اين انت يارحمابى

فى بوسته (جورج دى كفك ولا غيمة) قال ابوذر المطر انه يشتهى الرحمابى وانا ايضا اشتهى كلماتة المؤنقة
ودفقه الفياض سحر نثره الربيعى واطياف خياله
الحالمة فاين هو هلا تساءلنا جميعا اين انت يارحمابى
انت مابتجيش ليه ماتبقى تجى

زمراوى العزيز

والله لن "يبح" هدير هتاف الأشواق فينا ابدا

حتى تأتينا اللحظة مستبشرة، ترتدى أزهى حللها، وهى تحمل إلينا الرحمابى، وتنادى، أن هاكم "بلو شوقكن"

ونحن معك كذلك، ليس بالأرواح حيلة، سوى أن ندعو له بجميل الأشياء كلها، صحة وعافية وهناء، وسى الأمنيات العذبة بأن نراه بيننا ليس فى القريب العاجل، بل الآن

على شوقك طال
والدمع صب هطال
فى "المنبر" فرعك طال
يا الرحمابى حبيبنا

أعتذر من شيخنا البرعى ومن محبيه، فى سرقة هذا المقطع، وتحريفه

نسوى شنو عاد يا زمراوى

وليك الود

طبعا ما بعرف النضم السمح ذى حقكم يا شعراء
لكن بالحيل زعلانة منو ما جاملنى فى قصصى
تذكر زمان لما نشرتا قصتك السمحة ديك وانا جيتك وعبرت عن رأى اسعتية
انا ملوماك بالحيل
والما جانا فى بوستنا ما بنجبه عللى بس العشم
وقرابتك بالبدرى خلتنا نخش البوست دا
واخير ليك ترجع قبل اللوم يرقد كيمان كيمان بعد كانت فى الكى بورد تبقى فى الوش

ولازمن تجى

ضموني ليكم يعلم الله واجعني إبتعادو
ويا رحمابي فيك الخير أبقي مارق
الشوق غلب..

المطر
معك اهتف ان عد يارحمابى

زمراوى (ياخى اسمك ده صعب خلاص) مطرتنا و ودالحاج
لمونى عليكمفى شوق السؤال عن الرحيم
تعرفو..الزول ده لا كالمنى لا كالمتو..لا سالمنى لا سالمتو... لكن نوع الاسامى اللامن تلقاها معلقه فى البورد قلبك يقول شححححح والحمد لله..و تعرف الجاييك كلو خير
تعال بى رحمتك و رحمتتاك

مراويد والله اسمى لاصعب لاحاجة انت الكسلان
ماعايز تفتح خشمك كويس
وكلامك صح اسم الرحمابى يجذب اسم شيوخ
زى الصابونابى وهو ذاتو كتابته اسرة
فاهتف معى قل يااخى

زمراوى والرفقة الأعزاء

لنجعل شعلة النداء متقدة ولنضعها على شاهق ذرى منارة الأشواق

حتى يعود "اوليس" من غياهب بحر الغياب

و...نشد حبل العقيرة

أن تعاااااااااااااااااااااااااااااااااااال يا رحمابي

Quote: وقرابتك بالبدرى خلتنا نخش البوست دا

ونحن حصل لينا الشرف بدخولك البوست
يديك العافية

الأخوة محبي الرحمابي
سلاااااااااام
والله أنا بالتلفون ما قادر الم فيهو لكني أعلم أنه بخير وأعلم كذلك أنه ما زعلان من أي زول بس شوية أمور ودايرة ليها وكت
وأشكركم على سؤالكم عن فخري وعزي وإبن أختي رحمابي

زمراوي
مطر
بيان
خالد الحاج
زمراوي تاني
مراويد
زمراوي كل مرةٍ
مطر الخير
جورج بنيوتي (وعيد سعيد)

بنادي معاكم
عد يا رحمابي وانثر فينا بعضا من ألقٍ ونجيمات!

الحاج بدر الدين
ليك السلام، وشكرا علي الخبر اليقين. بس قول لي زولك مركب الأهوال بتعدي، والبحر بيروق!
إيمان

الرحمابي يا اخوي فراقكم طال ، والحردانين كلهم/ن رجعوا ، الا انت وعالية ، بعد دا الا ندق ليكم زار ، وفعلا البورد اصبح مسيخ لكن والله لا يخلو من اشراقات ، حتى حفلة مصطفى السني ما جيت لا انت لا العيال ، طمنونا يا ابوضحى .
وشوف الناس الفوق ديل حابنك كيف فلازم تجبر بالخواطر .

رحمابي اظنو نزل اجازة وشغال تشطيب في البيت
هو يبلغكم السلام ويتمنى لكم ايام طيبات ..

زمراوي .. يا صديق الهم الواحد

المطر الهطال .. بيان صاحبتي بالجد ، قريبي خالد ، مراويد ، بدر البدور .. جورج مهندس الحرف .. صديقة الحرف الأنيق والفرشاه السحرية .. إيمان .. عشة أم سارية .. صاحبي المربك .. دكين

لكم مني الأشواق والتحايا ..

لم يمنعني من فيضكم الجميل سوى بعض الشماغل - العظام - وأتمنى أن التقيكم من حين لآخر

سلام

رحمابي