حلمونى فى المنام

حلمونى فى المنام ..
فوقى بشير لومى. اللوليه. سلطان احمر .الخواجه.كوفتى.
الكجورى المكسر.حكيم بى مدير الترعه الصياده.يوسى
دنيا يا دنيا على بى.الناريه.هى هى امنه العربيه
ود الجبل الدينكاوى راعى البقر الدينكاوى .
يا مريم مرى مريم مررى.بنى شامى جا سيد الفدايه جا.
اها ومن وكتها داك انا برمى الودع
.اجى..اجى..الشيل التقيل دا جاك
.تانى اخوانه مورق يا كافى البلاء
.ود الصرة ليك منو
.صفاح العذبه لى قدام
.مقطوع الضهر لا فينا لافى الاهل كر يا يمه الراجل مات واقف على حيله
.القريشات حمدنك
.دربك مرق بعيد على السافل
.الطيه الكبيره جاتك
.الفتاه اتصافحت
.قعدتى قدام سيد عمامة الصلاح ومعاك تالت اخوانه
.النعلات حمدنك
.بوشة حريم ونعمة كريم فى بيت الويحيد

اها انا ماشه الحق اليوم العالمى للمسرح
ست عشه

وكل عام وانتي بخير

مرحب يا صديقة فى المنبر واضافه له. والعام الجاى على خشبه واحده محتفلين فى بلدنا.

مرحب بيك يا صديقة فى المنبر والسنه الجايه فى خشبه واحده
فى بلدنا.

اها يا بت حبيب الله ، اصدق يا ابو الحلم شوف العلم ودبعاتك حلميهن وبغربتنا كلميهن شوفي لينا حكومة البشير متين تطير ومتين اللمةفي في المسرح الحوش الكبير

أه البت الغطت وشها ومرقت من غادي غادي دي مني
الراجل الواقف مزهول في خشم الباب
ومنتظر الزهرة تجي تودعوا قبل ماتعلن سفر العمر
ورشا الموية على نفسوا
اظنوا رمال....
وكل مسرح والبراحات غناء

عشه بنت فاطمه
شوق كتيررررررررر
نتلاقى فى دراما عالية عند بنت مبروك فى رفاعه.

هدهد
الاشواق
اتصلت كثيرا ولم اجدك.

الرائعة تماضر الأخرى

لك الود و كامل الفرح بهذا الحضور المحبب ..
و سؤالي : هل مازال " ود الجبل الدينكاوي " أو الشايقو- جعلي يعرّش على أحلام ( بنوتنا ) الهاربات من المرجع الثقافو-تاريخي المتحكّر زوليه ؟ !! منفتحاتٍ على عوالم ، الحبشي ، و الخواجه ، في دراما الزار المدهشه ؟

واااااااااااااصلي يا حبيبه ، و لنا الامتاع !!!

الليمونى منوت

الود والاشواق
افتقدك البورد وانت تتنقل فى مدن السودان
بين الاهل والاصدقاء........

تماضر رجعتى البلد البارده ديك ولا شنو
تحياتى للود عطايا والبت رقيه وراق

العزيزة تماضر سلامات

حمدالله علي السلامة.

عساك حملتي لنا حبة من حبيبات الوطن الحبيب وتركت الاحبة في وعد علي عود.

عود طال اشتياقنا له.




اها الودع قال شنو؟ عندي ليك البياض

الود اجزله

ثروت

حمدآ على سلامة الأوبة ، وأتمنى تكوني تزودتي بما يكفي من الشمس والنهارات المضيئة والمشاعر الدفيئة لمواجهة الصقيع حتى موسم العودة التالية ذات حنين للبلاد ، وما تنسي معاك الحميمة رقية وراق.

لو حلموك تاني ، أساليهم عن { زولآ سرب سربه ،، خلى الجبال غربه}

تماضر بت بلدي
حمد لله على السلامة

اسمي تعالي نعمل كرسي تلاتة ايام
رايك شنو ؟

بري ما ختيتو ليهن خليهن السربن مع الجندرية عند بت مبروك وبدل تلاتة يوم يا الجندرية خليهو كرسي سبعة يوم نص الكرسي ما بفشنا الا نحنا ناس فريق قدام بندق بالبخيتة ، وبالمناسبة دي الشيخات ديل ليوم الليلة موجودات

فرح الفرح
عدت واحمل دفئا من بلدى
واشواقا للكل...
احمل ودك لعطايا ولرقيه
الرائعه تهاتفناوحملت لها
اشواق اصدقائها واسرتها.



ثروت
هل ما زلت بمدينتى..عندىليك
حمد من السودان وكلام كثير من
الاصدقاء.


ابو ساندرا
لكم سعيدة التقيتك واسرتك فى
اللمه السمحه وسط الاصدقاء
وحفاوة البورداب ولنا لمات اخرى
تحياتى لاسرتك وسابلغ صديقتى الحميمه رقيه.


الجندرية
ديم البحر بناديك
دايرين كرسى بى ميزه
تحياتى لاسرتك.


عشة
النبى كيف بنياتك كبرن
فريق البلبتق بسلم عليك.

اتخيل لي يا عشوشة بت مبروك والبخيتة ديل بكون في ورثة ليهن هسي
يا تماضر مافي جيل جديد من الشيخات

وليكن علي الضبيحة علي
سبعة يوم ردحي نحت العلينا والبينا ونجي خفااااااااااف