Post: #1
Title: صدق أو لا تصدق..سودان طير قامت متأخره نص ساعه بس
Author: nile1
Date: 04-03-2004, 11:18 AM
خالد سيصلكم اليوم الساعه تلاته ونص على سودانير...هذا والله أعلم
رسالة مقتضبه بالموبايل أرسلتها أمس نهارا إلى الأهل بالسودان الذين أرسلوا مستفسرين عن موعد وصول إبني خالد..بعد الإنتهاء من إجراءات الجوازات قررت أن أطمئن إلى أن الطائرة ستقلع في نفس اليوم وليس غدا كالعادة..توجهت إلى أحد موظفي الوكيل وسألته عن موعد الإقلاع حسب علمه...فرد على..والله أغرب حاجه اليوم أنو طيارتكم حتقوم في مواعيدها وهذي أصلها ما حصلت...و..فعلا حصلت الحاجه الغريبه وقامت الطياره الساعه واحده ونص بدل الساعه واحده..دا يكون من شنو؟؟؟؟؟؟؟؟؟
|
Post: #2
Title: Re: صدق أو لا تصدق..سودان طير قامت متأخره نص ساعه بس
Author: Rakoba
Date: 04-03-2004, 11:30 AM
Parent: #1
العزيز نايل،
سلامات وحمد لله على سلامة الابن خالد،
ربنا يسمع منك، وتواصل سودانير حملتها الجارية الآن للتطوير والترقي، بعدد من الخطط الطموحة للعودة بالشركة إلى سابق عهدها، وحكاية التأخير دي، بقت مشكلة، خاصة وإنوا في الخليج الجماعة بيسحبوا هذه المواصفات على السوداني بشكل عام.
وقبل فترة أعلنت سودانير عن تسيير رحلة (مبتكرة) إلى أديس أبابا من الدوحة، لتكون الوجهة كالتالي ( الدوحة - أديس - الخرطوم) ويتوقع أن يلاقى نجاحا كبيراً.
ولي قدام.
|
Post: #3
Title: Re: صدق أو لا تصدق..سودان طير قامت متأخره نص ساعه بس
Author: Rakoba
Date: 04-03-2004, 11:36 AM
Parent: #2
طائرة من طراز دوغلاس سي 47 داكوتا - الخطوط الجوية السودانية 
|
Post: #4
Title: Re: صدق أو لا تصدق..سودان طير قامت متأخره نص ساعه بس
Author: haleem
Date: 04-03-2004, 11:46 AM
Parent: #1
والله يا راكوبة لو لميت لينا في الطيارة الجابوها في اخبار الجمعةامبارح وسافر بيها مبارك الفاضل في جولته الولائية تكون ما قصرت...ما عارفها تابعة لياتو خطوط..لكنها جديرة بالتوثيق
|
Post: #5
Title: Re: صدق أو لا تصدق..سودان طير قامت متأخره نص ساعه بس
Author: قلقو
Date: 04-03-2004, 02:34 PM
Parent: #4
الأخ نايل..كلامك دة لو كنت قلته قبل يومين بس كنت اقول ليك كذبة ابريل.
لكن عليك الله كلامك دة صحى ولا انت بتحلم ؟
|
Post: #6
Title: Re: صدق أو لا تصدق..سودان طير قامت متأخره نص ساعه بس
Author: nile1
Date: 04-03-2004, 05:04 PM
Parent: #5
الأخ قلقو
سلامات
ومشكور على حسن ظنك....عارف ...طول عمري عايش محترم وراس قوم ومصدق في أي كلام أقوله لكن عليك أمان الله دخلت جمعية بلدنا ولما قلت ليهم الكلام دا عاينوا كلهم كأني قلت الشمس طلعت من المغرب..عيونهم كانت بتقول لي يا راجل يا كضاب يا ضلالي طول عمرنا خاتينك قدام ومسوينك راسنا وشيخنا ودي آخرة جزانا...لكن ربك ستر كان معاي أصغر الوليدات وقال ليهم أخوي سافر..وأنقذ الموقف..ربنا يديم العافيه على سودانير
|
Post: #7
Title: Re: صدق أو لا تصدق..سودان طير قامت متأخره نص ساعه بس
Author: Rakoba
Date: 04-03-2004, 07:19 PM
Parent: #6
الأخ حليم،
الهيلوكوبتر العجيب الأخضر المقصود، أظنه تابع لشركة خاصة، تعمل في مجال إيجار الحوامات للشخصيات والوفود ، وأعتقد اسمها "الراية الخضراء" ، وكما قال أحد الظرفاء حين تفاجأ بشكل وحجم المروحية، قائلاً " دي باين عليها صنع جياد".
المهم المروحيات دي ما بركبوها إلا السياسيين، وهم شداد على روحهم
|
Post: #8
Title: Re: صدق أو لا تصدق..سودان طير قامت متأخره نص ساعه بس
Author: tariq
Date: 04-03-2004, 10:16 PM
Parent: #1
بالله 2
الاولى للسودانية ....
و
الثانية للهليكوبتر الخضراء ...
|
|