سمندل علي حافة الموت،،،،، ومن ثم الف سلامه ليك يا أبوساندرا

سعيد جدا بذاك الطبيب الذي جندل ابوساندرا.
والزمه الفراش الابيض،،، بعد ان ادخل يده اليسرى في وعاء ابيض،
-ابيضا- كان يشتهيه قديما، وسعيد ايضا ببعده عن المنبر لمده لاتقل
عن 21 يومااو ربما تتطول قليلا لظروفه الصحيه المترديه بفعل التراكمات المحزنه من جراء الغربه والبعد عن ام العيال وشيخوخة القلب التي بداءت في الطفح الي السطح اخيرا.....
ولكي يسريح عنائي قليلا صوتوا معي بسرعه الشفاء
اذن ماذا عنكم هل انتم سعداء مثلي ام لكم شي آخر ؟
يلا تضامنو معي

فيصل
سلام

شفقتنا
عبد الرحمن مالو ؟

معقول ده كلو يحصل ونحت ماعارفين
ربنا يشفي ويجمع

الجندريه

الموصلي
سلام كتير والله
ماتقلقي شديد يالجندريه ، وقع على يدو فبل ايام وحصل فيها كسر بسيط
وطبعا زولنا كبر شويه وكان لزاما عليه اجراء عمليه لعوده الكف كما كانت عليه .
اقول ليك كلام بس ماتقوليهو لزول (الراجل ما طلع بكاي وكابي الجرسه ودمعو بسحبو فيها بعربه البلديه شان ما تضر بالماره والعواجيز القدرو)
تسلموا ويسلم ابوساندرا

الف سلامة

فيصل
رسل لي تلفون ابو ساندرا في الماسنجر

سلامة أبو ساندرا يا فيصل ، أرجو أن تطمئننا عليه .

فيصل عباس
إنت بي صحّك وللا بتهظر ،،
مالو سمندل ، ومالو أبوساندرا ؟؟

سلام يا فيصل .. رجعت لتاريخ البوست علّه يكون ( كذبة أبريل ) ، و لكن التاريخ 4 أبريل ، فهل 4 في 1 يساوي واحد ؟ أم 4 ؟


عاجل الشفاء لأبي ساندرا


و عليه بتناول ( ليمونوت ) !!!

عزيزي الصديق فيصل ...... ربنا يوالي عزيزنا ابوساندرا بالعافية , وانا قلت ليهو ياخوي رياضه شنو في العمر ده لكن ماسمع كلامي , وطبعا هو عمل العمليه ونحن تعبنا اكثر منه .. طبعا انت لحظات ماقبل العمليه ما حضرتها خليهو اقوم بالسلامه وانا بفتح ليها بوست . المهم الصديق ابوساندرا بالف خير ويعني شويه دلع اعتبروه وحم . وياجندريه شكراعلي السؤال وتلفون ابوساندرا لمن يريد الاطمئنان 009745319550

سلامات، عبد الرحمن، وكفارة.

حبيبي أبو ساندرا .
ألف ألف سلامه .
لأسباب خاصة جداً كنت مقاطع النت والبورد ، ولازلت ، ولكن هذا الخبر أقلقني . وكان لابد معه من كسر هذه المقاطعة .
عزيزي فيصل
ربما يرشدني هذا البوست وعنوانه المُقلق على حميمية العلاقة بينك وبين أبو ساندرا ، وعلى جزء من شكل هذه العلاقة وطريقة التعبير عنها . وأكيد إنها علاقة صداقة وحب عميقين ، ولكنك نسيت ان مثل هذا العنوان يمكنه ان يقلق كثيرين ويزعجهم ، خاصة ان محتوى البوست الذي كتبته تحت ذلك العنوان لا يزيل الازعاج والقلق بل يمكن ان يكرسهما .

العزيز فيصل
ياخي وقعت قلبنا في الحلق
ابوساندرا بيكتب بي الشمال
مليون وردة حب لابو ساندرا
وسأعود بعد ما اشيل نفس من خلعتك
خالد

دشليون وردة حب ليكم يارائعين
بس قلنا ما نقلقكم, وأكيد كنا حنطمئنكم عليه,عند العاشرة والنصف مساء اليوم كانت المهاتفة الرابعة للإطمئنان عليه ,والأن هو بخير والحمد لله

فيصل عباس
لكن ما خلعتنى عديييييييييييييييييييل كدا رغم إلمامى التام بالوضع, وكمان حافة الموت عديل كدا,إيه الحس الصحفى دا.
أبو ساندرا الأن تحتفى به العافية جميلآ
الله يطمئنا على سمندل
الله يديك العافية
وتسلم يا أصيل

اخي عبدالرحمن الف حمدلله علي السلامه شنو الحكايه يبدو ان دي لهفه السفر

الجندرية
يخليك ربى
تسلمى يا هميمة,إنشاء الله نكون طمئناك
العملية تمت بسلام,والبنج فك,وسمعنا صوتو,ومازحناه ,والنفسيات عال العال.

الموصلى
إعتزارات كتارات,كل الموضوع قلنا تكون بشارة بدل ماتكون فجيعة
وبعدين شايف الناس والأسلوب الصحفى ال فى التعبير,كانوا يقولوا ليك فى غرفة العملية,ولا يقولوا ليك السكرى إرتفع أجلوا العملية,لا حولااااااا
اها مش أخير كدا

فيصل عباس
ربك كريييييم,إن بعد العسر يسرا,شفت قولة (الهم أجرنا فى مصيبتنا وأخلف لنا خيرآمنها)
اها ال21 يوم أبو ساندرا حيقضيهم معانا بى جاى.
وليك على أكتب ليه اى كلام داير يقولو ليكم
تانى فى كلام؟

ياااه، شفقتنا يا أستاذ علي أبو البنيات!
لكن الحمد لله علي السلامة. وشكرا كثيرا يا مهيتاب علي طمأنتنا. إن شاء الله بابا يكون عال العال.. ولك التحية وبقية العقد الفريد.
ألف سلامة للوالد مرة أخري!
إيمان

رقية وراق
تسأل عنك العافية
لك حقل من الأمانى الطيبات

عمو ود قاسم
أعزرنى كلمة عمو بقت ما عايزة تفارقنى,حتى فى الرسميات ألاقينى قلتها
صاحبك عال العال,
بعد يومين بيكون معانا وبنطمئنك عليهو اكثر

منوت
إتخيل وصيناهو بالشوربةونسينا (الليمونوت)
الحمد للطيف الله سمع دعواتكم,

بهاء بكرى
تعظيم سلام,ودى المحرية فيكم,ماحنقول شكرآ لانو العلاقة أجمل من كدا
وكمان الأصدقاء
الرشيد,سامى ,والخال العزيز كمال
وأجدع سودانية فى الدوحة
زينب محمد عباس

الحسن بكرى
يكفر الله السيئات,ويرفع ميزان الروايات
شكرآعلى توقيعك الحضور

الف سلامة يا ابو ساندرا
شرك مقسم على الدقشم
وشدة وتزول
وان شاء ربنا يطمنك عليه يا رشيدة
التحايا والامنيات بالشفاء العاجل
امال
ام وضاح

تراث
أولآ شكرآلأنك هنا
لأبو ساندرا أن يحتفى بك وأنت تكسر المقاطعةإطمئنانآعليه
أرجو أن تكون دائمآهنا

خالد العبيد
لقلقك ان يندمل,فالوضع على مايرم
أبو ساندرا بيكتب بالشمال,دا أنا القلبى ال ح يطلع لى حلقى
وبرضو مافى مشاكل أنا بكتب ليكم داير يقولو ليكم كلو
إلا أن يتعافى تمامآ

عبد الله
عارف
لأنو لمن يجى ما بيقدر يقاوم الكسرة,قال أخير يكتر من التمارين
نقول ليه يا بابا وقف,يقول لينا
أنتو قايلين شنو ماهو أنا حاسى إنو السكرى منخفض عشان كدا داير أوازن
الكسرة وأم على
يوم ضبطناه متلبس فى أحد الأفراح,شايل أم على ويتلفت,خايفنا نكفشو,وقعد يقول لينا بس دى والله

إيمان أحمد
تحياتى لك مقرونة بالإحترام
الله لا يشفقك على عزيز
أول بأول ح أطمئنكم عليهو

الحبيبة ام وضاح
أكيد الشدة زايلة بالخالص من دعواتك
أم ساندرا تهديك تحياتها
وحمدآلله على السلامة,خلاص الليلة شيمو خلصت إمتحانات,وهى والتومات

ام وضاح
نسيت أسألك
شرك مقسم على الدقشم؟؟؟

فيصل عباس
إنت مشيت وين
وسمندل أخبارو شنو؟
أنا إمتلأت حنينآ لابو ساندرا,ولم اعد قادرة على المواصلة.


تصبحون على وطن

الأخ فيصل

سلامات لأخونا أبوساندره ..
ربنا يتم عليه نعمة الشفاء ..

ابوساندرا الف لا بأس عليك...
كفااااااارة...

وسلامتك ووعزابة المغتربين كلللهم كرامتك، معليش لحمهم مرّ ولكن وعلى حسب ماعرفت انو زي الترمس بساعد على التحام العظام، الله معاك غايتو غمض عيونك واكل وبالعافية انشالله ...

والجاتك في يدك سامحتك

رقيه وراق
ود قاسم
منوت
بهاء
الحسن البكري
عثمان تراث
خالد العبيد
مهتاب
عبدالله
ايمان
عصام وامال
معتصم دفع الله
مياده
وباقي ال150 المرو بي هنا
لكم التحيات وشكرا كثيفا لمروركم وتدافعكم لمعرفه اخبار الحبيب ابو ساندرا
والحمد لله هو باحسن حال وبصحه مكتمله و بالاضافه لي كده اجازه لمده 21 يوم يحسد عليها (بفعل تآمري مع الطبيب) وجاري السودان ،
دحين باقي ليكم زول عيان بفكر يسافر ،
آسف لورود اسم السمندل وربنا يديهو العافيه والصحه ، وماقصدته بالسمندل هنا هو احد الاصدقاء وكان واقفا الي جواره الي جواره,
وبعدين ياخوانا شوفوا مدى تتدافعكم هنا لمعرفه اخباره وشوفو كم واحد منكم كان مختفي من المنبر وظهر هنا،

عموما لكم الشكر الحميم
اما انت يامهتاب فلنا قول آخر والف حمدا لله على سلامته

الف سلامة يا ابو ساندرا

هذا الصباح تحدثت إلى أبوساندرا ، وبدا لى متمتعا بروح عالية ،، حلوا كعادته ،، يبلغكم تحياته وربما يطل عليكم من خلال البورد في أي لحظة ،،
وعن أبوساندرا ، أشكر لكم اهتمامكم ، وتفضلكم بالسؤال ،،
تمنياتنا له بتمام الصحة والعافية ، وتحياتنا للأسرة ، وعلى ماهي البلاغ ..

ا بو البنيات حليف الجندر
سلامتو
ما انكسر ليهو حس
إيمــا

سلامات عزيزى عبدالرحمن ابوساندرا
حنفتقدك فى الفترة
انشاء الله تقوم لينا بالسلامة

ألف سلامة ليك يا عم عبد الرحمن ، وإن شاء الله أجر وعافية .

ابو ساندرا
الله يواليك بالعافية انشاء الله وتقوم بالسلامة

إبنتنا ماهيتاب وأخواتها ساندرا والتومات

وأمهم الرشيدة رشيدة "مرة ولا دستة رجال"

التحايا والود والجاتكم في ضراع أبوكم سامحتكم

لا حولاااا معقول بس ياربي ؟
سلامتك ابو ساندرا
سلامة آل ابو ساندرا
تعرفي ياماهي انا طبعا كل ماساعة بتاوق فى قائمة الموجودين ومنتظرة ابو ساندرا يظهر عشان اغيظه بكذبة ابريل .. يطلع دا كلو حاصل وانا ماجايبة خبر ؟؟
الله في !!

سلامتك عبد الرحمن
ومعقول ما نسمع إلا هنا بس
عموما لك كل الدعوات بالشفاء العاجل
ولي كلام مع معاوية الزبير
تقبل دعوات عبد الحكيم بالشفاء

سلامات عوافي

سلامتك عبد الرحمن
ومعقول ما نسمع إلا هنا بس
عموما لك كل الدعوات بالشفاء العاجل
ولي كلام مع معاوية الزبير
تقبل دعوات عبد الحكيم بالشفاء

شكرا للحضور والمتداخلين

سيأتيكم قريبا ليحكي لكم كيف انه كان معذبا بالغياب عنكم، وذلك بعد ان يستأجرني للكتابه بدلا عنه قبل ان يذهب لماهي وساندرا ورشيده وحينها اعدكم بعظمة ابتزاي له
لا لشئ فقط ليقضي بيننا شيئا من اجازتة وطبعا ده حقد مني ساكت (يمشي السودان ويضرب التقلية بما يشتهي من كسره او عصيده ونحنا بي نتورم بي بالمجمد) ويتجدع في المنتديات والحوش المرشوش بالمويه في العصريه وحاجات كتيره كده نحن محرومين منها في البلد دي .
ياخوانا والله والله ابوساندرا بالف عافيه وغيابه هذا فقط للنقاهه


وبالله خستكو معانا بالبوست ده شويه واطلعوا لينا من الفكره الجاده الوقعنا فيها دي.
تعالوا بحميمكم ليهو بس بشكل تاني ولا رايكم شنوا

لا حولااااااااااااااااااااااااااا
يا جماعه ليه كده ؟
ما بتكلمونا
عموماً التقصير مني لأني لي فترة كنت بعيد عن النت وعن البورد
فيها برضو ظروف صحية وعكة عبرت علي مرتين
عموماً يا أبو ساندرا ألف سلامه
وجاييك جاييك
وشكراً يا فيصل يا حميم
يعني لما لقيتيني غائب إتصلت علي وبلغتني ربنا يخليك لينا
أبداً
علاء

اخبرتني النجمة التي تاوقت من اعلي شرفات البلد ان ابو ساندرا لم ( ينكسر ) يوماً ما، مع ان بنات بلادي يكسرّن نشيده فيتدعاي كقوس كمان و يتمطّي كلحن حتي حدائق الريد الوريفة لدي ام ساندرا فيغيظها بها وتغيظه به و يلعبان الحجله في مربعات الشوق لتمام لم شمل اصابع البوح في يد حنين واحده ، فقط كان ذلك الرجل السمين البال يحتاج لبعض الضجيجّ الجوّاني و الهدوء ليراقب و يتأمل في السحابة التي تحمل مائها ليوم البلد الاحلي .
ذات النجمة التي تهاوت فهوي في القلب بعض الهوي لقعاد مناسب معه ، همست لوريد تسكّعي في شوارع دمه ، ان (ود بركات )كما يحلو لوردات روحه ان ينادينه ، ارتمي في حضن سؤالٍ لئيم ، و راودته الارض عن نفسها ، والنيل بكي و ارتمي في يابسة شطّه المعرفن بمعني اولوياته ، حتّي مرئياتي التي في سينما عتمتي مدّت لسانها وحالها يفضح دسامة الحوار المختفي بين ظلال واضواء سنبلات لحظة الكتابه ، فوقع في حيرة محاورته للمألوف و الغوص عميقاً في بهاء المختلف المحفوف بمخاطر الرحيل فيه و تمرحله في مسام الذاكره .
وقع ابو ساندرا ، وانكسر الشر ، وسال بعض رحيق صراخه الابيض في جسد خلعة اصدقائه لما المّ به من ألم ، و قالت اليد فيه هيت للاطباء ، فتدافعو يلوكون حبّهم له و تآمرهم ضده . فحاكوا من ثياب انتباهتهم المؤامره ، اجلسوا الكلمات التي في مكان طلوعها بدراً مكتملاً لنا في اقبية صمتها ، لتتمرّن علي اندفاعها بعد اسابيع عدّه . فأغتاظ حتي بياض شعيرات ابتسامته ، واغتظنا لانقطاع قلمه الطاعم عنّا .
و
.
.
قال فيصل: بأن يده ستكتب عن ابو ساندرا نشيجه ونشيده
قال هو: سيكتبني المطر
قال فيصل: ستنزلق فيك و يلومنا البرق
قال هو: سأرحل لديارها
قال فيصل: ما بالها البلد
قال هو: في بالها انا
قال فيصل: البلد ؟؟
فضحك ابو ساندرا حتّي انعضاضه في انف جرسته و سكت .
و
سكتت اصابعي الي حين النجمة تخبرني عنه وهو يتماثل وجعاً بعد العمليّه و يتورّد شفاءً مناسبا فيه .
و
سلام حتي مطلع الامر

سلامات يا عبدالرحمن السندراوي.
ألف لا بأس يدينا وسنيناتنا فداك

واسه كيفنهم يا فيصل

يا مراحب
هكذا الشفيف عاصم الحزين يحرج حبرنا جميعاً فيدلق باقةً من بستان أزرقه برائحة شعر
وأبو ساندرا
كم الغربة الآن ؟
تُرى هل تستمع الآن لـ الحميم مصطفى يغنيك في أغنيته قلت ليها؟
وهل قلت لينا : كم العافية الآن ؟
ننتظرك
أبداً
علاء

الصديقات والاصدقاء الاعزاء
مشاعركم تلفوناتكم ، رسائلكم، احضانكم ، زياراتكم ، اهتمامكم ، فها قد عدنا يا صلاح الدين نكاية بكبأي شهقة او قلق سببته لحبيب رعايتكم ،،، جبرت كسوري ، وضمدت جروحي ، وسكنت الوجع، فتماثلت للشفاء قبل الآوان فلكم جميعآ الحب والتقدير والعرفان ، وكذلك الاعتذار عما سببته الصياغة المتواطئة من صديقي فيصل عباس الذي ادعوه للاستمتاع بالغيظ ، فها قد عدنا يا صلاح الدين! نكاية بك عن اي شهقة الم او انزعاج او قلق سببته لحبيب.
واسمحوا لي ان اخص بالتحية:
1- رشيدة والبنات واتصالاتهن المستمرة
2- المتواطيء فيصل عباس ، رابط عند غرفة العمليات ، هجر الدوام ولازمني برعاية فائقة ما يغادرني حتى يلاحقني بالتلفونات ويعود حاملا الاكياس {افورقي} وما زال
3- عبير خيري ، تلفونها مثل الحبوب ، ثلاث مرات في اليوم ، ومرات عند اللزوم
4- بهاء بكري ، الذي تابع خطوة بخطوة ، ولحظة بلحظة
5- اشراقة مصطفى ، إ متدت يدها عبر الأسلاك وبرغم المسافات فهدهدت المى ونقلت لي تحيات العزيز ايوب
6- ودقاسم، هذا المتماسك الصنديد لم تفلح ضحكته في مواراة قلقه علي
7- الجندرية، طبطبت بتلفون حميم فلوضت الالم النابح في يدي وفي حلقي
8- منوت الليموني، عشرين تلفون طويل ، خلته يتصل من الغرفة المجاورة، ساهم بفعالية في رد العافية
9- دريمز، تلفونها قهوة الصباح اتى في تمام الحاجة
10 /11 تراث وايمان أحمد ، انهيا اعتصامهما عشان خاطري واتمني عودتهما الى المنبر
واكرر اعتزازي واعبر عن عرفاني لجميع اللذين وقعوا اسمائهم هنا وفي القلب
وتحية خاصة لصديقي صلاح عبدالله صديق المنبر لعونه طوال الايام الفائتة
وقبلة في جبين ماهيتاب

حمدا لله على سلامتك يا ابو البنات
ونورت البورد
لك التحايا والامنيات بكمال العافية والصحة
امال
ام وضاح

هل اكون الاخير
وله فى قلب
مكان قصى
وهو اكثر
بورداب الخارج
حضورا
معنا
بجسمه
وقلبه
لم
اعلم
الا
اخيرا

ابو ساندرا السمح........بهاء الدين بكرى ال..........
كما للفرح روعه فللحزن لوعه وتاخير المواساة يذهب بلوعة الحزن كما يذهب تاخير التهنئة بروعة الفرح ....واقسم بالله معظما لم اعرف الا الان الساعه التاسعه صباح الاثنين 12/4/ ،واحمل بها الدين بكرى المسئولية كاملة،لانو فى القاسيه والشمار بتصل بى تلفونيا، وفى هذه لم يفعل عشان بعد ماكانت فى الماسنجرات والتلفونات تبقى فى الوشى. وهذا ما يحزننى ويخجلنى تماما،ولا زلت اعتذر ابوساندرا العزيز فى عدم الاتصال و الاطمئنان على صحتكم وافتكر تلك لا يغفرهاالا الحضور بنفسى ومعاى اب اربعه حتى لو بنبر وتشريف الدوحه وهذا ما سوف افعله حتى اكفر عن سيئتى والتى لم تكن عن سوء نيه او بفعل فاعل ولكنها بفعل مفعول به اقصد (بهاء بكرى) ومن فجتى دى ماشى على التلفون وسوف لن اغلق السماعه حتى على الباغى تدور الدوائر،وحتى تطمئن نفسى المرضيه اوالاماره( ان شئت )على صحتكم الغاليه (دى اذا كنا اتنبن) مش قالوا شى عجيب فى غرامك يافريع ياسمين روحنا واحده وكيف اتقسمت اتنين....وهسع ايدنا واحده...بعدين يا بهاء انت مفتكر ابوساندرا ده رونالدو لما ايدو تنكسر بجيبوها فى السى ان ان مع انو يساوى فريق البرازيل زائد ريال مدريد او يزيد ،لكن (التواضع فى البلاد النامية مزلة )عشان كده خبر زى ده بنقلوه حى وعلى الهواء مباشرة خصوصاعن زول محمول (جوا) زى ابو ساندرا.هسع كدى يا ربى بنكون كفرنا على ابوساندرا وكفرنا عن سيئاتنا، ام نكتب قدمّا. المهم انا بحلنى السفر الى الدوحه عاجلا والعندو شوال ترمس او كر جداد من ناس الرياض يحضروا لانى عزمت وقررت والحيت واصريت لازم امشى واننا فاعلون،وحتى ذلك اللقاء شرك مقسم على الدقرشم،،،

سلامتك وكل ناس البورد كرامتك يا أبوساندرا
وكذلك تمنيات الشفاء العاجل للسمندل

أبو ساندرا
كم هو عنيد ذلك الخط الذى تكتبه العافية,تمد لسانها للألم.
كم جميل أنك تستطيع توقيع ما يعنى التواصل هنا
فى الذى صار لنا وطن.
وأنت تطمئن قلق المطر على إطفائه لكل حريق.
تعرف
كم هو حميم متعة الإحساس بالقلق على حبيب.

الغالي أبو ساندرا..
ألف لا بأس عليك يا أبو البنات..
أمي بتقول الكسر والضرس والنار، دي عين.. ربنا يحميك ويحفظك من كل شر لرشيدة وبنياتك ولينا انحنا كمان..

فيصل يا ذوق.. تسلم..

الف ....الففففففففف
سلاااااااااااااااامه
يعمينى ما شفت البوست دا
لكن دى عين دخلت فيك من
يوم الاسكلةوحمد الله على السلامه

الأخ العزيز أبوساندر
تحياتي الطيبة
وألف حمد الله على السلامة

نجاة