الصوفية فى ميزان الاسلام.............0

الصوفية رغم كثرة طرقهم الا انهم يلتقون فى شى واحد
و هو عبادة العظام النخرة و التوسل بها و هذه تكفى
لاخراجهم من ملة المسلمين و طبعا حديثى هذا سيقع
كالصاعقة على هؤلاء الدراويش و لكن يقول المثل الشعبى
( اسمع كلام اليبكيك و لا تسمع كلام البيضحكك) و ياعبدة القبور
عليكم التوبة النصوحة و كم من ضحايا راحو ضحية هذه الدروشة
و عليكم ان تعلموا بان الله لا يغفر ان يشرك به ويغفر ما دون ذلك
لمن يشاء .
ريما يسال سائل لماهذا هذا الهجوم على الدراويش اقول لانهم
مثل النار تاكل الاخصر واليابس هؤلاء سبب كل المصائب فى السودان
لانهم انصار الطائفية البغيضة قاتلها الله و هم سبب كل الشركيات
و هم البلاء هم دعاة افساد الاخلاق و هم بناة القبب مهدية كانت
اتحادية و يتبعهم بعض من المثقفين لنيل بركات الاسياد و من اين ياتى
دخل الاسياد من (حبوبتى و حبوبتك) صدقة لقبر يحولها هؤلاء الاسياد
الى سيارات فاخرة و ارسال ابناءهم الى الجامعات الاوربية
و نحن ابناء الحبوبات بلا مدارس و بعد كل هذا لا يرضون عنا
لانهم يريدون منا اكثر من ذلك.
الحمد لله الذى عافانا من هذا الداء .

يا سيد هاشم الله يديك العافية .. ويرضي عليك

في زولة سلفية قبل كم شهر هنا ده جات رمت ليها كلام اشتر كده زي تلاتة بوستات ..قطعتو لينا من موقع بتاع سلفيين وما عارفه فيهو الحبه وفي النهاية قعدت تضحك قلت ليها يا بت ما تضحكي بي صوت عالي كده.. واتطلبت الله الخلقه ومشت .. المهم هي كانت جديدة لنج والظاهر لي حبت تظهر .. المهم في ناس هنا دراويش من ضمنهم انا القدامك ده قلت ليها يازولة الكلام ده عيب .. كان سمعك واحد من الدراويش بيزعل منك..
فيا هاشم .. الصوفية دي مكان كبير جدا .. يعني ما بورد الواحد بيجي يرمي فيهو اي كلام والسلام .. فيها الناس الكويسين البيهذبوك . وفيهم برضو الناس المحتالين البياكلو قروشك . وفيهم الناس البيتكلمو كلام ساكت وما عارفين الساعه كم .. وفيهم واحدين برضو بيحبو الجنصصه والظهور ..وفيهم الدراويش .. لكن بتاعت القبور والاسياد والحاجات التانية دي ما مرت علي .. ما ادوني ليها...
المهم .. الفترة الاخيرة دي ظهرت حركات كتيرة جدا.. بدت في الهجوم علي الصوفية والطرق الصوفية.. من قاعدة ما معروفه الهدف منها شنو ؟؟ لكن ما عارفين الصوفية دي عملت شنو في السودان وقاعده تعمل في شنو ..
وفي تلامذة موجهين من شيوخهم الكبار ..ابان دقون قشرة .. ومحركين بالريموت كنترول ..
وفي نوعية زي ما قلت ليك .. بتحب القشرات ودايره تظهر ..
وفي النهاية ..الدراويش ديل دراويش ..والله ما قاعدين يشتغلو ليك بي اي حاجه ..ناس لالوبة بس .. يجردو اورادهم ويسددو عليهم خلوتهم .. والواحد تلقاهو قاشر ليهو بي مرقوعه وكان هبشتهم بيقولو ليك يازول انت درويش والا شنو ..
تتخيل درويش يقول ليك انت درويش ...
طيب ده فضل في الدروشه شنو تاني ؟؟؟
والله ده درويش جد جد

Quote: مثل النار تاكل الاخصر واليابس هؤلاء سبب كل المصائب فى السودان لانهم انصار الطائفية البغيضة قاتلها الله و هم سبب كل الشركيات و هم البلاء هم دعاة افساد الاخلاق و هم بناة القبب مهدية كانت اتحادية و يتبعهم بعض من المثقفين لنيل بركات الاسياد و من اين ياتى دخل الاسياد من (حبوبتى و حبوبتك) صدقة لقبر يحولها هؤلاء الاسياد الى سيارات فاخرة و ارسال ابناءهم الى الجامعات الاوربية

يا هاشم
علاقة الصوفية بالكلام الكاتبو فوق ده شنو؟؟؟
انت اظنك قاصد ليك مكان تاني ..
هي الصوفية دي .. جابوهو ناس ناس الاتحادي .. وحزب الامة والاالحاصل شنو؟؟
والا حكر عليهم..
كدي راجع نفسك كويس . وكلامك الكبيتو هنا ده حاول استعدلو.. يعني افرز لينا الكيمان شان ما نطلع دراويش ساكت ..خلينانطلع دراويش مجيهين ..

tmbis
تحية طيبة و ربنا يدك العافية.
اولا ياخى انت قلت حكاية القبور والاسياد دى مامرت على الظاهر
عليك من دراويس الرياض الله اعلم و فى صوفى من غير سيد وقبر دى
جديدة بقى وكلو جائز ياريت تورينا شوية عن الطريقة الجديدة
دى.
و اما فيها ناس مهذبين دى لسة الواحد ماقبل المهذبين منهم
لاننى عشت بداية عمرى صوفى و لى هسة زعلان من ربع جينة رميتو
فى صندوق قبر اصدقك القول محرقانى .
و بعدين المحرقنى اكتر لسه هؤلاء يمارسون ضلالاتهم يعنى واحد من
اهلى المساكين يجى بجمله وياخذ منه الدجال الجمل ويديه حجاب
ويرجع كدارى.
يعنى يفقد الدابة و الاخرة كمان لانه اشرك واعتقد بان هذا الحجاب
ينجى من كل المصائب و العياز بالله من ذلك.
بالله ناس زى ديل مايستحقوا منى مجرد بوست كمان .
و بعدين حكاية عايز تظهر دى سلاح الضعفاء لان المنبر هنا اعتقد
اسمه المنبر الحر واماحكاية يظهر فلان او علان ما مهم و خاص ان فلان
دخل باسم غير معروف والواحد لو عايز يظهر كان ختة صورتو فى
الجنب و لازم تكون بكرفته الواحد يستلفها لغرض الصورة و يمكن
يظهر عشان كده حبيبى شيل الفكرة دى من راسك ولن تثنينى هى
ايضا من فضح هؤلاء.
و انا اشكرك على اسلوبك الهادى والاستكشافى.

هاشم .. اهلك ديل الله يديهم العافية
هي الصوفية دي القال ليك حجابات منو ؟؟ وقبور ..
كدي حاول ركز تاني انا قلت ليك ماخد العصايه من النص انت .. وداخل شمال.. ساكت
وبعدين انا ما من دراويش الرياض .. انا جيت مدروش من السودان .. ومعلوماتك كويسه عني اني في الرياض ...الرياض ما فيها دراويش كتار .. لكن الدراويش الجد جد في المدينة المنورة .. تعال شوف السعوديين .. الماخدين الطريق من الدراويش السودانيين .. كان الله جابك عينك بتشوف .. وبيرجعوك للصوفية لكن المرة دي بيقولو ليك كان في زول..قال ليك ارمي جنيه في حته ما في مكانه قول ليهو انت ما صوفي وانت زول محتال ..
لكن والله ضحكتني بي بتاعت انو ياخدو منو الجمل ويدوهو حجاب دي .. معقولة زول ياخدو منو الجمل البيتوصل بيهو ويدوهو حجاب ويرضي بالكلام ده ؟؟ معناته شيوخكم ديل خطيرين جدا.. احسن الواحد يعمل ليهو عجله علي الاقل بتكون ارخص من الجمل .. وحمته خفيفه ..

Quote: و بعدين حكاية عايز تظهر دى سلاح الضعفاء لان المنبر هنا اعتقد اسمه المنبر الحر واماحكاية يظهر فلان او علان ما مهم و خاص ان فلان دخل باسم غير معروف والواحد لو عايز يظهر كان ختة صورتو فى الجنب و لازم تكون بكرفته الواحد يستلفها لغرض الصورة و يمكن يظهر عشان كده حبيبى شيل الفكرة دى من راسك

انا ما ضعيف يا عزيزي .. سمين واحمد الله
.. انت دخلت بي طريقه حلوة شوية ..ويظهر انو نفسك ضعيف .. لاني دخلت ليك من نفس المدخل الدخلت بيهو ..
ومنو القال ليك ما حر ؟؟ هو كان ما حر بتكتب كلامك ده ساكت كده ..
وبعدين كان انت جيت وقلت ياناس وروني الحاصل شنو والصوفية دي شنو والحاصل شنو .. الواحد كان علي الاقل ساهم معاك بي قدر البيعرفو .. عن الصوفية لكن انت جيت عملتها لينا كلها مقابر وبعاعيت وحبوبات وحاجات غريبه كده ..
ياهاشم .. الصوفية في المقام الاول بيربو الواحد علي ترطيب اللسان بذكر الله القرآن والرسول ( ص )
انت يعني شان خلاص خليت الصوفيه دي من زمان . شان الناس ديل بيشيلو جمال الناس ساكت ويدوهم بدله حجابات .. داير تجي .. تلم في الناس ديل هنا .. تجدع كلام من طرف ..
ياخوي .. قول يالطيف .. في دراويش في كندا معاك هناك .. كان الله ادي العافية .. بنوصلك بيهم .. بيوروك عن الصوفية كويس علي الاقل هم قريبين ليك .. وناس فاهمين وعارفين بيعملوا في شنو وسبقونا قبل كده ..

يا هاشم......ياهاشم ماقلنا ركز

ياراوية ربنا يديك العافية
باقى لى الليلة بالذات مركز
بس انت خلى الرمزية شوية
كمان و اشكرك على المرور

هاشم..

ادخل هنا في موقع الوراق ..وامشي المكتبة ..في كتب عن الصوفية وكتب اخري مفيده .. ربما يطلب منك تسجيل لتصفح الموقع..
وقارن بين الكلام المكتوب ده .. وبين ناسك القلتهم قبيل ديل ..
ياكمان حاول ابحث واجتهد علشان تعرف عن الصوفية كسلوك..ونهج تهذيبي .. وخليك من حكايات الحجابات القلتها قبيل ديك .. لانها ما بتعني شي في فهم الصوفية ..خلاف انها زاوية معينة انتهجه البعض .. الغرض منها التشويه.. وكسب سبل عيش.. بي طرق ملتويه ..هي لاتنتمي للصوفيه باي فهم ..
سبل الاحتيال اتعددت ياهاشم .. في ناس بتسرق وطن كامل بي اسم الدين..
خليك من جمل يا لستك عربية..
ساهم بي وعيك .. وارشد بي الطريقة السليمه الممكن تصحح بيها كتير من السلوكيات المرفوضه..في المجتمع الحوالينك .. ركز علي المجتمع الجاهل الممكن .. تجنبو مضار الاحتيال والتخبط الغير سليم والخلط ما بين طرق العباده السليمه والعقيده المتبعه .. والحاجات التانية ..
وللفايده ..اذا حبيت تصل لي معلومة .. اطرحه بالصورة الممكن ترضي الغير .. مع توفير الاحترام التام.. واضمن ان ليك كل ما تسعي ليهو .. واسلك الطريق السليم البتقدر تميز بيهو الصاح من الخطأ .. من الدجل من الشعوذة وحاجات تانية ..

احييك على ردك الراقى دا
و حتى لانضيع زمن الناس
ساحدد لك بعض الاشياء وياريت
ترد عليها هذه ابيات من قصيدة
البرعى ياريت تورينى معناها.

صلى سلم يا أحد
لي من أقام الحد
البرعي اتحد

و ايضا يقول الختمية
كل خلق الله تحت ركابنا.
و يدعو المتصوفة ان كنت فى
كرب اسال الولى الفلانى او العلانى
اى دين هذا لماذا لا تسال الله وتستعن
بالله بدل سؤال عظام نخرة.
و اما عن اصنام هذا العصر الصادق و الميرغنى
يبدو انك انكرت صوفيتهم رغم انهم صوفية لاشك
فى ذلك .

و سوف ادخل للموقع الذى ذكرتة و ساتيك بنبا عظيم
و خليك ماسك الخشب

هو المنبر ده لو ما مجرد "بمبر" نوعكم ده البجيب هنا شنو ماعارف!

بعدين في ميزان الاسلام ولا ميزان الوهابية ياحبيب؟

فخليك واضح يا جميل!

لانو كلامك ده قطع شك اوهام ظنون.

انا غايتو لمان اشوف الوهابية ظهروا في مكان، فبعرف انو في طوفان او طاعون، قادم في الطريق!

طبعا نجاحكم في اعدام الموناليزا فتح شهيتكم للاخر، بالعدم نوعكم ده مفروض اصلا ما يعتب هنا، او لو عتب، يظل مدسوس ويشارك من وراء حجاب!

لكن واضح المنبر ماشي في انحدار!

شنو يا بشاشا
بالله بشيش بشيش
و بعدين دا كل القدرت عليه
ورينا كلام اولياك ديل يقصدو شنو
و حكاية موناليزا وغيرها سيبك من
اساطير الاولين و ما تعمل ماكلوم اكس
المنتدى..
وورينا فضائح الدجالين دعاة الشرك ديل
و بينى و بينك لسة انا ما نقلت عنهم حاجة
مالك مسخن من اولها ياحبيب السكة لسة طويلة
هذئ نفسك .
قول بسم الله .
معليش انا نسيت انت عندك شياطين تناديهم
ربنا يخلص السودان منكم.

يا بشاشا و من على مذهبة هذا البوست
يد بيضاء تمتد لكم لانقاذكم مما انتم
فيه من انحراف اقتنموا هذه الفرصة
قبل ان ياتى احدكم الموت وفيقول
ياربى لولا اخرتى .
ودعكم من حكاية وهابية و حشد اهل
الباطل لمحاربة المنهج السليم تحت
دعوى محاربة الوهابية
ولو انكم لا
تخفون حقدكم على اهل السنة و الجماعة
فلن تفلحوا فى فعل شى لانكم اهل باطل
فاينما كنتم ارتحل معكم الباطل افيقوا
ايها .

فَإِنَّهَا لَا تَعْمَى الْأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ) !

الهم ثبتنا على الايمان .

الاخوة هاشم ....تمبس ...بشاشة....التحيات الطيبات

الحقيقة الحديث يطول فى مسالة التصوف و يصعب احيانا الوصول فيه الى نهايات
و اخشى اننى بطريقة دخولى المتقطعة الى المنبر لن استطيع متابعة حوار متواصل كهذا
لكن اسمحوا لى ان اشير الى نقطة هامة فيما يخص التصوف او علم التصوف كما احب ان اسميه و هى ان التصوف مثله مثل العلوم الاخرى كالعلوم الفلسفية و الاجتماعية يقبل التطور و يقبل التجربة التى تقود بالقطع للفحص و النقد و هو ليس شريعة الهية انما هو محاولة للوصول و الترقى فى طريق الله يفشل البعض فى هذه المحاولة و ينجح اخرون
اذن للمهاجمين سواء كانوا وهابيين _فى غالب الامر_ او غيره اقول تصوراتكم حول الامور و كأنها قطعية و نهائية لا تجوز فى امر التصوف لان اصحابه ذات انفسهم يعرفون ان التجربة الفردية لا يمكن محاكمتها بقوانيين القطعى و النهائي
و للمدافعين ايضا اقول ان تجربة التصوف فى جميع الاوقات اشتركت فى كون انها محاولة للوصول و لكن لم تتفق فى طريق هذا الوصول و ان اتفقت على مبادئه الاولية القائمة على الورع و الزهد و المحبة...الخ الا ان كل هذه وسائل يختار منها المريد بحسب ما يوصله و لاى شخص منفتح و عقلانى لابد ان يعترف ان التراث الصوفية اصطبغ فى كثير من الاحيان بصبغات الحياة الاجتماعية للبيئات التى انتشر بها و عليه مثله مثل اى علم اجتماعى لا يمكن الحديث عن كماله و صحة كثير من الوقائع التاريخية التى صاحبته صحة مطلقة
بقى شئ اخير اوجهه للجميع المنهج الصحيح لمحاكمة اى فكرة لابد ان يكون مرتبطا بها بمعنى انك اذا اخضعت لوحة فنية لمقاييس الاقتصاد و التكلفة ربما ترفض ان تشتريها و لكن لو اخضعتها لمقاييس الجمال ربما انفقت كل ما تملك لاقتنائها و كما يرى الاخ هاشم ان التصوف يقوم اساسه على تعظيم البشر الاحياء منهم و الاموات باستناده على ما يراه من علاقات المتصوفة انا اقول لك انه ربما شخص اخر فى مكان اخر من هذه الدنيا يعتقد ان وقوفك لمعلمك عند دخوله الفصل او خفضك صوتك امام والديك نوع من التعظيم المبالغ فيه فقط لان هذا الامر غريب عليه و على عاداته الاجتماعية فى المنطقة التى يعيش فيها و على ذلك قس فاذا حاكمنا التصوف دون الرجوع الى مقاصده نكون قد اخطأنا خطأ كبيرا

الاخ هاشم
الاخ علاء
انا لا صوفى ولا سنى لكن انا بنى
لكم التحية على النقاش الراقى
اكيد حتعم الفايدة فى نهاية المطاف

بس المحيرنى بشاشة نفسى وكمانى نفسى
اشوفه داخل على بوست ومتفق مع صاحب البوست

ولكم ودى

Salam all
Dear Tmbis and all
I will come back ISA
Keep up pls
Tmbis I'm sure U alone is enough still I will come, though not required
Thanks Youmna 4 this wise talk

B]

Quote: Quote: اما عن اصنام هذا العصر الصادق و الميرغنى يبدو انك انكرت صوفيتهم رغم انهم صوفية لاشك فى ذلك . Quote: ريما يسال سائل لماهذا هذا الهجوم على الدراويش اقول لانهم مثل النار تاكل الاخصر واليابس هؤلاء سبب كل المصائب فى السودان لانهم انصار الطائفية البغيضة قاتلها الله و هم سبب كل الشركيات و هم البلاء هم دعاة افساد الاخلاق و هم بناة القبب مهدية كانت اتحادية و يتبعهم بعض من المثقفين لنيل بركات الاسياد و من اين ياتى[/QUOTE أنتهي [/ 0000 لاأدري هل زبدة هذا الهجوم علي الصوفية وخلاصته هو هو مهاجمة والنيل من السيدين الصادق والميرغني وحزبي الاتحادي والامة أن كان الامر ذلك فهو لايحتاج لهذه اللفة الطويلة المجهدة والتي أختزلت كل الفكر الصوفي والمدارس الصوفية وكل الطرق الصوفية في شخص الصادق المهدي وشخص الميرغني.. علما بأن الصادق و وطائفته ليسوا بصوفية... ولا أدري لماذا تم أستبعاد الترابي وعلي عثمان والبشير الذين حاولوا أحتواء المتصوفة وتمسحوا بهم وأقاموا مؤتمرات للمتصوفة مثال مؤتمر الذكر والذاكريين...وقاموا بمدح الصوفية و عددوا أسهاماتهم ـوطبعا تم ذلك بشكل أنتهازي يرمي للتكويش علي المتصوفة... 00 ثم دعونا نتكلم عن ما يطلق عليهم أهل السنة والجماعة في السودان الذين فتنوا ببريق السلطة وأدي أرتماء شيخهم الهدية في أحضان النظام لانشقاقهم وكشف نائبه أبو زيد المستور في علاقة الجماعة مع السلطة وأخيرا تدخلت الرئاسة في السعودية التي تملك المال والهبات لجمع الشمل للضغط وأحتواء الشرخ .. هولاء هم نموزج لأهل ,, السنه والجماعة,, بالوطن... عموما دعنا نسأل الاخ هاشم ماذا تفعل جماعتكم,,أهل السنة والجماعة اذا قدر لها الحكم في السودان ازاء ما تري أنه ضلالا مثلا؟ هل ستهدمون القباب وتمنعون الاذكار؟؟ هل ستمنعون الموسيقي والمعازف؟؟ وما هو حكم عمل وتمثيل وغناء المراة عندكم؟؟ وهل سيتيح تصوركم للمراة والكتابي التنافس للرئاسة وولاية الامر؟ وشكرا كمال عباس Post: #18 Title: Re: الصوفية فى ميزان الاسلام.............0 Author: هاشم نوريت Date: 03-30-2004, 04:54 AM Parent: #15 الاستاذ كمال عباس يبدو انك تريد ان تحصرى فى زاوية ضيغة من قال لك بان المهدى و الميرغنى ليسو صوفية . ياناس الصوفية دى زريبة من غير سيد كل حد يدعى احقيتة بها من الذى اعطاك حق انكار صوفية الختمية و الانصار وديل ماشين وراء مين يا استاذ يافاضل. ثم ثانيا الترابى او لعب على دقن الاسياد و بعدين قبل على الدراويش . و انت ذكرت خلافات انصار السنة يالذيذ انا احدثك عن منهج وليس اشخاص هلا شرحت لى ماهية الصوفية التى حصرتها انا كما تقول فى الصادق و الميرغنى . الواحد يتعلم برضو. Post: #21 Title: Re: الصوفية فى ميزان الاسلام.............0 Author: WALEED YASSIN Date: 03-30-2004, 09:03 AM Parent: #15 الأعزاء السلام عليكم اخ هاشم فالنفترض انك وهابى اولا اما بخصوص ما كتبته عن الصوقية و شركهم و خرجهم عن الملة... اخى ان الصوقية لها القدح المعلى فى نشر رسالة الأسلام و تعاليمه فى وهى حققة لا ينكرها الا مكابر ...ودعنى اسالك سوأل بسيط جدا هل عدد الكفار فى العالم بسيط لهذا الحد لكى نذيده بى اهلتا الصوقية؟؟؟؟ انهم يشهدون بان لا اله الا الله و ان سيدنا محمد رسول الله فمن ايت اتيت بشركهم وخروجهم عن الملة؟؟؟؟ ثانيا ما دورك انت يا سماحة الشيخ فى قضاية المسلمين فذه اسرائيل قتلت الشيح المجاهد احمد ياسين وانت تكتب (صارحتنى زوجثى فى ليلة الدخلةبانها ليست بكر)... وذكرت ايضا ان الصوقية( ريما يسال سائل لماهذا هذا الهجوم على الدراويش اقول لانهم مثل النار تاكل الاخصر واليابس هؤلاء سبب كل المصائب فى السودان لانهم انصار الطائفية البغيضة قاتلها الله و هم سبب كل الشركيات و هم البلاء هم دعاة افساد الاخلاق ) انت تعرف من هو سبب الوضع الحالى فى السودان يا سماحة الشيخ ولكن عينك للفيل وتضعن فى ضله... فهل هذه السنة التى تتبعها ان تكفر من تشاء وتخشى فى الحق لومة لائم؟ ولك ودى وفى انتظار ردك Post: #22 Title: Re: الصوفية فى ميزان الاسلام.............0 Author: degna Date: 03-30-2004, 09:12 AM Parent: #15 السلام عليكم جميعا الاخ الفاضل هاشم دعني اختلف معك تماما في هذه النقطة اعتقد انه عليك اولا التفريق بين الصوفية كنهج ديني وبين من استغلوا ذلك لاسباب دنيوية سياسية وغيرها من اشكال الطائفية السياسية البغيضة التي تاجرة بالدين واستغلت عواطف البسطاء المحبين لدينهم وعقيدتهم وجهة نظري البسيطة حول الصوفية هي انها نهجا دينيا علميا وهي طريق ونهج لتربية النفس والسمو بها وجعل حياتك كلها زاهدة ومتواضعة وشريفة وعفيفة واعتقد ان كل هذا لا يتعارض مع مبادئ ديننا الاسلامي الحنيف ولا مع سنة نبينا ورسولنا المصطفي محمدا عليه افضل الصلاة والسلام ولي عودة ali Post: #24 Title: Re: الصوفية فى ميزان الاسلام.............0 Author: هاشم نوريت Date: 03-30-2004, 03:56 PM Parent: #15 التحية للجميع يااخوان لدى مشكلة فنية وهى ان الردود 22 و الموجودة فعلا 14 حتى اننى رديت على الاخ كمال و الان لم اجد ردى وبقية الردود يعنى تظهر الصفحة صفراء من يعالج هذه الاشكالية الظاهر الجماعة اشتغلو. هههههههههههههههه Post: #25 Title: Re: الصوفية فى ميزان الاسلام.............0 Author: هاشم نوريت Date: 03-31-2004, 00:03 AM Parent: #15 الحاصل شنو ياناس Post: #16 Title: Re: الصوفية فى ميزان الاسلام.............0 Author: مراويد Date: 03-30-2004, 00:54 AM Parent: #1 انتو ده موش نوريت بتاع المره الطلقتا حبوبتا والراجل اللقا الحمار مربوط فى المزيره يوم العيد؟؟ ولا واحد تانى ياخى ما دام بتناقش فى كل المواضيع انا عندى مشكله صعبه خلاص,مسأله اجتماعيه/دينيه/سياسيه/رياضيه اهو كلو من الله وانا اسهل ليك المواضيع فى مشكله واحده انا متزوج لى واحده (والعياذ بالله) بتحب المديح.. اليوم كلو يا تمدح يا تسمع مديح..و فوق ده كلو مريخابيه (والعياذ بالله) مريخابيه عدييييييييل كده, والله دى ما فضل ليها الا تبقى جردليه زى البنات اللات اللنترنت ديل... المهم...خلافنا يا لخو...الصباح جنها تسوى زلابيه.. والعشا فته.... اطلقا و لا لآ Post: #17 Title: Re: الصوفية فى ميزان الاسلام.............0 Author: khider Date: 03-30-2004, 01:06 AM Parent: #16 يا هاشم ابو الليف ,, ركــــز للمرة الالف Post: #19 Title: Re: الصوفية فى ميزان الاسلام.............0 Author: ASAAD IBRAHIM Date: 03-30-2004, 05:01 AM Parent: #17 الاخ هاشم تحياتي اخي نعم هذا المنبر حر، والاعضاء لهم حرية النشر به ، ولكن اخي حقيقة واشفاقا عليك ارجو ان تركز جهودك علي موضوع واحد فأنت في ظرف اسبوع تطرقت الي عدة مواضيع اجتماعية وسياسية ودينية وحتي المواضيع السياسية تباينت وجهة نظرك في كل منها ، لذلك اخي رجائي ان تركز علي موضوع واحد حتي لا تجهجه نفسك بين البوستات ، وفي الختام المنبر حر وانت كذلك. والله الموفق Post: #20 Title: Re: الصوفية فى ميزان الاسلام.............0 Author: kamalabas Date: 03-30-2004, 05:12 AM Parent: #1 الاخ هاشم أرجوا أن ترتفع بمستوي الحوارولغته قليلا كتبت Quote: لى ماهية الصوفية التى حصرتها انا كما تقول فى الصادق و الميرغنى . الواحد يتعلم برضو. ببساطة ياأخي أنت الذي قد ت الحديث عن الصوفية وحصرته في الامة والاتحادي وفي شخصي الميرغني والترابي وأغفلت التراث والفكر الصوفي الذي تضرب جذوره لعدة قرون منذ وقبل البسطامي وابن عربي ورابحة العدوية والحلاج مرورا بالصوفية الطرائقية التي ظهرت في القرون الاخيرة تيجانية, شاذلية,أحمدية , أدارسة,,قادرية, ومن ثم الختمية كا أخر الطرق الصوفية ظهورا 00 نعم طائفة الانصار ليست طريقة صوفية وأمامها الصادق ليس شيخ طريقة وليس صوفيا وهذه أمور معروفة بالبداهة للقاصي والداني ومع ذلك دعنا نسألك ماهي الطريقة الصوفية التي ينتمي لها الانصار والصادق المهدي تحديدا؟؟؟ وحتي لاتنسي أرجوا أن تجيب علي هذه الاسئلة والتي سبق أن طرحتها ويبدو أنك نسيتها Quote: نسأل الاخ هاشم ماذا تفعل جماعتكم,,أهل السنة والجماعة اذا قدر لها الحكم في السودان ازاء ما تري أنه ضلالا مثلا؟ هل ستهدمون القباب وتمنعون الاذكار؟؟ هل ستمنعون الموسيقي والمعازف؟؟ وما هو حكم عمل وتمثيل وغناء المراة عندكم؟؟ وهل سيتيح تصوركم للمراة والكتابي التنافس للرئاسة وولاية الامر؟ وشكرا كمال

---