( أخو البنات) ، لقد دخلت البورد

بداية سلامى لكم جميعا أهل هذه الحديقة المثمرة اليانعة، ولا تعجبوا لو وجدتمونى يوما ، أتناول الشعر الفصيح أو العامى، ويوما آخرأتطرق لبعض من الجوانب السياسية أو الأجتماعية والفنية أو الرياضيه.
فذلك فضل أمنا المعطآة ( أم درمان ) علينا، فقد نشأنا وترعرعنا فيها ووجدنا كل ذلك الزخم الحياتى ، وعشنا فيه وتفاعلنا معه منذ بواكير سنين العمر. فالأنسان (الأمدرمانى ) أنسان شامل ، و(أم درمان) ، دونما تحيز أو عنصرية ، هى ملخص للسودان، الشاسع الكبير.
فلقد سعدنا بمشاهدة أفذاذ الكرة امثال صديق منزول ، وبرعى، وسينا وجكسا ، وجكسا (الصغير) وأستمعنا الى الطرب الأصيل من (أبراهيم عوض) ، و (الجابرى) و (ميرغنى المأمون وأحمد حسن جمعة) ، وعرفنا الشعر من خلال
( سيد عبدالعزيز) ( وأبو صلاح) ، و(عبيد عبدالرحمن)، (وود البنا).
ومن قبل كل أؤلئك ، أستمعنا وأستمتعنا بتلاوة صباحية مجودة بصوت القارئ (عوض عمر).
وحتى صوت (الجزارين ) فى سوق (أم درمان) له حنين وشجن وهم يصيحون ( ريال .. ريال ) (الكيلو ريال).
وما أريد أن أتناوله فى بداية دخولى لهذا (البورد ) ، العامر بكل ما تشتهى النفس ، أن الكثير من المنتظرين خارج أسوار (البورد)، لديهم الكثير الجميل الذى يتفوق -نوعا- على عطاء من أسعدهم الحظ مثلى ، أو خدمتهم ظروف الأقدمية. وكما قال العارفون وأرجو أن يكن كذلك ،( الطريق لمن صدق ، وليس لمن سبق) .
وما أتمناه مخلصا ، أن يبذل الجهد وفى نكران ذات ، وأن يسعى كل المشاركين لأستقطاب كل رائع مبدع ، فقد أصبح هذا( البورد)وطنا ، نحلم به ، ونتطلع اليه ، والمبدعون فى الغالب ( ذوو حساسية وشفافية عالية)
وكما قال لاعب الكرة والمدرب (السابق) الفذ، المرحوم / سليمان فارس، عندما تردى وهبط مستوى كرة القدم السودانية) فى وقت من الأوقات ، أن الوسط الرياضى خلال هذه الأيام لا يسمح بظهور اللاعب الموهوب، فالموهوب حساس، والحساس لا يستطيع التعامل مع جو لا يقدر شفافيته وحسه المرهف، لذلك لم يظهر فى الملاعب الموهوبين ، وأنما ظهر المحظوظين، والمشاكسين).

مرحب بيك الاخ تاج السر

ود امدرمان

لكم اشتقت لمدينتى الحنينه

امدرمان يا كل السودان.

يا حليل امدرمان و سوق امدرمان ,سوق الشجره ,سوق ام سويقا, سوق السور و سوق المورده , سوق الشهداء و سوق ودنوباوى.

يا حليل ميدان الخليفه ,ميدان المولد,ميدان الاهليه و ميدان الربيع.
يا حليل ,يا حليل ,يا حليلها

شكرا ، جزيلا عاشق أم درمان ألأنصارى

شكرا أبو آمنه العزيز الغالى

شكرا ، استاذة / تماضر ، والشكر لك من قبل على الكلمات (السامية) فى ذلك المقطع الرائع ( السودان أولا).

شكرا ، صديقى عوض ناسا ، والبورد منور بأهله.....

شكرا مهدى ، وسوف أنزل قصيدة جولى أهداءا لك ، فى وقت آخر

شكرا صديق ألموج ، والسودان أولا ، وأمدرمان نموذج للسودان الذى نتمناه....

مرحب بيك الاخ تاج السر

ود امدرمان

لكم اشتقت لمدينتى الحنينه

امدرمان يا كل السودان.

يا حليل امدرمان و سوق امدرمان ,سوق الشجره ,سوق ام سويقا, سوق السور و سوق المورده , سوق الشهداء و سوق ودنوباوى.

يا حليل ميدان الخليفه ,ميدان المولد,ميدان الاهليه و ميدان الربيع.
يا حليل ,يا حليل ,يا حليلها

حمدالله على سلامة وصولك لحدى هنا...

وشرفت البورد..

يللا ..ارتع.. وفرجنا..

ألأخ تاج السر
مرحب بيك و
بانضمامك البورد نوّر كلّو زينة

مرحبا تاج السر

مرحبا باخو البنات,تابعت كتاباتك بنادي القلم ,وزاد اعجابي بالصديقة الراقية المتفردة جودي.اتمنى ان اراها هنا قريبا,لك التحية والود وفي انتظارك

حبابك الف ود امدرمان ....والله يزيد اولاد امدرمان السمحين

والبورد ملع بيك....

مرحب بالاخ تاج


هيا تخير مكانك وانفث فينا عطر حرفك .

اقامه سعيده نتمناها لك


ولك عصير الموده

العزيز / محمد الشيخ
شكرى الجزيل، وأتمنى أن أجد من الورد ما يدخل البهجة فى قلوب أهل الذوق ،,,,, لك الود

أخو البنات

خش وعانقنا بالأحضان
مرحب ..

ياكبسيبه مسألة أخش دى ساهلة ، بس بالأحضان دى كيف ؟؟؟

شكرا، يا غالى ,,,,,,,

أخو البنات

أهلا بالأمدرماني تاج السر
حبابك و الدار دارك و في إنتظارك

لك ودى (أبوجهينه)

أنا أم درمان انا السودان ، أناالدر البزين بلدى

السودان أولا،,,,,

أخو البنات

خلاص خش ساي
لا أحضان
نسيت إنو ده زمن الشقليب والقليب يعني أي كلمة لازم تراجع كل القواميس اللغوية وبلاش استعمل قاموس العفوية السودانية.
لكن برضو بقول ليك خش وبالأحضااااااااان يا صحبي قبل ما تصاحبني.

الأخ تاج السر

مرحب بيك .. ومرحب بي ناس أم درمان ..

الأخ / معتصم دفع الله ، لك الود

الشكر لك ، معا كى يظل السودان - دائما- أولا.

أخو البنات

مرحبا بك تاج السر

و شكرا لكلماتك البشارة

عزيزى نصار ، لك ودى

والبشارة ، غى أنتظارها ، عندما يحل السلام ، ويصيح الفرد السودانى

عزيزا مكرما، فى داخل بلاده وخارجها، ودام السودان أولا،،،،،

أخو البنات

مرحبا بك أستاذ تاج السر..
وفي انتظار المدد الامدرماني الحبيب..

لك الود عزيزتى رجاء

( يا محبهم لا تكون بعيد عن قريهم ، كونو الرسول ما بعبهم)

مدد .. مدد،،،،

ولندعو بأهل المدد ليكن السودان أولا

أخو البنات

حللت أهلاً و نزلت سهلاً

ولو ماشالك البورد نشيلك فوق راسنا

مرحب أستاذنا تاج السر .

أخوك الأمدرمانى أيضاً ،


طه حسن عبدالله

مرحب بيك ياتاج السر
حبابك الف فى المنبر الحر

لك شكرى ، وودى أخى زمراوى

ولنلتقى على درب الجمال ،وليبقى السودان أولا

أخو البنات

لك الود أخى طه،

ولنلتقى على درب الشعر والذوق ،وليكن السودان أولا

أخوالبنات

مرحب بيك اخو البنات

لك الود الجندريه ،

وليستمر البنفسج فى وهجه وأريجه ، متفتحا فى وطن مسالم ،

والسودان أولا ،،،،،،

أخو البنات

ود البقعة الأستاذ /تاج السر

اهلا و سهلا بك فى المنبر الحر فهو متنفسنا
الوحيد ارجو ان تسعد بالأقامة بيننا ..
ومن سياق بوست الدخول يبدو انك رياضى مرموق
اريد ان اقول لك بأن حواء السودانية لازالت
حبلى بالمبدعين و سترى منهم مؤهل ليلعب فى
الدورى الأنجليزى .. انا متفائل بأن الكرة
السودانية ستعود الى سابق عهدها .!!

الفولانى

ألعزيز عوض الله الفولانى ، لك الود

أنا ( أم درمانى ) ، أهوى الرياضة - كرة القدم - الطرب ، الأدب ، صدقنى أذا لم نتحلص من الأنطباعية فلن نحقق أى نجاخ فى أى مجال،،،،
ومعا حتى يصبخ السودان أولا
أحوالبنات