رسالة من كفيل سعودى إلى رئيس الجمهورية

نقلا عن www.abritabag.com/vb

الصحفى والمصور سابقا بوكالة سونا للأنباء خليل عبدالرحيم


رسالة مفتوحة ومهمة للسيد رئيس الجمهورية

مسفر بن محسن العتيبي شقيق سعودي وكفيل
ينادي أوقفوا نزيف المغترب السوداني الشقيق ؟؟

سعادة مدير عام صحيفة الخرطوم السودانية الدكتور الباقر احمد عبد الله
تحية مباركة وبعد

يسعدني أن اكتب هذه الرسالة لاشقائي في السودان الحبيب إلى قلوبنا جميعا الشكر والتحية لصحيفة الخرطوم ولمحرريها الأفاضل لتغطيتهم المقدرة للإخبار السعودية والعالمية علي صدر صفحاتها التي نتابعها بانتظام وقد نجد من الغريب بمكان يا سعادة الدكتور الباقر أن يكتب شخص غير سوداني الجنسية عن مواضيع تخص المواطن السوداني عامة وما يسمي بالمغترب السوداني بصفة خاصة ولكني لمست معاناة المغترب السوداني من خلال عملهم معي حيث يعمل تحت كفالتي مائة وأربعين أجنبيا يعمل من بينهم أربعة واربعين سودانيا يتوزعون بين عدة مناصب في العمل منهم ثلاثة علي راس الهرم وبحكم معايشتي للسودانيين من عشرات السنين فقد وجدت فيهم ما لم أجده في غيرهم من الشعوب الأخرى من حسن العشرة والأمانة علي أموالنا وعرضنا والصدق في التعامل والدليل علي شهرة أمانة السودانيين أن أحدهم لديه توقيع منفرد علي جميع حساباتي الداخلية منذ عشرات السنين ولهم دور بارز ومؤثر في تطور ونهضة مجتمعنا السعودي في شتي المجالات المهمة والحيوية وان كانت بعض الهفوات تحصل من بعض السودانيين الا أنها لا تؤثر في لمعان الذهب وصلابة المعدن وعذوبة الماء واصالة أخلاقهم وطباعهم السمحة .
وما دفعني للكتابة إليكم هو موقف اليم هز كياني واقشعر منه بدني لدرجة الغثيان حيث كنت في رحلة عمل خارج المملكة وعندما عدت علمت بوفاة والدة أحد السودانيين الذين يعملون معي وهم من أقدمهم واكفاهم عملا وقد رأيت أن أقوم بواجبي الإنساني والمهني تجاهه فقمت بتوجيه شؤون الموظفين بعمل تأشيرة خروج وعودة له وقطع تذاكر سفر بالطائرة إلى الخرطوم واعطائه مبلغ من المال يكفيه لتغطية مصاريف العراء في السودان ولكني فوجئت اليوم الثاني باعتذاره عن السفر إلى السودان وقال لي بالحرف الواحد لا أستطيع السفر إلى السودان لتراكم الضرائب والرسوم التي تفرضها الدولة علينا فقلت له ما دخل تلك الضرائب والرسوم من سفرك لتقديم العزاء في وفاة والدتك قال لي أن شئون المغتربين في السودان لن تمنحني تأشيرة خروج من السودان إذا لم اسدد الضرائب والرسوم المفروضة علينا تعجبت من قوله هذا حتى أكده لي بقية الاخوة السودانيين الذين يعملون معي ولا أريد يا سعادة الدكتور الباقر أن أتدخل في سياسة الدولة وليست لي دراية بالسياسة ولا أتعاطاها ولا اعرف دهاليزها فلكل دوله سياستها تجاه رعاياها ولكن سؤالي الكبير هوهل تمنع الدولة مواطنيها من دخول بلدانهم والخروج منها لعجزهم أو تأخرهم عن سداد الرسوم المالية فقط ؟مما يؤدي إلى عدم تمكنهم من زيارة أولادهم وآبائهم وذويهم دون جناية ارتكبوها ونتحسر وناسف يا سعادة الدكتور الباقر أن نري التذمر قد سري في جسد الاخوة الأشقاء السودانيين بالخارج الا يكفينا أن نراه من تمرد للاخوة السودانيين في الجنوب ودار فور والبجا وبوادر كيانات الشمال ؟ ومنهم البعض الذي يصطاد في الماء العكر وينادي بحقوق الإنسان التي أصبحت تجد لها آذانا بيضاء صاغية وطاغية في ظل تغيرات خطيرة في العالم من حولنا والذي نحن جزء منه وعلينا أن نغير ما بأنفسنا ونقوي وحدتنا قبل أن يجد الآخرين ذريعة لتغيرنا ويقع الفأس في الرأس فلا مكان لضعيف في عالم الازدواجية وقانون الغاب الا يكفينا ذلك ونتعظ قبل فوات الأوان ؟
ولذلك ومن خلال صحيفتكم الرائعة أناشد الدولة السودانية وشئون المغتربين بالسودان إلغاء هذه الضرائب والجبايات والرسوم من كاهل المغترب السوداني ويكفيه ما يتحمله من جبال الالتزامات تجاه عوائلهم واهلهم البسطاء في السودان ولا تكونوا عونا عليهم في انقطاع صلة أرحامهم التي أمر الله بها إن توصل والبعد عن بلدهم إلام وكيف لا إن تلفظ فلذة أكبادها ؟ومن فرج كربة من أخيه المسلم فرج الله كربة من كرب يوم القيامة فلم يعد الاغتراب اغتربا مع تزايد التزامات الدول النفطية أفقيا وراسيا وتعاظم الانفجار السكاني وارتفاع معدل البطالة بها .
وكما تعلم سعادة الدكتور الباقر أن السودان بلد الكل ويسع الجميع ودولة كبيرة مقبلة علي خير وافر وسلام واعد وثروة نفطية زاخرة ولكن أي خير وافر هذا وأي سلام واعد وأي ثروة نفطية زاخرة أن لم يوقف نزيف المواطن داخل وخارج السودان واقصد هنا النزيف الدموي والمادي معا .
اخلصوا الدعاء أن يجنبنا الله الفتن ما ظهر منها وما بطن والله الموفق .

أخوكم / مسفر بن محسن ابن عبد الله مرشود العتيبي
المملكة العربية السعودية الرياض













الساعة الآن : 01:43 AM ( بتوقيت جرينتش +3 hours )

ماقصر.....الله يطول عمرو....وعمر كل الكفلاء والكفيلات....ويطول عمر رئيسنا وحكومتنا....ويطول عمر المغتربين كافة بدون فرز.....

طيب هو ما يزيد رواتبهم عشان يدفعو؟...ويعمل ليهم بدل ضريبة

ياسجمان يارمدان
راتب شنو الزيده الراجل ماقصر معنا تب قال علينا شعب طيب ومثل الذهب وبعد عايز منو زياده يعنى الراجل دى يتفلخ لكم والله شنو كتر خيرو علي كل حال وربنا يديه الصحه والعافيه يارب

الاخ النيل

سجيمان ده اسكت خليهو ساكت ، ده تلقاهو مجنن إدارة المستشفى
عشان يزيدوا المواهى

سى جى الحبيب

انتو بالذات الدكاترة ديل ما تتكلموا عن الفلوس
ده انتو كاتلين الدجاجة وخامين بيضها.امال البنغالة يقولوا شنو؟

سجيمان...خلى البوامه..والطرطشه البتسوى فيها دى

انت قبال ما تطالب حكومتنا بالفروض..تجى تطالب الناس بالنوافل.

حتى هو مادام بعرف قدر ده كان زاد المواهى فيها شنو؟؟؟

الزول دا فى الأول قال:
"ولا أريد يا سعادة الدكتور الباقر أن أتدخل في سياسة الدولة وليست لي دراية بالسياسة ولا أتعاطاها ولا اعرف دهاليزها"

بعدين قال:


"ونتحسر وناسف يا سعادة الدكتور الباقر أن نري التذمر قد سري في جسد الاخوة الأشقاء السودانيين بالخارج الا يكفينا أن نراه من تمرد للاخوة السودانيين في الجنوب ودار فور والبجا وبوادر كيانات الشمال ؟ ومنهم البعض الذي يصطاد في الماء العكر وينادي بحقوق الإنسان التي أصبحت تجد لها آذانا بيضاء صاغية وطاغية في ظل تغيرات خطيرة في العالم من حولنا والذي نحن جزء منه وعلينا أن نغير ما بأنفسنا ونقوي وحدتنا قبل أن يجد الآخرين ذريعة لتغيرنا ويقع الفأس في الرأس فلا مكان لضعيف في عالم الازدواجية وقانون الغاب الا يكفينا ذلك ونتعظ قبل فوات الأوان ؟"


الزول دا لو بيعـرف فى السياســة كان حيقول شنـو؟

الاستاذ ابوالريش

انت عارف فى السعودية لو قال بيعرف فى السياسة
حيودوهو وين ؟ ده تانى كان شاف الشمس ،
احسن ليهو يا خوى يتغتغت كدى من الكلام اللى بيجيب الريح.

وتسلم

اللذيذ صديق الموج

حلوة النوافل دى

Quote: قال لي أن شئون المغتربين في السودان لن تمنحني تأشيرة خروج من السودان إذا لم اسدد الضرائب والرسوم المفروضة علينا

فعلا يا ترهاقا لا أعرف دولة واحدة في العالم تمنع مواطنيها من الدخول و الخروج في بلادهم لأسباب مالية فقط الا بلدنا المصونة! حاجة تحير.

الحاجات التحير في السودان كتيره ياندى امين

استاذتنا الكريمة ندى

تعرفى الحاجة اللى حتحير فى السودان لمن تكون فى حتة ما بتحير
يا استاذة السودان كلو فى الوقت الحالى يحير ،
ومش كويس كويس إنو الاسباب مالية بس ؟
1- زكاة الشهيد
2 - زكاة المجاهد
3 - زاد المحارب
4 - وعدة زكاءات اخرى لا سمعنا بيها فى القرآن ولا فى الاحاديث

وتسلمى

ترهاقا عن اذنك دى تخريمه وياها دي عشرين دولارى مصروره
فى طرف توبى
دايره اقول لى ندا نحنا ناس عمليين لسه حنكتب ونرد

الاستاذه راوية

خرمى زى ما إنتى عايزة ، بس عشرين دولارك ده اوعك تمشى بيه ا
السودان ، ولو إنو ناس الضرايب بيكون رصدوكى

وتسلمى

الاخ العتيبى اتمنى ان يصل مكتوبك هذا الى اكتاف سعادة الرئيس
اقصد الى بريد سعادة الرئيس.

الاستاذ الكريم هشام

من بؤك ولى راس السماء، اى بريد الرئيش ، تفتكر حيصله
ده الكلاب الوقفين بره مكتبه بيكونوا بلوهو وشربوا مويتو
ده لو ما حولوهو لى جواب شكر من كفيل سعودى
وتسلم

العزيز ترهاقا

والله عفارم عليهم السعودي طلع فعلا زول بيفهم
يعني مع الجماعة ديل سمعنا بانواع من الزكاة بيعرفوها براهم
قال دمغة الشهيد ،ودمغة الجريح وزكاة الدش وزكاة الزكاة ، غايتو عذبوا الزكاة عذاب الهدهد
وزي ما قالوا ناسنا في الشمالية ايام الزبير محمد صالح والضريبة اللي فرضت على محصول البلح تلت للطير وتلت للزبير

فعلا زي ما قلت السودان حيحير يوم ما يكون فيهو حاجة ما تحير
بس اموت واعرف لغاية حسه بنوا كام بيت وكام عمارة بزكاتهم وضرايبهم دي ؟

استاذتنا العزيزة مايا

إنتى فى حاجة ناقصة ، قلتى تلت للطير وتلت للزبير
والتلت الباقى ويين ؟

العزيزة مايا، السودان مديون مليارات الدولارات مش يورو
طيب القروش دى مشت ويييييين؟، يمكن فى ابحاث فرض الضرورة
وإلا يمكن فى سوق النخاسة ، وكمان + الضرايب والمديونية
دى بقت مليارات مليارات، رقم ما موجود حتى فى الرياضيات
عرفتى العمارات دى إتبنت كيف؟ ودى اللى فى السودان بس
امانا ما تحت السواهى دواهى تعلى علينا جاى فى كاليفورنيا
شفنا العجب ، وتسلمى

العزيز ترهاقا

عارف هو اللي بيفضل مفروض يكون تلت للمزارع المسكين ، لكن في اقوال انقاذية اخرى كان بيفضل ليهو بعد الطير والزبير تليت صغيروني ، شفت الجماعة ديل غيروا حتى في ارقام الرياضيات الحديثة والقديمة
مرة قريت ورقة عن ارصدة اهل الانقاذ في البنوك البره ، يا للهول من حجم الاصفار المكتوبة قدام كل رقم شيء يحير يغير اتجاه الزول زي ما قال ترباس ، وده كلو من كمية الدمغات والضرائب والضريبات والذي منه
والله الخوف يعملوا ضريبة عرس الشهيد كمان دي نقول فيها يا منو؟؟

تسلم

اها يا مايا إنتى ما دايرة تدفعى فى عرس الشهيد
معقول ما تدفعى ؟ ده حيعرس بنت الحور ، يبقى الطاق طاقين
لانها بنت الحور ـ وبعدين العريس ده ما كتل سودانيين ، ألا
يحق له ان يدفع للعروس ما يسر قلبها ؟ وصحبك الترابى
اللى قال ليهم بنت الحور منتظراكم ، قال ليهم ديل فطايس
يغسسسسسسسسسسسى ، امانا ما إتغشى راجل ،

يا امريكا ليك إستعدينا وتانى فى حاجات كتيرة زيها
(عمر البشير ) امريكا هى اللى محتاجة لينا ) يا سلام عليك !!
نعيش ونشوف .

العزيز ترهاقا

طبعا كل يوم عرس الشهيد وشهيدنا عرسوا الليلة والربة والحفلة عيانا بيانا في التلفزيون ، فقالوا الحور العين قالوا للترابي والله نحنا دايرين نكمل تعليمنا...لووووووول

في البداية كانوا بيقولوا امريكا روسيا قد دنا عذابها ، حسه عليك الله المعذب فيهم منو ؟؟

قال ضريبة الجريح قال ، هو في جريح اكتر من الشعب السوداني الفضل

مايا العزيزة

هو الترابى مالو ومال الناس تعرس ؟
هو كان ادوهو بت حور حسع بقدر يعرسها؟ الله اعلم ،المسألة
ما كبر سن ، نقول عمره 30 سنة.نخليهو أول حاجة يكمل تعليمه.

الحبيب ترهاقا

تحياتي وسلامي الشديدين ..
بيني وبينك كده الكلام دا يمكن يكون وصل رئيس الجمهورية ؟؟


بجيك راجع

أشك في انه دا أسلوب الكفيل اللهم الا يكون قرا في بخت الرضا

نظرية المؤامرة طبعا جارية في دمنا
جني

ترهاقا العزيز

تحية طيبة

أنا بعرف كفيل هنا في الرياض بيدفع بأريحية لمكفوليه الضرائب و بيجدد جوازاتهم رغم عددهم الكبير جدا ، فلما قالوا ليهو في زكاة ،، إتسعت عيناه من الدهشة و لم تعد كما كانت من يومها.

يا أخوانا الأخ السعودي هذا لم يقصر ، تعاطف معنا فعلا وقولا ،، وهناك الكثير من شعوب العالم يعرفون قيمتنا ، ويتعاطفون معنا ويدعموننا ،،
كنت كتبت بوست عن هذا الموضوع ، لكن من الواضح أنه لم يلاقي إلا القليل من الاهتمام ،، وعلينا نحن أصحاب الشأن أن نتحرك وأن نرفع صوتنا لنحتج على هذا الوضع ،، يجب أن لا نكتفي بصوت الأصدقاء والمتعاطفين ،، أين صوتنا ؟ هل نترك الأمر لمجلس الجمعيات ،، ذلك الذي يدعي أنه يمثلنا وهو لا يمثل إلا نفسه ،، الأخ السعودي كاتب الرسالة علم موضوع الضرائب لكنه لم يعلم بموضوع الزكاة التي تؤخذ منا قسرا على أموال افتراضية لا نملكها ولم تدخل جيوبنا ، ولم يعلم بمشاكل تعليم أولادنا ولم يعلم بأمر مستقبلنا المجهول ،،

هل يمكن أن نسترد ما دفعناه كزكاة وضرائب للحكومات الجائرة

الحبيب معتصم

ياريت الرسالة تصله ويقوم يلغى الحاجات دى بقرار جمهورى
حليل النميرى الكان تلز ليهو اى ورقة قبل اخبار الساعة تلاتة
بشوية يقوم يلغى ليك اى حاجة.

الاستاذ جنى صاحب اللمسات الذكية

حقيقة مش هو اللى قرا فى بخت الرضا ، إنت ما شفتو
كتب إنو فى 44 سودانى شغالين معاهو.

حبيبنا ابوجهينة

لازم الكفيل ده يندهش لانو ما سمع بحاجة إسمها زكاة
إلا زكاة الفطر، بعد يكون قال الناس بيلعبوا على وإلا شنو؟

عمدتنا ودقاسم
حليل الآذان الصاغية يا حبيب الضرائب والجبايات دى لن تزول إلا بزوال الداء
وتسلموا يا أحبة

العزيز ترهاقا وكل المشاركين

المشكلة لا تكمن فقط في تعدد انواع الزكاة والضرائب ، بل تتعداها في اسلوب جبايتها وتحصيلها ، وحقيقي فالامر هو جباية بالقوة والقهر باحدث الطرق التي تتحف بها سفارات السودان المواطن في الخارج وهي ( تقلع) الاموال قلع من جيب المواطن الغلبان ، هذا غير الاذلال والحليفة على المصحف على طريقة ( احلف انه راتبك كده واحلف انه كذا)، يعني بيختوا العالم في وضع لا يحسد عليهو في طريقة جمعهم للاموال
اذكر بهذه المناسبة ذلك ( الرجل ) ومجازا ساقول دبلوماسي ، وهو احد دبلوماسي هذه الحقبة الذين اخرجوا من غياهب الدولة الكيزانية ولكم ان تتخيلوا انه خريج لم يمضي على تخرجه سوى سنوات اقل من عدد اصابع اليد الواحدة ليصبح بين ليلة وضحاها دبلوماسي قدر الليلة وبكرة، فقد حضر الى هذه الدولة الخليجية واول جملة بدا بها عمله هي ( جاي البلد دي عشان أأدب السودانيين الهنا ديل !!!!) ناسي ومتناسي ان هؤلاء الناس من كرام القوم وعفيفي النفس ، وباختصار قام هذا الدبلوماسي الانقاذي بممارسة كل صنوف السادية في التعامل مع السودانيين عند تحصيل الضريبة وزكاة الزكاة وووو وكل تلك المسميات التي ابتدعوها ،يعني كانت في ممارسات غريبة بتحصل وكانما هذا الرجل لديه ثأر مع الناس الهنا ديل واكتشف بمرور الوقت ان هذا الرجل كان يحصل اموال لحساب جيبه الخاص تحت مسمى دمغة الجريح واللي ماشي يتجرح وما الى ذلك!!!
فحقيقي ماسي الضرايب والزكاوات تفرد ليها صحف .