Post: #1
Title: أحمــــــــــــــــد داؤود
Author: jini
Date: 04-04-2004, 00:11 AM
رأى أحمد داؤود أحد الشباب يلوك في لبانة وهو مرتديا جلابية
أنصارية فدايه معلقا:
يا ولدي أهل الجلابية دي عندهم كد الدوم عيب
يلا ايدك معانا يا شوقي بدري
جني
|
Post: #2
Title: Re: أحمــــــــــــــــد داؤود
Author: حسن الجزولي
Date: 04-04-2004, 02:42 AM
Parent: #1
وقيل يا جينى عن عمنا الأمدرمانى الصميم أحمد داؤود عليه الرحمة ان بالغ يوماعندما رد على دعوة صديقا له فى دعوته له لتناول عشاء معه بمنزله مكون من وجبة( كوارع بقر) .. وعندما ضاق راحلنا بدعوة صديقة المتكررة , قال له ( يعنى عايزنى أجى لحدى بيتكم عشان آكل كرعين حيوان جايه لحدى امدرمان ماشه برجولا عشان آكولا ليك فى عشاك دا !؟) .. رحم الله العم أحمد داؤود .. وليدخل الآن شوقى .
|
Post: #3
Title: أ حمد داود
Author: Ahmed Daoud
Date: 04-04-2004, 02:33 PM
Parent: #1
قال الراوى:
كان احمد داود يجلس مع الشلة فى احدى جلساته ...
فمر عليهم رجل يحمل كيسا بيده اليسرى وشبشب
سفنجة بيده اليمنى وعندما وصل بقربهم رفع يده
اليمنى وفيها السفنجة وقال ليهم السلام عليكم...
فخلع عم احمد مركوبه ورفعه وقال ليهو وعليكم
السلام .... فرجع الرجل وقال ليهو دا شنو ياعم
احمد...قام عم احمد قال ليهو سفنجتك دى كلها
بعشرة قروش ..لكن مركوبى دا باتنين جنيه ...
فماتت الشلة من الضحك .
رحم الله عم احمد ... ومعذرة للاخوان ان دخلت سهوا من باب
الخروج .... وتحياتى واحترامى للاستاذ حسن .
أحمد داود NZ
|
|