غيب وتعال ... إهداء لكل الحلوين / ات

كان لغياب بعض الزملاء والزميلات أثر كبير على حركة المنبر في الفترة الماضية ، وبعد عودتهم/ن عادت للمنبر حيويته ونشاطه .
وبإسم الحب والصداقة أهدي هذا اللحن لكل الحلوين/ات ... العائدون/ات وللذين لم يأتوا بعد ..
وأخص منهم/ن العزيزات تماضر .. رجاء .. راوية ..

يا سلام يا ودفع الله
ده كلام يرد الروح
الغاليين والغاليات يستأهلوا أكتر وأكتر

الحبيب إسماعيل

لا غيرتنا ظروف ولا هدتنا محنة ..
مرحب بعودة كل الحلوين/ات ..
وعقبال ما تعود للمنبر كل الروح الحلوة ..
وتسود المحبة بين الجميع ..

تسلم

العزيز الغالي معتصم..
لم نغب لإختبار معزتنا لديكم.. لأننا نعرفها..
ولم نغب مسايرة لهوى او مزاج.. لأننا أكبر من ذلك..
ولم نغب عن المنبر لحظة.. لأننا رأينا ماذا فعلنا..
..
الغياب كان كما يقولون.. للشديد القوي..
وسعادتي بالعودة لا تضاهيها فرحة..

ولك كل الحب..

الاخت العزيزة رجاء

الف حمداً لله على السلامة ..
وحقيقة معزتكم باقية في القلوب ..
بس تاني ما تطولو الغيبة ..

معتصم شكرا على الاهداء
شخصيا احترم نفسي لمعرفه مثلك.... واتابع مشاركاتك وادبك الجم

الغالية راوية

بعودتكن ياما فرحنا ..
وشكراً ليك انت لأن منحتينا عافية العودة والتواصل ..
وربنا يديم المحبة ..

تسلمي

أنا اريتني كان غبت كان

ولا اقول ليكم اريتني كان تماضر ورجاء وراويه

إبراهيم أخوي
بس إنت أعملها وغيب ..
شوف حا نعمل ليك حفلة قدر شنو ..
لكن ما قلت لي انت من ياتو جريف شرق ولا غرب ..
لانه ناس الغرب ديل كلهم أهلي من فريق الحاج لي الشيطة ..

Nice things always come from nice ppl
Thanks for this nice talk for nice ladies that the board ever know
But
Ya Wed Dafalla
Salam
Even 4 el Greif U also share us
I could not believe that you are from elhilayla
I could not get your e-mail
Please keep in touch and salam to all Nas Riyadh

الحليلة أخوي ما تستغرب كثير أنا من القلقالة والدي دفع الله ودالحليلة وهو الله يرحمه كان رجل مشهور في المنطقة وزي ما انت عارف كل أهل المنطقة هناك اهل القلقالة والحليلة والكسمبر والكاملين وود الترابي والتكلة أبشر ورفاعة والبشاقرة والقائمة طويلة ..
وكمان تعرف معظم ناس الجريف وبري وإمتداد ناصر من أهلنا ديل ناس الجزيرة ..
وعن الإيميل بتاعي تلقاه في البروفايل ..

لك ألف تحية وسلام وشكراً لكلماتك الرائعات ..

جيت متاخره؟


اسفه جدا والله...


محبتى والشكر الجزيل على هذه الاغنية الانيقة..

ولن اضيف كثيرا لما قالته رجاء..


الشديد القوى..

لكن تانى ...الخروج باذن والدخول بأذن.. ومودتكم فى رموش العين.

تماضر بنت الشيخ

إعتدنا عليك وتاني ما بنقدر نخليك ..
يا وهج النور الوضح لي كل الأشياء المن حولي ..

جيتاً جيتي ..
والف حمدا لله على السلامة ..

ونحن يا معتصم "كورال" نغنى حلاوة العودة فى موال

لكل الناس الحلوينات

الحلوينات دى جمع إنسان سالم وكامل وزاهى

ما ختيت الفاصلة بين ال "ين" وال "ات" عشان ما يكون فى فرق فى الحلاوة

وتسلم على النغم

الحبيب الغالي أبا ذر

وجودك هنا يزيد المكان بهجة ونور ..
وأنت الحلاوة كلها عشان كده ما غريب عليك ..
تقسم حلاوتك دي لكل الناس الحلوينات ..

بجيك بي غادي انت وشتات ..
أصلو أنا عندي معاكم نضم كتييييير ..

تسلم

سلام معتصم وسلام لكل الحلوين

اذكر كان هناك بوست عن الغايبين عن البورد .

افتقد الان :

ابكر ادم اسماعيل
الملا عمر
علاء الدين شاموق
خضر حسين

عادل

سلام عادل

لك التحية والتقدير ..
وحقيقة نفتقد كثير من الأحبة ..
ظلوا يعطرون هذا البورد بكتاباتهم ..
ونقول ليهم منتظرين عودتكم ..
بس ما تطولوا الغيبة ..