يابكرى ابو بكر المنبر الحر دا ما حقك

يابكرى المنبر الحر دا انت عملتوا من دم قلبك ومن مالك الحر الشريف وسجلوهو ليك فى قسم الملكيه الفكريه والعلامه التجاريه والشركات فى اسمك وانو ماركه مسجله زى الكوكاكولا
وزى الاستوب اند شوب وزى الوول مارت لكن انت كنت عارف انو الشعب السودانى داير مرشدين مستنيرين زى الموصلى وزى رقيه وراق وزى تماضر شيخ الدين وزى ابراهيم الجريفاوى وزى كل الناس المشتركين
وعارف نفسك بتخسر فى مالك وفى وقتك على حساب تنميه اسرتك لكن عارف التضحيه دى بكسبها الشعب السودانى وبكسبها تطور بلدك الماعارفنو اليانكى الانت قاعد معاهم ديل عشان كدا ما دام انت زول واعى بى اهلك وحاسى بى مشاكلهم ما تنسف المجهود الانت ضحيت بيهو وخليك عارف انو الموقع دا انت ممكن تكون بديتو كهوايه لكن اصبح حقيقى لامانيك الانت كنت بتحلم بيها وانا باحلم بيهاوكل المشتركين بحلموا بيها وعشان كدا الناس البشاهدوا الموقع دا اكتر من المشتركين والناس العندهم مشاكل اكتر مننا جميعا فى السودان والموقع دا بقى زى المحكمه المظلومين فيها اكتر من الناس المشتركين والمشتركين اكتر ابنا الشعب السودانى حساسيه ووعى ومعرفه لانهم فيهم ناس جلدوهم وناس اعتقلوهم وناس فصلوهم بى سبب الناس المظلويمن ديل وهم ناس شجعان عشان بدافعوا عن الاغلبيه عشان كدا الموقع دا بقى ما حقك وماحق اى زول عضو او غير عضو . بقى حق الناس العندهم قضيه والناس المتالمين والناس الحاسين انهم مظلومين فى نوعهم وفى دينهم وفى رأيهم
عشان كدا ما تخذل الناس ديل فينا وفيك .وانا دايرك تعمل دعوى بتاعت هبه توهب المنبر لاى زول سودانى محتاج لمساعده فى صحته وفى اكله وفى تعليم اولاده
والرسوم بتاعت الدعوه دى على عضويه المنبر
وكان قفلت المنبر دا بتكون انتصرت لى روحك ولى سلامتك النفسيه
عشان كدا انا بقول ليك ملكيه المنبر دا انتقلت منك الى ملكيه الشعب السودانى لكن الفضل يرجع ليك وكل الناس تشهد ليك
اها نبدى فى اجراءات دعوه الهبه ولا رايك شنو