Post: #1
Title: اقول ليك حاجة؟Go to hell
Author: rani
Date: 03-29-2004, 03:39 AM
(1)
واحد..واحدة
***
عندكم غنم؟
ايوه عندنا غنم
عندكم كلب؟
ايوه عندنا كلب
عندكم كديس؟
ايوه عندنا كديس
عندكم زهور؟
ايوه عندنا زهور
لونها أحمر؟
ايوه لونها أحمر
طيب ممكن تقطعي واحدة عشان خاطري؟
الغنم هي البتقطع الزهور
طيب ممكن تشميها؟
الكلاب هي البتشم الزهور
طيب ممكن تلعبي بيها؟
الكدايس هي البتلعب بالزهور
اقول ليك حاجة؟
ايوه
Go to hell
هل علامة استفهام
ستارة
(2)
قاضي..واحد..واحد تاني
***
قاضي.الحاصل شنو بالضبط؟
واحد..عارف يا معلم.كنا انا والفردة ده قاعدين ندق الحنك..قلنا نعمل عشة الفلاتية..قمنا عملنا عبد العظيم حركة عشان نعمل عشة الفلاتية..في طرف الشارع رفرف نحل..الفردة ده قال لي النحل وصل..قلت ليهو النحل فيهو العسل..عمل عبد العظيم حركة في اتجاه النحل..في الأول النحل جفل..اديناها صنه..الفردة ده قال لي نقرا جريدة اخبار اليوم..قلت ليهو انت من زمن الجرايد..الجرايد صقعت يا فردة..جربنا المكنة الحارة..
حق الله بق الله..شيلدق..شيلدق..تب ترب..المكنة شالت..بعد شوية..النحلتين بلعوا الكورة..عشان كده اهو نحن في نظرك يا معلم
قاضي..وانت يا فردة رأيك شنو في كلام الفردة ده؟
واحد تاني..مظبوط يا معلم..كلام زي الأصول
قاضي..طيب ..هل كان عندكم علم ان النحل عندو ابر؟
واحد..واحد تاني..بصوت واحد..عارفين يامعلم
قاضي..طيب ما دام عارفين وكلو تمام ومظبوط كلو واحد فيكم ياخد مية ابرة..يللا اتلحسوا من قدامي
واحد..قال شنو المعلم ده؟
واحد تاني..تشرب الهوا وتفحط
ستارة
من كتابات محمد نور كبر
|
Post: #2
Title: Re: اقول ليك حاجة؟Go to hell
Author: ابو تميم
Date: 03-29-2004, 04:08 AM
Parent: #1
| Quote: اقول ليك حاجة؟Go to hell |
ياخ والله دي حاجة غريبة خلالالالالالالالالالالالالالالالالالالالالالالالالاس
|
Post: #3
Title: Re: اقول ليك حاجة؟Go to hell
Author: rani
Date: 03-29-2004, 04:28 AM
Parent: #2
الغرابة شنو مثلاًً؟
خلاسسسسسسسسسسسسسسسسصصصصصصصصصصص
ما داير اعرف
|
|