااااااااااااان
حسي بقينا نجعر ونندردق في الواطا.....
شفت الرجالة دي؟
|
Post: #6
Title: Re: هنا قلبي رئيس اتحاد الفاشلين عاطفيا 2 من 73
Author: Soumeta
Date: 04-16-2004, 08:53 PM
Parent: #1
كر يا طارق،،
طيب نحن شن نسو؟
كيف أواصل صبري،،،،وأأأأأي بس
في قلبي إنت بتكبر و تكبر معاك معاني،،
برجي الأيام و أستني آمالي بين نيراني،،
و الهجر مهما إئلم،، برجع حنانك تاني،،
أنا غايتو أشك،،لكن،،إنت قلت قبل كده أكون كضاب لو إتأخرت شان أستقبلك جوأي،،
لو كان جفيتني و رحت خليتني وحدي برايا،،
مع ليالي الوحده و الشوق حنينو معاي،،
أنا ما بسيبو غرامك رضيان معاك بي شقايا،،
يا متين طريقك إقصر و تعرفني غايتو خطايا،،
يعني أسا في داعي لي جنس الشلهته دي؟
سوميتا
|
Post: #12
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-18-2004, 10:25 PM
Parent: #6
سجيمان اخوي المسألة طلعت من ايدنا
سوميتا بت امي كر يا طارق دي كلفتني بعضا من المخزون الاستراتيجي للدموع .. الله يمرقك من حنينك و يلمك في حبانك انت و تاج السر و خالد الحلو و سجيمان العميييييق و كلنا
اديني كتفك
داير ابكي شوية
|
Post: #7
Title: Re: هنا قلبي رئيس اتحاد الفاشلين عاطفيا 2 من 73
Author: مريم بنت الحسين
Date: 04-16-2004, 11:27 PM
Parent: #1
خدر.. يا ود أمي..
أضم الصوت لسوميتا..
حسي في داعي للشلهته دي...
عاين.. أنا دايره الأغنية دي.. ... أمانه عليك...
بنت الحسين
|
Post: #8
Title: Re: هنا قلبي رئيس اتحاد الفاشلين عاطفيا 2 من 73
Author: إيمان أحمد
Date: 04-17-2004, 01:37 AM
Parent: #7
خدر العريس
أول الحكي
.
.
.
يبدو أن دورة القمر لدي تتزامن بشكل ما مع حنين لوالدتكم، والدة الكل. فمنذ ذاك اليوم وأنا لا تفارقني صورتها الحميمة ووالدكم الكريم. أها، أنسألك... بليت الشوق؟ إن شاء الله الشوق ما يعصف بينا في بلاد الغربة دي.
وثانيه والأهم..
أنا يا يمه لوم العدو
ما باركت ليك إنت وبارعة العروس المتألقة! أودي وشي منك ومنها وين أنا؟
فاسمح لي أن آتي بثانيه أوله، ورغم أن ولدك (البطير رحمان القلب ده) قرب يدخل المدرسة، وأقول: لكما الورود، وللمحبة أن تظللكما، شمسا أحيانا، وغمامات في أحيان أخري.
أما ثالثه
.
.
.
فأمسك أبوك قوووووووي!!
شكرا علي التداعيات، وآمل أن تتقبل تهنئتي المتأخرة
إيمان
|
Post: #10
Title: Re: هنا قلبي رئيس اتحاد الفاشلين عاطفيا 2 من 73
Author: dreams
Date: 04-17-2004, 06:20 PM
Parent: #8
يا خدر عندك امانة مع الخال اداك ليها؟
يا خال ما تنسى
|
Post: #11
Title: Re: هنا قلبي رئيس اتحاد الفاشلين عاطفيا 2 من 73
Author: ملكة سبأ
Date: 04-17-2004, 06:44 PM
Parent: #10
انا ياخدر عيّني سكرتير علاقات أى حاجة فى إتحادك دا
لزوم خفـة القلب والحنية يعنى ..
ايه الفشل دا ؟؟!!
|
Post: #13
Title: Re: هنا قلبي رئيس اتحاد الفاشلين عاطفيا 2 من 73
Author: الجندرية
Date: 04-19-2004, 08:54 AM
Parent: #11
خدر
بالله انت السلطك علينا منو ؟
|
Post: #14
Title: Re: هنا قلبي رئيس اتحاد الفاشلين عاطفيا 2 من 73
Author: تاج السر حسن
Date: 04-19-2004, 09:02 AM
Parent: #13
تعرف يا خدر ، حنان حنانى دى حقو (اصوروها) عشان ما تزح ، ذكرتنى واحد أخونا سودانى ، ذهب الى اثيوبيا فى اجازة من الخليج ولمن أنتهت اجازتو، مشى مكتب الخطوط الاثيوبيه للحجز اخوانا الاثيوبيين، عندهم عادة تسأل الواحد أقوم اشهق ليك كده ، زى حنان حنانى دى ، أها زولنا البنبه سميحه سلمها التذكرة وسالها قال ليها الحجز مؤكد ، قامت شهقت وقالت ليهو : ايوه ، قام قال ليها ألغييييييهو .. وبقى كل يوم أعمل نفس الطريقة ، تعمل ليهو الحجز ، اسالها تشهق ليهو أقوم اقول ليها الغيييهوووو ... لحدى ما عدت 15 يوم بعد نهاية الأجاوة وقربو أرفدوهو ،.... نحنا ناس (حنينين) بس الدنيا بت 60 ......
|
Post: #15
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-19-2004, 10:35 AM
Parent: #11
انا كنت دايما بصبر مهما البعاد اضناني
هنا قلبي .. رئيس الفاشلين جدا .. عاطفيا
اتوجع و اتوحوح
و اقول الروووب
وينك ياود علي
جيتني .. انا دايرك ابوي وانت دايرني ابوك .. منو البقدر !!
و اناوانت ترس و عجل
كيف غلطت انا الغلطة دي ؟؟
انت وحدك عارف همي عارف حالي
ايمان احمد
الشوق ابا
قال المسألة اكبر منو .. وانا تعبت
تعبت .. عاوز اصحي علي صوت اذان .. شكلة
بتاع اللبن .. اي حاجة غير صوت المنبة
انا ما بليتو لانو ابا قدر ماحاولت
حكيت .. سمعت .. شكيت
برضو الدموع ابت
امك مرة مشت معاي السوق .. هناك
حكت لي عن لحظات وفاة ابوها( امحُمَّد ود الحلال ) حكت باسهاب مخيف
بديت ابكي .. حاولت تساعدني و بكت معاي .. لكن اها برضو تاني ابا
في قلبي انت بتكبر .. تكبر معاك اماني
بت الحسين.. ماعندي ايميلك
حا ارسلها و معاها 3 ارطال دموع .. شيلي شيلتك
برجي الايام و استني أمالي بين نيراني
دريمز.. امانتك وصلت .. و سر الشوف بعرفو براي .. شكرا فرحتني رسالتك
الهجر مهما يألم برجع حنانك تاني
الملكة
ايه الفشل دا ؟؟!!
دة سؤال مهم .. تعالي نفتش
اماني.. سلطني عليكم قلبكم البسمع بكاي و كتفكم الشال همومي
ومتين افيق منك يا حنين !!
|
Post: #16
Title: Re: هنا قلبي رئيس اتحاد الفاشلين عاطفيا 2 من 73
Author: مريم بنت الحسين
Date: 04-19-2004, 12:11 PM
Parent: #15
يا خدر..
عنواني [email protected]
ولو كانت الدموع تغسل ما بي.. لبكيت الدهر...
في انتظارها...
بنت الحسين
|
Post: #17
Title: Re: هنا قلبي رئيس اتحاد الفاشلين عاطفيا 2 من 73
Author: ابو مهند
Date: 04-19-2004, 12:42 PM
Parent: #1
)بكتب ليك رسالة طويلة يا امي اقالك فيها يا امي(
اجرت الحاجه بتول بت يوسف عملية موية بيضاء قبل اسبوعين رغم علمي بسهولة العملية الا انني ساهرت اليالي وتمنيت ان اكون مكانها حتى تزرف قطرت دم واحده او تتالم من ربطة العين ةالحمد له اطمنينا عليها لكنها كانت لحظات صعبة علي وربنا يسمعكم كل الاخبار الجيلة من الامهات ويا خدر عزبتني بي قصيدةتاج السر لاني الحتالة وتعبت من 14 سنه غربه كفايه يا اخوانا يديك العافية
|
Post: #18
Title: Re: هنا قلبي رئيس اتحاد الفاشلين عاطفيا 2 من 73
Author: تاج السر حسن
Date: 04-19-2004, 08:40 PM
Parent: #17
والله يا خدر الغنية دى بصوت البنيه دى ، الواحد اول ما ادخل ليهو بوست والقى فيهو شكله مدورة أرجع ليها تانى.
- يا أبومهند عهفوا خدر بكانا بالأغنية دى ، لكن أن نزلت قصيدة امنا عشان ما نختها فى زمتو ساكت
|
Post: #21
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-20-2004, 02:14 PM
Parent: #17
الحاجة بتول بت يوسف .. شفتي ابو مهند تعبان كيف
طمنينا عليك ..
اها العملية كانت كيف ؟ حارة
طمنونا عليكم الله
عصام اخوي
انت برضو تعبت ؟؟
وانا محتاج لي كتفك دة كيف
اوصيك
اوعك تشد حيلك
و اوعك تدس البكا
و ابعد من الرجالة فهي سبب نكبتنا السياسية
اها
غني معاي
انا كنت دايما بصبر مهما البعاد اضناني
|
Post: #19
Title: Re: هنا قلبي رئيس اتحاد الفاشلين عاطفيا 2 من 73
Author: esam gabralla
Date: 04-19-2004, 09:15 PM
Parent: #1
لى طارق صاحبى...هاك الورده دى...وكتفى...
يلا نبكى سوا
|
Post: #20
Title: Re: هنا قلبي رئيس اتحاد الفاشلين عاطفيا 2 من 73
Author: omer ibrahim
Date: 04-19-2004, 10:35 PM
Parent: #19
يا اولاد ارجلوا
|
Post: #22
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-21-2004, 01:05 PM
Parent: #20
عمر علي .. كضااااااااب
تلقاك اسة الدموع شوووووو
والمناديل كملت
ولو داير الرجالة ماتمش الصفحة الاولي .. جاييينا هنا لية
|
Post: #23
Title: Re: هنا قلبي رئيس اتحاد الفاشلين عاطفيا 2 من 73
Author: تاج السر حسن
Date: 04-21-2004, 01:22 PM
Parent: #22
تعرف يا خدر يا اخوى الأغنية المصيبه دى ، مع أغنيتين لأبراهيم عوض ، خلونى أصالح ناس زعلان منهم شديد ، كدى أرجع لموضوع أبراهيم عوض ده ، وشوفو ، أبراهيم عوض - عزيز دنياى والأنكسار المشروع
|
Post: #24
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-21-2004, 07:47 PM
Parent: #23
تاج السر اخوي .. ياخ انا غنية واحدة جهجهتني
جايب لي ابراهيم عوض وزيدان ابراهيم بي جلالة قدرهم
راجع الارشيف .. كتبنا موضوع عن العمالقة ديل قبل كدة
ابحث تحت اسمي او اسم استاذ الموصلي .. بتلقاة
الرائع / أبراهيم عوض (عزيز دنياى) .. الأنكسار المشروع وجنون اللحظه
|
Post: #25
Title: Re: هنا قلبي رئيس اتحاد الفاشلين عاطفيا 2 من 73
Author: تاج السر حسن
Date: 04-23-2004, 05:48 PM
Parent: #24
ياخدر كان أنت نسيت انا ما نسيت
|
Post: #26
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-24-2004, 10:03 PM
Parent: #25
الزمان
نحن طلبه .. زواج شقيقتي الكبري .. التاج خال العريس
جا و معاه اساطين الطرب في جلسه عامة قبل الزواج بيوم
عثمان حسين
ود المقرن
انا استمع و افتح فمي دهشه
هيامي بيك يا فاتن مصدرو الانصاف
انصفت حسنك حب
انصفت حبي عفاف
لاحولة ولا قوه الا بالله .. دفق غريب وطرب.. عظماء الموسيقي السودانية في بيتنا !!
هومت نفسي خيال في معبدك طواف
هومت روحي معاني رقيقة الاوصاف
سكبت روحي علي كاس المحبة سلاف
هل بعد هذا اكون لسهام نواك اهداف
حفل تأبين الفنان الراحل التاج مصطفي
أأأأأأأأأأه
انا يا حبيبي غرامي تركتو لي الايام
تركت حب و دموع تركت شوق و هيام
عودت نفسي اذا ما اشتدت الالام
اصبر علي الهجران و اضحي بالاحلام
جنات هواي العذري ندية كالاحلام
تخلي نار الشوق بردا علي وسلام
اللهم اسكنة فسيح جناتك مع الصديقين و الشهداء
اللهم اسكنة فسيح جناتك مع الصديقين و الشهداء
اللهم اسكنة فسيح جناتك مع الصديقين و الشهداء
|
Post: #27
Title: Re: هنا قلبي رئيس اتحاد الفاشلين عاطفيا 2 من 73
Author: Shinteer
Date: 04-24-2004, 10:13 PM
Parent: #26
بيت بكا .. وحفلتو قاجّة!!!. هسع نرقص وللا نرفع الفاتحة؟
حالتكم سعبة خلاس.
|
Post: #28
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-25-2004, 04:51 PM
Parent: #27
| Quote: هسع نرقص وللا نرفع الفاتحة؟ |
دايما ارفع الفاعل و انصب المفعول يا شانتير
|
Post: #29
Title: Re: هنا قلبي رئيس اتحاد الفاشلين عاطفيا 2 من 73
Author: khider
Date: 04-26-2004, 03:37 PM
Parent: #28
سنوات تعدت الثلاثه عشر .. كنا اصدقاء
كان هو من انصار الاخوان المسلمين
لكنه شاركني الاحلام و عشق الحبيبات البرئ
تزاملنا سنينا .. المدرسه .. البيت
الحله .. كان متميزا عني بالكثير
الصبر
المزاكره
الصلاه
الكوره
و كنت متميزا جدا في التمرد
تفرقنا
ذهبت انا الي كليه الاعلام
و
ذهب هو الي الكليه الحربيه
..
..
..
..
ذهب صهيب الي الجنوب .. للمحرقه
و
ذهبت انا للمعتقل
شهران و خمسه عشر يوما .. عدت الي منزلناجريحا
قالو
استشهد بجبل قطن
ابان احداث توريت 1993
:
:
:
:
انا لله وانا اليه لراجعون
اللهم ارحم صهيب عثمان محمد زين
و اسكنه فسيح جناتك مع الصديقين و الشهداء و حسن اؤلائك جميعا
و متين افيق منك يا حنين
|
|