Post: #1
Title: يا بكرى الحقنا وانجدنا
Author: bayan
Date: 03-27-2004, 06:33 PM
Parent: #0
لا استطيع دخول سودانيزاون لاين
من يوم الثلاثاء الفات
والان صرت اشهر زول فى جنوب شرق اسيا
مع ناس شركة الانترنت البقو يسمعو صوتى ينادونى بالاسم
ويسالونى كيف ممكن يساعدونى
بعد بحث وتقصى قيل لى انك غيرتا السيتنق للموقع
وان الموقع به كثير من الحركة والسيرفر لا تحتمل
وعليه نتمنى ان تجد مضيف احسن والا حتفقدنى
وما بتلقى زول ذى يناقر الناس ويكرهم
وانا رسلتا ليك المراسيل عشان تسلفنى عشرين دولار برضو
لانه ما ممكن ارسل ليك 20 دولار وادفع خمسين عشان ارسلهم
اها كان ما حولتها لسيرفر احسن
العفو والعافية يا ناس البورد
واتمنى ليكم حياة سعيدة
و سافتقدكم بشدة
الى ان تتحسن الاوضاع ونشوفكم
ويا ناس ابادماك استمرو فى الابداع
ويا دكتور عبدالله كراعك ما حارة
|
Post: #2
Title: Re: يا بكرى الحقنا وانجدنا
Author: sympatico
Date: 03-27-2004, 06:39 PM
Parent: #1
والله يادكتورة بيان حالتك صعبة
نحن برضو كانت عندنا المشكلة نفسها قبل يومين لكن انتهت
قلوبنا معاك
وان شاء الله تتحل المشكلة سريع
|
Post: #3
Title: Re: يا بكرى الحقنا وانجدنا
Author: صديق الموج
Date: 03-27-2004, 07:12 PM
Parent: #1
هسع يا دكتوره دى استغاثه والا (بيــــــــــــــان)
وبعدين ده بنك مصرفى والابنك بكره العشرين فيه بى خمسين ده
ونيابة عن جماعة التكفير والهجره اذا حولت مبلغ مثل هذا
بهذه الطريقه يعد ربا وهو فاحشة بينه،واذا كان بكرى محتاج ليه
فيأخذه مع الكراهة. اما اذا خالط هذا المال الباندوث ومصاريفه
فعلى الماستجر السلام.
|
Post: #4
Title: Re: يا بكرى الحقنا وانجدنا
Author: Elnasri Amin
Date: 03-27-2004, 08:12 PM
Parent: #1
سلام يا دكتوره
كدى لحظه واحده
عندى شوية اسئله و ممكن اقدر اساعدك.
اولا هل هذه المشكله فى الكمبيوتر بتاعك بس ولا فى كل الكمبيوترات الحولك؟
اى نوع من ( Winfows (98 or XP عندك ؟
اى كمبيوتر استعملتى لكتابة هذا البوست؟
هل قمت باى تغيير فى الكمبيوتر؟
If you have Windows XP ,I will be more than happy to help you through Remote Assistance, a feature built into Windows XP
I Don’t think the Internet provider is right by saying its Bakri fault by changing the settings.
النصرى
|
Post: #5
Title: Re: يا بكرى الحقنا وانجدنا
Author: ABUHUSSEIN
Date: 03-28-2004, 00:25 AM
Parent: #1
Quote: لا استطيع دخول سودانيزاون لاين
من يوم الثلاثاء الفات |
إنـشـاءالله دائما
Quote: والان صرت اشهر زول فى جنوب شرق اسيا
|
ميغاواتي سوكارنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Quote: وعليه نتمنى ان تجد مضيف احسن والا حتفقدنى
وما بتلقى زول ذى يناقر الناس ويكرهم
|
واثـقـة من نفسك شدييييييد ؟؟؟؟؟؟؟ و لا في واحــد ضـحـك عليك ؟؟؟؟؟؟؟
Quote: وانا رسلتا ليك المراسيل عشان تسلفنى عشرين دولار برضو
لانه ما ممكن ارسل ليك 20 دولار وادفع خمسين عشان ارسلهم |
خلينا شحدة الطايوووووق بقينا في شحدة العشرين دولار!!!!!!!!!!!! عجبي
|
Post: #6
Title: Re: يا بكرى الحقنا وانجدنا
Author: أبوالريش
Date: 03-28-2004, 01:57 AM
Parent: #5
الأخت بيان،
مسـاهماتك فى البـورد مقـدرة جـدا، وبـدونهـا البـورد يكون ناقص واحـد من أهـم مكوناتـه.. ما زلت أكرر قـراءة هـذه القطـع الأدبيـة الراقيـة التى تتحفين بهـا البورد من وقت لأخــر..
الرجـاء الصبــر على الباندودث حتى يعـود إلى طبيعتـه.
|
Post: #7
Title: Re: يا بكرى الحقنا وانجدنا
Author: Bashasha
Date: 03-28-2004, 08:22 AM
Parent: #1
خليكي حربية شوية يادكتورة او كاتلي او لا تيأسي او تستسلمي.
|
Post: #8
Title: Re: يا بكرى الحقنا وانجدنا
Author: Saifeldin Gibreel
Date: 03-28-2004, 09:05 AM
Parent: #7
يا دكتورة بيان أحتمال دة يكون عمل أرهابي يعني هكر ولأ فايروز دخل الكمبيوتر بتاعك ولو بقت على العشرين دولأر هينا أعتبريها محلولة
|
Post: #9
Title: Re: يا بكرى الحقنا وانجدنا
Author: nazar hussien
Date: 03-28-2004, 09:25 AM
Parent: #8
Quote: وبعدين ده بنك مصرفى والا بنك بكره العشرين فيه بى خمسين ده
|
لووووووووووووووووووووووووووووووووووووووووووووووووووووووول
دي بالغت فيها يا صديق الموج....
صحّي يا راجل....
|
Post: #10
Title: بكرى تتبارك
Author: bayan
Date: 03-28-2004, 08:21 PM
Parent: #9
اسع بعد المحاولة 100000
استطعت ان ادخل
بعد 10000 مكالمة
لناس الشركة
آخر حوار دار بينى وبينهم
الو...
اوه بيان كبف ممكن نساعدك
انا: عايزة اعرف انت موظف ولا صوت مسجل
هو: كيف انا زول عديل كدا
هى: طيب ليه بتقول نفس الكلام كلمة كلمة ذى 100000 واحد الانا اتكلمتا معاه
هو:همممممممممممممم(محرج وما عارف يقول شنو)
انا: اسمع هنا اوع تقولى خلينى اساعدك تعملى دايلار جديدة لانه التراش كان فيها 10000000000000 دايلار جديدة
هو: اسقط فى يده
انا: اسمع ممكن اتكلم مع البوس الكبير والكاهن الاعظم
هو:متهللا بالتاكيد يا مدام(ولسان حاله يقول الله خارجنا)
انا: اوعى تختنى اون هولد سامع
هو:مفزوعا : لازم احولك وما عارف لوبيكون البوس فاضى ولا لا
انا: شوف انت تضرب للبوس وتخليه يضرب لى والا اشتكيت لناس الجريدة
وخليت الناس عرفو انكم بتشيلو قروش الناس وما تقدمو اى خدمات فى المقابل
هو: اوكى لاه(لاه مفردة ماليزية دلالة على تاكيد الاوكى وتغليظه)
خمسة دقائق ضرب من ادعى انه بوس وقال خلاص حيشوفو الموضوع دا وحدى معاهم الخميس ومعليش امسحيها لينا فى وشنا..
اها اسع قدرتا اخش بحمدالله
وما عارفة هل صدفة ولاطوالى
ويا ناس البورد جاكم بلا
شكرا لكل من شارك فى هذا البوست مكاويا او مواسيا
واخص جبريل الذى سيشحدنى عشرين دولار لعمل مكتبة لى شكرا ومرحب
بيك.. وعشان العشرين دولار ديل.. خلاص ممكن تجيب اى قصيدة نثر
انا بشكرها ليك ولو شاكلتنى تلاتة مرات بخليها تعدى
لكن المرة الرابعة دى الا تدفع لى 100 دولار والا العكاز اون لاي بيصلك
سأتغيب 20 يوما لكتابة مذكراتى وانامقفولة برة
وابيعها ب 1000000 دولار
|
Post: #11
Title: Re: بكرى تتبارك
Author: بكرى ابوبكر
Date: 03-29-2004, 06:13 AM
Parent: #10
يا دكتورة اقول ليك شنو الدنيا كلها بقت بتقرا سودانيزاونلاين ...وسودانيزاونلاين بمولها عامل بسيط مقيم ببلاد اليانكى ....عادا قولى لى اسوى شنو فى الناس بهدر لى فى الباندوث فى قضايا انصرافية ...الخ ...اصبرى الحل قريب حا اضيف سيرفا اخر لتغطية الازياد الكبير فى عدد زوارنا فى الفترة الاخيرة
واشكرك لاهتمامك لدعم الموقع و تحياتى للاستاذ ابراهيم و الوليدات
|
Post: #12
Title: Re: بكرى تتبارك
Author: Hussein Mallasi
Date: 03-29-2004, 06:21 AM
Parent: #11
| Quote: عادا قولى لى اسوى شنو فى الناس بهدر لى فى الباندوث فى قضايا انضرافية |
قضايا انضرافية يا خال و لا الناس البتنزل للنكتة الواحدة بوست منفصل و كل نكتة ببوست
|
Post: #13
Title: Re: بكرى تتبارك
Author: bayan
Date: 03-29-2004, 04:48 PM
Parent: #12
الاخ العزيز بكرى شكرا ليك
على الاهتمام
تحياتى للدكتورة والعيال
تقبل تحيات ناس هنا
وربنا يزيد فضلك
|
|