Post: #1
Title: (عين الحسود فيها عود) إجتماع بورداب الإمارات لم يحضر أحد !!!
Author: Shalabi
Date: 04-03-2004, 01:07 PM
Parent: #0
الاعزاء الغاليين ،،
التحايا والود ،،
كان الشوق يدفعنا والامل يحدونا للقاء الاحباب بورداب الامارات في يوم الجمعة ( الاول من كل شهر ) كما كان العرف ،، بعد طول فراق امتد لثلاثة اسابيع عددا وثلاثة قرون شوقا ..
سعدنابطلة الاحباب(جريفاوي ،، الزنجي ،،أبي UK) نتمنى ان يدوم التواصل و ان لا تثبط الهمم وان لايخبو بريق الابداع الذى عهدناه،،
وعلى الوعد دوما نلتقى .
|
Post: #2
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: abas
Date: 04-03-2004, 01:15 PM
Parent: #1
شلبتي
مالكم يا اخوي الحاصل شنو
لكن برضو قلنا انو الاجتماع يوم الخميس افضل نسبه لينا احنا البعاد
يعني يوم الجمعه ما بنقدر نجي
|
Post: #3
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: Shalabi
Date: 04-03-2004, 01:22 PM
Parent: #1
العزيز الغالي عباس،،
تحية وود،،
وين مطول الغيبة ياراجل ؟؟
كان هناك اجماع في اللقاء السابق ان يكون التواصل بصورة شهية مراعاة لظروف العمل وارتباطات البورداب الاخرى ، وتحدد كما اسلفت يوم الجمعة الاول من كل شهر ،، وبالرغم من تواصل البورداب اجتماعيا الا ان لقاء الشهر ذو نكهة خاصة لذلك نحرص علي إقامته..
وتسلم يا غالي،،
|
Post: #4
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: الزنجي
Date: 04-03-2004, 01:30 PM
Parent: #1
كان يحدونا الامل فى لقاء الاحبة بعد انقطاع 3 اسابيع
اخى عباس اقتراح عين الاعتبار وحا ننظر فية وبالمناسبة مبرووووك التعادل اقصد الفوز وانشاء الله المرة دى تجيبو لينا كاس من بره
|
Post: #5
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: lana mahdi
Date: 04-03-2004, 01:38 PM
Parent: #1
سؤالى هو هل هو ثابت فى امارة محددة او يتغير كل شهر؟؟ و طبعا زمنه كما اخبرتم ثابت اول جمعة من كل شهر افرنجى
|
Post: #8
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: obay_uk
Date: 04-03-2004, 02:08 PM
Parent: #5
نـجـهـونـا هـنـا
الـسـحـرنـا مــنــو ؟
شوفو زول من الكاتبين فيو رزعنا عين ، نستحم كلنا وندلق الطشت في قفاو
lana mahdi
ويا أخت لنا ، المكان (غتاااته كدا وديكتاتوريه) ثبتناو النادي العربي ، حدود الشارقه مع دبي ، جنب مقر جريدة الخليج أكيد عارفاو - كورنر شارع الوحده
أما المناسبات فانشاء الله تتنقل ، وللا رايكم شنو؟
أخونا abas
أما يوم الخميس فبكل أسف عرفنا أنو المجتمع السوداني في الامارات بقى غااااتس في حاجه اسمها السبق ! (سباق الخيل الاسبوعي) ، انتهى تماما من أي برنامج تاني !
ورد اسبوعي كل خميس ، وأيام أخرى !
عشان كدا عزلنا الجمعه ، أما لو شيخ فلان آل فلان أوقف السباق شويه وأدا الحصين فرصه تشيل نفسا ، فأظن الخميس ما بطال
برضو رايكم شنو ؟
أيه رأيكم نخللي البورداب يوقعو على ورقه نرفعها للشيخ فلان آل فلان ؟
نقول ليو يمسح بوست الحصين دا !
|
Post: #6
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: abas
Date: 04-03-2004, 01:52 PM
Parent: #1
العزيز الزنجي
مبروك 4 بس مع حي العرب الصاعد السنة دي
ماله الخرطوم 3 حلاته
العزيزه لنا مهدي
طبعا انحنا عاوزينو يكون الشهر ده عندنا في العين لكن هم ما بيتحركو يجو العين فايه رايك نعمل ليهم لمه حلوه هنا تكون يوم خميس في مبزرة
|
Post: #7
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: Shalabi
Date: 04-03-2004, 01:58 PM
Parent: #1
الاستاذه العزيزه لنا،،
تحية طيبة ،،
افتقدنا مشاركتك الغالية علينا في الفترة السابقة ،،وقد كانت لنا لقاءات عده وانشطة متنوعه اعلناها عبر البورد ويمكنك الرجوع لبوستاتي حول هذا الموضوع و اخرها الاحتفاء بالاستاذ خالد عويس ..
بالطبع اللقاء لم يقتصر على بورداب الامارات الشمالية وقد شاركنا الاعزاء (عباس، امال ،سوركتى ،حمزه سليمان) وبقية الاخوه في ليلة الاحتفال بذكرى الاستاذ الراحل مصطفى سيد احمد ، ويشاركنا الاستاذ حمزه بصورة مستمره وهو على تواصل دائم مع البورداب..
لقاء البورداب يوم الجمعة الاول من كل شهر قصدنا منه التواصل بين الاخوه وتعميق للعلاقة الحميمة التي تجمعهم وهو ما اتفق عليه الجميع في اللقاء الاخير حيث كانت اللقاءات سابقا تتم بصوره عفوية ...
اما عن مكان اللقاء فليس هناك غضاضة في ان نلتقي اينما اراد البورداب ولكن تبقى عوامل كثيره يجب ان نراعيها وهي كثافة التواجد بالنسبة للبورداب ، و الموقع الجغرافي المناسب للجميع ..
يسعدناان يكون تجمع البورداب في كل مدن الدولة ( بس قولوا عووك) ونحن حاضرين ..
|
Post: #9
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: Shalabi
Date: 04-04-2004, 06:15 AM
Parent: #1
الاعزاء الغاليين ،،
نرحب بانضمام البورداب الجدد من الامارات وتحية خاصة للاخت مناهل وفي انتظار المشاركة وحبابك عشرة ..
افتقدناطلةالاخ كبير بورداب الامارات الشمالية الاستاذ محمد سيداحمد (واظن مافي عذر بعد انتهاء مهرجان الشارقة للمسرح)
الاخت العزيزه بت الاحفاد 2001 (طالت الغيبة انشاء الله خير ) ...
ودمتم ما دام التواصل ،،،
|
Post: #10
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: مناهل محمد الحسن
Date: 04-04-2004, 11:54 AM
Parent: #1
الاخ /شلبي
لك التحايا العاطرات وشئ من ألق ... وزخات من مودة
مشكور لتعريفي الشكر اجزله
(والظاهر على كراعي حارة من دخلت المنبر انتو بطلتو التجمع واللقاء لكن ما مشكلة بحاول ابردة شوية لعلي ينفع)
في الانتظار
|
Post: #11
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: الزنجي
Date: 04-04-2004, 12:55 PM
Parent: #1
الاخت مناهل مرحب بي عودتك
وكراعك ابد ما حارة الا الناس نامت شوية
ويلا ورينا همتك وحركى الجماعه
بالمناسبة وين الريس ( محمد سيد احمد ) ؟؟؟؟؟؟
عباااااس اخوى مبسوط من النتائج دى انا بسال الله
يفك عقدتكم وتجيبو لينا كاس السنة دى من برة
بدل الكلام والجعجعه الكتييييييرررررة
|
Post: #12
Title: Re: (عين الحسود فيها عود) إجتماع بورداب الإمارات لم يحضر أحد !!!
Author: Shalabi
Date: 04-05-2004, 06:20 AM
Parent: #1
الاعزاء الغاليين ،،
تحية و شوق ،،
الشكر لكل الاعزاء البورداب على التفاعل مع هذا النداء ،، و مازلنا في انتظار البقية ..
بالمناسبة وين الجريفاوي صاحب الفكره ؟؟؟
ولي قدام،،
|
|