Post: #1 Title: احيييييييييي يا قلبي قمت علي تاني Author: اساسي Date: 04-13-2004, 12:13 PM
كُثُـر هُم أولئك الذين نخبئهم في رِحَال قلوبنا حيث كنا لحظة شجن نغترف من حكاياتنا ومضات محدودة الأجل.... كنت اشتاقك بعيدا عن طلمسات اللغة المصقولة بحرفنة شاعر اعترف ان الدقائق الموقوفة عند حاجز الخوف كانت تراوغني لأصبح في بداية المطاف توقيت لا يؤخر لبداية قصيدة أخرى اكتبها في عينيك ... عندما اكون معك وعندما منحتكَ رئتي لكفالة أنفاسك اللاهثة وراء أمس لايعود كنت على يقين انني اثناء شهقك سأفقد زفرتي واختنق برذاذك المنبعث من بين اضلعك دون ان تلامسني رياح الكلمات المنثورة في لحظة شجن تئدها غفوة تحملك بعيدا عن صقيع اشواقي في غيابك قد كنت أبحث عني في مخابئ ماهو عني لديك فوجدتني وقبل ان اوقع معاهدتي للبقاء وجدتني محفورا على سطر متأوه يباشر بكتابة نعي شرودي فيك يقتل كل محاولاتي فاعود من البداية الي حيث انت الي حيث شوقي اليك يكاد يفنيني
(........)
Post: #2 Title: Re: احيييييييييي يا قلبي قمت علي تاني Author: اساسي Date: 04-13-2004, 12:30 PM Parent: #1
Post: #3 Title: Re: احيييييييييي يا قلبي قمت علي تاني Author: tmbis Date: 04-13-2004, 12:44 PM Parent: #2
Post: #4 Title: Re: احيييييييييي يا قلبي قمت علي تاني Author: جدو Date: 04-13-2004, 01:17 PM Parent: #3
بالغت يا اساسي
الحنان الشديد دا شنو
وايه الكلام الكبار كبار دا
تمبس برضو بالغت الراجل يشكي ويبكي
وتقول ليهو كضاب
Post: #5 Title: Re: احيييييييييي يا قلبي قمت علي تاني Author: Mandela Date: 04-13-2004, 01:28 PM Parent: #3
منو ده الكضاب...؟؟؟ عبد العزيز المبارك..؟؟ و لا أساسي
Post: #6 Title: Re: احيييييييييي يا قلبي قمت علي تاني Author: ملكة سبأ Date: 04-13-2004, 01:43 PM Parent: #1
Post: #7 Title: Re: احيييييييييي يا قلبي قمت علي تاني Author: خالد الحاج Date: 04-13-2004, 01:49 PM Parent: #6
أساسي... والله ما رضيتها ليك معقولة؟؟؟ أيه الحنان ده كلو؟؟ قطع شك في زول سرق الباصوورد بتاعتك كفارة والله كفارة.
Post: #8 Title: Re: احيييييييييي يا قلبي قمت علي تاني Author: faisal44 Date: 04-13-2004, 03:06 PM Parent: #7
ياهووووووووووووووو
الكلام دخل الحوووووووووووش
Post: #9 Title: Re: احيييييييييي يا قلبي قمت علي تاني Author: 7abib_alkul Date: 04-13-2004, 05:43 PM Parent: #8
رومانسي... يعود اليكم من جديد
Post: #10 Title: Re: احيييييييييي يا قلبي قمت علي تاني Author: رومانسي Date: 04-13-2004, 07:28 PM Parent: #9
ما اكثر النحل الذي تجمع حول هذه الشمعة
انتو ما تشوفوا ليكم ود ناس الا تقطعوا ليهو الطريق
تمبس جدو خالد مانديلا فيصل حبيب الكل
هذا البوست ليس لقطاع الطرق امثالكم
هذا البوست بتوقيع رومانسي لا تنسوا اني صاحب هذا الاسم
فان اوقفته عنكم لن اضن عليها به يوما هي من تملاني فرحا
هي من تترعني حبا هي من تظلل ايامي برمشها ..
انتم ايها المشاكسون من تجعلون واقعي بهجة ووعدا وتمني فلها الحب
ولكم باقي قروشكم وتنزلوا المحطة الجاية
ملكة سبأ اليوم لم تقصري فيٌ ابدا وهبتيني القا وضياء ونورا فلك
الشكر علي هذه الاهداءات الجميلة
جدو زمان يا راجل لي معك وعدا وجلسة اختار زمانها وعلي مكانها
تمبس ايها الانيق كاذب من يقول ان حبها لا يتملكني
مانديلا لا كاذب الا الظلام وهي نورا
خالد الحاج اين انت ايها الجميل شغلتك الادارة عنا زمانا غير يسير
عدت لنا والعود احمد ود جبريل
فيصل وعدك رعدك او كما يقول حبيبنا الغائب ود عزة لك الاشواق
حبيب الكل اتري يستطيع الصمود ؟؟ امام هذا الاساسي المخادع او كما
يقول تمبس
ولها ولكم التحية
بتوقيع رجل ضل طريقه الي مكان ما ووجدها تنتظره باكليل من حبها
Post: #11 Title: Re: احيييييييييي يا قلبي قمت علي تاني Author: Rawia Date: 04-13-2004, 07:31 PM Parent: #1
اساسى بوستك دا من اسباب عودتى فك البلوك ياخ خلينا نشوف اسباب لوعتك
Post: #12 Title: Re: احيييييييييي يا قلبي قمت علي تاني Author: Ibrahim Algrefwi Date: 04-13-2004, 07:35 PM Parent: #1
احي الحر
اللهم لا شماته بعدين انته شتمته وين ما بشوفك في حله ناس ام اس ان
Post: #13 Title: Re: احيييييييييي يا قلبي قمت علي تاني Author: طيفور Date: 04-14-2004, 00:17 AM Parent: #1
مطلسمة كما قنديل بزاوية الليل يبتدر الحكايا لزمان يستبيح اشجان الحراز ويحتكر حزن المرايا اشتهيك واعترف ان الدقائق حد خاصرة اللغة الصقيلة كانت تراوغني المجيء تقاسمني الغواية.. وأشهد أني بحث عني في مخابئ ماهو عني لديك فلم اجد غير ظل من صهيل شاحب نثار صقيع باهت وبقايا كُثُر أولئك الذين نخبئهم في رِحَال قلوبنا وعند حاجز الخوف المريع نئد البشارات الشحيحة فيهترئ الزمان وتنكسر الزوايا
اساسي الرومانسي..
بقيت ختري عدييييل يا فردة
Post: #14 Title: Re: احيييييييييي يا قلبي قمت علي تاني Author: اساسي Date: 04-15-2004, 12:48 PM Parent: #13
العائدة راوية
اولا معليش لانه اليوم داك شفت البوست وانا طالع وما قدرت ادخل تاني بي سهولة كان عندي شغل كتير وحب (حبة) بس
لي الحق ان اتشدق فرحا متبسا ببوستي هذا والذي كان سببا في ان نراك بيننا مرة اخري فلك التحية والشكر اما بخصوص البلك والله ما عامل بك لاي زول بس المشكلة نادر ما ادخل الماسنجر ولك التحية برضو اما جرستي دي فسببها خليهو في سرك بس
الجريفاوي الحر التقوم ليك صلعة انت من ناس حلة فوق ديلك ما تلقوا ليكم ود ناس حايم تاخد قروشك معام والمحطة الجاية بس ليك الحب معاهم الماسنجر الايام دي ذاهد فيهو لانه ما فيهو غيركم هاهاهاههاها
طيفور العصفور يا زول انا من يومي ختري بس البوستات واسعة شوية لووووول تحية واشواق بنكة قهوة الترك معبقة بغابات دخان شيشة راستا والعقد اها الليلة معاكم ولا مع الخيانة
Post: #15 Title: Re: احيييييييييي يا قلبي قمت علي تاني Author: طيفور Date: 04-15-2004, 02:35 PM Parent: #14
اثاثي الختيييييييييييير الليله في الجخنون يافرده تجي بدري يامان.. وتجيب معاك علي عثمان
Post: #16 Title: Re: احيييييييييي يا قلبي قمت علي تاني Author: بلدى يا حبوب Date: 04-15-2004, 02:57 PM Parent: #1
اساسى اصلو وبينى وبينك الظاهر عيد الحب بتاع المنبر يادبوا بدأ والله كلامك ما جسة عديل لكن والله حلو تحياتى
Post: #17 Title: Re: احيييييييييي يا قلبي قمت علي تاني Author: طه حسن عبدالله Date: 04-15-2004, 07:50 PM Parent: #16
الرائع أساسى
على اليمين بكا زى ده فى الحقيبة ما شفتو
عِلى الجـِرسة خـَّلها
Post: #18 Title: Re: احيييييييييي يا قلبي قمت علي تاني Author: khider Date: 04-15-2004, 09:16 PM Parent: #17
الليلة ووووووووووووووووووووووووووووووووب اساسي فكا اخرو .. احترمك جدا وانت في حالة حب
Post: #19 Title: Re: احيييييييييي يا قلبي قمت علي تاني Author: singawi Date: 04-16-2004, 11:29 AM Parent: #18
أساسييييي ... أوعى تكون جربت السيجارة
بوحـك الدافئ أعلاه .. أعاد إلى الذاكرة جرسة مشابهة .. قريباً لينا شاعر ورياد وبكاي بالحيل .. أدوهو شاكوش أواخر السبعينات النموذجي ( المغترب - شكيتو علي الله ) المغترب خطف البلومة وكأني أسمع حوافر فرسه تقول .. خطفها .. خطفها .. خطفها .. المهم الزول دبرس وفي ذات مرة من الأمارير ضبطته حبوبة بت أحمد في عز الليل متربع في نص السرير يشكي لنجوم الليل ويردد في إحدى قصائده والدموع حدها الصدر حبوبتك دقت صدرها في خُلعة وقالت : سجمي .. سيف الدين .. أوعى تكون جربت السجارة ( البنقو )
أساسي الحبيب أنا من زمان أقول الطيور على أشكالها تقع لكن صدقني ما كنت قايلك طيرة زينا كدي
Post: #20 Title: Re: احيييييييييي يا قلبي قمت علي تاني Author: jini Date: 04-16-2004, 02:32 PM Parent: #1
Quote: : احيييييييييي يا قلبي قمت علي تاني
قال قلب فال داك هريتوا وهسة شغال بالمرارة أصلوا حق المولانات كعب ومخالف
هسة الكلام دا إنت قاطعوا من راسك ولا كراعك والله أنا لو أبوك كتت ياوديتك المنطقة يا تلفزيون أم درمان. جني
Post: #21 Title: Re: احيييييييييي يا قلبي قمت علي تاني Author: ود الشيخ Date: 04-17-2004, 11:50 AM Parent: #1
. .
[qb]
أساسي
أحي يا ود امي مقطع الحنان دهـ كلو في حشاك وساكت بيهو لمن فاض منك بختها البتعرسك دي بس مش من بعد شهر العسل تقول ليها ما شايفه قدامك اصرف ليها من الحنان بالسيسي
ود الشيخ [/qb]
Post: #22 Title: Re: احيييييييييي يا قلبي قمت علي تاني Author: bamseka Date: 04-17-2004, 02:34 PM Parent: #1
