Post: #1
Title: أسعــد.......... هاك دى!
Author: أبوالريش
Date: 04-13-2004, 02:45 AM
Parent: #0
لقطــة نادرة الحـدوث، وجانى خاطـر أجمدهـا وأشـرك الأخوة فيهـا.
|
Post: #2
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 02:58 AM
Parent: #1
حلوة الصدفة البيك جمعتنا خلت عينا تلاقي صباحا
|
Post: #3
Title: Re: أسعــد.......... هاك دى!
Author: أبوالريش
Date: 04-13-2004, 03:06 AM
Parent: #2
إسمـى جا التانى لأنـو مكتــوب بالعـربيـة!
وإتحـداك أكتب إسمـك بالعـربى كان ما تجى الطيش.
|
Post: #4
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 03:09 AM
Parent: #3
تعرف يا ابو الريش دي فكرة كويسة نعمل شكلة في البوست دة نخليهو الان يوصل الي مائة مشاركة
رأيك شنو؟؟؟؟؟؟؟؟
|
Post: #5
Title: Re: أسعــد.......... هاك دى!
Author: أبوالريش
Date: 04-13-2004, 03:21 AM
Parent: #4
كان ترســل الفكـرة دى بالإيميل..
لكن الان أفسـدتهــا بالإعلان عنهـا.. مما يـدل على إنك رجل ســاذج ما تعرف أى تخطيــط.
|
Post: #6
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 03:23 AM
Parent: #5
ابو الريش ما شايف انك ذودتها خالص
جرررررررررررررررر
وين العكاز المضبب يا ولية؟؟؟؟؟؟؟؟؟؟
|
Post: #8
Title: Re: أسعــد.......... هاك دى!
Author: أبوالريش
Date: 04-13-2004, 03:37 AM
Parent: #6
"وين العكاز المضبب يا ولية؟"
أسعــد،
خلى النســوان والأطفال بعيــدين من المعـركــة دى، ما تتضـارى بيهـم..
عامل فيهـا كايس عكاز..
هـو المعـركــة بدت متين، عشــان تعمل ليك هيـومـان شيلــد.
|
Post: #42
Title: Re: أسعــد.......... هاك دى!
Author: maha abdella
Date: 04-14-2004, 01:37 AM
Parent: #2
نفسي يا وليداتي احجزكم لكن انا خوافه والحجاز في الزمن دى ليه عكاز
لكن بصراحه انت ختيت عليه واتحمل ختاك اي راسي راسي زحوا عكازكم بعيد
|
Post: #7
Title: Re: أسعــد.......... هاك دى!
Author: سارة منصور
Date: 04-13-2004, 03:30 AM
Parent: #1
اسعد وابو الريش مادايرين ليكم واحدة ست في نص شكلتكم الحلوة دي
تزيد ليكم الطين بلة؟؟؟ هاهاهاها ماتقولوا اصلنا قاعدين علي الهبشة هاهاهاها
ابو الريش اسعد قال لمرته تجيب ليه العكاز اسمع ارسل ليك المفراكة حقتي هاهاهاها
والله يااخي يديكم العافية والله مايجيب يوم شكركم يااولاد امي كلاكما اخو اخوان
الله يخليكم ومايجيب مشاكل ودمنا جميعا لبعض انشاءالله ..ولكن برضو ياابو الريش
لو عائز مفراكتي برسلها ليك واسعد كفايه عليه عكازه ..
|
Post: #9
Title: Re: أسعــد.......... هاك دى!
Author: أبوالريش
Date: 04-13-2004, 03:44 AM
Parent: #7
ســارة انت خليكى بعيــدة، من فضلك.. مافى مشكلـة. بس خشـى جـوة وخليكى قاعـدة هناك.
|
Post: #10
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 04:13 AM
Parent: #9
انت يا ابو الريش متخيل انك بعيد في نيويورك؟؟؟؟؟
طيب بس اكتب لي عنوانك 
بعدين يا سارة مرسلة لابو الريش مفراكتك والله عال الظاهر اني في طريقي لنيويورك
حاغشي مينوسوتا بس خلي عاصم يرجاني في الهاي وي
في الحالة دي عكازين مضببات
تعرف يا ابو الريش الواحد يلم عليك الظلاميين بتاعين المنبر والله ما
تعرف تمشي وين، بعدين جماعتك ما ناس مشاكل ، يعني نستفرد ليك والله لنكات
ياسر ما تحلك.
|
Post: #11
Title: Re: أسعــد.......... هاك دى!
Author: أبوالريش
Date: 04-13-2004, 04:51 AM
Parent: #10
"انت يا ابو الريش متخيل انك بعيد في نيويورك؟؟؟؟؟
طيب بس اكتب لي عنوانك"
أنا البكتب عنـاوينى للناس، وأقعــد أرجاهـم لمن يجـو..
أفففففففو
عارف هسـى أنا خشيت فى شـاشــة الكمبيـوتـر وما لقيتك!.. الله يعوضنـا فى الشــاشــة غايتـو!
ذكـرت يـاســر..
حأخلى ناس يـاســر ديل يطلعـوا بيان يقولوا الزول دا ما مننـا..
وقعت ليك؟
|
Post: #12
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 05:04 AM
Parent: #11
ابو الريش
نحن في مرحلة التشاور لتكوين فريق من 11 لاعب وخمسة احتياطيين للمباراة الحاسمة معكم
وسيكون باسم فريق الظلاميين
نرجو ان تتكرموا باختيار فريقكم المقابل بس اوعي من العجائز زي ناس بشاشا
كما ان نرجو ان نتفق علي الحكام ويوم المباراة
مبدئيا قائمتنا تضم
محمد سبيل
هوبفول
اساسي
كبسيبة
زول بن زول
هشام امين
انور احمد
السنجك
درار
اسعد
ملاسي
عاصم المهدي
وسوف نورد بقية الاسماء بعد التشاور
اما تيم المشجعات
بيان
سارة
نوف
سودانية
مهيرة
واخريات
اما المشجعين فلن نذكر اسماؤوهم لانهم كوادر سرية
اها رأيك شنو ؟؟؟؟
|
Post: #13
Title: Re: أسعــد.......... هاك دى!
Author: Elnasri Amin
Date: 04-13-2004, 06:51 AM
Parent: #1
يا محمد عثمان خطك شين شديد
النصرى
|
Post: #14
Title: Re: أسعــد.......... هاك دى!
Author: أبوالريش
Date: 04-13-2004, 07:28 AM
Parent: #13
"يا محمد عثمان خطك شين شديد"
يا النصـرى..
يا اخوى ات راكب من وين؟
يا كمســارى الزول دا راكب غلـط.. عليك الله أديهــو تزكـرتـو، ونزلـو فى الفـاو!! قول ليــه يركب البص الجاى من الخـرطــوم.
|
Post: #15
Title: Re: أسعــد.......... هاك دى!
Author: Elnasri Amin
Date: 04-13-2004, 07:53 AM
Parent: #1
هاك النكته دى عشان ما تنزلنى المحطه الجايه
فى محكمه... بعدين القاضى بدا يقرا فى قرار بحق احد اخوانا الرباطاب
"حكمت المحكمه بالاعدام شنقا على المتهم"
و التفت على المتهم فاهم الكلام ده؟
رد عليه المتهم فاهم يا حضرة القاضى....عامل راسك ده زى راس العتود"
اذا ما عجبتكم و عاوزين تنزلونى برضو عندى واحده تانيه مؤكد توصلنى السوق الشعبى
|
Post: #16
Title: Re: أسعــد.......... هاك دى!
Author: سارة منصور
Date: 04-13-2004, 10:21 AM
Parent: #1
اسعد يااخوي منو القال ليك انا عائزة اكون مع المشجعات ؟؟
لا ثم لا انا حابقي ليكم حارس المرمي اها قولكم شنو ؟؟
لكن عائزين الكورة تكون كورة شراب زي حقت زمان اللي كنا بنلعب بيها (الكمبلت )
والله ياحليل زمان والعاب زمان شئ كمبلت وشئ زك زك وشئ دس دس وكانت ايام
جميلة ( الا ليت الطفولة تعود يوما فاخبرها بما فعل الشباب؟؟)
اسعد وابو الريش الله يجازيكم خليتوني سرحته لغايت ماالبيض الفي النار حرق ..
|
Post: #17
Title: Re: أسعــد.......... هاك دى!
Author: أبوالريش
Date: 04-13-2004, 05:00 PM
Parent: #16
أسعــد،
أول حاجـة، ملاسـى دا من عنـدنـا..
ومحمـد سبيـل، مـع إنـو يتشـاف ظلامى، لكن عنـدو بطـاريـة ملانـة حجار ودايما شـايلا فى جيبـو.. بس ما قاعـد يولعا..
ســـارة،
أحسـن حاجــة تعمليهـا بالمفراكــة دى، أكربى ليك ملاح تقليـة.. ويكون سخن فوق العصيــدة.. دخانـو يلوى.. وكلمـا أسعــد جاب الهمباتـة بتوعـونـو ديل، بس أرمى ليهـم الصينيـة قدامن.. اأاااه ... خليكى كدا.. بالسياســة.
بعـدين يا أسعـد، إنت ما زول شكل.. ظاهــر عليك.. أول حاجـة دايـر تدخل الوليـة معاك.. قلنا أوأووووه.... الكلام دا ما بيجى..
بعـد داك جبت إتناشــر نفـر (وقلت لينا حداشــر).. هى قول حـداشــر.. ودا كلو
مع إنـو لســه ما فى زول رفع إيـدو عشــان يحك راســو!!!
وما إنت براك..
الشــايقيــة كلهـم ما ناس شكل.. الواحــد فيهـم عشــان يقـول ليك إينعل أبوك، لازم يخش كليـة الشــرطــة أول.. ولو قادى عـربى واللا دين، يمشى البوليس يتعين نفـر.. ويستنى سنتين لحـد ما يـدوه شـريــط.. عشــان يخوفك.. وبعـد داك يقولها ليك براك.. عشـان ما يكون عنـدك شــاهـد عليهـو.
أخيــر أخـوانا ناس ياســر الشــريف.. لو كتـرت معاه، يديك لنك وإنت واقف.
على أى حال..
ما عنـدى مانـع تجيب 11 واللا مية.. بس لازم المحافظـة على قوانين البورد.. وممنـوع إستعمـال العبارات والألفاظ التاليــة:
1- إينعل أمك / أبوك
2- عاين الخليقــة (بكســر الخاء) أو إختصـارا: عالخليقــة
وهلمجـــرا
|
Post: #18
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 06:33 PM
Parent: #17
ابو الريش
كل الانشاء بتاعتك دي لم تلفت نظري اطلاقا
اخر كلمة اوضحت لي من هو ابو الريش
اتاريك انت سندكالي مندس مع الجماعة الطيبين ديل
بس بالله كلو شئ سهل الا لنكات ياسر تجيبها لينا هنا
ونواصل
|
Post: #19
Title: Re: أسعــد.......... هاك دى!
Author: 7abib_alkul
Date: 04-13-2004, 06:45 PM
Parent: #18
عيب يا ود يا اسعد عمك ابو الريش دا ما قدر ابوك انت ولد ما عندك احترام للناس الكبار مالك?
|
Post: #20
Title: Re: أسعــد.......... هاك دى!
Author: 7abib_alkul
Date: 04-13-2004, 06:46 PM
Parent: #18
عيب يا ود يا اسعد عمك ابو الريش دا ما قدر ابوك انت ولد ما عندك احترام للناس الكبار مالك?
|
Post: #21
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 07:09 PM
Parent: #20
تعرف يا حبيب الكل انا خلاص مسحتك من قائمة الظلاميين نهائي
كيف يعني تشوف واحد ظلامي متعارك وتقعد تقول ليهو عيب
ولا دايرني اقول ليك حبيب البعض
|
Post: #23
Title: Re: أسعــد.......... هاك دى!
Author: أبوالريش
Date: 04-13-2004, 07:27 PM
Parent: #18
"كل الانشاء بتاعتك دي لم تلفت نظري اطلاقا"
الإنشــاء الخلاك تتكلـم دنقلاوى دا!
بالمناسبــة.. يقولوا كترة التكــرار تعلـم كلمـة عكس قوانين البورد..
فلماذا لا نتعـظ من الغيــر، ونخلى حكايـة الحرب.. نختصــر .. نمشـى نيفاشــا.. وكل واحـد يتفشـى هناك.. خصـوصـا قوانين البـورد ما مطبقـة فى كينيـا.. ونصل لنتيجــة إن شــاء الله..
مطالبنـا هناك حتكـون كالاتى:
1- "العاصمـة القـوميـة" تصيــر، "العاصمــة الكـوميــة". لأنهـا تحتـوى على كيمان كتار.. وكل واحـد صـارى ليـه راى قاعـد فوقـو.
2- "الشــريعــة" يعاد تسميتهـا لتصيــر، "الذريعـة".. لأن كل من هب ودب يتذرع بهـذه القـوانين لظلـم الناس.
3- جون قرنق يكون رئيس الدولـة، والبشيــر يظل القائـد الأعلى للجيش.
رأيك شنـو؟
|
Post: #22
Title: Re: أسعــد.......... هاك دى!
Author: Anwar Ahmed
Date: 04-13-2004, 07:21 PM
Parent: #1
ها ها ها والله ضحكتوني شديد....... يا اسعد كدي خلي ابوالريش
يختار فريقو وبعداك افوو بنكون معاك هو بالله ابوالريش في نيويورك
|
Post: #26
Title: Re: أسعــد.......... هاك دى!
Author: أبوالريش
Date: 04-13-2004, 07:42 PM
Parent: #22
"هو بالله ابوالريش في نيويورك"
أيـوة يا أنـور.. أبو الريش فى منطقـة نيويورك..
|
Post: #33
Title: Re: أسعــد.......... هاك دى!
Author: Anwar Ahmed
Date: 04-13-2004, 09:30 PM
Parent: #26
لكن نيويورك ما سعيده بانها فيها امثالك
تعرف ياأبوالريش انا فاكرك في دول غرب اوربا
|
Post: #27
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 07:43 PM
Parent: #22
ابو الانوار
رغما اننا ظلاميين بس دائما باينيين
كتر خيرك
وابو الريش جاهو بلا
اثبت يا ابو الريش
ودي ليك يا انور للتدريب عليها الي حين يوم المباراة
|
Post: #24
Title: Re: أسعــد.......... هاك دى!
Author: Ibrahim Algrefwi
Date: 04-13-2004, 07:34 PM
Parent: #1
والله يا اسعد اسه دي لوكانت جكسايه كان كبيت جنس حنان
بعدين عند اذنك الحركه اسمحه دي وبرجعها ليك تاني
اتفقنا
|
Post: #25
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 07:39 PM
Parent: #24
اخونا الجريفاوي دي احلي منها
هدية ليك "بس ابو الريش دة دايرين نقعدو في علبو وكدة"
|
Post: #28
Title: Re: أسعــد.......... هاك دى!
Author: Saifeldin Gibreel
Date: 04-13-2004, 08:23 PM
Parent: #25
الأخوان أسعد وأبو الريش البوسط بتاعكم دمو خفيف وما أحواجنا لهذه الخفشات نرجو المواصلة فما ذال الليل طفلآ يحبو.
|
Post: #29
Title: Re: أسعــد.......... هاك دى!
Author: أبوالريش
Date: 04-13-2004, 08:53 PM
Parent: #28
بالمناسبــة..
ممكن واحــد يشــرح كلمـة "ظلامى" دى.. والله ما عارف معناها والمقصــود منهـا.
|
Post: #34
Title: Re: أسعــد.......... هاك دى!
Author: Anwar Ahmed
Date: 04-13-2004, 09:49 PM
Parent: #25
|
Post: #35
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 09:52 PM
Parent: #34
الحبيب انور
لقيت كلمة في ردي علي الاخ ابراهيم ومسحتها
ودة الايميل
[email protected]
والشكر لك يا حبيب
|
Post: #37
Title: Re: أسعــد.......... هاك دى!
Author: Anwar Ahmed
Date: 04-13-2004, 09:59 PM
Parent: #35
تسلم ياحبيب
|
Post: #30
Title: Re: أسعــد.......... هاك دى!
Author: Walid Safwat
Date: 04-13-2004, 09:12 PM
Parent: #1
ظلامي يعني النور قاطع عندهم بالليل
تاني شي اسعد ده ود الميدوست
يعني انا وابن مدويستي على الاستكوستاوي
|
Post: #31
Title: Re: أسعــد.......... هاك دى!
Author: ASAAD IBRAHIM
Date: 04-13-2004, 09:19 PM
Parent: #30
وليد صفوت
سلمت يا اخونا
وباين انو ابو الريش في ورطة حقيقية
اخر الاخبار
شوهد السيد ابو الريش وهو يهم بمغادرة نيويورك في طريقه الي
اقصي شمال كندا .
برضو في ظلاميين هناك يا ابو الريش
|
Post: #32
Title: Re: أسعــد.......... هاك دى!
Author: أبوالريش
Date: 04-13-2004, 09:26 PM
Parent: #30
وليــد و أسعــد،
يا ناس المد وسـت..
نحن ما دام جيـران أحسـن نعيــد النظـر فى التحالفـات.. لأنو الزمن دا زمن تحالفـات جغـرافيـة، ما زمن تحالفـات سياسيـة.
|
Post: #36
Title: Re: أسعــد.......... هاك دى!
Author: أبوالريش
Date: 04-13-2004, 09:55 PM
Parent: #32
"اسعد ياخي في كلمه كتبتها فوق ممكن تخلي ليها بالك
اعرف ومتاكد انك لم تقصد هده الكلمه هنالك خطأ املائ غيره
ولا انا ما متأكد من معناها ما عارف..."
أنـور و أسعــد،
من فضلكـم الخلافـات الشخصيــة دى محلهـا الماسنجـر، أو بالعـدم الإيميلات..
واللا اللائحــة قا*عـ**ـدة.
|
Post: #38
Title: Re: أسعــد.......... هاك دى!
Author: Anwar Ahmed
Date: 04-13-2004, 10:07 PM
Parent: #36
ليس هنالك اي نوع من الخلاف الشخصي
وتسلم
|
Post: #39
Title: Re: أسعــد.......... هاك دى!
Author: أبوالريش
Date: 04-13-2004, 10:24 PM
Parent: #38
"ليس هنالك اي نوع من الخلاف الشخصي"
الأخ أنـور،
إذا ما فى خلاف شخصى، أنا ما بقول ليك فى خلاف شخصى..
بعـدين أنا ما كايس مشــاكل يا أخى..
المشكلـة دى أســاسـا بداهـا أسعــد.. وانت جيت ضيف، ورحبنا بيك، وهسـى قعـدت فى النص..
|
Post: #40
Title: Re: أسعــد.......... هاك دى!
Author: Anwar Ahmed
Date: 04-13-2004, 11:35 PM
Parent: #39
|
Post: #41
Title: Re: أسعــد.......... هاك دى!
Author: سارة منصور
Date: 04-14-2004, 00:11 AM
Parent: #1
اها ياشباب اسعد وابوالريش ملاح التقلية جاهز والعصيدة الملهلبة تستاهل
منكم نظرة هاهاهاها
اها عملتوا شنو في الفريق انا كلمتكم من هسه انا حارس المرمي لاني اكثر زول
بصد الكوره وماحاسمح بآي اقوان الا للبياكل عصيدتي دي ..
وكمان اها الشاي زاتوا جهزناه ليكم بالترمس كمان ..
|
Post: #43
Title: Re: أسعــد.......... هاك دى!
Author: أبوالريش
Date: 04-14-2004, 02:29 AM
Parent: #41
"اي راسي راسي زحوا عكازكم بعيد"
لا حول ولا قـوة إلا بالله العلى العظيــم..
دا أكيــد ياهــو، لأنـو الوحيــد الشـايل عكــاز.
الباقين قاعـدين يتناقشــو بالمنطق..
|
Post: #44
Title: Re: أسعــد.......... هاك دى!
Author: maha abdella
Date: 04-14-2004, 02:52 AM
Parent: #43
بس ياهو زاته يا ابو الريش شن قولك
|
Post: #45
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 03:36 AM
Parent: #44
| Quote: بس ياهو زاته يا ابو الريش شن قولك |
ابو الريش حصلت كمان المضاربة مع البنات
مها ما يهمك بنجيب ليك حقك منو
|
Post: #47
Title: Re: أسعــد.......... هاك دى!
Author: maha abdella
Date: 04-14-2004, 04:16 AM
Parent: #45
كتر خيرك يا اخوي ويا ها المحريه فيك ذكرتني برجال زمان الكانوا بقوموا للنسوان من البصات وكانوا بشيله للمراه الكبيره الحاجه الثقيله يا حليلم الحمدلله ظهرت انت وتراك شوفته الخطاء بعينك وانشاء الله تطير لي ابو الريش ريشه كله وذي ما قلته انا خوافه واعتمادي علي الله وعليك يا اسعد اخوي
|
Post: #48
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 04:41 AM
Parent: #47
ابشري بالخير يا مها
ابو الريش دة خلاص في الباي باي
|
Post: #50
Title: Re: أسعــد.......... هاك دى!
Author: حبيب نورة
Date: 04-14-2004, 05:26 AM
Parent: #41
والله انا جايباني عصيدة سارة منصور
ما عندي كبير غرض في شكلتكم دي
|
Post: #46
Title: Re: أسعــد.......... هاك دى!
Author: WaD OmI
Date: 04-14-2004, 03:38 AM
Parent: #1
كان على عيني يااسعد يااخوي اكون من المشجعات
لكن ابو ريش لا يتعامل الا مع الاسماء الكامله
نوف
|
Post: #49
Title: Re: أسعــد.......... هاك دى!
Author: osly2
Date: 04-14-2004, 05:08 AM
Parent: #46
نوف
قالوا دايرنك مشجع ما حكم
واللا كمان فى المباريات بقوا يقولوا
دايرين كشف اسماء المشجعين
ابو الريش
لو محتاج راس حربه قول عوووك
|
Post: #51
Title: Re: أسعــد.......... هاك دى!
Author: أبوالريش
Date: 04-14-2004, 05:41 AM
Parent: #46
مهـا،
أنا ما ضـربتك.. ونحن أسـاسـا ما بنضـرب النســوان.. دا أسعــد.. لأنـو، عاينى الناس الفـوق ديل كلهـم، حتشـوفى هـو الوحيـد الشـايل عكاز.. جابتـا ليهـو سـت النفــر، لمن كورك ليهـا قبيل..
يا أسعـد،
ياخى دا كلام بعيـد وما مناسـب..
من أول قولـة تيت دخلت ست النفـر فى الشكلــة، وحاولت تحتمى بيهـا، بدعـوى أن تناولك العكاز، فى الوكت اللى أى زول عنـدو ذرة من عقل، يفهـم أنك كنت عايـز تنبهـا للشى الجاييك بس!!.. بعـدين جبت اتناشــر نفـر، عشــان يشـاكلـوا معاك.. أتناشــر نفـر ؟!!
وأنا اعاين سـاكت.. وما نسيت تجيب نســوان الحلـة عشـان يزغـردن ليك ويشجعـوك!!
لما شعـرت إنـو دا كلـو ما جـاب دخل، قمت ضـربت مهـأ المسكينـة، الجات تحجــز، عشــان تخـوفنا نحن!!
ياخى عليك أمان الله.. أنا ما دايـر معاك أى شكلـة..
لمن تعتمــد على نفسـك، بدون مشجعــات خارجيـة، بعـدين ممكن الواحـد يفكــر ينازلك.. لكن هسـى اطمئن.. ما حأقصــدك.
|
Post: #52
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 06:08 AM
Parent: #51
ابو الريش
انت قايلا هظار تبدأ المشاكل ووقت تسخن تقول ما داير لا ما علي كيفك
اما انت يا كمال بتعرض خدمات لابو الريش ، انشاء الله دشك ما يشتغل
وانت كمان ارجي الجاييك
يا نوف ما يهمك من ابو الريش تعالي وجيبي عدتك معاك كمان
|
Post: #61
Title: Re: أسعــد.......... هاك دى!
Author: maha abdella
Date: 04-14-2004, 01:00 PM
Parent: #51
كمان سوتني غبيانه ما بفرز عصاية اسعد من ابو الريش
شكلي حا استعين بكبسيبه
|
Post: #53
Title: Re: أسعــد.......... هاك دى!
Author: WaD OmI
Date: 04-14-2004, 07:24 AM
Parent: #1
انت عارف يااوسلي ابو ريش ح يعمل بطاقات لكل المشجعات والاعبين
وخلي بالك شويه شويه الزوار مطلوب كشف باسماءهم
اسعد..اها كان جيت وابو الريش اباا
اقبل وين بي عدتي دي ؟؟؟؟؟؟؟؟؟
ابو الريش ماتزعل من كلامي هظار من مجهول
نوف
|
Post: #54
Title: Re: أسعــد.......... هاك دى!
Author: معتز تروتسكى
Date: 04-14-2004, 07:33 AM
Parent: #1
خالص التحايا
الزملاء الظلامييين والله كبرتوا وعملتوا ليكم كوم بعد شويه بتشوتونا بره المنبر (الكوادر السريه اظهروا عايزكم فى اجتماع ضرورى لمناقشة الوضع الراهن ونشوف حكاية ابو السعود ده ومعاهو ابو الريش والزوله ساره )..
|
Post: #55
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 07:51 AM
Parent: #54
يا تروتسكي انت راكب من وين وماشي وين
ابو الريش الزول دة تبعك؟؟؟
ولا نجدعوا برة خالص
بعدين كمان مع شوتك الغلط
كاتب لينا
| Quote: الزملاء الظلامييين |
دي كيف بس ظلاميين وزملاء، زي الاخوة اعضاء الاتحاد النسائي
الله يجازيك
|
Post: #57
Title: Re: أسعــد.......... هاك دى!
Author: أبوالريش
Date: 04-14-2004, 08:06 AM
Parent: #55
أسعــد،
أى زول منقـب، أديهـو تزكـرتـو طـوالى..
حتى لو كان من أعـداء الجمعيـة التـأسيسيــة!!
قول ليهــم موســم الهلاوين ما جـا لســـه.
بالمناسبــة.. التسـخينــة وكتهـا إنتهـا خلاص.. بعـد دا الشغل حيكـون بالجبخـانـة الحيـة.
|
Post: #56
Title: Re: أسعــد.......... هاك دى!
Author: معتز تروتسكى
Date: 04-14-2004, 07:58 AM
Parent: #1
خالص التحايا ابو السعود
بعدين زى ما قال ليك ابو الريش انت ماتخليك ... وتخرب اى تخطيط..
العباره دى كاتبه لى زميلانا العزيز ابو الريش عشان داير يعمل تحالف مع الظلاميين وماتخلييك ظلامى يافرده ..
|
Post: #58
Title: Re: أسعــد.......... هاك دى!
Author: كبسيبة
Date: 04-14-2004, 10:10 AM
Parent: #1
جينا يا شباب
أي شنكبة عنكبة عدلات تبش
بس ورونا وين الظلاميين ووين الضلاليين
وناس الشمس يقيفوا بي جنبه وناس الضل يقيفوا بالجنبة التانية
ما عايزين أي مرة
ما عايزين أي إعلام
ما عايزين أي (سين. سين)
ما عايزين جمهور
كل اللعيبة داخل الملعب
ممنوع منعاًباتاً اصطحاب الأطفال.
ممنوع استخدام الشلاليت (بالكف بالبنية.... يهز الدنيا)
ممنوع نقل الشمارات من فريق إلى آخر.
يسمح باستعمال واقي الاسنان للمحافظة على ما تبقى .
بدون قتع شك الحكم حايخد علقة بعد نهاية الشكلة.
المديدة الحااااااااااارة
|
Post: #59
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 10:26 AM
Parent: #58
كبسيبة الحربي
ما بتقصر
الحاجة العاوزة منك تعضي لي ابو الريش دة وبس
بسيطة مش كدة؟؟؟
|
Post: #60
Title: Re: أسعــد.......... هاك دى!
Author: كبسيبة
Date: 04-14-2004, 11:47 AM
Parent: #1
قلت كدي يا سعد..
يا أبو الريش
بتستحمل عضتي ...
أحسن يا سعد نشاور اللجنة المنظمة لهذه الشكلة
هل يسمح بالعض وماهي الأماكن المخصصة للعض مع مراعاة
السن الطاير في الأسفل والأعلى.
لكن برضو بعضيك يا ابو الريش.
|
Post: #62
Title: Re: أسعــد.......... هاك دى!
Author: أبوالريش
Date: 04-14-2004, 04:36 PM
Parent: #60
اسعــد إبـراهيــم،
قبل ما نبـدأ، هناك بعض النقاط يجب أن تكون واضحــة.
أولا يجب أن تغيــر إسـم فريقك من ظلامى، إلى نورانى.. دا شــرط.
الملاحظــة التانيــة، وهى معروفـة عنـدك.. وأكرر، مع إحترامى الكامل لحريـة الناس، فى إختيار أن يكونـوا ملثمين وغيـر معروفين، فأرجـو أن تحتـرم الناس حريتنا أيضا، وبنفس القـدر، فى أن نتبادل الرأى مـع من نعـرف فقـط.. وهـم المعـروفـون من قبل عنـد عامـة أعضـاء البـورد.. وهـذا مبـدأ.
ولك الشكــر، ومرحبـا بالنقاش المثمــر معك. (أو الشكل المجـدى)
|
Post: #63
Title: Re: أسعــد.......... هاك دى!
Author: ali othman
Date: 04-14-2004, 04:59 PM
Parent: #1
ما واقفين في الصف من الصباح مافي زول داير يعزلنا ؟
قايتو لابس لي كموش من سنة حفرو البحر ومسنن البوز وراجي صفارة الحكم
|
Post: #64
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 05:04 PM
Parent: #63
الحبيب علي عثمان ابو محمد
تصدق بنفتش في زول عندو كموش زي حقك دة
خلاص خليك استوبر وانجر نجر نضيف وعليك بالركب
وما تهتم للحكم " من الجماعة"
بس يا جماعة دايرين نعرف ابو الريش دة معاهو منو ؟؟؟
|
Post: #65
Title: Re: أسعــد.......... هاك دى!
Author: أبوالريش
Date: 04-14-2004, 05:39 PM
Parent: #64
"بس يا جماعة دايرين نعرف ابو الريش دة معاهو منو ؟؟؟"
معاه ملايكـة الرحمن، وجن الأرض الســابعـة.
مستعــدين، نبـدأ؟
|
Post: #67
Title: Re: أسعــد.......... هاك دى!
Author: على اسماعيل
Date: 04-14-2004, 05:55 PM
Parent: #64
الاخوان / اسعد وابو الريش - سلامـــات كيفنكم
طالما جات فيها اسم ( نورانى ) نحن جاهزين و بنسد بعدين بس خلو الضلام يجى عشان ننورها ليكم شويه لللعب والشكلة البدون حجاز و توابعو .
فرفشتونا و وغلبتونا ، ولمن تكونا براكم فى البورد كلمونى انا عندى ليكم حاجة بدل اللعب والشكلة و لكم الود والاحترام
|
Post: #69
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 06:16 PM
Parent: #67
علي اسماعيل
ما تنسي الكدارات والشنكارات المرة الجاية
اها مرحب بيك يا حبيب في الفريق
|
Post: #70
Title: Re: أسعــد.......... هاك دى!
Author: أبوالريش
Date: 04-14-2004, 06:55 PM
Parent: #69
إن الإنســان على نفســه بصيــرة.
بتلبســوا كدارات عشــان تلعبـو شـــدت؟
|
Post: #66
Title: Re: أسعــد.......... هاك دى!
Author: ali othman
Date: 04-14-2004, 05:52 PM
Parent: #1
ابو الريش
كدي تعال جاي على جهة الجناح دي والله فيها حلاة دين ردمة
|
Post: #68
Title: Re: أسعــد.......... هاك دى!
Author: معتز تروتسكى
Date: 04-14-2004, 06:06 PM
Parent: #1
ابوالسعود سلامات
ابوالريش انا قايتو ببقى مدرب للفريق لانو شاهدته الجماعة ديل بلعبوا وعرفته طريقة لعبهم وكده بس بديكم الخطه ومنتصرين ..
|
Post: #71
Title: Re: أسعــد.......... هاك دى!
Author: على اسماعيل
Date: 04-14-2004, 07:02 PM
Parent: #68
الاخ / اسعد كيف الاخبار يا رائع( نحن بس بندحرج التماسى يا جميل يا آعد على الكراس)
على قولك الكدارات دى لازم تكون اديداس ام كدايس و ما تقول انا بشوت ضفارى واشتر كمان واظنك حتتفق معى فى ( الضفارى دى )ولا شنو
|
Post: #72
Title: Re: أسعــد.......... هاك دى!
Author: أبوالريش
Date: 04-14-2004, 07:10 PM
Parent: #71
إن الإنســان على نفســه بصيــرة.
بتلبســوا كدارات عشــان تلعبـو شـــدت؟
|
Post: #73
Title: Re: أسعــد.......... هاك دى!
Author: على اسماعيل
Date: 04-14-2004, 07:17 PM
Parent: #72
الكدارات دى لزوم الحماية من البضربو فى الاناكل - ديل احنا لسع فى بداية الدورى ونقوم ننكسر تكون مصيبة ونادينا ما فيهو بدلاء ولا شنو يا استاذ ابو الريش لكم الود والاحترام
|
Post: #74
Title: Re: أسعــد.......... هاك دى!
Author: أبوالريش
Date: 04-14-2004, 07:31 PM
Parent: #73
ما عنـدى مشكلـة مع الكـدارات.. الحـريـة مكفولـة للجميــع..
بس ما قـدرت إتخيل زول بيلعب شــدت وهـو لابس كـدارة..
يعنى حيمسكهـا بى وين؟
بعـدين منتظـرين أسعــد يورينـا موقف التجمـع بتاعـو دا.
|
Post: #75
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 07:36 PM
Parent: #74
اولا يا ابو الريش نحن ما حنلعب شدت
شدت دي من الالعاب المنقرضة
وسالنا حتي ما عندها اتحاد عام
عشان كدة نحن حنلعب معاكم سكجك بكجك
اها يا فرد الكدارات والضرب في الصلع
|
Post: #76
Title: Re: أسعــد.......... هاك دى!
Author: osly2
Date: 04-14-2004, 07:48 PM
Parent: #75
اها يا اسعد وصلتوا وين ؟
ابو الريش قبل بالمنقبين ولا لسه ؟
نوف
يبدو انو الاتحاد قرر انو المبارأة تلعب من دون جمهور
شيلى عدتك وارجعى البيت مافى طريقة قدامك سوى المشاهدة
من التلفزيون... دا اذاوافق ابو الريش على النقل
|
Post: #77
Title: Re: أسعــد.......... هاك دى!
Author: ASAAD IBRAHIM
Date: 04-14-2004, 07:53 PM
Parent: #76
اها يا ابو الريش
رأيك شنو في البث المباشر ؟؟؟؟؟
|
Post: #78
Title: Re: أسعــد.......... هاك دى!
Author: ali othman
Date: 04-14-2004, 07:55 PM
Parent: #1
Quote: شيلى عدتك وارجعى البيت مافى طريقة قدامك سوى المشاهدة
من التلفزيون... دا اذاوافق ابو الريش على النقل |
وارتريا دي قاعدة تسوي في شنو والله تنقل الدوري كله وكية في صالح كامل
|
Post: #79
Title: Re: أسعــد.......... هاك دى!
Author: أبوالريش
Date: 04-14-2004, 08:23 PM
Parent: #78
"اولا يا ابو الريش نحن ما حنلعب شدت
شدت دي من الالعاب المنقرضة"
أسعــد،
إذا عايزين فضيحــة فريقكــم تذاع على الهـواء مباشــرة، دى مشكلتكـم، ما مشكلتى أنا.
على عثمـان،
الجاب إرتـريـا دى شنـو هنـا..
|
Post: #80
Title: Re: أسعــد.......... هاك دى!
Author: ali othman
Date: 04-14-2004, 08:31 PM
Parent: #1
ابو الريش
اريتريا دي عشان البث المباشر ( كاس افريقيا ) ليس الا وهذا هو مقصدي ليس الا
|
Post: #81
Title: Re: أسعــد.......... هاك دى!
Author: أبوالريش
Date: 04-14-2004, 08:34 PM
Parent: #80
بس نخلى اللعيبـة كلهـم ســودانيين.. فريقين.. مافى أى جنسيــة تانيـة.
|
Post: #82
Title: Re: أسعــد.......... هاك دى!
Author: أبوالريش
Date: 04-14-2004, 09:14 PM
Parent: #81
"كمان سوتني غبيانه ما بفرز عصاية اسعد من ابو الريش"
مهـا،
ما طالبانى حليفـة، لكن والله أخــر عصـايـة إشتـريتهـا من طـوكــر، كانت سنــة..
واللا بلاش..
وإشتـريتهـا عشـان العقارب والثعابين بس، لأنـو بالليل كنت أمشى المدرســة للمذاكـرة..
ونسيتهـا فى حـوض وضـو فى مسجــد! ومعاهـا ســاعـة رومــر.
زعلت للرومــر لأنهـا كانت السـاعـة الوحيـدة اللى زمبلكـا ما فك لحـد ما ضاعـت.
|
Post: #83
Title: Re: أسعــد.......... هاك دى!
Author: maha abdella
Date: 04-14-2004, 10:46 PM
Parent: #82
مصدقاك مصدقاك وكيت جابت ليها ثعابين ودبايب
لكن ازعل علي العصايه بدل تزعل علي الساعه
|
Post: #84
Title: Re: أسعــد.......... هاك دى!
Author: WaD OmI
Date: 04-15-2004, 00:34 AM
Parent: #1
تماما كلامك صح احترام الاراء واحترام الرغبات مطلوب في البورد وبشده
انا شخصيا احترمت رائيك تماما وحتى اني لم ادخل اي بوست خاصتك لاني ادري سلفا
اني لن اشارك فيه .....
بالطبع انا لست ممنوعه ولا يمكن لاي عضو او حتى الاداره ان تمنع عضو من المشاركه في اي بوست..
ولكنه الاحترام لشخصك ولرائيك .....
وددت ان ان اجادلك في البوست موضوع نقاشنا الان لكن فضلت الا افعل ولا سباب كتيره
لك حرية الاختيار في ان تتعامل مع من تشاء في هذا البورد ولك منا كل الاحترام
نــــــــــــــــوف
|
|