|
|
|
 Re: **الفين سلام لكل الحنان (Re: Agab Alfaya)
|
استاذ عجب الفيا
لك التحية وانت اول المتداخلين
حنيننا للوطن لا ينضب
أشعر بحنين جارف للبلد
شكرآ استاذ عجب
لا اعرف ولكن يبدو انه في عطل فني في البوست
ذكر احد المتداخلين انه لم يستطع كتابة كل ما اراد
الحقونا يا ناس الادارة
| |
 
|
|
|
|
|
|
|
 Re: **الفين سلام لكل الحنان (Re: haneena)
|
حبيب بلدو
فعلا نحتاج للزاد لغربتنا
لكن دائمآ ما ينفذ بعد حين
وانا الآن أحتاج ان اتذود مرة أخري
لذا لابد من سفر قريب للوطن
لك كل الشكر علي احساسك والمواساة
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: haneena)
|
الفين سلام
يا يمه يا شتل المحَنّه
الشَّبَّ فى وسط الجروف
ويا يابا يالدرع المتين
الليهو كم سجدت سيوف
ويا جده يا اْم صوتاً حَنِين
حجواتها بالوادى بتَطوف
ويا سمحه يا شمس الفريق
الليها كم غَنَّت حروف
فى الغربة يا اهلى الحُنان
كم عِشنَا فى قَسوة ظروف
أشواقنا لى أرض الوطن
ولى خُضْرة الوادى العطوف
الأستاز الرائع عجب الفية كم أنت رائع كروعة وأصالة هذه الكلمات الجميلة.
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: haneena)
|
حنينة والمكتوين بنار الغربة
هذه القصيدة كتبها هاشم صديق وغناها ابن البادية يوم كانت الغربة محدودة وتكاد تكون الهجرة داخلية أكثر منها خارجية ،، وكنت أسمعها من الإذاعة أنا وأمي معا وكانت الوالدة تطرب لها كثيرا ، فهي تذكرها بأولادها الذين اخذتهم المدارس والداخليات ،،
ما زالت الأغنية تهزنا ، لكن يا ترى الا تحتاج غربتنا إلى دواوين ؟ الغربة الممتدة لا تنفعها قصيدة واحدة ،، هي تيار جارف سيحول كل كتاباتنا الأدبية إلى أدب للغربة ،،وكما الغربة هي التيار الطاغي فإن أدبها سيصبح الأدب الطاغي ، ،
الويل لنا من ظلمهم ، والويل لنا من مما اقترفته أيدينا حين استكنا للظلم ،،
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: ودقاسم)
|
هاهو ود قاسم يتدفق حنينه
حنين منذ امد بعيد...غربة داخلية و غربة في بلاد الشتات
عارف يا ودقاسم انا بتذكر قريت ليك مرة انك ابتعدت عن بيتكم 25 سنة في مجملها..ما بين الداخليات منذ كنت يافعآ وحتي ديار آل عرب
غربة المكان قاسية..واقسي منها غربة الزمان
اخشي ما أخشي يا ودقاسم ان نرجع للوطن و نحس انه ليس الوطن الذي نعرفه
اتذكر قصتك التي حكيت..وكيف تعرفت عليك بطلتها..
من نظراتك الحائرة
هذه هي الغربة الحقيقية يا ودقاسم..المكان لم يعد هو المكان
اما عن أدب الغربة..حتمآ سيصبح هو الواقع والحقيقة المرة الشاهدة علي ظلم الإنسان لاخيه الإنسان
لك الود يا ودقاسم
| |
|
|
|
|
|
|
|
|
 Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: haneena)
|
الحنين ربما يعني ضمناً أنه كل ذكرى كانت لذيذة وممتعة في زمانها ، ثم صارت مع طول العهد وبعد المسافة مرّة المذاق ، يحن إليها المتذكر، وفي نفسه حسرة الانقضاء والفوت.. والحنين للوطن بصفة خاصة هو إنعكاس طبيعي لعمق العلاقة بين الإنسان والمكان إنه المكان الذي يمثل المنزل والمسكن والمأوى والذكرى والأهل والأحباب
ويا وطني هجرتك لا لبغض ولا إني منحت سواك ودا
فلا والله ما هاجرت حتى جهدت ولم أجد من ذاك بدا
رد الله غربة المغتربين والمهاجرين والمهجرين ظافرين غانمين وأصلح الله شأن القائمين على الأمر في الوطن وسلم الوطن من كل شر وسؤ.
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: almulaomar)
|
يا الله ..يا الله
الملا عمر بيننا..يا مرحبا يا مرحبا
والله أقف دائمآ خاشعة امام كتاباتك
صدقت يا ملا
فالحنين عدة اشياء...حنين للاهل ,للمنشأ وحتي لذكرياتنا الحزينة...هو ماضينا وحاضرنا ومستقبلنا
وكما قلت
Quote: ويا وطني هجرتك لا لبغض ولا إني منحت سواك ودا
فلا والله ما هاجرت حتى جهدت ولم أجد من ذاك بدا
|
شكرآ الملا عمر علي الطلة البهية
ورد الله غربتنا جميعآ
| |
|
|
|
|
|
|
|
|
 Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: Mohd Ibrahim)
|
سلام يا الحنينه السكره..
ما غريب عليك الحنان والمحنه .. معجونه من طين الاهل .. وملحنه بى غنوات بلد .. اختيارك طلع من الجوف .. ولااااامستى كتير من اماكن الوجع يا ست الحنان كلو..
يا بنيه يا ضى القمر
يا واحه فى شمس وحر
يا كلمه ما انكتبت شعر
ويا نغمه ما داق وتر
يا احن من كل البشر
تسلمى يا حنينه .. وربنا يرد غربتك وغربتنا جميعا بالسلامه ونرتمى فى احضان الاهل .. ونروى ظمأنا بى كلامهم الرويان محنه..
| |
|
|
|
|
|
|
|
|
 Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: haneena)
|
الأخت ، حنينه لك ودى ,
أشكر لك انزال هذا الموضوع الذى أراحنا قليلا من عذاب السياسه ولقد ذكرتينى قصيدة كتبتها على لسان زوجة فى يوم العيد الى زوجهاالمقيم وحده فى دبار الغربه، وقد منحها الأخ / مجذوب أونسه لحنا جميلا.
.........................................................
دموع الغربه
ياالقضيت عمرك فى غربه وكـل زمــاناتك غريبه
ما النسايم الحلوه عدت كيف تعيده وكيف تجيبه
ما تكتر الطله وما تطول الغيبه
الغربه نار حرمان يا ربنا نسيبه
...........................................
ناس بتسعد بى حبيبه وقصة أفراحم عجيبه
وناس بتشقى وكل يوم زايــد لهيــبه
وناس بتقبل بالبصيبه وترضى بالقسمه ونصيبه
مر عيدى وفات وروح والفــراق أكبر مصيبه
...........................................
ناس فى دموعه تصبح وتمسى
وناس بتتغرب سنينه وناس بتقسى
وناس تقاسى , وناس تعانى ، وناس بتعرف كيف بتنسى
وهسه لسه وبرضى راجيها المراكب لما ترسى
............................................
أخو البنات
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: تاج السر حسن)
|
حنينة الحنينة
يا بتي، الله يبل شوقك... وإنشاء الله تمشي تلقي الوطن- الوطن كما تشتهين!
غريب أمر الغربة يا حنينة! تصوري من طول بعادي، أشعر أحيانا بخوف اللقاء!! وهو أمر أستعجبه، لكن ربنا يرجعنا بالسلامة، ونلقي من نحب... أما الأماكن، فتظل تحمل ذكرياتنا دائما.. أخاف أن يعاتبني بيتي لأني تركته طويلا.. وهل ستعرفني أشجاره يا تري؟!
لك الحب، وشكرا علي القصيدة
إيمان
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: إيمان أحمد)
|
ايمان احمد...صديقتي
بركة بالطلة يا اختي الحنينة
والله لو عارفة القصيدة دي بتجيبك لينا كان فتشت زمااان في النت
ايمان ...قلتي
Quote: وإنشاء الله تمشي تلقي الوطن- الوطن كما تشتهين!
|
هو دة مربط الفرس
هل ساجد الوطن كما اشتهي؟؟
ام قد تمزق إربآ تأكل لحمه الذئاب ممن يفترض ان يكونوا ابنائه الطائعين
أرجو ان ترجعي بالسلامة يا ايمان للوطن...وتتعرف عليك اشجار بيتك
وان تلقي العزاء في ذكريات المكان
ما تنقطعي عليك الله يا ايمان
لك كل الحب
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: haneena)
|
اهكذا تمضى السنون ويمزق القلب العذاب
ونحن من منفى الى منفى و من باب لباب
فقراء يا قمرى نموت
وقطارنا
ابدا يفوت
البياتى
Say this city has ten million souls,
Some are living in mansions, some are living in holes
Yet there is no place for us my dear
Yet there’s no place for us
Once we had a country and we thought it fair,
Look in the atlas and you’ll find it there:
We cannot go there my dear we cannot co there
W.H. Auden
حنينة،
بطلى جرسة!
| |
|
|
|
|
|
|
|
|
|
Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: nada ali)
|
العزيزة ندوية
Quote: Once we had a country and we thought it fair,
Look in the atlas and you’ll find it there |
شفتي كيف يا ندي...شفتي كيف؟؟
هل تذكرين تلك الندوة؟؟ وآراء سياسي الشتات
البلد بقي مشتت الي أشلاء
يا خوفي من الرجوع...يا خوفي
أخاف ان أذهب وأري بقايا سودان ..كان يومآ ما في خريطة
فاهماني يا ندي..مش كدة؟
والله دة سبب الجرسة الحقيقية
تسلمي يا ندي..والحديث ذو شجون
وسيكون له بقية
| |
|
|
|
|
|
|
|
|
 Re: **يـقـتلـنـي الـحـنـيـن........فـمـن مـنكـم يا تـري مثـلـي؟؟** (Re: haneena)
|
| Quote: غربة...انظر فقط الي إسمك واعرف محنتنا....غــربــة |
حنينه نعم هو احساسنا الكامن باننا برغم السكن والمواطنه التي منحنا اياها المهجر فنحن غرباء نبحث عن دف في منتصف الصيف!!!
Quote: لمستي موضع الجرح يا غربة
اخطط لسفر قريب ..واسئلتك هذه تؤرقني |
لا تتعمقي في اسئلتي فهي مهجسه ولكن دعيها تداعب الدواخل فهي صديقني ستخرجك من احساس الهمس الشين ومحطة الهبوط الاولي
| Quote: واردد معك...متي...... مـتــي؟؟؟!! |
هذا الارق اتعايش معه كلما طاف بخيالي من منهم لم يحتضن الوطن ؟ وهل يعودون... ؟ لاحظي هذه الالام تعتصر قلوب المنتظرين علي رصيف اخر للقاء
| |
|
|
|
|
|
|
|
haneena
Agab Alfaya
Habib_bldo
Saifeldin Gibreel
ايهاب
ودقاسم
almulaomar
ابو جهينة
mahmed alhassan
الجندرية
walid taha
شمهروش
Mohd Ibrahim
إيمان أحمد
nada ali
معتصم دفع الله
طه حسن عبدالله
عشة بت فاطنة
tmbis
اسامة الخاتم
فيس بوك
تويتر
انستقرام
يوتيوب
بنتيريست