الأسلحة الكيميائية وحقيقة استخدامها في السودان في منتدى ميديكس للحوار
|
|
 بكري ابوبكر لا بد من إجراء معاينات قبل نيل عضوية المنبر
|
الاخوة الكرام بعد التحية والإحترام
هل تتفقوا معي ان المنبر يبدوا الآن كأنه قد فقد بريقه وطعمه وشهرته بعض الشئ وإن أغلب البوستات مملة ولا قيمة لها ومواضيع هايفة ومهاترات شخصية وتصفيات ـ في فترة قليلة كانت جميع البوستات في هذا المنبر لها صدى ولها مغذى ولها معاني وفوائد وكان عدد المشاركين والمتداخلين كثيرا وعندما تمر عبر اي بوست من البوستات تطلع بفوائد ومعلومات جيدة تفيدك ثقافيا واجتماعيا وسياسيا ودينيا اما الان فعند قراءة بعض البوستات تحس انك تزداد طفشا لأنك لا تجد شيئا جديدا غير الكلام المكرر والانطباعات الشخصية والمهاترات والقصص الخيالية .
الا تتفقون معي أيها الأخوة ان المنبر بدا يتحول تدريجيا إلى حالة شبيه بحالة الجامعات السودانية التي كانت في السابق تجمع العقلاء والعباقرة والمبدعين والنابغيين والخطباء والنشاطات المفيدة وأركان النقاش البناءة وتحولت هذه الجامعات الان الى ملتقيات غرامية وجمعيات حماية القطط وجمعيات اصدقاء الكلاب وجمعيات معجبي نانسي عجرم ومؤيدي محمد الخلاوي وبشار الشطي ومحمد عطية وبهاء وسنتيا وإنعدمت تماما اركان النقاش القوية التي كنا نشهدها سابقا فيي جميع قضايا السودان الشائكة والمتشعبة والمتعددة من الديمقراطية والعدالة والحرية وحقوق الانسان وهلم جرا.
اتمنى ان لا يصبح حال منبرنا هذا كحال جامعاتنا اليوم أرجعوا إلى البوستات القديمة ستحسوا فعلا ان المنبر كان مثل الجامعات سابقا وقارنوا بما يكتب اليوم.
هذا الأمر يتطلب أن يخضع الأعضاء الجدد لمعاينات قبل قبولهم اعضاء في المنبر وأن يكون عامل السن والمستوى التعليمي أيضا ضمن اجندة المعاينة حتى يكون ما يكتب هنا يرضي طموح القراء والمتداخلين بدلا عن ضياع الوقت في قراءة كلام لا قيمة له من متداخلين وكتاب يبدو انهم صغار في السن وغير مؤهلين للكتابة حتى على جدران الحيط ناهيك عن الكتابة في هذا البورد الكبير.
هل من مثنى لهذا الاقتراح
مع شكري
|
|
 
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: المهدي صالح آدم)
|
لوووووول
اقترح اى زول جديد يحضر ما يلى:
شهادة ميلاد موثقه
شهادة التخرج موثقه
شهادة حسن سير و سلوك
السجل الجنائي او الفيش و التتشبيه
لناس السعوديه و الخليج شهاده من الكفيل
اعفاء من التجنيد الالزامى
عشره شهود عدول بالغين يشهدوا انك زول محترم و فرتقت ليك حفله و لا بورد قبل كده
والله يا المهدى الافكار ما عندك لكن...هسه جيل الشباب ده ظالموا ساكت ليه؟؟ المشاكل المدوره هنا كلها من ناس كبار و مستواهم التعليمى عالى وفيهم دكاتره و دكتورات اها شن قولك
انا بقترح انك تكون رئيس لجنة المعاينات و معاك بت قضيم وشيرى وسجيمان ودكين و انا
موافق
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: مراويد)
|
الاخ مراويد مع التحية
شكرا لمرورك
والله انا لو بقيت رئيس لجنة المعاينات ما تلقى في البورد غير 4 اشخاص وخامسهم بكري ابوبكر وانا شخصيا حاقوم افصل نفسي واكتفي بالقراءة فقط صحيح ياخي في ناس من غير جيل الشباب ما عندهم موضوع لكن طبعن دي ما ظاهرة دي شذوذ فقط بعدين ياخي ما تتضايق من الكلام دا لانه اذا حصل معاينة انتي بتحمي نفسك وبتحمي الاخرين معاك والكلام بكون موزون واي زول ما واثق من نفسه ما بتجرأ بكتب لانه بكون مسؤل عن ما يكتبه وبكون احنا كمان حمينا البورد من اي مسؤليات لأن الكاتب معروف هو منو واسمه وعنوانه يعني هسي انتا لو شتمتني وسبيتني اقوم امشي افتح بلاغ ضد مين اقولهم مراويد طبعن مستحيل الشنو المعروف انه مراويد دي جمع مرواد والمرواد في اللغة هو ما يستعمل في خلط القدور للطبخ يعني المسواط طبعن ما ممكن افتح بلاغ ضد مرواد وإلا اكون انا زول حلة ساكت اكيد حيرفضوا ويسألوا من الاسم بالكامل والعنوان والعمر.
لك التحية عموما
| |
|
|
|
|
|
|
|
|
|
Re: No meaning for too much number of people if they are only .........?ya (Re: elhilayla)
|
الاخ مانح
مع التحية
شكرا لمرورك
ليس بالضرورة أن يكون لدى الشخص شهادة جامعية حتى يكون كاتبا او صحفيا او سياسيا بارعا انا لا اعني اشتراط وجود شهادة جامعية ولكن اقصد المؤهلات بصورة عامة والسن والعنوان والاسم بالكامل لكي يتسنى لإدارة البور التعامل معه كشخص واقعي ليس اسم حركي لا يعرف من ورائه ويسب ويشتم في الناس كما يشاء بزريعة انه غير معروف ولا يمكن محاسبته اتمنى ان تكون قد فهمت ما اقصد الشخص الذي يكتب اسمه وبلده وعنوانه ومؤهلاته يكون متحفظاً ولا يكتب إلا ما يتناسب مع ما ذكره في بروفايله .العقاد وطه حسين هم كتاب ومؤهلاتهم معروفة ومنحوا شهادات فخرية جامعية بحكم اطلاعهم واجتهاداتهم ومساهماتهم في الادب واللغة وليس كصحفيين أو سياسييين .
الاخ الهلاليا لك الشكر والتقدير على ما ذكرته ووجهة نظرك ايضا محل احترام وتقدير وانا اؤويد كل ما ذكرته في مداخلتك وفقك الله وسدد خطاك والى الامام.
| |
|
|
|
|
|
|
|
|
|
Re: الحليلة (Re: elhilayla)
|
الاخ هاشم لك التحية والتقدير
ربما يكون كذلك ولكن هناك اشياء يتفق الغالبية العظمى على انها جيدة وجديرة ولا يراها سيئة إلا الشواذ هذا المنبر يعتبر جمعية تأسيسية او مجلس وطني حر له ضوابط وله شروط لابد من التقييد بها لا تستيطع ان تترك اي احد يكتب ما يراه هو مناسب فقط
معليش يا الحليلة والله كنت مستعجل ولخبطت في الاسم لا تخفى عليكم مشاغل الغربة اضافة الى مشاكل السودان بصراحة اسم رائع وسيده رائع لك الشكر والتقدير وخلينا نشوفك
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: المهدي صالح آدم)
|
الاخ / المهدى صالح
| Quote: بدلا عن ضياع الوقت في قراءة كلام لا قيمة له من متداخلين وكتاب يبدو انهم صغار في السن وغير مؤهلين للكتابة حتى على جدران الحيط ناهيك عن الكتابة في هذا البورد الكبير |
الحديث الذى لا قيمة له قد يكون لغيرك ذو فائدة وديمقراطية البورد تعطى للكل مساحات للتعبير الحر ولا تنسى ان الكتابة على الجدران كم اسهمت فى زلزلة الكثير من النظم الشمولية
ولك كثير التحايا
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: Mohamed Adam)
|
الأخ بلدي ياحبوب
تحياتي لك واشكرك على المداخلة ولكن الا تعتقد يا اخي ان هناك من يرى ان سب الديانات وشتم الانبياء والرسل والاساءة الى الغير حديثا ذا قيمة هل هذا يبرر أن نتركه يكتب ما يود ان يكتبه هذه ناحية من ناحية اخرى امر ثاني قرأت في بوست من البوستات واحد بيكتب عن مشكلة بينه وبنت جيرانه واحدهم يكتب عن صديق له لم يعزمه على دعوة سماية هل هذا يفيدك ام يفيدني بشئ؟؟؟؟؟؟؟؟؟؟؟
الاخ ود آدم
لك التحية
حاشا وكلا وانت عارف القلم ما بزيل بلم انا لم اقصد بالمؤهلات الشهادات الجامعية يعني يمكن ان يكون الانسان مؤهلا دون ان يدرس الجامعة وانتا زول جامعة في حد ذاتك وخلوة الفكي دي في زمانها افضل بعشرة مرات من جامعاتنا اليوم وعلى فكرة بتاع الابتدائي في زمانكم اكثر ثقافة وعلما ونبوغا من بتاع الجامعة الان كل ما اردت ان اوصله هو ان يكون للعضو سي في (سيرة ذاتيه) تمكنه من الدخول للمنبر ويكون معروفا من اي بلد واسمه وسنه انا شخصيا اذا وجه لي شخصا سؤالا ما وكان عمره دون الخامسة والعشرين حتما سأجاوبه بصورة مختلفة عن شخص ما في فوق الثلاثين لنفس السؤال لذلك ،واتمنى ان اكون قد اوصلت ما اريد توصيله.
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: bayan)
|
الاخت بيان
مع التحية والتقدير
اشكرك على تأييدك وبصراحة من ضمن ملاحظاتي هنا ان الاخوات الاعضاء اكثر جرأة وشجاعة وموضوعية مقارنة بالشباب لانهن جميعا معروفات باسمائهن الحقيقية وهن اولى بالخوف والتحفظ اذا كان هناك ما يبرر التخفي او الظهور باسماء وهمية ولكن هذه ظاهرة صحية أن تتقدم النساء الركب لأن ذلك يبعث فينا حماسا ودما متجددا نحن قبيلة الرجال.
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: المهدي صالح آدم)
|
الاخ الحبيب المهدي ادم صالح
تحياتي و احترامي
كلامك دا اظنو قد بدأ تطبيقه ... لانو اسه مافي زول بيسجل باسم حركي مستعار معظم الناس بتجي
باسماءها الحقيقية .... بس المشكلة كانت زمان في الناس بتسجل باسماء حركية .... تصدق في ناس
بتسجل باسمين حركيين او اكتر و الغريبة بيتم التسجيل في نفس اليوم للاسمين .... اها واحد من
الاسماء بيكون للشكل العادي المقبول اما التاني فلا يخرج الا عند استعمال الالفاظ التي لا يستطيع
حتى الاسم الحركي الاول استعمالها ....
اها مرات صاحب الاسمين دا بيكون مصاحبك بواحد فيهم و بيكيل ليك بالاسم التاني .... المهم الحديث
يطول في هذا المجال و قد نفرد له بوستا منفصلا في القريب العاجل ...
بروفيسور مراويد
كيف الحال يا دفعة
| Quote: انا بقترح انك تكون رئيس لجنة المعاينات و معاك بت قضيم وشيرى وسجيمان ودكين و انا |
و انا بقترح ان يضاف للكرام اعلاه السيد / ود الجيران ايضا  
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: Hussein Mallasi)
|
الاخ حسين ملاسي
بعد السلام والتحية
اشكرك على مداخلتك وانشاء يكون البورد متجه الى ما قلت عشان احنا نتفائل ونقول المنبر ماشي للأحسن مش للأسوء وتأكد تماما في هذه الحالة يمكن للناس ان تخلق تعارف وعلاقات يعني هسي انا زمان كنت مرفق جوالي في البروفايل تعرفت على 4 اصدقاء عبر الاميل والموبايل والان علاقتي بيهم عال العال وبنتراسل يعني برضه دي فايدة ولا رايك شنو.
الولد الحليو دا كان ولدك يا ملاسي حاول اكتب ليه محاية وشوف ليك اقرب فكي لانه بصراحة عسل ويمكن يتسحر ماشاء الله تبارك الله وربنا يخليه ويحفظه ويجعله من المناضلين والشرفاء والمرابطين في الثغور الامامية والمجاهدين.
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: المهدي صالح آدم)
|
اخي العزيز
لا اوافقك الراي بتخصيص هذا البورد بناءا على العقلية الفكرية فقط....الحياة ما كلها ياخوي بس سياسة ومواضيع فكرية في بعض الاحيان بتكون هناك الحوجة لمواضيع هزلية مش الغرض منها الهزل واللعب بقدر ما فيها ترويح والبعد ولو قليلا عن جمود الحوارات الفكرية اللي ممكن برضه تطفش شريحة مقدرة من رواد البورد.
بعدين في شي مهم تاني, كملاحظة شخصية ممكن الاسم الحركي يغني الكثيرين عن حرج الكلام بحرية والتعبير عن ارائهم والخوض في نقاش قد يؤذي بعض الاخوة اذا كان باسمائهم الحقيقية
وكراي شخصي اخر اذا اردتم ان يكون البورد عنصر جذب للفئة الشابة اللي اصبح عالمها معظمه كما تراه غير مقنع لابد من توفر بعض العناصر الجاذبة لهم لانهم رجال الغد اذا استبعدت حتى ولو قلة خبرتهم وفكرهم الفكر اللي ح يطرح هنا ح يكون عقيم لانه ح يكون مربوط بفئة وسن عمرية بسيطة وما ح تتواصل الفكرة للاجيال اللي بعدها .
معذرة لصياغتي الركيكة وتعبيراتي التعبانة
بس يا حبيب عشان نجسد فهم ديمقراطي حقيقي لابد لنا من قبول كل المجتمع على علاته
ولك التحية
| |
|
|
|
|
|
|
|
|
 Re: بكري ابوبكر لا بد من إجراء معاينات قبل نيل عضوية المنبر (Re: المهدي صالح آدم)
|
العزيز (الحبيب)
المهدى صالح ادم
ارجو المعزرة ان لازمنى تكرار الذين سبقونى بالحديث من ضرورة اخذ الاسم الحقيقى للشخص مع وجوب تقدير عامل السن ,,,الخ اخر النقاط التى ذكرتها لكننى اشعر فى بعض المرات ببعض الضيق عندما المح بعض الناس يتخفون وراء اسماء ليست حقيقية لكن لا يعنى ذلك ان اتسلل الى خصوصياتهم فلكل طريقة يعبر بها عن اشياء حميمية فقط بامكانى ان لا ارد عليهم له ..القاب ...اسماء ..الخ..لذا لا عليك تكمن الفكرة فى محتوى ما يكتب مع عدم وضع حواجز بين الاعضاء (فارق السن...المستوى الاكاديمى...الاتجاه السياسى ) لك ان تتصور ان فى ذلك نوع ما من الديكتاتورية او شكل من اشكالها
اما عن السن فهل تبدو الكلمات التى تخرج من افواه الصبية صغيرى الاعمار (اى فى عمر يعادل عمرنا او عمرك انذاك) متماثلتان اننا فى زمن اصبحت الاعمار فيه لا تقاس بعدد السنين (انا شايف انك ما كاتب عمرك) لكن ليس هنالك ما يمنعنى من التحدث معك؟؟؟
اعود الى الاسم واذكر اننى انضممت الى هذا المنبر من مدة قصيرة جدا قد عانيت من كتابة اسمى كاملا حتى اننى مازحت بكرى قايلا (يا بكرى انا داير اتقدم اعرس )لكن بعض فترة تبين لى بعد النظر فى هذه المسالة لا اكذبك هنالك مواضيع لا تستدعى الرد وهنالك من المواضيع ما يشدك شدا الى الرد او المداخلة عليها مع العلم باننى قد مررت على كل المواضيع المذكورة فى المنبر بالاضافة الى الارشيف وحفظتها فى الجهاز وفى بعض الاوقات اتصفح العنواين والاسماء ...الخ
اخيرا اوكد لك من ضرورة وضع المزاح احيانا لانه يسكن عنا بعض الالام لبعض الوقت ...
مع خالص ودى وتقديرى لكل الاحباب
| |
|
|
|
|
|
|
|
|
|
Re: بكري ابوبكر لا بد من إجراء معاينات قبل نيل عضوية المنبر (Re: ناجى الزبير الملك)
|
الاخ ناجي
كيف حالك ياخي انشاء الله تكون مرتاح
على فكرة الموضوع ليس مطروح كبديل او شئ لابد منه مع احترامنا لكل الاعمار والمستويات التي لا تقاس بالمراحل التعليمية او السن ولكن كثرة المهاترات والعناوين التي تملاء البورد بمواضيع شخصية ومناكفات دعاني ان اكتب هذه البوست وهو ليس بذاك الحماس الذي يفهمه البعض ولكن نوع من اساليب الاحتجاج ولفت الانتباه فقط بصورة لا تخلو من السخرية فأرجو ان يكون المفهموم بهذا القصد لم احدد السن او العمر مع انه عامل السن او العمر يؤخذ في الإعتبار في جميع المنابر ولكن هذا لا يعني انه اي زول كبير فاهم او اي زول صغير جاهل اعرف انه هناك من عمره 15 سنة ويفكر بعقلية كبيرة جدا وهناك من عمرة 40 سنة ويفكر بعقلية طفولية وهذا البوست كتب في ظروف محددة وفي حالة من حالات البورد ربما تكون تغيرت الان او ستتغير ولك العتبى حتى ترضى.
اخوك المهدي
| |
|
|
|
|
|
|
| |
elhilayla
هاشم نوريت
بلدى يا حبوب
Mohamed Adam
bayan
Hussein Mallasi
فيس بوك
تويتر
انستقرام
يوتيوب
بنتيريست